ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ກອງ​ປະ​ຊຸມ​ສະ​ພາບໍລິຫານ ຄັ້ງທີ 7

ໃນ​ຕອນ​ເຊົ້າ ​​ເວລາ 8:30 ​ໂມງ, ວັນ​ທີ 25/8/2006 ທີ່ຫ້ອງປະຊຸມ ກະຊວງແຮງງານ ແລະ ສະຫວັດດີການສັງຄົມ ໄດ້ມີກອງປະຊຸມສະພາບໍລິຫານ ອປສ ຄັ້ງທີ VII, ໂດຍມີບັນດາ ກຳມະການສະພາບໍລິຫານ, ຄະນະອຳນວຍການ ອປສ, ຫົວໜ້າພະແນກ, ຮອງພະແນກ ແລະ ວິຊາການຂອງ ອປສ ເຂົ້າຮ່ວມຈຳນວນ 15 ທ່ານເຂົ້າຮ່ວມ. ພາຍໃຕ້ການເປັນປະທານຂອງ ທ່ານ ເລ ກາກັນຍາ ລັດຖະມົນຕີຊ່ວຍວ່າການ ກະຊວງແຮງງານ ແລະ ສະຫວັດດີ ການສັງຄົມ ທັງເປັນປະທານສະພາບໍລິຫານ ອປສ.

ພາຍຫຼັງເປີດພິທີແລ້ວທ່ານຜູ້ອຳນວຍການ ອປສ ລາຍງານວຽກໄລຍະເດືອນ 4 ຫາເດືອນ 8/2006 ຊຶ່ງ​ມີ​ບາງ​ເນື້ອ​ໃນ​ສຳຄັນດັ່ງນີ້: ໄລ​ຍະ 4​ ເດືອນ (​ເດືອນ 4-5-6-7/2006) ມີ 12 ​ວິ​ສາ​ ຫະກິດ​ມາ​ເຂົ້າລວມຜູ້​ອອກ​ແຮງ​ງານ​ມີ178​ ຄົນ. ມາ​ຮອດ​ປະຈຸ​ບັນ​ວິ​ສາ​ຫະກິດຂຶ້ນ ​ທະບຽນທັງ​ໝົດ​ມີ 247 ວິ​ສາ​ຫະກິດ, ລວມຜູ້​ອອກ​ແຮງ​ງານ​ທັງ​ໝົດ​ມີ 27.029ຄົນ ​ແລະ ​ເພື່ອ​ໃຫ້​ມີ​ສຳມະ​ຊິກ ​ເພີ່ມ​ຂຶ້ນນັ້ນ ອປສ​ ໄດ້​ປະຊາ​ສຳ ພັນ​ທາງ​ວິທະຍຸ, ໜັງສື​ພີ​ມ​ແລະລົງ​ເຖິງ​ວິ​ສາ​ຫະກິດໄດ້​ 41 ​ແຫ່ງ, ພ້ອມ​ນີ້ທ່ານ​ລັດຖະມົນຕີຍັງ​ໄດ້​ແຕ່ງ​ຕັ້ງ​ຄະນະ​ຊຸກຍູ້ ແລະ ຜັນ​ຂະຫຍາຍ​ດຳລັດ, ​ທັງ​ແຕ່ງຕັ້ງ​ຄະນະກຳມະການ​ລົງທຶນອີກ​ດ້ວຍ. ລົງ​ພົວພັນ​ກັບ​ພະ​ແນ​ກ​ແຮງ​ງານ ​ແລະ ສະຫວັດດີ​ການ​ສັງຄົມ​ແຂວງ ​ແລະ​ ການ​ນຳແຂວງ​ຄຳ​ມວນ​ກ່ຽວ​ກັບ​ການ​ກະກຽມ​ ເປີດ​ຫ້ອງການສາຂາ ອປສ ຢູ່​ ທີ່​ແຂວງ​ດັ່ງກ່າວ. ​ເພື່ອ​ຮອງ​ຮັບ​ໃຫ້​ແກ່​ການ​ເປີດ​ສາຂາ​ ຫຼື ດຳ​ເນີນ​ວຽກງານ ອປສ ​ໄດ້​ສົມທົບ​ກັບ ພະ​ແນ​ກສາທາ ແຂວງ,​ ໂຮງໝໍ​ແຂວງ, ບັນດາ​ໂຮງໝໍ​​ ໃນແຂວງ​ຄຳ​ມວນ​​ ເພື່ອ​ກະກຽມ​ເປີດ​ບໍລິການປະກັນ ສຸຂະພາບ​ແກ່​ຄົນ​ເຈັບ​ປະກັນ​ສັງຄົມ ພ້ອມນີ້​ຍັງ​ໄດ້​ຈັດ​ສຳ​ມະ​ນາ​ ໃຫ້ພະ​ແນ​ກການ, ຜູ້​ໃຊ້​ແຮງ​ງານ ​ແລະ ​ລົງ​ປະຊາສຳພັນ​ ໃຫ້​ກຳມະກອນ​ລວມທັງ​ໝົດ 1.500ຄົນ. ເພື່ອ​ພັດທະນາ​ ວຽກ​ງານ​ປະກັນ​ສຸຂະ​ພາບ​ຂອງ ອປສ ພວກ​ເຮົາ​ໄດ້​ຈັດ​ກອງ​ປະຊຸມ​ຊ່ອງ​ແສງ​ແກ້​ໄຂ​ບັນຫາ​ການ​ຮ້ອງ​ຮຽນ,​ ມີ​ຊ່ຽວຊານ​ມາ​ສຶກສາ ​​ແລະ ​ຈັດ​ສຳ​ມະ​ນາ​ກ່ຽວ​ກັບ​ວິທີ​ການ​ຈ່າຍ​ເງິນ​ເພີ່ມ​ໃຫ້​ ໂຮງໝໍ ​ແລະ ເຊັນ​ສັນຍາ​ກັບ​ ໂຮງໝໍ​ ແຂວງ ​ສະຫວັນ​ນະ​ເຂດ ​ເພື່ອ​ຮັບປະກັນ​ການ​ປີ່​ນປົວ​ໃຫ້​ຜູ້​ປະກັນ​ຕົນ​ທີ່​ ເລືອກ​ໂຮງໝໍ​ດັ່ງກ່າວ ໄດ້​ເລີ່​ມຕົ້ນ​ເບີກ​ຈ່າຍ​ເງິນ​ອຸດ​ໜູນ​ບຳນານ​ ໃຫ້​ແກ່ 7 ຄົນ​ທຳ​ອິດ ຊຶ່ງ​ມີ​ມູມຄ່າ 1.839.494 ກີບ/​ເດືອນ. ນອກຈາກນີ້ທີ່ປະຊຸມຍັງໄດ້ ຜ່ານແຜນກິດຈະກຳ 4 ເດືອນສຸດທ້າຍຂອງປີ 2006 ແລະ ພິຈາລະນາບັນຫາຕ່າງໆ ທີ່ທາງ ອປສ ໄດ້ນຳສະເໜີເຊັ່ນ:ການທົນແທ່ນຄ່າປີ່ນປົວ ໃຫ້ແກ່ຜູ້ປະກັນຕົນ, ຂໍຊ່ຽວຊານດ້ານ IT ຈາກ ປະເທດເຢຍລະມັນ, ຂັ້ນຕອນການລົງທຶນ ດັດແກ້ຂໍ້ຕົກລົງ ທີ່ຮັບຮອງແລ້ວ, ຜ່ານຮ່າງຂໍ້ຕົກລົງກວດກາ ແລະ ບັນຫາສຳຄັນອື່ນໆ ອີກ. ກອງປະຊຸມປິດລົງໃນເວລາ 15:30 ໂມງຂອງວັນດ່ຽວກັນ.