ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 14/10/2019 ເວລາ 12:30


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 14/10/2019 ເວລາ 12:30

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໂທບໍ່ເສຍຄ່າໃນໂມງການ)

ຫກປຊ ຕ້ອນຮັບການມາຢ້ຽມຢາມຂອງຄະນະຜູ້ແທນປະກັນສັງຄົມຫວຽດນາມ.

altໃນຕອນເຊົ້າຂອງວັນທີ 22 ສິງຫາ 2019 ທີ່ ຫ້ອງປະຊຸມໃຫຍ່ ຫກປຊ ໄດ້ຈັດກອງປະຊຸມສໍາມະນາແລກປ່ຽນວິຊາການ ລະຫວ່າງ ປະກັນສັງຄົມຫວຽດນາມ ແລະ ຫ້ອງການກອງທຶນປະກັນສັງຄົມແຫ່ງຊາດລາວ, ຝ່າຍລາວນໍາໂດຍ

ທ່ານ ປະເດີມພອນ ສົນທະນີ ຜູ້ອຳນວຍການ ຫ້ອງການກອງທຶນປະກັນສັງຄົມແຫ່ງຊາດ ແລະ ຝ່າຍຫວຽດນາມໂດຍທ່ານ Nguyen Duc Hoa ຜູ້ອໍານວຍການ ຫ້ອງການປະກັນສັງຄົມ ນະຄອນຮ່າໂນຍ, ມີຮອງຜູ້ອໍານວຍການ ຫ້ອງການປະກັນສັງຄົມ ແຂວງນາມດິງ, ຫົວໜ້າພະແນກ ຄຸ້ມຄອງ ແລະ ບຸກຄະລາກອນ, ຫົວໜ້າພະແນກຄຸ້ມຄອງປື້ມຄູ່ມື ແລະ ການພິມບັດ ນະຄອນຮ່າໂນຍ, ຫົວໜ້າພະແນກເງິນສົມທົບ ແຂວງຫົວບິນ, ຫົວໜ້າຫ້ອງການປະກັນສັງຄົມ ແຂວງບາກນິນ ສສ ຫວຽດນາມ, ມີຄະນະອໍານວຍການ ຫກປຊ, ຄະນະພະແນກ ພ້ອມດ້ວຍວິຊາການເຂົ້າຮ່ວມຢ່າງພ້ອມພຽງ.
ຈຸດປະສົງຂອງການຈັດສໍາມະນາໃນຄັ້ງນີ້ ກໍ່ເພື່ອເປັນການແລກປ່ຽນປະສົບການດ້ານວິຊາການໃນການຈັດຕັ້ງປະຕິບັດວຽກງານປະກັນສັງຄົມຂອງສອງປະເທດ ຊຶ່ງກອງປະຊຸມໄດ້ລົງເລິກແລກປ່ຽນກ່ຽວກັບການນໍາໃຊ້ລະບົບຂໍ້ມູນຂ່າວສານເຕັກໂນໂລຊີ, ວຽກບໍລິການປະຕູດຽວ, ວຽກປະຊາສໍາພັນ ໂດຍມີການຜັດກັນການນໍາສະເໜີແລກປ່ຽນວຽກງານປະກັນສັງຄົມຂອງສອງຝ່າຍ ທັງນີ້ກໍ່ເພື່ອເປັນການຖອດຖອນບົດຮຽນກ່ຽວກັບບັນດາຂໍ້ສະດວກ ແລະ ຂໍ້ຫຍຸ້ງຍາກໃນການຈັດຕັ້ງປະຕິບັດວຽກງານດັ່ງກ່າວ ໂດຍແນໃສ່ຫຼຸດຜ່ອນບັນດາຂອດການບໍລິການທີ່ຫຍຸ້ງຍາກສັບສົນ ເຮັດໃຫ້ໃຫ້ສະມາຊິກໄດ້ຮັບຄວາມສະດວກໃນເວລາມາໃຊ້ບໍລິການ ກໍ່ຄື ວຽກງານພາຍໃນອື່ນໆໃຫ້ມີຄວາມວ່ອງໄວ ພ້ອມທັງຮັບປະກັນຄວາມຖືກຕ້ອງແນ່ນອນຍິ່ງຂື້ນ. ພາຍຫຼັງປະທານກ່າວເປີດພິທີ ຕາງໜ້າສອງຝ່າຍ ກໍ່ໄດ້ມີການລາຍງານສະພາບການຈັດຕັ້ງປະຕິບັດວຽກງານທີ່ພົ້ນເດັ່ນຂອງຕົນໃນໄລຍະທີ່ຜ່ານມາ ພ້ອມທັງມີການແລກປ່ຽນຖາມ-ຕອບວຽກງານດັ່ງກ່າວຢ່າງກົງໄປກົງມາ, ຊຶ່ງທາງປະກັນສັງຄົມທັງສອງຝ່າຍ ກໍ່ໄດ້ຕີລາຄາສູງຕໍ່ກັບບັນຫາທີ່ຖືກຍົກມາສົນທະນາ ເພື່ອເປັນແນວທາງໃນການປັບປຸງວຽກງານປະກັນສັງຄົມຂອງສອງປະເທດໃຫ້ມີທ່າກ້າວໃນແຕ່ລະໄລຍະ. ໃນຕອນທ້າຍຂອງກອງປະຊຸມ, ປະກັນສັງຄົມທັງສອງຝ່າຍ ຍັງໄດ້ມີຄໍາເຫັນໃນທີ່ປະຊຸມ ໂດຍແນໃສ່ໃຫ້ປະກັນສັງຄົມຂອງສອງປະເທດສືບຕໍ່ໃຫ້ ການພົວພັນ, ຮ່ວມມື, ແລກປ່ຽນບົດຮຽນເຊິ່ງກັນແລະກັນ ຢ່າງຮອບດ້ານ, ເອົາໃຈໃສ່ຊຸກຍູ້ໃນການຈັດຕັ້ງປະຕິບັດການປະກັນສັງຄົມຂອງສອງປະເທດ ໃຫ້ມີຄວາມເຂັ້ມແຂງໄປພ້ອມໆກັນ.
ສໍາລັບການເຄື່ອນໄຫວຢ້ຽມຢາມຂອງຄະນະຜູ້ແທນປະກັນສັງຄົມຫວຽດນາມໃນຄັ້ງນີ້ ແມ່ນໄດ້ໃຊ້ເວລາ 5 ວັນ, ນັບແຕ່ວັນທີ 21-25 ສິງຫາ 2019 ຈຶ່ງສໍາເລັດ.

div#mb_center,div#mb_bottom{ z - index: 9999; } div#mb_overlay{ z - index: 9999; }