ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 10/08/2020 ເວລາ 09:15


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 10/08/2020 ເວລາ 13:34

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໃນໂມງການ)

ແຜ່ນພັບ

ພາກລັດຖະກອນ
ແຜ່ນພັບພາກວິສາຫະກິດ
ແຜ່ນພັບພາກສະໝັກໃຈ

ກອງປະຊຸມສະພາບໍລິຫານກອງທຶນປະກັນສັງຄົມແຫ່ງຊາດຄັ້ງທີXVIII.

altເພື່ອເປັນການທົບທວນຄືນ ແລະ ສະຫຼຸບຕີລາຄາຜົນຂອງການຈັດຕັ້ງປະຕິບັດວຽກງານ ຂອງ ຫ້ອງການກອງທຶນປະກັນສັງຄົມແຫ່ງຊາດໃນໄລຍະທີ່ຜ່ານມາ ເວົ້າລວມ

ເວົ້າສະເພາະ ກໍໍ່ຄືຜົນຂອງການປະຕິບັດບັນດາກິດຈະກໍາປະຈໍາງວດ III ໄລຍະເດືອນ 7-9/2019 ແລະ ກໍານົດທິດທາງແຜນການປະຈໍາງວດ IV ໄລຍະເດືອນ 10-12/2019 ເພື່ອໃຫ້ບັນລຸຕົວເລກຄາດໝາຍສູ້ຊົນໃນແຕ່ລະໄລຍະ. ໃນວັນທີ 30 ຕຸລາ 2019 ທີ່ ຫ້ອງການກອງທຶນປະກັນສັງຄົມແຫ່ງຊາດ ຈຶ່ງໄດ້ມີກອງປະຊຸມສະພາບໍລິຫານ ຄັ້ງທີ XVIII ຂອງຕົນຂຶ້ນ, ໂດຍການເປັນປະທານຂອງທ່ານ ປ.ອ ຄໍາແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ປະທານສະພາບໍລິຫານ ກປຊ, ມີຮອງປະທານ, ຄະນະກຳມະການສະພາບໍລິຫານ, ຄະນະອຳນວຍການ ແລະ ບັນດາພະແນກການທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.
ໃນກອງປະຊຸມ, ທ່ານ ປະເດີມພອນ ສົນທະນີ ຜູ້ອຳນວຍການ ຫກປຊ ໄດ້ຂື້ນລາຍງານການຈັດຕັ້ງປະຕິບັດວຽກງານໃນໄລຍະທີ່ຜ່ານມາ, ຊຶ່ງທ່ານໃຫ້ຮູ້ວ່າ: ໃນງວດ III ປີ 2019 ໄດ້ດຳເນີນວຽກງານຈຸດສຸມຫຼາຍຢ່າງ ເຊັ່ນ: ໄດ້ຮ່າງແຜນພັດທະນາ 5 ປີ 2021-2025 ຂອງ ຫ້ອງການກອງທຶນປະກັນສັງຄົມແຫ່ງຊາດ ເພື່ອປະກອບເຂົ້າແຜນພັດທະນາ 5 ປີ ວຽກງານແຮງງານແລະສະວັດດີການສັງຄົມຂອງ ກະຊວງ ຮສສ, ສໍາເລັດການເຊັນບົດບັນທຶກມອບໂອນວຽກງານປິ່ນປົວສຸຂະພາບ ກັບຫ້ອງການປະກັນສຸຂະພາບແຫ່ງຊາດ, ສໍາເລັດການເປີດໃຫ້ບໍລິການວຽກງານປະກັນສັງຄົມພາກວິສາຫະກິດ ຢູ່ ສູນບໍລິການນະຄອນຫຼວງວຽງຈັນ, ໄດ້ສົມທົບກັບກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບ ໃນການສັງລວມຂໍ້ມູນຜູ້ຮັບອຸດໜູນໄລຍະຍາວທີ່ມາຈາກສອງກະຊວງດັ່ງກ່າວ ເພື່ອກຽມການມອບໂອນຄືນໃຫ້ສອງພາກສ່ວນຮັບຜິດຊອບ, ໄດ້ຮ່ວມກັບກົມປະກັນສັງຄົມລົງເຜີຍແຜ່ກົດໝາຍວ່າດ້ວຍການປະກັນສັງຄົມ (ສະບັບປັບປຸງ) ຢູ່ 8 ແຂວງສຸດທ້າຍ (ສໍາເລັດທົ່ວປະເທດ), ໄດ້ສົມທົບກັບທະນາຄານພັດທະນາລາວໃນການປະເມີນການຮັບເງິນສົມທົບຜູ້ສະໝັກໃຈ ຜ່ານລະບົບທະນາຄານຢູ່ນະຄອນຫຼວງວຽງຈັນ ແລະ ເປີດໃຫ້ບໍລິການຊໍາລະເງິນປະກັນສັງຄົມຂອງຜູ້ປະກັນຕົນສະໝັກໃຈຢູ່ແຂວງວຽງຈັນ ຜ່ານລະບົບທະນາຄານພັດທະນາລາວທົ່ວປະເທດ, ໄດ້ດໍາເນີນການຄົ້ນຄວ້າກ່ຽວກັບການສ້າງຫ້ອງເຊີບເວີສໍາຮອງຂໍ້ມູນເພື່ອຮອງຮັບການເຮັດວຽກ ແລະ ເຄື່ອນໄຫວທຸລະກໍາໄດ້ຕະຫຼອດ 24 ຊົ່ວໂມງ ເປັນຕົ້ນ; ສຳລັບວຽກງານປິ່ນອ້ອມ ຫກປຊ ແມ່ນໄດ້ສືບຕໍ່ລົງປະຊາສຳພັນໃຫ້ບັນດາອົງການຈັດຕັ້ງລັດ, ຫົວໜ່ວຍວິສາຫະກິດຂອບເຂດທົ່ວປະເທດ ລວມທັງພາກສະໝັກໃຈໄດ້ທັງໝົດ 207 ຄັ້ງ ເທົ່າກັບ 70 % ຂອງແຜນການງວດ III ແລະ ໄດ້ສືບຕໍ່ປະຊາສໍາພັນທາງສື່ມວນຊົນຂະແໜງການຕ່າງໆ ຕາມເນື້ອໃນກົດໝາຍວ່າດ້ວຍການປະກັນສັງຄົມ ໃຫ້ແກ່ບັນດາກຸ່ມເປົ້າໝາຍໄດ້ເຂົ້າໃຈຢ່າງຖືືກຕ້ອງ ໂດຍສະເພາະແມ່ນສິດຜົນປະໂຫຍດທີ່ຈະໄດ້ຮັບຈາກການເຂົ້າເປັນສະມາຊິກປະກັນສັງຄົມ, ຊຶ່ງໃນງວດ III ປີ 2019 ສາມາດຂຶ້ນທະບຽນໃຫ້ກັບຫົວໜ່ວຍແຮງງານວິສາຫະກິດໃໝ່ 66 ຫົວໜ່ວຍ ເທົ່າກັບ 61% ຂອງແຜນການງວດ ແລະ ມີຜູ້ປະກັນຕົນໃນວິສາຫະກິດໃໝ່ ແລະ ເກົ່າ ທັງໝົດ 8.223 ຄົນ ເທົ່າກັບ 58%; ຂື້ນທະບຽນພະນັກງານລັດຖະກອນໃໝ່ 1.146 ຄົນ ເທົ່າກັບ 153% ແລະ ຂື້ນທະບຽນຜູ້ປະກັນຕົນສະໝັກໃຈໃໝ່ໄດ້ 745 ຄົນ ເທົ່າກັບ 113% ຂອງແຜນການງວດ; ມີຜູ້ປະກັນຕົນ ທີ່ໄດ້ຈ່າຍເງິນສົມທົບທັງໝົດ 308.661 ຄົນ (ບໍ່ລວມພາກສ່ວນ ປກຊ, ປກສ); ໃນນີ້ ມີຜູ້ປະກັນຕົນພາກລັດ 184.300 ຄົນ, ພາກວິສາຫະກິດ 114.504 ຄົນ, ຜູ້ສະໝັກໃຈ 9.807 ຄົນ. ປັດຈຸບັນມີຫົວໜ່ວຍແຮງງານວິສາຫະກິດ ທີ່ເຂົ້າເປັນສະມາຊິກປະກັນສັງຄົມໄດ້ຈ່າຍເງິນສົມທົບ 1.976 ຫົວໜ່ວຍ. ສໍາລັບວຽກງານອຸດໜູນໄດ້ດໍາເນີນການພິຈາລະນາ ແລະ ຄິດໄລ່ເງິນອຸດໜູນຕ່າງໆທັງໝົດ 66.092 ກໍລະນີ ເທົ່າກັບ 88% ຂອງແຜນການງວດ, ໃນນີ້ ພາກລັດ 57.737 ກໍລະນີ, ພາກວິສາຫະກິດ ແລະ ສະໝັກໃຈ 8.355 ກໍລະນີ. ປັດຈຸບັນມີຜູ້ເກີດສິດປິ່ນປົວສຸຂະພາບລວມທັງຄອບຄົວ ທັງໝົດ 720.061 ຄົນ; ໃນນີ້ພາກລັດ 469.690 ຄົນ, ພາກວິສາຫະກິດ ແລະ ສະໝັກໃຈ 250.371 ຄົນ. ນອກນັ້ນໃນກອງປະຊຸມ ຍັງໄດ້ຜ່ານແຜນກິດຈະກໍາ ແລະ ຕົວເລກຄາດໝາຍສູ້ຊົນ ໃນງວດທີ IV ປະຈໍາປີ 2019 ແລະ ສະເໜີກອງປະຊຸມເພື່ອພິຈາລະນາຮັບຮອງເຄື່ອງໝາຍ (ໂລໂກ) ຂອງ ອົງການປະກັນສັງຄົມແຫ່ງຊາດ.

ພາບ-ຂ່າວ: ພະແນກປະຊາສໍາພັນ

div#mb_center,div#mb_bottom{ z - index: 9999; } div#mb_overlay{ z - index: 9999; }