ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 15/10/2018 ເວລາ 15:00


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 15/10/2018 ເວລາ 15:00

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045ຂໍຂອບໃຈ!

ອົງການປະກັນສັງຄົມກັບ ບົດບາດໃໝ່ໃນການເປັນ ສະມາຊີກຂອງ ອາຊຽນ (ASSA)

ໃນລະຫວ່າງ ວັນທີ 3 ຫາ 6 ກັນຍານີ້ຄະນະຜູ້ແທນຂອງອົງການປະກັນສັງຄົມ ເຊີ່ງນຳໂດຍ ທ່ານ ຄຳພວງ ອິນທະແສງ, ຜູ້ອຳນວຍ ການອົງການປະກັນ ສັງຄົມ (ອປສ) ໄດ້ເຂົ້າຮ່ວມກອງປະຊຸມສະມາຄົມປະກັນສັງຄົມອາຊຽນ (ອາຊາ) ຄັ້ງວັນທີ 18 ທີ່ເມືອງປີນັງ ປະເທດ ມາເລເຊຍ ກອງປະຊຸມຄັ້ງນີ້ ອປສ ໄດ້ເຂົ້າ ຮ່ວມໃນຖານະທີ່ເປັນປະທານສະມາຄົມໂດຍ ທ່ານຜູ້ອຳນວຍການ ອປສ ໄດ້ດຳລົງ ຕ່ຳແໜ່ງເປັນປະທານສະມາຄົມດັ່ງກ່າວ ນັບແຕ່ທ້າຍ ປີ 2005 ເປັນຕົ້ນມາ.

ອົງ​ການ​ປະກັນ​ສັງຄົມ ( ອປສ ) ກັບ​ບົດບາດ​​ໃໝ່​ໃນ​ຖານະ​ສະມາຊິກ​ຂອງ​ສະມາຄົມ​ປະກັນ​ສັງຄົມ​ອາ​ຊຽນ ( ASSA )ໃນ​ລະຫວ່າງ ​ວັນ​ທີ 3-6ກັນຍາ2006 ຄະນະ​ຜູ້​ແທນ​ອົງການ​ປະກັນ​ສັງຄົມ ຊຶ່ງ​ນຳ​ໂດຍ​ ທ່ານ ຄຳ​ພວງ ອິນ​ທະ​ແສງ ຜູ້ອຳນວຍການອົງການ​ປະກັນ​ສັງຄົມ ​ໄດ້​​ເດີນທາງ​ໄປ​ເຂົ້່າຮ່ວມ​ກອງ​ປະຊຸມ​ປະກັນ​ສັງຄົມ​ອາ​ຊຽນ ( ASSA ) ຄັ້ງທີ 18 ທີ່​ເມືອງ​ ປີ​ນັງ ປະ​ເທດ​ມາ​ເລ​ເຊຍ​ . ກອງ​ປະຊຸມ ຄັ້ງນີ້ ອປສ ລາວ​ເຮົາ​ໄດ້​ເຂົ້າຮ່ວມ​ໃນ​ຖານະ ທີ່​ເປັນ​ອົງການ​ປະ​ທານ​ສະມາຄົມ ​ໂດຍ​ທ່ານ​ຜູ້ອຳນວຍການ ອປສ ​ໄດ້​ດຳລົງ​ຕຳ​​ແໜ່​ງ ປະທານ ​ສະ​ ມາ​ຄົມ​ດັ່ງກ່າວ​ນັບ​ແຕ່ ທ້າຍ​ປີ 2005 ​ເປັນ​ຕົ້ນມາ ​ແລະໃນ​ໄລ​ຍະ​ເວລາ​ດຽວ​ກັນນັ້ນ ທ່ານ ​ປະ​ເດີມ​ພອນ ​ສົນ​ທະ​ນີ, ຮອງ​ຜູ້ອຳນວຍການ ອປສ ກໍ​ໄດ້​ຮັບ​ການ​ແຕ່ງຕັ້ງ​ໃຫ້​ເປັນ​ເລຂາ​ທີ​ການ​ຂອງ​ສະມາຄົມ ອີ​ກດ້ວຍ.

ການ​ດຳລົງ 2 ຕຳ​ເໜ່ງທີ່​ສຳຄັນ​ດັ່ງ​ກ່າວ ມັນ​ໄດ້​ເປັນການ​ຍົກ​ສູງ​ບົດບາດ ​ຂອງ​ອົງການ​ປະກັນ​ສັງຄົມ​ລາວ​ເຮົາ  ​ໃນ​ເວທີ ອາ​ຊຽນ ກໍ​ຄື​ເວທີ​ສາ​ກົນ​ອື່ນໆ ​ໂດຍ​ຕະຫຼອດ​ໄລຍະ​ເວ​ລາ 1 ປີ​ແຫ່ງ​ການ​ດຳລົງ​ຕຳ​ແໜ່​ງດັງ​ກ່າວ ອົງການ​ປະກັນ​ສັງຄົມ ​ໄດ້​ເຮັດຫຼ້ອນ ໜ້າ​ທີ່​ຂອງ​ຕົນ ຕາມ​ທີ່​ໄດ້​ຮັບ​ການມອບ​ໝາຍ.ຕາມ​ລະບຽບການຂອງ ASSA ​ແລ້ວ​ບັນດາ​ປະ​ເທດ​ສະມາຊິກ​ຂອງ​ສະມາຄົມ​ຈະ​ຜັດປ່ຽນ​ກັນ​ດຳລົງ​ຕຳ​ແໜ່​ງປະທານ ​ແລະ ​ເລຂາທິການ​ຂອງ​ ສະມາຄົມ ​ເພື່ອ​ເປັນ​ຜູ້​ບໍລິຫານ ​ແລະ ປະສານ​ງານ​ຂອງ​ສະມາຄົມ ຕາມ​ລຳດັບ​ຕົວ​ອັກ​ສອນ​ຂອງ​ຊື່​ປະ​ເທດ ຊຶ່ງ​ມີ​ວາລະ ການ​ບໍລິຫານວຽກ​ງານ 1 ປີ. ສະນັ້ນການ​ເຂົ້າຮ່ວມ​ກອງ​ປະ​ຊຸມ​ຄັ້ງນີ້, ຜູ້ອຳນວຍການ ອປສ ​ໄດ້​ມອບ​ຕຳ​​ແໜ່​ງ ປະທານ​ ສະ​ມາ​ຄົມ​ໃຫ້​ຜູ້​ບໍລິ​ຫານ​ສູງ​ສຸດ (CEO ) ຂອງ ອົງການ​ປະກັນ​ສັງຄົມ​ແຫ່ງ​ປະ​ເທດ ມາ​ເລ​ເຊຍ ​ເຊິ່ງ​ແມ່ນ ທ່ານ ດາ​ຕຸຸກ ອາດ​ສະ​ລານ ​ໄຊ​ໂນນ ​ເປັນ​ຜູ້​ສື​ບຕໍ່​ບໍລິຫານ ​ວຽກ​ງານ​ຂອງ​ສະມາຄົມ​ຕໍ່​ໄປ. ພ້ອມ​ດຽວ​ກັນ​ນີ້ ທ່ານ​ຮອງ​ ຜູ້ອຳນວຍການ ອປສ ກໍ​ໄດ້​ມອບ​ຕຳ​ແໝ່ງ​ເລຂາ​ທິການສະມາຄົມ​ໃຫ້​ແກ່ ທ່ານ ອິບຣາຮິມ ທາຍ ​ເຈົ້າໜ້າ​ທີ່ ອາວຸດ​ໂສ ຂອງ​ອົງ​ການ​ປະກັນ​ສັງຄົມ ​ແຫ່ງ​ປະ​ເທດ ມາ​ເລ​ເຊຍ ​ເປັນ​ຜູ້​ດຳລົງ​ຕຳ​ແໜ່​ງຕໍ່​ໄປ​ເຊັ່ນ​ກັນ.

ນອກຈາ​ກການ​ມອບ​ຮັບ​ຕຳ​ແໜ່​ງນີ້​ແລ້ວ, ກອງ​ປະຊຸມ​ເທື່ອ​ນີ້​ຍັງ​ໄດ້​ສົນທະນາ​ກັນ​ໃນຫຼາຍໆ ​ບັນຫາ​ກ່ຽວ​ພັນ​ກັບ​ການ​ ພັດທະນາ​ສະມາຄົມເປັນຕົ້ນ ແມ່ນ​ບັນຫາ​ກາ​ນພັດທະນາ​ຊັບພະຍາກອນ​ມະນຸດ ສຳ​ລັບ​ບັນດາ​ອົງການ​ສະມາຊິກ​ຂອງ​ສະມາຄົມ. ກອງ​ປະຊຸມ ASSA ຈັດ​ຂື້ນ 2 ຄັ້ງຕໍ່​ປີໂດຍ ​ແຕ່ລະ​ປະ​ເທດ​ສະມາຊິກ​ ຈະຜັດປ່ຽນກັນ​ ເປັນ​ເຈົ້າພາບ ​ພ້ອມ​ກັນ​ນັ້ນກອງ​ປະຊຸມ​ປະກັນ​ສັງຄົມ​ແຫ່ງ ອາ​ຊຽນ ຍັງ​ເປັນ​ເວລາ​ທີ່​ສຳຄັນ​​ແຫ່ງ​ການ​ແລກປ່ຽນ​ບົດຮຽນ ແລະ ພົວພັນຮ່ວມ​ມືລະ​ຫ່ວາງ​ບັນດາ​ອົງການ​ທີ່​ເປັນ​ສະມາຊິກ  ​ແລະ ​ໃນ​ກອງ​ປະຊຸມ​ເທື່ອ​ນີ້ ບັນດາ​ຜູ້ຕາງ ໜ້າ​ໃຫ້​ແກ່ 3 ອົງການ​ທີ່​ເປັນ​ສະມາຊິກ ASSA ກໍ່​ໄດ້​ຂື້ນ​ນຳ​ສະ​ເໜີບົດຮຽນ ​ແລະ ປະສົບ​ການຂອງ​ຕົນ​ໃຫ້​​ແກ່​ທີ່​ປະຊຸມ ຊຶ່ງ​​ແມ່ນ​ບົດຮຽນ​ກ່ຽວ​ກັບ​ວຽກ​ງານ​ປະກັນ​ສັງຄົມ​ຂອງ​​ແຕ່​ລະ​ອົງການ ນອກຈາກ​ນີ້​ຍັງ​ມີ​ການ​ສຳ​ມະ​ນາ​ທາງ​ ວິຊາ​ການ ​ເປັນ​ເວ​ລາ 1ວັນ​ ໃນຫຼາຍໆ​ຫົວ​ຂໍ້ ​ໂດຍ​ນັກ​ບັນຍາຍ​ຮັບ​ເຊີນ ຊື່​ງບັນດາ​ຫົວ​ຂໍ້​ສຳ​ຄັນ ກໍ່​ແມ່ນ​ແນວ​ໂນ​ມຂອງ​ຈຳນວນ​ປະຊາກອນ​ຜູ້​ສູງ​ອາຍຸ ​ໃນ​ບັນດາ​ປະ​ເທດ ອາ​ຊຽນ, ການ​ປະຕິ​ຮູບລະບົບ ປະກັນ​ສັງຄົມ​ໃນ​ແຕ່ລະພາກ​ພື້ນ ​ຂອງ​ໂລກ, ວຽກ​ງານ​ການ​ເງິນ​ສຳລັບ ​ອຸດ​ໜູນ​ປິ່ນປົວ​ສຸຂະພາບ ​ແລະ ຫົວ​ຂໍ້​ທີ່ສຳຄັນ​ອື່ນໆ ຊື່​ງລ້ວນ​​ແລ້ວ​ແຕ່​​ເປັນ​ບົດຮຽນ​ອັນ​ລ້ຳຄ່າ ສຳລັບ​ບັນດາອົງການ​ສະມາຊິກ ອາຊ​າ. ສະມາຄົມ​ປະ​ກັນ​ສັງຄົມ​ອາ​ຊຽນ ​ໄດ້​ຖືກ​ສ້າງຕັ້ງຂື້ນ​ໃນ​ປີ 1995 ​ໂດຍ​ເປົ້າໝາຍ​ກໍ່​ເພື່ອ​ສົ່ງ​​ເສີມ​ການ​ຮ່ວມ​ມື ​ແລະ ​ແລກປ່ຽນ​ບົດຮຽນ ​ໃນ​ຂົງ​ເຂດວຽກ​ງານ​ປະກັນສັງຄົມ ລະຫວ່າງ​ບັນດາ​ປະ​ເທດ ອາ​ຊຽນ ​ແລະ ພ້ອມ​ກັນ​ພັດ​ທະນາ ການ​ປະກັນ​ສັງຄົມ ສຳລັບ​ປະຊາກອນ​ໃນ​ພາກ​ພື້ນ​ອາ​ຊຽນ. ຍ້ອນ​ການ​ປະກັນ​ສັງຄົມ​ເປັນວຽກງານ​ໃຫ່ຍລະດັບ​ຊາດ ທີ່​ມີຄວາມ​ສຳຄັນ​ສຳລັບ​ທຸກ​ປະ​ເທດ​ໃນ​ໂລກ ມັນ​ຈື່ງ​ມີ​ຄວາມ​ຈຳ​ເປັນສຳ​ລັບ ອປສ ພວກ​ເຮົາທີ່​ຈະ​ຕ້ອງ​ໄດ້​ແລກປ່ຽນ​ບົດຮຽນ​ ແລະ ຮ່ວມ​ມື​ກັບ​ອົງ​ການ​ປະກັນ​ສັງຄົມ​ອື່ນໆ ​ໂດຍສະ​ເພາະ​​ແມ່ນ​ບັນດາອົງການ​ຂອງ​ປະ​ເທດ​ໃນ​ພາກ​ພື້ນ ອາ​ຊຽນ: ບຣູ​ໄນ, ອິນ​​ໂດ​ເນ​ເຊຍ, ລາວ, ມາ​ເລ​ເຊຍ, ຟີ​ລີ​ປິນ, ສິງ​ກາ​ໂປ, ​ໄທ ​ແລະ ຫວຽດນາມ. ສຳລັບ​ລາວ​ເຮົາ​​ເປັນ​ປະ​ເທດຫຼ້າສຸດ ທີ່​ໄດ້​ເຂົ້າ​ເປັນ​ສະມາຊິກ​ຂອງ​ສະມາຄົມ ​ຊຶ່ງ​ໄດ້​ເຂົ້າ​ເປັນ​ສະມາຊິກ​ຢ່າງ​ເປັນ​ທາງ​ການ​ໃນ​ທ້​າຍ​ປີ 2003.