ຊອກຜູ້ເກີດສິດ

ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 30/11/2020 ເວລາ 11:25


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 30/11/2020 ເວລາ 13:35

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ

ພາກລັດຖະກອນ
ແຜ່ນພັບພາກວິສາຫະກິດ
ແຜ່ນພັບພາກສະໝັກໃຈ

ພິທີປະກາດການຈັດຕັ້ງ ແລະ ມອບ-ຮັບຫົວໜ້າອົງການປະກັນສັງຄົມແຫ່ງຊາດ ຄົນໃໝ່.

alt

ອີງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານ ຂອງກະຊວງແຮງງານ ແລະ ສະຫວັດດີການສັງຄົມ ແລະ ອີງຕາມທິດປັບປຸງກົງຈັກການຈັດຕັ້ງຂອງລັດຖະບານເວົ້າລວມ, ກົງຈັກການຈັດຕັ້ງຂອງ

ບັນດາກະຊວງໃຫ້ກະທັດຮັດ ສົມເຫດສົມຜົນ ແລະ ເຄື່ອນໄຫວຢ່າງມີປະສິດທິພາບສູງ ຕາມຄໍາສັ່ງຂອງນາຍົກລັດຖະມົນຕີເລກທີ 03/ນຍ, ລົງວັນທີ 09 ກຸມພາ 2013 ວ່າດ້ວຍການປັບປຸງຄຸນນະພາບການເຄື່ອນໄຫວຂອງກົງຈັກການຈັດຕັ້ງ ແລະ ການບັນຈຸຊັບຊ້ອນລັດຖະກອນ. ບົນຈິດໃຈ, ຄະນະພັກ, ຄະນະນໍາ ກະຊວງ ຮສສ ແລະ ການເຫັນດີຂອງລັດຖະບານໃຫ້ໂຮມກົມປະກັນສັງຄົມ ແລະ ຫ້ອງການກອງທຶນປະກັນສັງຄົມແຫ່ງຊາດ ມາເປັນ ອົງການປະກັນສັງຄົມແຫ່ງຊາດ ຕາມດໍາລັດວ່າດ້ວຍການໂຮມກົມປະກັນສັງຄົມ ແລະ ຫ້ອງການກອງທຶນປະກັນສັງຄົມແຫ່ງຊາດ ສະບັບເລກທີ 303/ນຍ, ລົງວັນທີ 16 ຕຸລາ 2019.

ສະນັ້ນໃນວັນທີ 03 ມິຖຸນາ 2020ນີ້, ຈຶ່ງໄດ້ຈັດພິທີປະກາດການຈັດຕັ້ງ ແລະ ມອບ-ຮັບຫົວໜ້າອົງການປະກັນສັງຄົມແຫ່ງຊາດ ຄົນໃໝ່, ໂດຍການເປັນກຽດເຂົ້າຮ່ວມຂອງ ທ່ານ ປ.ອ ຄໍາແພງ ໄຊສົມແພງ ເລຂາຄະນະພັກກະຊວງ, ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ, ມີບັນດາຮອງລັດຖະມົນຕີ, ຫົວໜ້າກົມ, ພ້ອມດ້ວຍບັນດາສະມະຊິກພັກ-ພະນັກງານກົມກ່ຽວຂ້ອງເຂົ້າຮ່ວມຢ່າງພ້ອມພຽງ.
ໃນພິທີດັ່ງກ່າວ, ສະຫາຍ ຄຳຂານ ພິນສະຫວັນ ຫົວໜ້າກົມຈັດຕັ້ງ-ພະນັກງານ ໄດ້ຂື້ນອ່ານຜ່ານດຳລັດນາຍົກລັດຖະມົນຕີ ວ່າດ້ວຍການໂຮມກົມປະກັນສັງຄົມ ແລະ ຫ້ອງການກອງທຶນປະກັນສັງຄົມແຫ່ງຊາດ ມາເປັນອົງການປະກັນສັງຄົມແຫ່ງຊາດ ມີຖານະເທົ່າກົມສັງກັດໃນໂຄງປະກອບກົງຈັກຂອງກະຊວງແຮງງານ ແລະ ສະຫວັດດີການສັງຄົມ ສະບັບເລກທີ 363/ນຍ, ລົງວັນທີ 16 ຕຸລາ 2019; ດຳລັດຂອງນາຍົກລັດຖະມົນຕີວ່າດ້ວຍການແຕ່ງຕັ້ງຫົວຫນ້າອົງການປະກັນສັງຄົມແຫ່ງຊາດ ແລະ ແຕ່ງຕັ້ງ ທ່ານ ນາງ ແກ້ວ ຈັນທະວີໄຊ ເປັນຫົວຫນ້າ ອົງການປະກັນສັງຄົມແຫ່ງຊາດ ແລະ ໄດ້ຜ່ານຂໍ້ຕົກລົງແຕ່ງຕັ້ງຮອງອົງການປະກັນສັງຄົມແຫ່ງຊາດ ຈຳນວນ 4 ທ່ານ ມີລາຍຊື່ດັ່ງນີ້:
1. ຕົກລົງແຕ່ງຕັ້ງ ທ່ານ ເພັດສະໝອນ ສຸກທະວີພອນ ເປັນຮອງຫົວໜ້າ ອປຊ;
2. ທ່ານ ບຸນຍອດ ຈັນທະວອນ ເປັນຮອງຫົວໜ້າ ອປຊ;
3. ທ່ານ ນາງ ບົວຫອມ ພົມມະຈັນ ເປັນຮອງຫົວໜ້າ ອປຊ;
4. ທ່ານ ນາງ ວັນໄຊ ສຸວັນນະເມທີ ເປັນຮອງຫົວໜ້າ ອປຊ.
ພ້ອມນີ້ຍັງໄດ້ອ່ານຜ່ານຂໍ້ຕົກລົງແຕ່ງຕັ້ງ, ຍົກຍ້າຍ, ຊັບຊ້ອນ ຫົວໜ້າພະແນກ, ຮອງພະແນກ ແລະ ວິຊາການຈຳນວນໜຶ່ງໄປປະຈຳການຕາມຄວາມຮຽກຮ້ອງຕ້ອງການຂອງໜ້າທີ່ວຽກງານຢ່າງເໝາະສົມ.
ໃນໂອກາດເຂົ້າຮວ່ມພິທີໃນຄັ້ງນີ້ ທ່ານ ປ.ອ ຄໍາແພງ ໄຊສົມແພງ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ ອົງການປະກັນສັງຄົມແຫ່ງຊາດ ຍາດມາໄດ້ໃນໄລຍະຜ່ານມາ ແລະ ໄດ້ມີຄຳເຫັນຊີ້ນໍາຕື່ມບາງບັນຫາດັ່ງນີ້:
1. ດ້ານການເມືອງ-ແນວຄິດ: ໃຫ້ເອົາໃຈໃສ່ ແລະ ຖືສໍາຄັນວຽກງານສຶກສາອົບຮົມການເມືອງ ແລະ ນໍາພາແນວຄິດຂອງພະນັກງານອົງການປະກັນສັງຄົມແຫ່ງຊາດໃຫ້ມີຄວາມໜັກແໜ້ນ, ມີຄຸນສົມບັດສິນທໍາປະຕິວັດ, ມີຄວາມຮັບຮູ້ເຂົ້າໃຈຢ່າງຖືກຕ້ອງຕໍ່ແນວທາງນະໂຍບາຍຂອງພັກແລະລັດ, ມີຄວາມເຊື່ອໝັ້ນ, ມີຫຼັກໝັ້ນຈໍາແນກມິດ ແລະ ສັດຕູຢ່າງຈະແຈ້ງ, ອຸ່ນອຽນທຸ່ນທ່ຽງ ແລະ ມີຄວາມຮັບຜິດຊອບສູງຕໍ່ຫນ້າທີ່ວຽກງານທີ່ມອບໝາຍ. ສໍາລັບບັນດາສະຫາຍໃນຄະນະນໍາອົງການປະກັນສັງຄົມແຫ່ງຊາດ ສືບຕໍ່ເພີ່ມທະວີຄວາມສາມັກຄີເປັນເອກະພາບພາຍໃນໃຫ້ເປັນປຶກແຜ່ນແໜ້ນໜາ ເພາະຄວາມສາມັກຄີເປັນເອກະພາບກັນເທົ່ານັ້ນ ຈື່ງເຮັດໃຫ້ບັນດາສະຫາຍມີກໍາລັງແຮງ ແລະ ສາມາດເຮັດສໍາເລັດໜ້າທີ່ວຽກງານໄດ້, ຊຶ່ງກ່ອນອື່ນໝົດແມ່ນ ຄວາມສາມັກຄີພາຍໃນຄະນະນໍາອົງການປະກັນສັງຄົມ ແຫ່ງຊາດ ເພື່ອເປັນຫຼັກແຫຼ່ງເປັນໃຈກາງແຫ່ງການເຕົ້າໂຮມຄວາມສາມັກຄີຂອງທົ່ວອົງການປະກັນສັງຄົມແຫ່ງຊາດ; ຜູ້ທີ່ເປັນຫຼັກແຫຼ່ງໃນຄະນະນໍາຂອງອົງການປະກັນສັງຄົມແຫ່ງຊາດ ແມ່ນ ສະຫາຍຫົວຫນ້າອົງການນັ້ນເອງ ຢາກເຮັດໄດ້ແນວນັ້ນ ບໍ່ມີທາງເລືອກອື່ນໃດ ນອກຈາກພ້ອມກັນປະຕິບັດຫຼັກການຕໍານິຕິຊົມຕົນເອງແລະຕໍານິຕິຊົມເຊິ່ງກັນແລະກັນ ດ້ວຍຄວາມຈິງໃຈ ບົນພື້ນຖານແນວທາງນະໂຍບາຍ, ລະບຽບຫຼັກການ ເພື່ອພ້ອມກັນເຮັດສໍາເລັດໜ້າທີ່ ແລະ ເພື່ອພ້ອມກັນກ້າວໜ້າ.
2. ການປັບປຸງການຈັດຕັ້ງ: ໃຫ້ເອົາໃຈໃສ່ວຽກງານປັບປຸງ ແລະ ກໍ່ສ້າງການຈັດຕັ້ງພັກ ແລະ ການຈັດຕັ້ງຂອງອົງການປະກັນສັງຄົມແຫ່ງຊາດໃຫ້ນັບມື້ນັບເຕີບໃຫຍ່ ປອດໃສ ເຂັ້ມແຂງ ແລະ ໜັກແໜ້ນຕາມ 5 ເນື້ອໃນເຊັ່ນ: ດ້ານການເມືອງ, ດ້ານແນວຄິດ, ດ້ານການຈັດຕັ້ງ, ດ້ານແບບແຜນນໍາພາ-ເຮັດວຽກ ແລະ ດ້ານການນໍາພາປະຕິບັດໜ້າທີ່ການເມືອງ, ເຊິ່ງໃນມື້ນີ້ ພວກເຮົາໄດ້ປະກາດການຈັດຕັ້ງຂອງອົງການປະກັນສັງຄົມແຫ່ງຊາດ, ປະກາດການແຕ່ງຕັ້ງຫົວໜ້າ ແລະ ຮອງຫົວໜ້າອົງການປະກັນສັງຄົມແຫ່ງຊາດ, ໄດ້ປະກາດການແຕ່ງຕັ້ງຂັ້ນຄະນະພະແນກຂອງອົງການປະກັນສັງຄົມແຫ່ງຊາດ, ສ່ວນຂັ້ນຂະແໜງ ແມ່ນຈະສືບຕໍ່ຄົ້ນຄ້ວາ, ສ່ວນພະນັກງານແມ່ນສືບຕໍ່ປະຕິບັດໜ້າທີ່ຄືເກົ່າ. ນອກຈາກນັ້ນ, ພວກເຮົາຍັງໄດ້ປະກາດການຍົກຍ້າຍ ແລະ ແຕ່ງຕັ້ງຂັ້ນຄະນະພະແນກ ແລະ ວິຊາການຈໍານວນໜຶ່ງໄປປະຈໍາການຢູ່ກົມອື່ນ ຕາມຄວາມເໝາະສົມ.
3. ດ້ານແບບແຜນນໍາພາ: ໃຫ້ຖືສໍາຄັນ ແລະ ເອົາໃຈໃສ່ ໃນການເຄົາລົບ ແລະ ປະຕິບັດຫຼັກການລວມສູນປະຊາ ທິປະໄຕ, ເຮັດວຽກເປັນໝູ່ຄະນະ ບຸກຄົນຮັບຜິດຊອບຕໍ່ໝູ່ຄະນະ, ຂັ້ນລຸ່ມຂື້ນກັບຂັ້ນເທິງ, ສຽງສ່ວນນ້ອຍປະຕິບັດຕາມມະຕິສຽງສ່ວນຫຼາຍ, ເຮັດວຽກມີແຜນການ, ມີການຊຸກຍູ້ຕິດຕາມ, ກວດກາ, ຕີລາຄາ, ປະເມີນຜົນ, ຖອດຖອນບົດຮຽນ ແລະ ສະຫຼຸບລາຍງານໃຫ້ຂັ້ນເທິງຢ່າງເປັນປົກກະຕິ.
4. ວຽກງານວິຊາສະເພາະ: ຍ້ອນວຽກງານປະກັນສັງຄົມ ເປັນວຽກງານໜຶ່ງທີ່ມີຄວາມສໍາຄັນຕໍ່ຄົນໃນສັງຄົມ, ເປັນຫຼັກຄ້ໍາປະກັນພື້ນຖານດ້ານຄວາມໝັ້ນຄົງຂອງຄົນໃນສັງຄົມ, ສ້າງຄວາມໝັ້ນຄົງໃຫ້ແກ່ລັດປະຊາທິປະໄຕ ປະຊາຊົນ, ສ້າງຄວາມເຂັ້ມແຂງໃຫ້ແກ່ລະບົບການເມືອງຂອງລະບອບປະຊາທິ ປະໄຕປະຊາຊົນ. ຖ້າລະບົບປະກັນສັງຄົມດີ ເຮັດໃຫ້ຄົນໃນສັງຄົມມີຄວາມໝັ້ນໃຈ ມີຄວາມອຸ່ນອຽນທຸ່ນທ່ຽງຕໍ່ການທໍາມາຫາກິນ ແລະ ການດໍາລົງຊີວິດ, ສ້າງໃຫ້ສັງຄົມມີຄວາມເຊື່ອໝັ້ຮ ແລະ ສະໜັບສະໜູນແນວທາງນະໂຍບາຍຂອງພັກ-ລັດ, ມີຄວາມເຊື່ອໝັ້ນຕໍ່ການນໍາພາຂອງພັກ ແລະ ລັດຖະບານ, ເຊື່ອໝັ້ນຕໍ່ລະບອບໃໝ່ ລະບອບປະຊາທິປະໄຕ ປະຊາຊົນ. ດ້ວຍເຫດນັ້ນ, ຕ້ອງໄດ້ເພີ່ມທະວີເອົາໃຈໃສ່ພັດທະນາວຽກງານປະກັນສັງຄົມໃຫ້ມີຄວາມເຂັ້ມແຂງ, ເປີດກ້ວາງລະບອບປະກັນສັງຄົມໃຫ້ກ້ວາງຂວາງ ແນໃສ່ເຮັດໃຫ້ຜູ້ອອກແຮງງານ ແລະ ປະຊາຊົນລາວ ບັນດາເຜົ່າ ສາມາດເຂົ້າເຖິງການບໍລິການປະກັນສັງຄົມໄດ້ຢ່າງກ້ວາງຂວາງ ແລະ ທົ່ວເຖິງ; ເອົາໃຈໃສ່ປັບປຸງລະບົບການອຸດຫນູນປະກັນສັງຄົມປະເພດຕ່າງໆ ໃຫ້ມີຄວາມເຂັ້ມແຂງ, ມີປະສິດທິພາບ ສາມາດສ້າງຄວາມເຂັ້ມແຂງ ແລະ ກຸ້ມຕົນເອງເທື່ອລະກ້າວ; ເພີ່ມທະວີພັດທະນາລະບອບປະກັນສັງຄົມ ເປັນທັນສະໄໝ, ຮັບປະກັນຄວາມວ່ອງໄວ, ໂປ່ງໃສ, ຍຸຕິທໍາ ແລະ ມີຄວາມຍືນຍົງ.


ມາຈາກເຟສ໌ບຸກ: ຂ່າວສານແຮງງານແລະສະຫວັດດີການສັງຄົມ