ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 09/09/2019 ເວລາ 13:34


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 02/09/2019 ເວລາ 11:05

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໂທບໍ່ເສຍຄ່າໃນໂມງການ)

ຜູ້ອຳນວຍການ ອົງການປະກັນສັງຄົມພາກວິສາຫະກິດ ເນື່ອງໃນໂອກາດ ຊົມເຊີຍຜົນງານຄົບຮອບ 10 ປີຂອງ ອປສ.

ອົງການ​ປະກັນ​ສັງຄົມ ພາກວິສາຫະກິດ (ອປສ) ​ໄດ້​ຮັບ​ການ​ສ້າງຕັ້ງຂຶ້ນ ​ໃນ​ປີ 2001ບົນ​ພື້ນຖານ​ດຳລັດ​ ຂອງ​ນາຍົກລັດຖະມົນຕີ ສະບັບ​ເລກທີ 207/ນຍ ລົງ​ວັນ​ທີ 23 ທັນວາ1999, ເປັນ​ອົງການ​ຂອງ​ລັດ ຊຶ່ງ​ຢູ່​ພາຍ​ໃຕ້​ການ​ຊີ້ນຳ​ຂອງ​ ລັດຖະມົນຕີ​ວ່າການກະຊວງແຮງ​ງານ ແລະ ສະຫວັດດີ​ການ​ສັງຄົມ, ມີ​ຄວາມ​ຮັບຜິດ ຕອບ​ໃນການ​ສະໜອງ​ສິດຜົນປະ​ໂຫຍ​ດ ທາງ​ດ້ານ​ສະຫວັດດີ​ການ​ສັງຄົມ ໃຫ້ແກ່ຜູ້​ອອກ​ແຮງ​ງານ​ໃນ​ພາກ​ວິສາ​ຫະກິດ.

ການ​ສ້າງ​ລະບົບປະກັນ​ສັງຄົມ​ແມ່ນເພື່ອແກ້ໄຂ ບັນ​ຫາ​ຄວາມ​ສ່ຽງຕ່າງໆ ທີ່ຕິດພັນກັບ ການເກີດ-ແກ່-​ເຈັບ-​ຕາຍ ເປັນການປະກອບສ່ວນເຂົ້າໃນພາລະກິດ ຫຼຸດຜ່ອນຄວາມ ທຸກຍາກຂອງພົນລະເມືອງ, ສົ່ງເສີມແນວ​ທາງການຫັນ​ປະ​ເທດເປັນອຸດສາຫະກຳ​​ ແລະ ທັນ​ສະ​ໄໝ, ເປັນການສ້າງ​ປະ​ຖົມປັດ​ໄຈ ໃນ​ການ​ສ້າງ​ປະ​ເທດ​ໃຫ້ຫຼຸດ​ພົ້ນ​ອອກ​ຈາກ​ສະ​ພາບດ້ອຍ​ພັດທະນາ​ເທື່ອ​ລະ​ກ້າວ. ລະບົບປະກັນສັງຄົມ ແມ່ນອົງປະກອບໜຶ່ງ ຂອງການປົກປ້ອງ ທາງສັງຄົມ ຊຶ່ງມີຜົນບວກທາງດ້ານເສດຖະກິດ ຄື: ຍົກຜະຫຼິດຕະພາບຂອງງານສູງຂຶ້ນ, ຊຸກຍູ້​ໃຫ້​ກຳລັງແຮງ​ງານ​ກັບ​ເຂົ້າ​ສູ່​ສ້າງຄັງປະຢັດ ຕະຫຼາດ​ແຮງ​ງານ, ​ເປັນ​ການສົ່ງເສີມການລົງທຶນ, ສ້າງຄັງປະຢັດ ແຫ່ງຊາດ, ຊຸກຍູ້ຮອບໝູນເງິນຕາ ແລະ ການບໍລິໂພກພາຍ​ໃນໂດຍທົ່ວໄປ​ແລ້ວ​ກໍແມ່ນ ການສົ່ງເສີມຄວາມໝັ້ນຄົງທາງສັງຄົມ. ຕະຫຼອດ​ໄລຍະການຈັດຕັ້ງປະຕິບັດວຽກງານ​ ປະກັນ​ສັງຄົມພາກ​ວິ​ສາ​ຫະກິດ​ມາ​ໄດ້ 10ປີອົງການ​ປະກັນ​ສັງຄົມກໍ​ໄດ້​ຮັບ​ການ​ ພັດທະນາ​ຢ່າງ​ຕໍ່​ເນື່ອງ ​ແລະ ມີ​ທ່າ​ຂະຫຍາຍຕົວ, ມີ​ລະບົບການ​ເງິນ ແລະ ກອງ​ທຶນ​ທີ່ມີ​ຄວາມ​ເຂັ້ມ​ແຂງ, ທັງ​ນີ້ກໍເປັນ​ການປະ​ກອບ​ສ່ວນ​ເຂົ້າ​ໃນ​​ການ ພັດທະນາ​ວຽກ​ງານແຮງ​ງານ ແລະ​ ສະຫວັດດີ​ການ​ສັງຄົມຢູ່ ສປປລາວ ຂອງ​ພວກ​ເຮົາ​ໃຫ້​ມີ​ ຄວາມເຕີບ​ໃຫຍ່​ຂະຫຍາຍຕົວ. ໄປ​ຄຽງ​ຄູ່​ກັບ​ຜົນສຳ​ເລັດ​ດັ່ງກ່າວ, ພວກ​ເຮົາ​ເຫັນ​ວ່າ ການ​ປະຕິບັດ​ຕົວ​ຈິງ​ ກໍຍັງ​ພົບ​ກັບ​ຄວາມ​ຫຍຸ້ງຍາກ ​ແລະ ສິ່ງ​ທ້າ​ທາຍ​ຕ່າງໆ​ໃນ​ຫຼາຍ​ດ້ານ ໂດຍສ​ະ​ເພາະ ອັດ​ຕາ​ການ​ເຂົ້າ​ສູ່​ລະບົບຂອງ​ຜູ້​ອອກ​ແຮງ​ງານ​ທີ່​ນອນ ​ໃນ​ເປົ້າ​ໝາຍ​ການ​ຄຸ້ມ​ຄອງ​ຍັງ​ຕ່ຳ ຊຶ່ງ​ບັນຫານີ້​ແມ່ນພັນທະ ແລະ ໜ້າ​ທີ່ຂອງ​ທຸກ​ພາກສ່ວນ​ທີ່​ກ່ຽວ​ຂ້ອງ ​ທັງ​ພາກ​ລັດ ​ແລະ ​ເອກະ​ຊົນ​ ຈົ່ງ​​ໃຫ້​ ຄວາມ​ຮ່ວມມື ແລະ ພ້ອມ​ກັນ​ແກ້​ໄຂ​ໃຫ້​ດີ​ຂຶ້ນ. ຂ້າພະ​ເຈົ້າ​ຕາງໜ້າ​​ໃຫ້​ແກ່ ອົງການ​ປະກັນ​ສັງຄົມ ພາກວິສາຫະກິດ (ອປສ) ຂໍ​ສະ​ແດງ​ຄວາມ​ຮູ້​ບຸນຄຸນ​ນຳ​ຜູ້ນຳ​ພັກ ​- ລັດ, ອົງການ​ກ່ຽວຂ້ອງ ຕະຫຼອດ​ຮອດ​ຜູ້​ໃຊ້​ແຮງ​ງານ ແລະ ຜູ້​ອອກ​ແຮງ​ງານ ທີ່​ໄດ້​ຮ່ວມ​ແຮງ, ຮ່ວມ​ໃຈ ​ແລະ  ພ້ອມ​ກັນຈັດຕັ້ງປະຕິ​ບັດດຳລັດ ​ປະກັນ​ສັງຄົ​ມ​ໃຫ້​ເກີດມີ​​ຜົນສຳ​ເລັດ ຕະຫຼອດມາ. ຫວັງ​ຢ່າງ​ຍິ່ງ​ວ່າ ທຸກ​ພາກສ່ວນ​ຈະ​ສືບຕໍ່ໃຫ້ການ​ຮ່ວມ​ມື​ ແລະ ພັດທະນາລະບົບປະກັນສັງຄົມ ​ໃຫ້​ມີ​ຄວາມ​ເຂັ້ມ​ແຂງ ​ແລະ​ ຍືນ​ຍົງ​ຕະຫຼອດ​ໄປ.

 

 

 

 

div#mb_center,div#mb_bottom{ z - index: 9999; } div#mb_overlay{ z - index: 9999; }