ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 10/08/2020 ເວລາ 09:15


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 10/08/2020 ເວລາ 13:34

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ

ພາກລັດຖະກອນ
ແຜ່ນພັບພາກວິສາຫະກິດ
ແຜ່ນພັບພາກສະໝັກໃຈ

ກອງປະຊຸມໂຕະມົນກັບຄູ່ຮ່ວມງານສ້າງຄວາມເຂັ້ມແຂງດ້ານການປະກັນສັງຄົມ.

altໃນຕອນເຊົ້າຂອງວັນທີ 05 ມີນາ 2020 ທີ່ ໂຮງແຮມລາວພຼາຊາ ນະຄອນຫຼວງວຽງຈັນ ໄດ້ມີກອງປະຊຸມໂຕະມົນກັບຄູ່ຮ່ວມງານ

ສ້າງຄວາມເຂັ້ມແຂງດ້ານການປະກັນສັງຄົມ ແລະ ການປົກຄຸມຂອງກອງທຶນປະກັນສັງຄົມ ພາຍໃຕ້ການສະໜັບສະໜູນຂອງໂຄງການວີເຊິນເຊໂຣຟັນ (Vision Zero Fund) ຫຼື VZF ຂອງອົງການແຮງງານສາກົນ, ໂດຍການເປັນປະທານຮ່ວມຂອງທ່ານ ປະເດີມພອນ ສົນທະນີ ຮອງລັດຖະມົນຕີ ກະຊວງແຮງງານແລະສະຫວັດດີການສັງຄົມ ແລະ ທ່ານ ນາງ ຄຼິດສະຕີນ້າ ເຄິດສ໌ ທີ່ປຶກສາດ້ານວິຊາການຂອງໂຄງການວີເຊິນເຊໂຣຟັນ ປະຈຳລາວ, ເຂົ້າຮ່ວມມີຜູ້ຕາງໜ້າຈາກ ກະຊວງ ຮສສ, ຕົວແທນຈາກສະຫະພາບເອີຣົບ ຫຼື EU, ຫ້ອງການກອງທຶນປະກັນສັງຄົມແຫ່ງຊາດ, ພະແນກ ຮສສ ແລະ ສູນບໍລິການກອງທຶນປະກັນສັງຄົມແຂວງຈໍາປາສັກ, ຕາງໜ້າຈາກກະຊວງສາທາລະນະສຸກ, ກະຊວງກະສິກຳແລະປ່າໄມ້, ກະຊວງອຸດສະຫະກຳແລະການຄ້າ, ກົມພາສີຂອງກະຊວງການເງິນ, ສະມາຄົມອຸດສະຫະກຳຕັດຫຍິບລາວ, ສະມາຄົມກາເຟລາວ, ສະຫະພັນກຳມະບານລາວ, ອົງການຈັດຕັ້ງທາງສັງຄົມ ແລະ ຕົວແທນຈາກໂຮງງານຕັດຫຍິບຢູ່ນະຄອນຫຼວງວຽງຈັນ.

ຈຸດປະສົງກອງປະຊຸມ ກໍ່ເພື່ອນໍາເອົາບັນດາຄູ່ຮ່ວມງານທີ່ກ່ຽວຂ້ອງທັງພາກລັດ ແລະ ພາກເອກະຊົນ ມາຮ່ວມກັນຄົ້ນຄວ້າຜົນຂອງການສຶກສາ ແລະ ຄໍາແນະນໍາຂອງບົດວິເຄາະກອງທຶນປະກັນສັງຄົມ ພ້ອມປຶກສາຫາລືຊອກຫາວິທີການສ້າງຄວາມເຂັ້ມແຂງໃນການຮ່ວມກັນລະຫວ່າງອົງການຈັດຕັ້ງທີ່ກ່ຽວຂ້ອງເຂົ້າໃນການປັບປຸງການບັງຄັບໃຊ້ລະບຽບການລົງທະບຽນນຳກອງທຶນປະກັນສັງຄົມ ໄປສູ່ການຈ່າຍເງິນສົມທົບ, ການກວດສອບອຸປະຕິເຫດແຮງງານໃນສະຖານທີ່ເຮັດວຽກ ແລະ ການແລກປ່ຽນຂໍ້ມູນເລື່ອງຄວາມປອດໄພ ແລະ ສຸຂະພາບແຮງງານ ໂດຍນໍາໃຊ້ຮູບແບບຄວາມຮັບຜິດຊອບຮ່ວມກັນ, ຊຶ່ງການຄົ້ນຄ້ວາດັ່ງກ່າວແມ່ນອີງໃສ່ຄໍາແນະນໍາໃນບົດລາຍງານ, ພາກປະຕິບັດຕົວຈິງທີ່ດີຂອງປະເທດອື່ນໆ, ກຳນົດບຸລິມະສິດໃນການຈັດຕັ້ງປະຕິບັດ ແລະ ແກ້ໄຂຊ່ອງວ່າງອັນສໍາຄັນຂອງການປະກັນສັງຄົມເພື່ອເພີ່ມການປົກຄຸມ, ການຂະຫຍາຍການອຸດໜູນທົດແທນຄວາມສ່ຽງດ້ານຄວາມປອດໄພ ແລະ ສຸຂະພາບແຮງງານໃຫ້ໄປເຖິງແຮງງານອິດສະລະໃນຂະແໜງກະສິກຳ.

ພາຍໃນກອງປະຊຸມໄດ້ຮັບຟັງການລາຍງານບົດວິເຄາະການປະກັນສັງຄົມ ແລະ ການປົກຄຸມຂອງກອງທຶນປະກັນສັງຄົມຢູ່ ສປປ ລາວ ໂດຍທ່ານ ນາງ ຄຼິດສະຕີນ້າ ເຄິດສ໌ ທີ່ປຶກສາທາງວິຊາການຂອງໂຄງການ VZF ປະຈໍາລາວ ແລະ ການລາຍງານວຽກງານປົກປ້ອງທາງສັງຄົມໂດຍຜູ້ຕາງໜ້າຈາກຫ້ອງການກອງທຶນປະກັນສັງຄົມແຫ່ງຊາດ, ນອກນັ້ນກອງປະຊຸມຍັງໄດ້ຮັບຟັງການລາຍງານແລະຖອດຖອນບົດຮຽນກ່ຽວກັບພາກປະຕິບັດຕົວຈິງທີ່ດີທັງພາຍໃນແລະຕ່າງປະເທດໂດຍທ່ານ ນູໂນ ເມລາ ສີມອນ ກັນຫາ ຜູ້ຊ່ຽວຊານດ້ານການປົກປ້ອງທາງສັງຄົມ ຈາກບາງກອກ ປະເທດໄທ ຜ່ານການຖ່າຍທອດສົດ (video conference). ກອງປະຊຸມນອກຈາກຈະໄດ້ມີການແລກປ່ຽນຄວາມຮູ້ດ້ານການປົກປ້ອງທາງສັງຄົມຮ່ວມກັບຊ່ຽວຊານຕ່າງປະເທດແລ້ວ ຍັງໄດ້ມີການຈັດແບ່ງຜູ້ເຂົ້າຮ່ວມເປັນ 3 ກຸ່ມ ເພື່ອລະດົມຄວາມຄິດໃນການແກ້ໄຂບັນຫາເປັນຕົ້ນ: 1) ເຮັດແນວໃດຈຶ່ງຈະເຮັດໃຫ້ການບໍລິການປະກັນສັງຄົມໄປທົ່ວເຖິງເມືອງ ແລະ ເຂດຫ່າງໃກສອກຫຼີກ; 2) ເຮັດແນວໃດຈະສາມາດຂະຫາຍອັດຕາການປົກຄຸມປະກັນສັງຄົມເຖິງກຸ່ມເປົ້າໝາຍໃຫ້ກ້ວາງຂວາງ ແລະ ພາກສ່ວນໃດຈະສາມາດໃຫ້ຂໍ້ມູນເປົ້າໝາຍປະກັນສັງຄົມທີ່ຊັດເຈນ? 3) ເຮັດແນວໃດໃຫ້ການບັງຄັບໃຊ້ກົດໝາຍມີປະສິດທິຜົນ ແລະ ໃຜຄວນມີສ່ວນຮ່ວມ. ໃນໂອກາດດັ່ງກ່າວ, ທ່ານ ດຣ ນາງ ບົວຫອມ ພົມມະຈັນ ຮອງຜູ້ອໍານວຍການ ຫ້ອງການກອງທຶນປະກັນສັງຄົມແຫ່ງຊາດ ຕາງໜ້າປະທານກອງປະຊຸມໄດ້ຕີລາຄາສູງຕໍ່ກັບການມີສ່ວນຮ່ວມຂອງທຸກພາກສ່ວນທີ່ເຮັດໃຫ້ເກີດກອງປະຊຸມຄັ້ງດັ່ງກ່າວ ເວົ້າລວມ ເວົ້າສະເພາະກໍ່ຄື ໂຄງການວີເຊິນເຊໂຣຟັນ (Vision Zero Fund) ຫຼື VZF ທີ່ເຫັນຄວາມສໍາຄັນຕໍ່ກັບວຽກງານປົກປ້ອງທາງສັງຄົມ ເຮັດໃຫ້ຜູ້ອອກແຮງງານທັງໃນລະບົບ ແລະ ຜູ້ປະກອບອາຊີບອິດສະຫຼະ ຫຼື ປະຊາຊົນທົ່ວໄປ ໄດ້ຮັບການເບິ່ງແຍງດູແລທາງດ້ານສະຫວັດດີການໃຫ້ທົ່ວເຖິງທົ່ວສັງຄົມໃນອານາຄົດ.

ພາບ-ຂ່າວ: ພະແນກປະຊາສໍາພັນ.


div#mb_center,div#mb_bottom{ z - index: 9999; } div#mb_overlay{ z - index: 9999; }