ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 09/09/2019 ເວລາ 13:34


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 02/09/2019 ເວລາ 11:05

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໂທບໍ່ເສຍຄ່າໃນໂມງການ)

ອປສ ຈັດກິດຈະກຳຍ່າງເພື່ອສຸຂະພາບເນື່ອງໃນໂອກາດຄົບຮອບ 10 ປີ

ເນື່ອງໃນໂອກາດວັນສະເຫຼີມສະຫຼອງຄົບຮອບ 10 ປີຂອງການສ້າງຕັ້ງ ອົງການປະກັນສັງຄົມ ພາກວິສາຫະກິດ (1 ມິຖຸນາ 2001 - 1 ມິຖຸນາ 2011). ໃນຕອນເຊົ້າຂອງ ວັນທີ 28 ພຶດສະ ພາ 2011 ທີ່ຜ່ານມາ ອົງການປະກັນສັງຄົມ (ອປສ) ໄດ້ຈັດກິດຈະກຳຍ່າງ ເພື່ອສຸຂະພາບຂຶ້ນທີ່ ສວນປະຕູໄຊ ໂດຍການເປັນກຽດເຂົ້າຮ່ວມຂອງ ທ່ານ ບຸນຄົງ ຫຼ້າສຸກັນ ລັດຖະມົນຕີຊ່ວຍ ວ່າການກະຊວງແຮງງານ ແລະ ສະຫວັດດີການສັງຄົມ ປະທານສະພາບໍລິຫານ ອົງການປະກັນສັງຄົມ.

ມີບັນດາຜູ້ຕາງໜ້າຈາກກະຊວງຕ່າງໆ ຈາກວິສາຫະກິດທີ່ເປັນສະມາຊິກຂອງ ອປສ ໂຮງໝໍຄູ່ສັນ ຍາ ແລະ ຊາວນະຄອນຫຼວງວຽງຈັນເຂົ້າຮ່ວມ ປະມານ 1000 ກວ່າຄົນ ພິທີໄດ້ເລີ່ມເວລາ 6:00 ໂມງເຊົ້າ ໂດຍ ທ່ານ ຄຳພວງ ອິນທະແສງ ຜູ້ອຳນວຍການ ອປສ ໄດ້ຂຶ້ນກ່າວຈຸດປະສົງ ແລະ ປະຫວັດຄວາມເປັນມາໂດຍຫຍໍ້ຂອງ ອົງການປະກັນສັງຄົມ ຊຶ່ງບາງຕອນທ່ານໄດ້ກ່າວວ່າ:

 

 

ອົງການປະກັນສັງຄົມ ໄດ້ຮັບການສ້າງຕັ້ງຂື້ນຕາມ ດຳລັດນາຍົກລັດຖະມົນຕີສະບັບ ເລກທີ 207/ນຍ ໂດຍພາຍໃຕ້ການຊີ້ນຳນຳພາໂດຍກົງຈາກ ກະຊວງແຮງງານ ແລະ ສະຫວັດດີການສັງຄົມ ແລະ ມີສະພາບໍລິຫານທີ່ຕາງໜ້າຈາກ 3 ຝ່າຍ ເຊັ່ນ: ຜູ້ໃຊ້ແຮງງານ, ຜູ້ອອກແຮງງານ ແລະ ລັດຖະບານເປັນອົງກອນບໍລິຫານສູງສຸດຂອງ ອົງການ. ການສ້າງຕັ້ງລະບົບປະກັນສັງຄົມພາກວິສາຫະກິດ ຈຸດປະສົງກໍ່ແມ່ນສ້າງ ຫຼັກຄ້ຳປະກັນ ໃນຮູບແບບບັງຄັບເພື່ອເຮັດໃຫ້ ການສະໜອງການປະກັນຂັ້ນພຶ້ນຖານ ແກ່ຜູ້ເຮັດວຽກໃນພາກວິສາຫະກິດຢ່າງ ເປັນເອກະພາບ ໂດຍສະເພາະແມ່ນການ ປົກປ້ອງຊ່ວຍເຫຼືອຊາວຜູ້ອອກແຮງງານ ໃນເວລາປະເຊີນກັບບັນຫາຄວາມສ່ຽງທີ່ຕິດ ພັນກັບການ ເກິດ - ແກ່ - ເຈັບ - ຕາຍ ເປັນຕົ້ນແມ່ນຄວາມສ່ຽງທີ່ພາໃຫ້ ເກີດມີການໃຊ້ຈ່າຍເພື່ອດູແລ ແລະ ປິ່ນປົວສຸຂະພາບ, ຄວາມສ່ຽງທີ່ພາໃຫ້ເກີດ ການຂາດລາຍຮັບ ໃນການລ້ຽງຊີບເຊັ່ນ ການພັກວຽກຍ້ອນເຈັບເປັນ, ຫວ່າງງານ, ເກີດລູກລ້ຽງລູກນ້ອຍ, ເສຍອົງຄະ, ກະສຽນບຳນານ, ເສຍຊີວິດ. ການປະກັນ ສັງຄົມໄດ້ປະກອບສ່ວນ ຢ່າງຕັ້ງໜ້າເຂົ້າໃນ ການພັດທະນາເສດຖະກິດ - ສັງຄົມ ເຊິ່ງມັນສະແດງອອກໃນຫຼາຍດ້ານ ເປັນຕົ້ນແມ່ນ ຜູ້ອອກແຮງງານມີຫຼັກຄ້ຳປະກັນ ໃນການດຳລົງຊີວິດ, ມີໂອກາດໃນການພັດທະນາຕົນເອງເພື່ອໃຫ້ໄດ້ຮັບຜົນປະໂຫຍດ ສູງສຸດ ຈາກການອອກແຮງງານ ດ້ານຜູ້ໃຊ້ແຮງງານກໍ່ຈະໄດ້ຮັບຜົນປະໂຫຍດສູງສຸດ ຈາກການດຳເນີນທຸລະກິດ ຍ້ອນມີສະມັດຕະພາບ ແຮງງານສູງເສດຖະກິດໄດ້ຮັບ ການພັດທະນາຢ່າງເປັນລະບົບ ແລະ ຕໍ່ເນື່ອງໄດ້ຮັບນະໂຍບາຍສະໜັບສະໜູນ ຈາກພາກລັດ. ເງິນຂອງກອງທືນປະກັນສັງຄົມ ກໍ່ມີບົດບາດ ເປັນທືນຮອນທີ່ສຳຄັນ ແກ່ສັງຄົມ ສະພາບການດ້ານສັງຄົມກໍ່ຄື ດ້ານການເມືອງ ໃຫ້ມີຄວາມສະຫງົບ ແລະ ສີວິໄລ ເຊິ່ງໃນນີ້ລະບົບປະກັນສັງຄົມກໍ່ແມ່ນ ປັດໃຈໜຶ່ງທີ່ປະກອບສ່ວນເຂົ້າໃນ ພາລະກິດຫຼຸດຜ່ອນຄວາມທຸກຍາກຂອງພົນລະເມືອງ, ສົ່ງເສີມນະໂຍບາຍຫັນເປັນ ປະເທດອຸດສາຫະກຳ ແລະ ທັນສະໄໝ, ເປັນການສ້າງປະຖົມປັດໃຈໃນການ ສ້າງປະເທດ ໃຫ້ຫຼຸດພົ້ນອອກຈາກສະຖານະພາບດ້ອຍພັດທະນາ ເທື່ອລະກ້າວ. ຕະຫຼອດໄລຍະ 10 ປີ ອົງການປະກັນສັງຄົມໄດ້ຈັດຕັ້ງ ແລະ ເຄື່ອນໄຫວຕາມ ພາລະບົດບາດຂອງຕົນ ກໍ່ໄດ້ພັດທະນາລະບົບຂອງຕົນ ໃຫ້ດີຂຶ້ນເປັນກ້າວໆ ມາຮອດ ປະຈຸບັນ ໄດ້ມີວິສາຫະກິດມາຂຶ້ນທະບຽນ ແລະ ຈ່າຍເງິນສົມທົບເຂົ້າກອງທືນປະກັນ ສັງຄົມແລ້ວ ເຈັດຮ້ອຍກວ່າແຫ່ງ, ມີຜູ້ປະກັນຕົນຫຼາຍກວ່າ ຫ້າສິບພັນຄົນ ແລະ ມີຜູ້ທີ່ໄດ້ຮັບ ການຄຸ້ມຄອງໃນການປິ່ນປົວ ຫຼາຍກວ່າແສນຄົນ ນອກນັ້ນ ອປສ ຍັງໄດ້ສະໜອງບັນດາ ອຸດໜູນຕ່າງໆ 8 ປະເພດເຊັ່ນ: ອຸປະຕິເຫດແຮງງານ, ປິ່ນປົວສຸຂະພາບ, ອຸດໜູນເຈັບປ່ວຍ, ອຸດໜູນເກີດລູກ, ອຸດໜູນເສຍຊີວິດ, ອຸດໜູນ ບຳນານ, ອຸດໜູນເສຍອົງຄະ ແລະ ອຸດໜູນຄອບຄົວຜູ້ເສຍຊີວິດ ພິເສດປັດຈຸບັນມີສະ ມາຊິກທີ່ເຄີຍເຮັດວຽກຢູ່ ພາກວິສາຫະກິດແລ້ວ. ອປສ ໄດ້ຂະຫຍາຍ ສາຂາ ໄປແລ້ວ 6 ແຂວງ ແລະ ໄດ້ເຊັນສັນຍາກັບໂຮງໝໍທັງສູນກາງ ແລະ ທ້ອງຖິ່ນ 10 ແຫ່ງ ເພື່ອຮັບບໍລິການກວດ ແລະ ປິ່ນປົວສຸຂະພາບ ຂອງຜູ້ປະກັນຕົນ, ຄູ່ສົມລົດ ແລະ ລູກຂອງເຂົາເຈົ້າ, ເຊິ່ງນັ້ນມັນໄດ້ເປັນການສະແດງໃຫ້ເຫັນຢ່າງ ຈະແຈ້ງວ່າ ອປສ ໄດ້ມີການພັດທະນາວຽກງານ ຢ່າງຕໍ່ເນື່ອງໃນຕະຫຼອດໄລຍະ 10 ປີທີ່ຜ່ານມາ. ນອກນີ້ທ່ານຍັງໄດ້ຮຽກຮ້ອງມາຍັງທຸກພາກສ່ວນທີ່ກ່ຽວຂ້ອງ ຈົ່ງພ້ອມກັນເຂົ້າຮ່ວມພ້ອມ ກັນປັບປຸງລະບົບປະກັນສັງຄົມ ໃຫ້ນັບມື້ນັບເຕີບໃຫຍ່ເຂັ້ມແຂງ ສ້າງໃຫ້ເປັນທີ່ພິ່ງ ທາງດ້ານ ສະຫວັດດີການແກ່ຊາວຜູ້ອອກແຮງງານ ຢ່າງກວ້າງຂວາງ ແລະ ທົ່ວເຖິງ ຈາກນັ້ນ ທ່ານ ບຸນຄົງ ຫຼ້າສຸກັນ ລັດຖະມົນຕີຊ່ວຍວ່າການ ກະຊວງແຮງງານ ແລະ ສະຫວັດດີການສັງຄົມ ປະທານສະພາບໍລິຫານອົງການປະກັນສັງຄົມ ໄດ້ໃຫ້ກຽດ ຂື້ນຕັດແຖບຜ້າ ແລະ ປ່ອຍປຸມເປົ້າຂຶ້ນສູ່ທ້ອງຟ້າ ເພື່ອເປີດພິທີຢ່າງເປັນທາງການ ໂດຍເລີ່ມຂະບວນອອກຈາກສວນປະຕູໄຊ ໄປຕາມຖະໜົນລ້ານຊ້າງຮອດຫໍຄຳແລ້ວ ໂຄ້ງກັບຄືນ ຜູ້ເຂົ້າຮ່ວມພ້ອມກັນຍ່າງຖົກບາດຕີນເປັນຈັງຫວະ ປະສານກັບສຽງຕີກອງ ດຸລິຍາງ ຂອງນ້ອງນ້ອຍເຍົາວະຊົນ ຍາວຢຽດຕາມ ຖະໜົນລ້ານຊ້າງດ້ວຍບັນຍາ ກາດທີ່ເບີກບານມ່ວນຊື່ນ.


div#mb_center,div#mb_bottom{ z - index: 9999; } div#mb_overlay{ z - index: 9999; }