ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 09/09/2019 ເວລາ 13:34


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 02/09/2019 ເວລາ 11:05

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໂທບໍ່ເສຍຄ່າໃນໂມງການ)

ຜູ້ອຳນວຍການ ອປສ ເຂົ້າຮ່ວມກອງປະຊຸມສະພາບໍລິຫານສະມາຄົມປະກັນສັງຄົມອາຊຽນ ທີ່ ປະເທດອິນໂດເນເຊຍ.

ທ່ານ ປະເດີມພອນ ສົນທະນີ ຜູ້ອຳນວຍການ ອປສ ພ້ອມຄະນະ ຜູ້ອຳນວຍການ ອປສ ໄດ້ເຂົ້າຮ່ວມກອງປະຊຸມສະພາບໍລິຫານສະມາຄົມມປະກັນສັງຄົມອາຊຽນ ທີ່ ເກາະບາຫຼີ, ປະເທດ ອິນໂດເນເຊຍ ລະຫວ່າງ ວັນທີ 24-28 ກັນຍາ 2012, ຈຸດປະສົງຂອງການຈັດກອງປະຊຸມ ໃນຄັ້ງນີ້ ແມ່ນດຳເນີນຕາມວາລະການເຄື່ອນໄຫວຂອງ ສະມາຄົມປະກັນສັງຄົມອາຊຽນ ຊຶ່ງ ອປສ ໄດ້ຖືກຮັບຮອງເຂົ້າເປັນສະມາຊິກຂອງສະມາຄົມດັ່ງກ່າວແຕ່ປີ 2003ເປັນຕົ້ນມາ. ຈຸດປະສົງຫຼັກໆ ຂອງກອງປະຊຸມກໍເພື່ອປຶກສາຫາລື ແລະ ແລກປ່ຽນ-ຖອດຖອນບົດຮຽນທີ່ດີເດັ່ນ ກ່ຽວກັບວຽກ ງານປະກັນສັງຄົມຈາກ 6 ອົງການສະມາຊິກ. ພ້ອມກັນນີ້, ກອງປະຊຸມກໍໄດ້ເຊື້ອເຊີນນັກບັນຍາຍ ຈຳນວນ 5 ທ່ານ ທີ່ມາຈາກ:

 

1. ກະຊວງສາທາລະນະສຸກ, ປະເທດອິນໂດເນເຊຍ. ຫົວຂໍ້ "ການປັບປຸງລະບົບປະກັນສັງຄົມ ເພື່ອໃຫ້ບັນລຸການປະກັນສຸຂະພາບທົ່ວໜ້າ".

2. ສະມາຄົມປະກັນສັງຄົມສາກົນ. ຫົວຂໍ້ "ອານາຄົດຂອງປະກັນສັງຄົມ ກ່ຽວກັບ ການຄຸ້ມຄອງບໍລິຫານ ແລະ ການດຳເນີນຢ່າງມີປະສິດທິພາບ ແລະ ປະສິດທິຜົນ".

3. ກອງທຶນຊົດເຊີຍ ແລະ ສະຫວັດດີການສຳລັບຜູ້ອອກແຮງງານ ແຫ່ງ ສ. ເກົາຫຼີ. ຫົວຂໍ້ "ການຂະຫຍາຍຂອບການຄຸ້ມຄອງຜູ້ອອກ ແຮງງານ ທີ່ຍັງບໍໄດ້ຮັບການປົກປ້ອງ ແລະ ມາດຕະການການເກັບເງິນສົມທົບກັບຜູ້ອອກແຮງງານທີ່ປະກັນສັງຄົມຍັງບໍ່ທັນເຂົ້າເຖິງ".

4. ຫ້ອງການອົງການແຮງງານສາກົນອາຊີປາຊີຟິກ. ຫົວຂໍ້ "ການເຊື່ອມໂຍງການປົກປ້ອງທາງສັງຄົມກັບການສົ່ງເສີມ ເພື່ອໃຫ້ບັນລຸການ ປົກປ້ອງທາງສັງຄົມ".

5. ການຕະຫຼາດ ອິນໂດເນເຊຍ. ຫົວຂໍ້ "ການຕະຫຼາດໃນອົງການປະກັນສັງຄົມ".

ນອກຈາກນັ້ນ, ກອງປະຊຸມຍັງໄດ້ນຳເອົາບັນຫາຕ່າງໆທີ່ພົບພໍ້ໃນການຈັດຕັ້ງວຽກງານປະກັນສັງຄົມ ໃນປະເທດຂອງຕົນມາແລກປ່ຽນສົນທະນາ ກັນ ແລະ ແຈ້ງໃຫ້ທີ່ປະຊຸມຮັບຮອງ, ສຳລັບຫົວຂໍ້ທີ່ກ່ຽວກັບອົງການປະກັນສັງຄົມຂອງລາວ ແມ່ນ:

- ຮັບຮອງຕຳແໜ່ງຮອງປະທານສະພາບໍລິຫານສະມາຄົມປະກັນສັງຄົມອາຊຽນຄົນໃໝ່ ໂດຍແມ່ນ ທ່ານ ປະເດີມພອນ ສົນທະນີ ຜູ້ອຳນວຍ ການ ອປສ ຈາກປະເທດລາວ.

- ກອງປະຊຸມສະພາບໍລິຫານສະມາຄົມປະກັນສັງຄົມອາຊຽນ ຄັ້ງທີ 30 ແມ່ນຈະໄດ້ຈັດຂຶ້ນຢູ່ທີ່ປະເທດລາວ ໃນປີ 2013, ສ່ວນເວລາ ແລະ ສະຖານທີ່ປະເທດເຈົ້າພາບຈະແຈ້ງໃຫ້ຊາບຕາມຫຼັງ.

ສຳລັບການເຂົ້າຮ່ວມກອງປະຊຸມໃນຄັ້ງນີ້ ຖືວ່າເປັນບົດຮຽນອັນລ້ຳຄ່າ ຕໍ່ລະບົບປະກັນສັງຄົມຂອງລາວເຮົາ ກໍຄືບັນດາປະເທດສະມາຊິກທຸກໆ ອົງການທີ່ເຂົ້າຮ່ວມ ເພື່ອຖອດຖອນບົດຮຽນຈາກບັນດາສະມາຊິດດ້ວຍກັນ. ສຳລັບ ອປສ ຄວນຖອດຖອນບົດຮຽນ ດັ່ງນີ້:

1. ອປສ ຄວນໝູນໃຊ້ບັນດາບົດຮຽນອັນດີເລີດເຫຼົ່ານັ້ນ ເຂົ້າໃນວຽກງານຂອງຕົນຢ່າງປະດິດສ້າງ ເປັນຕົ້ນແມ່ນການນຳສະເໜີບົດຮຽນໃນການ ໃຊ້ບໍລິການ Online ຂອງສະມາຊິກປະກັນສັງຄົມ ຈາກກອງທຶນພັດທະນາເຊິ່ງກັນແລະກັນຂອງຊາວບ້ານ, ປະເທດຟີລິປິ່ນ ແລະ ຜົນສຳເລັດ ຂອງການປະກັນສຸຂະພາບທົ່ວນ້າກັບສິດຜົນປະໂຫຍດຂອງ ICT ຈາກປະກັນສຸຂະພາບແຫ່ງຊາດ ເພື່ອສ້າງທຸກເງື່ອນໄຂທີ່ອຳນວຍຄວາມ ສະດວກ ໃຫ້ແກ່ລູກຄ້າກໍຄືບັນດາວິສາຫະກິດທີ່ເປັນສະມາຊິກ ແລະ ວິສາຫະກິດເປົ້າໝາຍ.

2. ອປສ ຄວນຖອດຖອນບົດຮຽນຈາກສາກົນ ກໍຄືອົງການສະມາຊິກສະມາຄົມປະກັນສັງຄົມອາຊຽນ ເພື່ອປັບປຸງ ແລະ ນຳໃຊ້ລະບົບການ ຈັດສັນຕຳແຫຼ່ງງານໃຫ້ເໝາະສົມກັບວິຊາສະເພາະທີ່ຮຽນຈົບມາ ແລະ ໃຫ້ສາມາດວາງແຜນໄດ້ເຖິງຄວາມຕ້ອງການຂອງແຕ່ລະຕຳແນ່ງງານ ບໍ່ວ່າສຳນັກງານໃຫຍ່ ກໍຄືຫ້ອງການສາຂາ ຄືດັ່ງບົດຮຽນຂອງປະກັນສັງຄົມ ສ.ສ ຫວຽດນາມ ທີ່ໄດ້ນຳສະເໜີ ກ່ຽວກັບ "ນິຍາມຕຳແໜ່ງງານ ແລະ ໂຄງຮ່າງການຈັດຕັ້ງ ໂດຍລະດັບຊັ້ນ-ຂັ້ນເງິນເດືອນຂອງພະນັກງານ".

3. ການເຂົ້າເປັນສະມາຊິກສະມາຄົມປະກັນສັງຄົມອາຊຽນ ເປັນການເປີດໂອກາດໃຫ້ ອປສ ຂອງລາວເຮົາ ໄດ້ນຳສະເໜີບົດຮຽນຂອງຕົນ ຕໍ່ບັນດາອົງການສະມາຊິກ ທັງເປັນການຍົກສູງຖານະບົດບາດຂອງວຽກງານປະກັນສັງຄົມໃນລາວ ຕໍ່ເວທີພາກພື້ນ ກໍຄືສາກົນ. ພ້ອມດຽວກັນ ນັ້ນ, ກອງປະຊຸມດັ່ງກ່າວ ຍັງຖືເປັນບ່ອນທີ່ ອປສ ສາມາດຖອດຖອນອົາບົດຮຽນອັນດີເລີດຕ່າງໆກ່ຽວກັບການປະກັນສັງຄົມ ເພື່ອມາໝູນໃຊ້ເຂົ້າ ໃນການຈັດຕັ້ງວຽກງານປະກັນສັງຄົມໃນລາວໄດ້ເປັນຢ່າງດີ.

div#mb_center,div#mb_bottom{ z - index: 9999; } div#mb_overlay{ z - index: 9999; }