ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 09/09/2019 ເວລາ 13:34


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 02/09/2019 ເວລາ 11:05

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໂທບໍ່ເສຍຄ່າໃນໂມງການ)

ກອງປະຊຸມເຜີຍແຜ່ປື້ມລາຍງານ 10 ປີ ຂອງອົງການປະກັນສັງຄົມ

ວັນທີ 31 ພຶດສະພາ 2012 ອົງການປະກັນສັງຄົມ​ (ອປສ) ໄດ້ຈັດກອງປະຊຸມເຜີຍແຜ່ປຶ້ມ ລາຍງານ 10 ປີຂຶ້ນ ທີ່ຫ້ອງປະຊຸມສູນຮ່ວມມືສາກົນ ແລະ ການຝຶກອົບຮົມ (ICTC) ພາຍໃຕ້ ການເປັນປະທານຂອງ ທ່ານ ສີມູນ ອຸ່ນລາສີ ຮອງປະທານສູນກາງ ສະຫະພັນກຳມະ ບານລາວ ທັງເປັນຮອງປະທານສະພາບໍລິຫານ ອປສ ເຊິ່ງໃນກອງປະຊຸມຄັ້ງນີ້ແມ່ນມີ ຜູ້ເຂົ້າຮ່ວມຈາກຫຼາຍພາກສ່ວນ ເຊັ່ນ ບັນດາອົງການຈັດຕັ້ງພາກລັດທີ່ກ່ຽວຂ້ອງ, ບັນດາວິສາ ຫະກິດທີ່ເປັນສະມາຊິກປະກັນສັງຄົມ, ວິສາຫະກິດເປົ້າໝາຍ, ໂຮງໝໍຄູ່ສັນຍາ ແລະ ບັນດາສື່ ມວນຊົນ ເຂົ້າຮ່ວມປະມານ 400 ກວ່າຄົນ.

ກອງປະຊຸມຄັ້ງນີ້ແມ່ນເພື່ອ ເຜີຍແຜ່ປຶ້ມລາຍງານ 10 ປີ ອປສ ໃຫ້ສັງຄົມໄດ້ຮັບຮູ້ ແລະ ເຂົ້າໃຈ ໂດຍສະເພາະກໍແມ່ນ ສະມາຊິກປະກັນ ສັງຄົມ. ອປສ ໄດ້ຈັດກອງປະຊຸມເຜີຍແຜ່ປຶ້ມລາຍງານປະຈຳປີຂຶ້ນທຸກໆ 2 ປີ ແຕ່ສຳລັບສົກປີ 2009-2010 ອປສ ໄດ້ສັງລວມເປັນປຶ້ມ ລາຍງານ 10 ປີ ເນື່ອງຈາກວ່າ ປີ 2010 ເປັນປີສ້າງຕັ້ງ ອປສ ຄົບຮອບ 10 ປີ, ດັ່ງນັ້ນ, ອປສ ຈຶ່ງໄດ້ຖືໂອກາດນີ້ ລາຍງານກ່ຽວກັບ ການຈັດຕັ້ງວຽກງານ ປະກັນສັງຄົມ ສຳລັບພາກວິສາຫະກິດ ໃນໄລຍະ 10 ປີທີ່ຜ່ານມາ ຜ່ານປຶ້ມລາຍງານ 10 ປີ, ເຊິ່ງການຈັດກອງປະຊຸມ ຄັ້ງນີ້ ເປັນກິດຈະກຳທີ່ ອປສ ໄດ້ດຳເນີນມາຢ່າງຕໍ່ເນື່ອງ ໃນການສະເຫຼີມສະຫຼອງການສ້າງຕັ້ງ ອປສ ຄົບຮອບ 10 ປີ ທີ່ໄດ້ຈັດຂຶ້ນ ໃນໄລຍະຜ່ານມາ ເຊັ່ນ ກິດຈະກຳຍ່າງເພື່ອສຸຂະພາບ ທີ່ສວນປະຕູໄຊ ໃນວັນທີ 28 ພຶດສະພາ 2011, ການໄປແລກປ່ຽນບົດຮຽນ ກ່ຽວກັບ ວຽກງານປະກັນສັງຄົມ ກັບ ປະກັນສັງຄົມຫວຽດນາມ ທີ່ ສ.ສ ຫວຽດນາມ ໃນລະຫວ່າງວັນທີ 30/6-3/7/2011 ຈົນມາຮອດການຈັດ ກອງປະຊຸມເຜີຍແຜ່ ປຶ້ມລາຍງານ 10 ປີ ໃນວັນທີ 31/5/2012.

ຈຸດປະສົງຫຼັກ ແລະ ເນື້ອແທ້ຂອງກອງປະຊຸມຄັ້ງນີ້ ແມ່ນເພື່ອເຜີຍແຜ່ກ່ຽວກັບວຽກງານປະກັນສັງຄົມໃຫ້ພາກສ່ວນຕ່າງໆ ທີ່ເຂົ້າຮ່ວມ ໃຫ້ໄດ້ຮັບຮູ້ ແລະ ເຂົ້າໃຈ ຕໍ່ກັບວຽກງານປະກັນສັງຄົມ ສຳລັບ ພາກວິສາຫະກິດຫຼາຍຂຶ້ນເວົ້າລວມ, ເວົ້າສະເພາະ ກໍເພື່ອເປັນການສ້າງ ຄວາມເຂົ້າໃຈໃຫ້ກັບສະມາຊິກກຸ່ມເປົ້າໝາຍຂອງປະກັນສັງຄົມ ທີ່ຍັງບໍ່ທັນໄດ້ເຂົ້າເປັນສະມາຊິກ ໃຫ້ເຂົາເຈົ້າມີສ່ວນຮ່ວມ ແລະ ເປັນເຈົ້າການ ໃນການເຂົ້າຮ່ວມ ລະບອບປະກັນສັງຄົມ ເພື່ອເປັນການປົກປ້ອງສິດຜົນປະໂຫຍດ ໃຫ້ແກ່ບັນດາອ້າຍນ້ອງກຳມະກອນ ທີ່ເຮັດວຽກຢູ່ຕາມ ຫົວໜ່ວຍ ວິສາຫະກິດແຫ່ງຕ່າງໆ, ພາຍຫຼັງທ່ານປະທານ ກ່າວໄຂພິທີຢ່າງເປັນທາງການແລ້ວ ທ່ານ ຄຳພວງ ອິນທະແສງ ຜູ້ອຳນວຍການ ອປສ ໄດ້ລາຍງາຍບົດສະຫຼຸບຫຍໍ້ ກ່ຽວກັບ ການຈັດຕັ້ງປະຕິບັດ ວຽກງານປະກັນສັງຄົມໃນໄລຍະ 10 ປີ ຜ່ານມາ, ຫຼັງຈາກນັ້ນ ກໍໄດ້ມີການ ປະກອບຄຳຄິດຄຳເຫັນຈາກ ຕາງໜ້າຜູ້ໃຊ້ແຮງງານ ໂດຍ ທ່ານ ອ່ອນສີ ບຸດສີວົງສັກ ປະທານທີ່ປຶກສາ ຄະນະບໍລິຫານງານ ສະພາການຄ້າ ແລະ ອຸດສາຫະກຳແຫ່ງຊາດລາວ, ຮອງປະທານສະພາບໍລິຫານ ອປສ, ຕາງໜ້າຜູ້ອອກແຮງງານປະກອບຄຳເຫັນ ໂດຍ ທ່ານ ສີມູນ ອຸ່ນລາສີ ຮອງປະທານສູນກາງ ສະຫະພັນກຳມະບານລາວ ທັງເປັນຮອງປະທານສະພາບໍລິຫານ ອປສ ແລະ ຕາງໜ້າໂຮງໝໍຄູ່ສັນຍາ ປະກອບຄຳເຫັນ ໂດຍ ທ່ານ ສຈ. ດຣ ຄຳເປ ພົງສະຫວັດ ຜູ້ອຳນວຍການ ໂຮງໝໍເຊດຖາທິຣາດ, ເຊິ່ງທັງໝົດຂອງການປະກອບຄຳເຫັນ ເຫຼົ່ານັ້ນ ແມ່ນເພື່ອເປັນການປະກອບສ່ວນເຮັດໃຫ້ ການຈັດຕັ້ງປະຕິບັດວຽກງານປະກັນສັງຄົມ ສຳລັບພາກວິສາຫະກິດ ໃຫ້ມີການພັດທະນາ ຂຶ້ນເປັນກ້າວໆ.

div#mb_center,div#mb_bottom{ z - index: 9999; } div#mb_overlay{ z - index: 9999; }