ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 14/10/2019 ເວລາ 12:30


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 14/10/2019 ເວລາ 12:30

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໂທບໍ່ເສຍຄ່າໃນໂມງການ)

ກອງປະຊຸມປຶກສາຫາລືກ່ຽວກັບຜົນການຄົ້ນຄ້ວາຄວາມຕ້ອງການທັກສະແລະການສຶກສາໃນການຈ້າງງານ.

altໃນຕອນເຊົ້າຂອງວັນທີ 18 ກັນຍາ 2019, ພາຍໃຕ້ການສະໜັບສະໜູນຂອງລັດຖະບານອົດສະຕາລີ ໂດຍຜ່ານ ສູນຮຽນຮູ້ເພື່ອການພັດທະນາ ລາວ-ອົດສະຕາລີ ຮ່ວມກັບ ກົມພັດທະນາສີມືແຮງງານ ແລະ ຈັດຫາງານ ກະຊວງ ຮສສ

ໄດ້ຈັດກອງປະຊຸມປຶກສາຫາລືກ່ຽວກັບຜົນການຄົ້ນຄ້ວາຄວາມຕ້ອງການທັກສະ ແລະ ການສຶກສາໃນການຈ້າງງານຂອງພາກເອກະຊົນ ຢູ່ ສປປ ລາວ ປີ 2018 ຂື້ນ ທີ່ ໂຮງແຮມວຽງຈັນ ພລາຊາ ນະຄອນຫຼວງວຽງຈັນ, ໂດຍການເປັນປະທານໂດຍທ່ານ ໄທ ແສງອາລຸນ ຮອງຫົວໜ້າກົມ ພັດທະນາສີມືແຮງງານ ແລະ ຈັດຫາງານ ກະຊວງ ຮສສ, ເຂົ້າຮ່ວມມີຮອງຫົວໜ້າຫ້ອງການ, ຄະນະກົມ, ຄະນະພະແນກອ້ອມຂ້າງ ກະຊວງ ຮສສ, ມີບັນດາຜູ້ຕາງໜ້າອົງການຈັດຕັ້ງແຮງງານສາກົນ, ກະຊວງສຶກສາທິການແລະກິລາ, ທະນາຄານເອກະຊົນ, ຫ້ອງການກອງທຶນປະກັນສັງຄົມແຫ່ງຊາດ, ສະຖາບັນພັດທະນາສີມືແຮງງານລາວ-ເກົາຫຼີ, ຄະນະກຳມະທິການແຫ່ງຊາດເພື່ອການພັດທະນາຊັບພະຍາກອນມະນຸດ ມ.ຊ, ຄະນະຈາກສະຖາບັນຄົ້ນຄ້ວາເສດຖະກິດແຫ່ງຊາດ, ຜຸ້ຕາງໜ້າຈາກກົມອະຊີວະສຶກສາ, ສະພາການຄ້າ ແລະ ອຸດສາຫະກຳແຫ່ງຊາດ, ບໍລິສັດ ຮ້ອຍແປດພັນເກົ້າ ກຼຸບ ຈໍາກັດ ແລະ ແຂກຖືກເຊີນເຂົ້າຮ່ວມຢ່າງພ້ອມພຽງ.

ໃນກອງປະຊຸມ, ທ່ານ ໄທ ແສງອາລຸນ ຮອງຫົວໜ້າກົມພັດທະນາສີມືແຮງງານແລະຈັດຫາງານ ໄດ້ກ່າວວ່າ: ການສຶກສາຄົ້ນຄວ້າໃນຄັ້ງນີ້ ແມ່ນເປັນການສືບຕໍ່ການຜັນຂະຫຍາຍຜົນ 2 ການຄົ້ນຄວ້າແບບຈໍາລອງພະຍາກອນຕະຫຼາດແຮງງານ ປີ2019-2022 ທີ່ໄດ້ຈັດຕັ້ງປະຕິບັດຮ່ວມກັບຄະນະກຳມະທິການແຫ່ງຊາດເພື່ອການພັດທະນາຊັບພະຍາກອນມະນຸດ ກະຊວງສຶກສາທິິການແລະກິລາ ໂດຍໄດ້ຈັດພິມ ແລະ ເຜີຍແຜ່ຢ່າງເປັນທາງການ ທັງເປັນການຜັນຂະຫຍາຍແນວທາງນະໂຍບາຍຂອງພັກແລະລັດຖະບານໃນການສຶກສາວິໃຈແລະລົງເລິກວຽກງານສະເພາະດ້ານກ່ຽວກັບຄວາມຕ້ອງການທາງດ້ານທັກສະ ແລະ ການຈ້າງງານຂອງພາກເອກະຊົນ ໃນປີ 2018 ເຊິ່ງຈະເປັນຂໍ້ມູນເລີ່ມຕົ້ນທີ່ສໍາຄັນໃຫ້ແກ່ການສ້າງ ແລະ ວາງແຜນໃນອານາຄົດ ເພື່ອການຕິດຕາມແລະຜັນຂະຍາຍວຽກງານແຮງງງານແລະສະຫວັດດີການສັງຄົມຄັ້ງທີ lV ປີ 2016-2020 ແລະ ແຜນພັດທະນາເສດຖະກິດແຫ່ງຊາດຄັ້ງທີ Vlll ໃຫ້ປະກົດຜົນເປັນຈິງ ແລະແນໃສ່ເພື່ອບັນລຸເປົ້າໝາຍການພັດທະນາແບບຍືນຍົງ ພ້ອມດຽວກັນນັ້ນ ລັດຖະບານກໍ່ໄດ້ວາງແຜນ ແລະ ພວມຮ່າງແຜນຍຸດທະສາດເຊິ່ງປະກອບດ້ວຍຍຸດທະສາພັດທະນາວຽກງານແຮງງານແລະສະຫວັດດີການສັງຄົມໃນປີ 2016-2025 ແລະຍຸດທະສາດແຜນພັດທະນາຂະແໜງການສຶກສາແລະກິລາ 2016-2020 ແລະການຍົກລະດັບການສຶກສາຊັ້ນຕົ້ນເຂົ້າສູ່ລະດັບວິຊາຊີບ ແລະ ຮ່າງແຜນການຍຸດທະສາດແຫ່ງຊາດເພື່ອສົ່ງເສີມການມີວຽກເຮັດງານທຳເຂດຊົນນະບົດ ຂອງ ສປປ ລາວ ເຮັດໃຫ້ແຮງງານຢູ່ຊົນນະບົດນັ້ນໄດ້ມີວຽກເຮັດງານທຳທີ່ໝັ້ນຄົງ ມີຄຸນຄ່າ ແລະ ເປັນທຳ ແລະ ຮ່າງຍຸດທະສາດແຜນພັດທະນາລະບົບຂໍ້ມູນຂ່າວສານຕະຫຼາດແຮງງານ ແລະ ຄຸ້ມຄອງລະບົບຕະຫຼາດແຮງງານແຫ່ງຊາດ ໃຫ້ມີຄວາເຂັ້ມແຂງສາມາດຕອບສະໜອງຂໍ້ມູນທີ່ຖືກຕ້ອງມີຄຸນນະພາບສູງ ແລະ ທັນຕາມເວລາເພື່ອປະກອບເຂົ້າຮອບວຽນການວາງແຜນ ແລະ ການລົງທຶນຂອງພາກລັດ ພ້ອມທັງຕອບສະໜອງຄວາມຕ້ອງການຂອງລະບົບການສຶກສາ ແລະການພັດທະນາສີມືແຮງງານ ລວມໄປເຖິງທຸກຂະແໜງການໃນຂົງເຂດຂະແໜງບໍລິຫານພາກທຸລະກິດ, ອຸດສາຫະກຳແລະ ການບໍລິການ ຢູ່ ສປປ ລາວ, ສຳລັບການຄົ້ນຄ້ວາຄັ້ງນີ້ ແມ່ນໄດ້ມີການວິເຄາະລົງເລິກຄວາມຕ້ອງການແຮງງານລະດັບຈຸລະພາກໃນການສະໜອງວຽກ ແລະ ຂະແໜງວິຊາຊີບ ຫຼື ຕຳແໜ່ງງານຂອງການປະກາດຮັບສະໝັກງານເພື່ອກຳນົດທັກສະສີມືແຮງງານສະເພາະ ແລະ ຄຸນລັກສະນະທີ່ມີຄວາມຕ້ອງການທາງດ້ານອາຊີບ ທີ່ມີສີມືແຮງງານລະດັບພື້ນຖານ ປານກາງ ແລະ ສູງໃນເສດຖະກິດຂອງ ສປປ ລາວ ໂດຍອີງໃສ່ຄວາມຕ້ອງການແຮງງານໃນຂະແໜງເສດຖະກິດທີ່ສຳຄັນ ຂອງ ສປປ ລາວ ໃນ 9 ຂະແໜງການຕົ້ນຕໍ ຄື ກະສິກຳ, ອຸດສາຫະກຳປຸງແຕ່ງ, ໄຟຟ້າແລະບໍລິຫານນ້ຳ, ກໍ່ສ້າງ, ການສຶກສາ, ສາທາລະນະສຸກ, ທີ່ພັກເຊົາແລະຮ້ານອາຫານ, ການເງິນແລະປະກັນໄພ, ຄົມມະນາຄົມແລະຂົນສົ່ງ, ນອກນັ້ນທ່ານຍັງໃຫ້ຮູ້ອີກວ່າ ການສຶກສາໃນຄັ້ງນີ້ແມ່ນໄດ້ອີງໃສ່ຕົວເລກຕໍາແໜ່ງງານທີ່ ບໍລິສັດ ຮ້ອຍແປດພັນເກົ້າ ກຼຸບ ຈໍາກັດ ໄດ້ໃຫ້ຂໍ້ມູນກຸ່ມຕົວຢ່າງຈໍານວນ 2.189 ຕຳແໜ່ງງານໃນປີ2018 ເຊິ່ງຈະຊ່ວຍເປັນຂໍ້ມູນໃຫ້ແກ່ທາງພາກລັດ, ເອກະຊົນ ແລະ ຄູ່ຮ່ວມພັດທະນາ ເພື່ອກຳນົດທິດທາງໃນການຈັດຕັ້ງປະຕິບັດການດັດສົມ ແລະ ການກໍ່ສ້າງຊັບພະຍາກອນມະນຸດ ກໍ່ຄືການສ້າງກຳລັງແຮງງານໃຫ້ສອດຄອງກັບຄວາມຕ້ອງການຂອງຕະຫຼາດແຮງງານໄປຕາມທິດທາງການພັດທະນາທາງດ້ານເສດຖະກິດ-ສັງຄົມ ແລະ ສະໜອງໄດ້ຕໍ່ຄວາມຕ້ອງການຕົວຈິງຂອງຕະຫຼາດແຮງງານທັງໃນປັດຈຸບັນແລະອານາຄົດ.

ກອງປະຊຸມໄດ້ຮັບຟັງການລາຍງານຜົນຂອງການຄົ້ນຄ້ວາເບື້ອງຕົ້ນກ່ຽວກັບຄວາມຕ້ອງການທັກສະ ແລະ ການສຶກສາໃນການຈ້າງງານພາກເອກະຊົນ ຢູ່ ສປປ ລາວ ໂດຍທ່ານ ປ.ອ ສີທະນົນໄຊ ສຸວັນນະພັກດີ ຜູ້ຊ່ຽວຊານຈາກສູນຮຽນຮູ້ເພື່ອການພັດທະນາ ລາວ-ອົດສະຕາລີ (LADLF), ຮັບຟັງການສະເໜີພາບລວມຂອງຂໍ້ມູນຕໍາແໜ່ງວ່າງງານທີ່ຫົວໜ່ວຍແຮງງານປະກາດຜ່ານເວບໄຊ 108 job ໂດຍທ່ານ ແກ້ວວິສຸກ ດາລາສານ ຜູ້ອຳນວຍການ ບໍລິສັດ 108 ພັນເກົ້າ ກຼຸບ ຈໍາກັດ, ພ້ອມທັງຮັບຟັງການລາຍງານການປະເມີນສະຖິຕິແຮງງານຄືນຫຼັງແຕ່ປີ2017-2010 ແລະ ບົດລາຍງານການພະຍາກອນຕະຫຼາດແຮງງານ ປີ 2019-2022 ໂດຍທ່ານ ພຸດທະວົງ ພູມມະສັກ ຫົວໜ້າພະແນກ ຂໍ້ມູນຂ່າວສານຕະຫຼາດແຮງງານ ກົມ ພັດທະນາສີມືແຮງງານແລະ ຈັດຫາງານ ກະຊວງ ຮສສ. ພາຍໃນກອງປະຊຸມ ໄດ້ມີການແລກປ່ຽປະກອບຄຳຄິດຄຳເຫັນໃນຫຼາຍບັນຫາຢ່າງກົງໄປກົງມາ ເພື່ອປະກອບເຂົ້າໃນບົດການສຶກສາຄົ້ນຄ້ວາດັ່ງກ່າວໃຫ້ມີຄວາມສົມບູນຍິ່ງຂື້ນ.

ພາບ-ຂ່າວ: ພະແນກປະຊາສຳພັນ ຫກປຊ.


div#mb_center,div#mb_bottom{ z - index: 9999; } div#mb_overlay{ z - index: 9999; }