ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 14/10/2019 ເວລາ 12:30


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 14/10/2019 ເວລາ 12:30

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໂທບໍ່ເສຍຄ່າໃນໂມງການ)

ທະນາຄານສົ່ງເສີມກະສິກໍາ ສ້າງຄວາມພ້ອມເຂົ້າສູ່ລະບົບປະກັນສັງຄົມ.

altໃນຕອນບ່າຍຂອງວັນທີ 4 ກັນຍາ 2019 ຢູ່ທີ່ ທະນະຄານສົ່ງເສີມກະສິກຳ ສຳນັກງານໃຫຍ່ ບ້ານພະຂາວ ເມືອງໄຊທານີ ນະຄອນຫຼວງວຽງຈັນ ໄດ້ຈັດໃຫ້ມີກອງປະຊຸມເຜີຍແຜ່ວຽກງານປະກັນສັງຄົມຂື້ນ

ພາຍໃຕ້ການເປັນປະທານຂອງທ່ານ ສູນທອນ ສຸພົນມະວົງ ຮອງຜູ້ອໍານວຍການ ທະນະຄານສົ່ງເສີມກະສິກໍາ, ມີຄະນະພະແນກ, ຄະນະຮັບຜິດຊອບສະເພາະກິດຄົ້ນຄວ້າການເຂົ້າເປັນສະມາຊິກປະກັນສັງຄົມ, ມີຕົວແທນຈາກ ຫກປຊ ນໍາໂດຍທ່ານ ເພັດສະໝອນ ສຸກທະວີພອນ ຮອງຜູ້ອຳນວຍການ ພ້ອມທີມງານ ແລະ ພະນັກງານຫຼັກແຫຼ່ງຈໍານວນໜຶ່ງເຂົ້າຮ່ວມຢ່າງພ້ອມພຽງ.
ໃນໂອກາດດັ່ງກ່າວທ່ານປະທານ ໄດ້ກ່າວຈຸດປະສົງຂອງກອງປະຊຸມວ່າ: ໃນການເຜີແຜ່ໃນຄັ້ງນີ້ ກໍ່ເພື່ອໃຫ້ພະນັກງານຫຼັກແຫຼ່ງຂອງທະນະຄານສົ່ງເສີມກະສິກໍາ ໄດ້ຮູ້ ແລະ ເຂົ້າໃຈຕື່ມ ກ່ຽວກັບວຽກງານປະກັນສັງຄົມ ເພາະໃນໄລຍະທີ່ຜ່ານມາ ທາງທະນະຄານສົ່ງເສີມກະສິກໍາ ແມ່ນຍັງບໍ່ທັນໄດ້ຂຶ້ນທະບຽນເປັນສະມາຊິກເທື່ອ ແລະ ເພື່ອເປັນການປະຕິບັດຕາມທິດຊີ້ນໍາຈາກກອງປະຊຸມທະນະຄານແຫ່ງ ສປປ ລາວ ໃຫ້ທະນະຄານທຸລະກິດທຸກແຫ່ງ ກະກຽມຄວາມພ້ອມໃນການເຂົ້າເປັນສະມາຊິກປະກັນສັງຄົມ ສະນັ້ນ, ຈຶ່ງຈໍາເປັນຢ່າງຍິ່ງທີ່ພະນັກງານທຸກຄົນຕ້ອງໄດ້ເຂົ້າໃຈເປັນເອກະພາບກັນ ເພື່ອປະຕິບັດຕາມພາຍໃຕ້ກົດໝາຍວ່າດ້ວຍການປະກັນສັງຄົມສະບັບປັງປຸງ.
ທ່ານ ເພັດສະໝອນ ສຸກທະວີພອນ ຮອງຜູ້ອໍານວຍການຫ້ອງການກອງທຶນປະກັນສັງຄົມແຫ່ງຊາດ ໄດ້ສະແດງຄວາມຄິດເຫັນວ່າ: ວຽກງານປະກັນສັງຄົມ ແມ່ນເປັນນະໂຍບາຍຂອງລັດຖະບານກໍານົດ ຫ້ອງການກອງທຶນປະກັນສັງຄົມແຫ່ງຊາດ ກໍເປັນອົງການຈັດຕັ້ງໜຶ່ງຂອງລັດຖະບານ ທີ່ຂຶ້ນກັບ ກະຊວງແຮງງານ ແລະ ສະຫວັດດີການສັງຄົມ ທີ່ເຄື່ອນໄຫວວຽກງານໂດຍອີງໃສ່ກົດໝາຍປະກັນສັງຄົມ ທີ່ສະພາແຫ່ງຊາດໄດ້ຮັບຮອງ, ການເຂົ້າເປັນສະມາຊິກປະກັນສັງຄົມ ແມ່ນເປັນສະຫວັດດີການພື້ນຖານທີ່ພະນັກງານທຸກຄົນຕ້ອງໄດ້ມີສ່ວນຮ່ວມ ແລະ ຕໍ່ກັບ ນະໂຍບາຍພາຍໃນຂອງທະນະຄານເອງທີ່ມີຢູ່ແລ້ວນັ້ນ ສາມາດສຶບຕໍ່ປະຕິບັດໄດ້ ບໍ່ໝາຍຄວາມວ່າ ເຂົ້າເປັນສະມາຊິກປະກັນສັງຄົມແລ້ວຈະຕັດນະໂຍບາຍອັນອື່ນທີ່ເຄີຍມີຢູ່ ບໍ່ມີຂໍ້ຫ້າມ ຫຼື ຂໍ້ກໍານົດໃດແນວນັ້ນ ການເຂົ້າເປັນສະມາຊິກປະກັນສັງຄົມນອກຈາກເປັນການປົກປ້ອງສິດຂອງຜູ້ອອກແຮງງານ ແລະ ຍັງເປັນການປະຕິບັດຕາມກົດໝາຍທີ່ລັດຖະບານກຳນົດໄວ້ອີກດ້ວຍ.
ທ່ານ ນາງ ດວງເດືອນ ຈັນທະວົງ ຫົວໜ້າພະແນກປະຊາສຳພັນ ກໍໄດ້ອະທິບາຍເຖິງຄວາມເປັນມາຂອງລະບົບປະກັນສັງຄົມໃນໄລຍະຜ່ານມາຈົນຮອດປະຈຸບັນ, ຄວາມໝາຍຄວາມສຳຄັນຂອງລະບົບປະກັນສັງຄົມ ແລະ ໄດ້ລົງເລິກກ່ຽວກັບການຂຶ້ນທະບຽນເປັນສະມາຊິກປະກັນສັງຄົມ, ການປະກອບສ່ວນເງິນສົມທົບເຂົ້າກອງທຶນຄື: ຜູ້ອອກແຮງງານ ໃນອັດຕາສ່ວນ 5,5 % ແລະ ຜູ້ໃຊ້ແຮງງານສົມທົບໃນອັດຕາ 6% ລວມແລ້ວການມອບເງິນສົມທົບເຂົ້າກອງທຶນປະກັນສັງຄົມແມ່ນ 11,5% ຂອງເງິນເດືອນພະນັກງານທຸກຄົນ ແລະຈະໄດ້ຮັບການຄຸ້ມຄອງ 9 ປະເພດການອຸດໜູນຄື: ການປະກັນສຸຂະພາບ, ອຸປະຕິເຫດແຮງງານ ຫຼື ພະຍາດອາຊີບ, ອອກລູກ, ປ່ວຍການ, ເສຍກຳລັງແຮງງານ, ບໍານານ, ເສຍຊີວິດ,ອຸດໜູນສະມາຊິກຄອບຄົວ ແລະ ອຸດໜູນວ່າງງານ. ຈາກນັ້ນ ໃນທີ່ປະຊຸມກໍໄດ້ມີການແລກປ່ຽນສົນທະນາບັນຫາສົນໃຈ ແລະ ເຮັດໃຫ້ຜູ້ເຂົ້າຮ່ວມໄດ້ເຂົ້າໃຈເປັນເອກະພາບກັນຕື່ມຕໍ່ກັບວຽກງານດັ່ງກ່າວ.
ໃນຕອນທ້າຍ, ທ່ານປະທານ ກໍໄດ້ກ່າວສະແດງຄວາມຄິດຕື່ມວ່າ: ຜ່ານການຮັບຟັງການນຳສະເໜີ ແລະ ສົນທະນາແລກປ່ຽນກໍສາມາດຮັບຮູ້ນະໂຍບາຍຂອງປະກັນສັງຄົມທີ່ມີຄວາມສໍາຄັນຕໍ່ກັບຜູ້ອອກແຮງງານ ແລະ ພ້ອມນຳເອົາເນື້ອໃນຈິດໃຈຂອງກອງປະຊຸມດັ່ງກ່າວໄປປຶກສາກັບຄະນະນຳຂອງທະນາຄານສົ່ງເສີມກະສິກຳອີກເທື່ອໜຶ່ງ ເພື່ອວາງແນວທາງປະຕິບັດໃຫ້ຖືກຕ້ອງສອດຄ່ອງກັບກົດໝາຍໃນການເຂົ້າເປັນສະມາຊິກປະກັນສັງຄົມໃນອານະຄົດອັນໃກ້ໆນີ້. ກອງປະຊຸມໄດ້ຖືກອັດລົງ ໃນຕອນບ່າຍຂອງມື້ດຽວກັນ.

div#mb_center,div#mb_bottom{ z - index: 9999; } div#mb_overlay{ z - index: 9999; }