ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 14/10/2019 ເວລາ 12:30


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 14/10/2019 ເວລາ 12:30

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໂທບໍ່ເສຍຄ່າໃນໂມງການ)

ສຊປລ_ຈັດເຜີຍແຜ່ວຽກງານປະກັນສັງຄົມໃຫ້ລັດຖະກອນຂອງຕົນ.

altເພື່ອສ້າງເຂົ້າໃຈເປັນເອກະພາບໃນການຈັດຕັ້ງປະຕິບັດກົດໝາຍວ່າດ້ວຍການປະກັນສັງຄົມ ສະບັບເລກທີ 54/ສພຊ ໂດຍແນໃສ່ໃຫ້ຜູ້ປະກັນຕົນປະກັນສັງຄົມ ຮັບຮູ້ ເຂົ້າໃຈກ່ຽວກັບບັນດາຂໍ້ກໍານົດທີ່ມີການປັບປຸງໃໝ່ພາຍໃຕ້ກົດໝາຍ

ເພື່ອຮັບປະກັນສິດຜົນປະໂຫຍດຂັ້ນພື້ນຖານຕາມແນວທາງນະໂຍບາຍຂອງພັກ ແລະ ລັດຖະບານ. ໃນວັນທີ 07 ສິງຫາ 2019 ສູນກາງຊາວໜຸ່ມປະຊາຊົນປະຕິວັດລາວ ຮ່ວມກັບ ກົມປະກັນສັງຄົມ ກະຊວງ ຮສສ ແລະ ຫ້ອງການກອງທຶນປະກັນສັງຄົມແຫ່ງຊາດ ໄດ້ຈັດກອງປະຊຸມເຜີຍແຜ່ກົດໝາຍວ່າດ້ວຍການປະກັນສັງຄົມ ແລະ ຄຳແນະນໍາກ່ຽວກັບການຈັດຕັ້ງປະຕິບັດກົດໝາຍວ່າດ້າຍການປະກັນສັງຄົມ ສະບັບປັບປຸງ, ໂດຍການເປັນປະທານຂອງທ່ານ ອາລຸນໄຊ ສູນນະລາດ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ມີຄະນະກົມ, ຄະນະພະແນກ ພ້ອມດ້ວຍລັດຖະກອນເຂົ້າຮ່ວມທັງໝົດ 107 ທ່ານ, ຍິງ 55 ທ່ານ.
ໃນກອງປະຊຸມ, ທ່ານ ນາງ ວັນໄຊ ສຸວັນນະເມທີ ຮອງຫົວໜ້າກົມປະກັນສັງຄົມ ໄດ້ຂື້ນບັນຍາຍກ່ຽວກັບພາບລວມຂອງກົດໝາຍວ່າດ້ວຍການປະກັນສັງຄົມ ສະບັບເລກທີ 54/ສພຊ ທີ່ລວມມີທັງໝົດ 12 ພາກ, 25 ໝວດ, ແລະ 123 ມາດຕາ; ຈາກນັ້ນຂື້ນບັນຍາຍສິດຜົນປະໂຫຍດປະກັນສັງຄົມໂດຍທ່ານ ນາງ ດວງເດືອນ ຈັນທະວົງ ຫົວໜ້າພະແນກປະຊາສໍາພັນ ຫກປຊ ຊຶ່ງທ່ານໄດ້ລົງເລິກກ່ຽວກັບພັນທະ, ສິດແລະຜົນປະໂຫຍດທີ່ຈະໄດ້ຮັບໃນການເຂົ້າເປັນສະມາຊິກປະກັນສັງຄົມ ພ້ອມດ້ວຍລະບຽບການຕ່າງໆທີ່ກ່ຽວຂ້ອງ, ໂດຍທ່ານໄດ້ກ່າວເນັ້ນຕື່ມວ່າ ການທີ່ຈະໄດ້ຮັບການຄຸ້ມຄອງຕາມລະບົບປະກັນສັງຄົມ ພະນັກງານ-ລັດຖະກອນຕ້ອງໄດ້ແຈ້ງຂື້ນທະນຽນນໍາປະກັນສັງຄົມນັບແຕ່ເປັນລັດຖະກອນ 95% ເພື່ອຮັບການຄຸ້ມຄອງຈາກລະບົບດັ່ງກ່າວ. ຈາກນັ້ນກອງປະຊຸມໄດ້ມີການສົນທະນາຖາມ-ຕອບ ກ່ຽວກັບບັນຫາສົນໃຈຕ່າງໆ ໂດຍການອະທິບາຍຊີ້ແຈງຂອງທີມງານປະກັນສັງຄົມ ຊຶ່ງເຮັດໃຫ້ຜູ້ເຂົ້າຮ່ວມຮັບຮູ້ ແລະ ເຂົ້າໃຈຫຼາຍຂື້ນ. ໃນໂອກາດດຽວກັນທ່ານ ອາລຸນໄຊ ສູນນະລາດ ເລຂາຄະນະບໍລິຫານງານ ສຊປລ ໄດ້ກ່າວຕີລາຄາສູງໃນການເຜີຍແຜ່ຄັ້ງດັ່ງກ່າວສັງເກດເຫັນໄດ້ຈາກບັນດາຂໍ້ຊັກຖາມຂອງຜູ້ເຂົ້າຮ່ວມຮັບຟັງ ດ້ວຍຄວາມເປັນເຈົ້າການ, ທ່ານກ່າວຕື່ມວ່າ: ວຽກງານດັ່ງກ່າວເປັນໜຶ່ງໃນແນວທາງນະໂຍບາຍໃນການພັດທະນາເສດຖະກິດ-ສັງຄົມ ຂອງພັກແລະລັດຖະບານ, ເປັນພັນທະຂອງພະນັກງານໝົດທຸກຄົນທີ່ຕ້ອງໄດ້ປະກອບສ່ວນເພື່ອຄ້ຳປະກັນຄວາມສ່ຽງໃນການດຳລົງຊີວິດ, ເປັນກອງທຶນທີ່ມີການຊ່ວຍເຫຼືອເຊິ່ງກັນແລະກັນພາຍໃນສັງຄົມ ປະກອບສ່ວນເຂົ້າໃນການສ້າງສາພັດທະນາປະເທດຊາດ, ພ້ອມດຽວກັນນັ້ນທ່ານຍັງໄດ້ຮຽກຮ້ອງໃຫ້ປະກັນສັງຄົມສືບຕໍ່ໃນການເຜີຍແຜ່ກົດໝາຍສະບັບປັບປຸງດັ່ງກ່າວໃຫ້ສັງຄົມຮັບຮູ້ຢ່າງທົ່ວເຖິງໃນຂອບເຂດທົ່ວປະເທດ ແລະ ພ້ອມທີ່ຈະໃຫ້ຄວາມຮ່ວມມືເປັນກຳລັງແຮງໃນການລົງເຄື່ອນໄຫວວຽກງານດັ່ງກ່າວຮ່ວມກັນເພື່ອສ້າງຄວາມເຂົ້າໃຈໃຫ້ແກ່ສັງຄົມຫຼາຍຍິ່ງຂື້ນ.

ພາບ-ຂ່າວ: ພະແນກປະຊາສຳພັນ

div#mb_center,div#mb_bottom{ z - index: 9999; } div#mb_overlay{ z - index: 9999; }