ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 01/06/2020 ເວລາ 09:40


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 01/06/2020 ເວລາ 11:03

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ

ພາກລັດຖະກອນ
ແຜ່ນພັບພາກວິສາຫະກິດ
ແຜ່ນພັບພາກສະໝັກໃຈ

ສ້າງຄວາມຮັບຮູ້ວຽກງານປະກັນສັງຄົມໃຫ້ກຸ່ມປູກໝາກກ້ຽງແຂວງວຽງຈັນ.

altໃນລະຫວ່າງວັນທີ 12-15 ກຸມພາ 2020 ຜ່ານມາ ກົມປະກັນສັງຄົມ ກະຊວງ ຮສສ ຮ່ວມກັບ ຫ້ອງການກອງທຶນປະກັນສັງຄົມແຫ່ງຊາດ ສົມທົບ

ສູນບໍລິການກອງທຶນປະກັນສັງຄົວແຂວງວຽງຈັນ ລົງເຜີຍແຜ່ກົດໝາຍວ່າດ້ວຍການປະກັນສັງຄົມ (ສະບັບປັບປຸງ) ພາຍໃຕ້ໂຄງການຄ້ຳປະກັນສະບຽງອາຫານ ແລະ ຜະລິດເປັນສິນຄ້າ ຢູ່ ເມືອງວັງວຽງ ແລະ ເມືອງກາສີ ແຂວງວຽງຈັນ ໃຫ້ແກ່ກຸ່ມຊາວສວນປູກໝາກກ້ຽງ. ການເຄື່ອນໄຫວລົງເຮັດວຽກໃນຄັ້ງນີ້ ຕາງໜ້າກົມປະກັນສັງຄົມ ໂດຍແມ່ນທ່ານ ດຣ ນາງ ວັນໄຊ ສຸວັນນະເມທີ ຮອງກົມປະກັນສັງຄົມ ສົມທົບກັບ ຫກປຊ ພະແນກ ຮສສ ແຂວງວຽງຈັນ ແລະ ຫ້ອງການແຮງງານແລະສະຫວັດດີການສັງຄົມ 2 ເມືອງດັ່ງກ່າວ. ຈຸດປະສົງແມ່ນເພື່ອສ້າງຄວາມເຂົ້າໃຈກ່ຽວກັບວຽກງານປະກັນສັງຄົມໃຫ້ແກ່ກຸ່ມປູກໝາກກ້ຽງຮັບຮູ້ແລະເຂົ້າໃຈຕໍ່ກັບວຽກງານດັ່ງກ່າວ ແລະທັງເປັນການຂະຫຍາຍອັດຕາການປົກຄຸມວຽກງານດັ່ງກ່າວໃຫ້ກ້ວາງຂວາງອອກຕື່ມ ແນໃສ່ຮັບປະກັນການດໍາລົງຊີວິດຂັ້ນພື້ນຖານຂອງຊາວຜູ້ອອກແຮງງານນອກລະບົບ ແລະ ເປັນເອກະພາບກັນ ໂດຍຖືເອົາເນື້ອໃນສໍາຄັນໃນການເຮັດໃຫ້ສັງຄົມມີຄວາມສາມັກຄີ ແລະ ຍຸຕິທຳ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມເທື່ອລະກ້າວ.

ວັນທີ 13 ກຸມພາ 2020 ໄດ້ລົງເຜີຍແຜ່ໃຫ້ກັບກຸ່ມປູກໝາກກ້ຽງ ຈັດຂຶ້ນທີ່ ສະໂມສອນຫ້ອງການປົກຄອງ ເມືອງວັງວຽງ ພາຍໃຕ້ການເປັນປະທານຮ່ວມໂດຍ ທ່ານ ດຣ ນາງ ວັນໄຊ ສຸວັນນະເມທີ ຮອງກົມປະກັນສັງຄົມ, ທ່ານ ສີສະໄຫວ ແກ້ວດາລາວິນ ຮອງພະແນກ ຮສສ ແຂວງວຽງຈັນ ແລະ ທ່ານ ສຸວຽງທອງ ວົງຈຳປາ ຮອງເຈົ້າເມືອງວັງວຽງ, ມີຜູ້ເຂົ້າຮ່ວມ 50 ກ່ວາຄົນ ຕາງໜ້າຜູ້ປະກອບອາຊີບປູກໝາກກ້ຽງເປັນສິນຄ້າ 12 ບ້ານ.
ວັນທີ 14 ກຸມພາ 2020 ລົງເຜີຍແຜ່ຢູ່ທີ່ຫ້ອງການປົກຄອງເມືອງກາສີ ພາຍໃຕ້ການເປັນປະທານຮ່ວມໂດຍ ທ່ານ ດຣ ນາງ ວັນໄຊ ສຸວັນະເມທີ, ທ່ານ ສີສະໄຫວ ແກ້ວດາລາວິນ ຮອງພະແນກ ຮສສ ແລະ ທ່ານ ອຳໄພ ໂສລັດຕະນະວົງ ຮອງເຈົ້າເມືອງກາສີ, ມີຕາງໜ້າຜູ້ເຮັດອາຊີບປູກໝາກກ້ຽງ 90 ກ່ວາຄົນ ຈາກ 20 ບ້ານ.
ກອງປະຊຸມໄດ້ຮັບຟັງການການເຜີຍແຜ່ກົດໝາຍວ່າດ້ວຍການປະກັນສັງຄົມ ສະບັບປັບປຸງ ຈາກທ່ານ ທອງໃບ ວົງຜາສຸກ ຫົວໜ້າສູນບໍລິການກອງທຶນປະກັນສັງຄົມແຂວງວຽງຈັນ ແນໃສ່ການສ້າງຄວາມຮັບຮູ້ ແລະ ເຂົ້າໃຈວຽກງານປະກັນສັງຄົມ ກໍ່ຄື ຮັບປະກັນສິດຜົນປະໂຫຍດການຮັບເງິນອຸດໜູນປະເພດຕ່າງໆຢ່າງຖືກຕ້ອງເປັນເອກະພາບຕາມລະບຽບການ. ກົດໝາຍປະກັນສັງຄົມສະບັບນີ້ເປັນເຄື່ອງມືທີ່ສຳຄັນໃຫ້ແກ່ລັດ ກໍ່ຄືທຸກພາກສ່ວນໃນທົ່ວສັງຄົມ ເປັນຕົ້ນແມ່ນ ຜູ້ໃຊ້ແຮງງານ ແລະ ຜູ້ອອກແຮງງານໄດ້ນຳໃຊ້ເຂົ້າໃນການຄຸ້ມຄອງ ແລະ ປະຕິບັດລະບອບການອຸດໜູນປະກັນສັງຄົມຢ່າງມີປະສິດທິພາບ ທັງເປັນການຂະຫຍາຍຂອບເຂດການປົກຄຸມປະກັນສັງຄົມໄປສູ່ຜູ້ອອກແຮງງານນອກລະບົບທີ່ປະກອບອາຊີບສ່ວນບຸກຄົນໃນຂົງເຂດກະສິກຳ, ອຸດສາຫະກຳ ແລະ ການບໍລິການ ເພື່ອໃຫ້ມີໂອກາດເຂົ້າຮ່ວມລະບົບດັ່ງກ່າວຢ່າງກ້ວາງຂວາງ ຄຽງຄູ່ກັບການເຕີບໃຫ່ຍທາງດ້ານກະສິກຳ ຊຸກຍູ້ໃຫ້ກັບທຸກຄົນມີຄວາມຕື່ນຕົວປະກອບສ່ວນເຂົ້າເປັນສະມາຊິກປະກັນສັງຄົມ. ກອງປະຊຸມໃນຄັ້ງນີ້ ເຮັດໃຫ້ຜູ້ເຂົ້າຮ່ວມໄດ້ຮັບຮູ້ ເຂົ້າໃຈນະໂຍບາຍປະກັນສັງຄົມຢ່າງເປັນເອກະພາບກັນ, ຕະຫຼອດໄລຍະ 2 ວັນ ບັນດາຜູ້ເຂົ້າຮ່ວມ ໄດ້ພ້ອມກັນຮັບຟັງການເຜີຍແຜ່ກົດໝາຍ ກໍ່ຄື ສິດແລະຜົນປະໂຫຍດຕ່າງໆທີ່ຈະໄດ້ຮັບໃນການເຂົ້າເປັນສະມາຊິກປະກັນສັງຄົມ ພ້ອມທັງມີການປະກອບຄຳຄິດຄຳເຫັນດ້ວຍບັນຍາກາດຟົດຟື້ນ ເຮັດໃຫ້ບັນດາຜູ້ເຂົ້າຮ່ວມເຫັນໄດ້ເຖິງຄວາມສໍາຄັນວຽກງານດັ່ງກ່າວຫຼາຍຂື້ນ.

ພາບ-ຂ່າວ: ພະແນກປະຊາສໍາພັນ

div#mb_center,div#mb_bottom{ z - index: 9999; } div#mb_overlay{ z - index: 9999; }