ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 11/11/2019 ເວລາ 10:09


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 11/11/2019 ເວລາ 10:43

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 MHz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 MHz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໂທບໍ່ເສຍຄ່າໃນໂມງການ)

ກອງປະຊຸມຈັດຕັ້ງປະຕິບັດການໂຮມໂຕວຽກງານປະກັນສຸຂະພາບ ກະຊວງສາທາລະນະສຸກ.

altໃນຕອນເຊົ້າຂອງວັນທີ 1 ສິງຫາ 2019 ທີ່ ໂຮງແຮມ ລ້ານຊ້າງ ນະຄອນຫຼວງວຽງຈັນ, ຫ້ອງການປະກັນສຸຂະພາບແຫ່ງຊາດ ເຊິ່ງຂຶ້ນກັບກະຊວງສາທາລະນະສຸກ ໄດ້ຈັດໃຫ້ມີກອງປະຊຸມ ເຜີຍແຜ່ການໂຮມໂຕລະບົບປະກັນສຸຂະພາບ

ພາກກາງ ຂຶ້ນເຊິ່ງພາຍໃຕ້ການເຂົ້າຮ່ວມຈາກ 3 ພາກສ່ວນຄື: ທ່ານ ພົນ ຈວ ສຸວັນນີ ສີສຸພາວິໄຊ ຮອງຫົວໜ້າກົມໃຫ່ຍການເມືອງ ກະຊວງ ປກສ, ທ່ານ ນາງ ດຣ ບົວຫອມ ພົມມະຈັນ ຮອງຜູ້ອຳນວຍການ ຫກປຊ ແລະ ທ່ານ ດຣ ບຸນແຝງ ພົມມະໄລສິດ ຫົວໜ້າຫ້ອງການປະກັນສຸຂະພາບແຫ່ງຊາດ, ມີຄະນະກົມ 3 ກະຊວງ, ຄະນະອຳນວຍການຈາກ 5 ໂຮງໝໍແຂວງ ແລະ ຕາງໜ້າຈາກ 3 ໂຮງໝໍສູນກາງ ພ້ອມດ້ວຍພະນັກງານຫຼັກແຫຼ່ງເຂົ້າຮ່ວມທັງໝົດ 50 ກ່ວາທ່ານ.
ຈຸດປະສົງຂອງກອງປະຊຸມໃນເທື່ອນີ້ແມ່ນເພື່ອຄວາມເປັນເອກະພາບໃນການຈັດຕັ້ງປະຕິບັດອຸດໜູນປະ
ກັນສຸຂະພາບພາຍໃຕ້ກົດໝາຍວ່າດ້ວຍການປະກັນສັງຄົມ ລະຫວ່າງ ຫ້ອງການກອງທຶນປະກັນສັງຄົມແຫ່ງຊາດ ແລະ ຫ້ອງການປກັນສຸຂະພາບແຫ່ງຊາດ ແນໃສ່ເຮັດໃຫ້ການສະໜອງການບໍລິການປິ່ນປົວສຸຂະພາບໃຫ້ແກ່ສະມາ
ຊິກກອງທຶນປະກັນສັງຄົມແຫ່ງຊາດໄດ້ຢ່າງຕໍ່ເນື່ອງ ແລະ ມີຄຸນນະພາບປະກອບສ່ວນໃນການກ້າວໄປສູ່ປະກັນສຸຂະ
ພາບທົ່ງປວງຊົນ. ໃນທີ່ປະຊຸມ ຄະນະປະທານ ທ່ານ ພົນ ຈວ ສຸວັນນີ ສີສຸພາວິໄຊ ຮອງຫົວໜ້າກົມໃຫ່ຍການເມືອງ ກະຊວງ ປກສ ໄດ້ກ່າວເຫັນວ່າ: ກອງປະຊຸມພວກເຮົາໄດ້ຈັດຂຶ້ນໃນບັນຍາກາດທີ່ທົ່ວພັກທົ່ວລັດພ້ອມກັນຈັດຕັ້ງປະຕິບັດມະຕິຂອງກອງປະຊຸມສະພາແຫ່ງຊາດຄັ້ງທີ X ຢ່າງຟົດຟື້ນ ໂດຍສະເພາະ ກະຊວງ ປກສ ກໍໄດ້ເອົາໃຈໃສ່ການຈັດຕັ້ງປະຕິບັດວຽກງານປະກັນສຸຂະພາບ ເພາະເປັນວຽກໜຶ່ງທີ່ສຳຄັນ ຕາມແນວທາງນະໂຍບາຍຂອງພັກ ແລະ ລັດ. ດັ່ງທີ່ພວກເຮົາຮູ້ກັນດີແລ້ວວ່າການປິ່ນປົວສຸຂະພາບຂອງພະນັກງານ ປກສ ເວົ້າລວມ ເວົ້າສະເພາະ ວຽກງານປະກັນສັງຄົມ ຖ້າຫາກພະນັກງານສຸຂະພາບບໍ່ແຂງແຮງກໍຈະເຮັດໃຫ້ການປະຕິບັດວຽກງານບໍ່ບັນລຸບໍ່ສຳເລັດ ຍ້ອນແນວນັ້ນ ກະຊວງ ປກສ ຈຶ່ງໄດ້ຕົກລົງມອງວຽກປະກັນສຸຂະພາບຂອງຕົນໃຫ້ກະຊວງສາທາລະນະສຸກເປັນຜູ້ຄຸ້ມຄອງຊ່ວຍເຫຼືອເບິ່ງແຍງພະນັກງານ ປກສ ເພື່ອຄວາມເປັນເອກະພາບໃນການຈັດຕັ້ງປະຕິບັດຕາມກົດໝາຍວ່າດ້ວຍການປະກັນສຸຂະພາບ ແລະ ເພື່ອເຮັດໃຫ້ວຽກງານປະກັນສຸຂະພາບມີຄວາມໝາຍຄວາມສຳຄັນຕໍ່ອ້າຍນ້ອງພະນັກງານຕຳຫຼວດ ຂໍຮຽກຮ້ອງໃຫ້ພະນັກງານສາທາລະນະສຸກ ແລະ ແພດໝໍຍົກສູງການບໍລິການເປັນຕົ້ນການຄຸ້ມຄອງກອງທຶນ, ກົນໄກການຈ່າຍເງິນສົມທົບຕ່າງໆໃຫ້ຖືກຕ້ອງ ເພື່ອເຮັດໃຫ້ຄົນເຈັບໄດ້ຮັບຄວາມເພິ່ງພໍໃຈເຊັ່ນ:
1. ຂອດການບໍລິການ, ຫ້ອງຮັບຕ້ອນ, ຫ້ອງນອນ, ຫ້ອງວິໄຈ ແລະ ອື່ນໆໃຫ້ມີຄວາມສະອາດ.
2. ຍົກສູງຈັນຍາບັນຂອງແພດໝໍ ມາລະຍາດການເວົ້າຈາ, ຍິ້ມແຍ້ມແຈ່ມໃສ, ການເວົ້າຈາອ່ອນຫວານ ບໍ່ຈຳກັດເພດໄວ ຊັ້ນຄົນຕ່າງໆ ບໍລິການດ້ວຍຄວາມຈິງໃຈເລີ່ມຈາກການຕ້ອນຮັບໄປຈົນຮອດການປິ່ນປົວຈົນຄົນເຈັບແຂງແຮງເປັນປົກກະຕິດີ.
3. ຍົກສູງຄວາມຮູ້ຄວາມສາມາດວຽກງານວິຊາສະເພາະ ການກວດກາ ການວິເຄາະ, ວິໃຈບົ່ງມະຕິພະຍາດ ວາງຢາປິ່ນປົວວ່ອງໄວ ແລະ ມີຄຸນນະພາບໃຫ້ສອດຄ່ອງກັບ 5 ດີ 1 ພໍໃຈຄື: ການຕ້ອນຮັບດີ ຄວາມສະອາດດີ ສະດວກດີ ບົ່ງມະຕິພະຍາດຊັດເຈນດີ ປິ່ນປົວດີ ແລະ ຄົນເຈັບເພິ່ງພໍໃຈ.
4. ຍົກສູງສະຕິການຕິດຕາມ ກວດກາ ການນຳໃຊ້ເຄື່ອງມືທີ່ທັນສະໄໝ ຖານຂໍ້ມູນຂອງຜູ້ປະກັນຕົນປ້ອງກັນຜູ້ປະກັນຕົນຕົກເຮັ່ຍບໍ່ໃຫ້ເຂົາເຈົ້າເສຍສິດ.
ທ່ານ ນາງ ບົວຫອມ ພົມມະຈັນ ຮອງຜູ້ອໍານວຍການຫ້ອງການກອງທຶນປະກັນສັງຄົມແຫ່ງຊາດກໍໄດ້ປະກອບຄຳເຫັນໃນທີ່ປະຊຸມວ່າ: ອຸດໜູນປິ່ນປົວສຸຂະພາບແມ່ນ 1 ໃນ 9 ປະເພດອຸດໜູນທີ່ປະກັນສັງຄົມໃຫ້ການຄຸ້ມຄອງຜູ້ປະກັນຕົນ ເຊິ່ງປະຈຸບັນມີຜູເກີດສິດນຳປະກັນສັງຄົມປະມານ 710,000 ກ່ວາຄົນ ເຊິ່ງວຽກງານປິ່ນປົວສຸຂະພາບນີ້ຕະຫຼອດໄລຍະຜ່ານມາ ປະກັນສັງຄົມເອງກໍພົວກັບບັນຫາຫຼາຍດ້ານ ທາງປະກັນສັງຄົມເອງກໍພະຍາຍາມພັດທະນາແກ້ໄຂມາຕະຫຼອດ. ພາຍຫຼັງທີ່ກົດໝາຍປະກັນສັງຄົມສະບັບ 54/ສພຊ ຖືກຮັບຮອງ ກໍໄດ້ໂອນວຽກປະກັນສຸຂະພາບໃຫ້ກະຊວງສາທາລະນະສຸກເປັນຜູ້ຄຸ້ມຄອງ ປະກັນສັງຄົມເອງ ຫກປຊ ມີໜ້າທີ່ລະດົມເອົາສະມາຊິກ, ເກັບເງິນສົມທົບຈາກເຂົາເຈົ້າ ແລະ ໂອນຂໍ້ມູນປິ່ນປົວໃຫ້ໂຮງໝໍຕ່າງໆທີ່ຜູ້ປະກັນຕົນເລືອກ ໝາຍຄວາມວ່າ ສະມາຊິກປະກັນສັງຄົມຍັງໄດ້ຮັບການຄຸ້ມຄອງຄືເກົ່າ. ແຕ່ເຖິງແນວໃດປະກັນສັງຄົມເອງກໍຕ້ອງໄດ້ສືບຕໍ່ປະຕິບັດປະສານງານກັບກະຊວງສາທາລະນະສຸກຄືເກົ່າເພື່ອຫຼຸດຜ່ອນຫາງສຽງຂອງສັງຄົມ.
ຈາກນັ້ນ ທ່ານ ຮສຈ. ປອ ໄມຕຣີ ເສນຈັນທິໄຊ ຮອງຫົວໜ້າຫ້ອງການປະກັນສຸຂະພາບແຫ່ງຊາດ ໄດ້ຂຶ້ນອ່ານບົດບັນທຶກການມອບ-ຮັບອຸດໜູນປິ່ນປົວສຸຂະພາບສະບັບເລກທີ 1679 ແລະ 1680/ຫກປຊ ເຊິ່ງເນື້ອໃນຂອງບົດບັນທຶກສອງສະບັບແມ່ນໄດ້ກຳນົດ ຈຸດປະສົງຂອງການໂຮມເອົາວຽກງານປະກັນສຸຂະພາບໃຫ້ມາໂຮມຢູ່ກະຊວງສາທາລະນະສຸກກໍເພື່ອໃຫ້ ສປປ ລາວ ບັນລຸເປົ້າໝາຍສະຫະສະວັດ MDG ໃນປີ 2030 ແລະ 1 ໃນວຽກງານທີ່ຕ້ອງບັນລຸກໍແມ່ນວຽກງານປະກັນສຸຂະພາບຮັບປະກັນໃຫ້ປະຊາຊົນທຸກຄົນເຂົ້າຮັບການປິ່ນປົວໄດ້ຮັບຄຸນນະພາບທີ່ປາສະຈາກການໃຊ້ຈ່າຍດ້ານການເງິນ ທັງການປິ່ນປົວ, ການບໍລິການ, ການສົ່ງເສີມ ແລະ ການຟື້ນຟູ. ຈາກນັ້ນ ທ່ານ ກໍໄດ້ນໍາສະເໜີໜັງສືແຈ້ງການແນະນໍາເພີ່ມຕື່ມກ່ຽວກັບການຈັດຕັ້ງປະຕິບັດການໂຮມໂຕ 2 ລະບົບປະກັນສຸຂະພາບຂອງທ່ານ ລັດຖະມົນຕີກະຊວງ ສາທາລະນະສຸກ ສະບັບເລກທີ 0836/ສທ, ລົງວັນທີ 23 ກໍລະກົດ 2019 ໃຫ້ກັບບັນດາຜູ້ເຂົ້າຮ່ວມໃຫ້ເຂົ້າໃຈ ແລະ ພ້ອມກັນຈັດຕັ້ງປະຕິບັດວຽກງານດັ່ງກ່າວຢ່າງເຂັ້ມງວດ.
ຫຼັງຈາກນັ້ນຜູ້ແທນໃນທີ່ປະຊຸມກໍໄດ້ມີການປະກອບຄຳເຫັນຢ່າງກົງໄປກົງມາ ກ່ຽວກັບເນື້ອໃນຂອງເອກະສານ ເຮັດໃຫ້ຜູ້ເຂົ້າຮ່ວມໄດ້ເຂົ້າໃຈແຈ້ງຢ່າງເປັນເອກະພາບກັນ. ກອງປະຊຸມໄດ້ປິດລົງໃນຕອນບ່າຍຂອງມື້ດຽວກັນ.

div#mb_center,div#mb_bottom{ z - index: 9999; } div#mb_overlay{ z - index: 9999; }