ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 27/05/2019 ເວລາ 10:20


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 27/05/2019 ເວລາ 12:29

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 Mhz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 Mhz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໂທບໍ່ເສຍຄ່າໃນໂມງການ)

ການພັດທະນາແບບຈໍາຮອງການພະຍາກອນຕະຫຼາດແຮງງານ ຂອງ ສປປ ລາວ ໃນໄລຍະປີ 2019-2021.

altພື່ອເປັນການຜັນຂະຫຍາຍຜົນຂອງກອງປະຊຸມໂຕະມົນປະຈຳປີ 2017 ກ່ຽວກັບ "ການລົງທຶນໃສ່ການພັດທະນາສີມືແຮງງານ ເຊິ່ງເປັນປັດໃຈສຳຄັນໃນການພັດທະນາຊັບພະຍາ ກອນມະນຸດ" ແລະ ທັງເປັນການປະຕິບັດຕາມ

ແຈ້ງການແນະນຳສະບັບເລກທີ 0194/ຮສສ, ລົງວັນທີ 01/02/2018 ຂອງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ໃນການພັດທະນາລະບົບຂໍ້ມູນຂ່າວສານຕະຫຼາດແຮງງານແຫ່ງຊາດ (Labour Marketing Information System - LMIS) ຂອງ ກົມພັດທະນາສີມືແຮງງານ ແລະ ຈັດຫາງານ ເພື່ອເຮັດໃຫ້ຜູ້ອອກແຮງງານ ແລະ ຜູ້ປະກອບການ ສາມາດຮັບຮູ້ຂໍ້ມູນຂ່າວສານແຮງງານທີ່ຖືກຕ້ອງ ແລະ ສອດຄ່ອງກັບຄວາມຕ້ອງການຂອງຕະຫຼາດແຮງງານ; ຊຸກຍູ້ ແລະ ພັດທະນາຂໍ້ມູນຂ່າວສານຕະຫຼາດແຮງງານເຂົ້າໃນການດັດສົມມະຫາພາກດ້ານແຮງງານແຕ່ລະໄລຍະໃຫ້ມີຄວາມຄ່ອງຕົວ ເພື່ອເປັນເງື່ອນໄຂໃນການຂື້ນແຜນສ້າງ ແລະ ພັດທະນາກໍາລັງແຮງງານໃຫ້ສອດຄ່ອງກັບແຜນພັດທະນາເສດຖະກິດ-ສັງຄົມ ແລະ ຕະຫຼາດແຮງງານຢ່າງມີປະສິດ ທິພາບທັງໃນປັດຈຸບັນ ແລະ ອານະຄົດ, ສະນັ້ນ ໃນຕອນເຊົ້າຂອງວັນທີ 19 ກຸມພາ 2019 ນີ້ ທີ່ ຫ້ອງປະຊຸມໃຫຍ່ ກະຊວງ ແຮງງານ ແລະ ສະຫວັດດີການສັງຄົມ ຈຶ່ງໄດ້ມີກອງປະຊຸມເຜີຍແຜ່ແບບຈຳຮອງການພະຍາກອນຕະຫຼາດແຮງງານ ຂອງ ສປປ ລາວ ຂື້ນ, ໂດຍການເປັນປະທານຂອງ ທ່ານ ໄທ ແສງອາລຸນ ຮອງຫົວໜ້າກົມພັດທະນາສີມືແຮງງານ ແລະ ຈັດຫາງານ ກະຊວງ ຮສສ, ມີຄະນະກົມ, ຄະນະອຳນວຍການ, ບັນດາພະແນກການທີ່ຂື້ນກັບ, ມີຕາງໜ້າ ກະຊວງແຜນການ ແລະ ການລົງທຶນ, ກະຊວງອຸດສະຫະກຳ ແລະ ການຄ້າ, ສູນສະຖິຕິແຫ່ງຊາດ, ສະພາການຄ້າ ແລະ ອຸດສະຫະກຳແຫ່ງຊາດ, ກອງທຶນປະກັນສັງຄົມແຫ່ງຊາດ, ສະຖາບັນຄົ້ນຄ້ວາເສດຖະກິດແຫ່ງຊາດ, ສະຖາບັນພັດທະນາສີມືແຮງງານລາວ-ເກົາຫຼີ, ພະແນກ ຮສສ ນ.ວ, ສູນບໍລິການຈັດຫາງານ, ມະຫາວິທະຍາໄລແຫ່ງຊາດ ພ້ອມດ້ວຍແຂກຖືກເຊີນເຂົ້າຮ່ວມທັງໝົດ 45 ທ່ານ, ຍິງ 14 ທ່ານ.

ໃນກອງປະຊຸມ ໄດ້ຮັບຟັງການລາຍງານຜົນຂອງການວິເຄາະເບື້ອງຕົ້ນແບບຈໍາຮອງການພະຍາກອນຕະຫຼາດແຮງງານ ຂອງ ສປປ ລາວ ໂດຍ ທ່ານ ໄທ ແສງອາລຸນ ຮອງຫົວໜ້າກົມພັດທະນາສີມືແຮງງານ ແລະ ຈັດຫາງານ ຊຶ່ງທ່ານໃຫ້ຮູ້ວ່າ ການຄົ້ນຄ້ວາ ແລະ ກຳນົດເອົາການສ້າງແບບຈຳຮອງພະຍາກອນຕະຫຼາດແຮງງານ ໄລຍະສັ້ນ 2019-2021 ແມ່ນເປັນທາງເລືອກຂັ້ນພື້ນຖານໃນການສະໜອງຂໍ້ມູນຂ່າວສານຕະຫຼາດແຮງງານ; ການລາຍງານທ່າອ່ຽງການເໜັງຕີງຂອງຕະຫຼາດແຮງງານເພື່ອເປັນເຄື່ອງມືຮັບໃຊ້ຂອງຄະນະກຳມະທິການແຫ່ງຊາດ ທີ່ຮັບຜິດຊອບໃນການວາງແຜນພັດທະນາຊັບພະຍາກອນມະນຸດຂອງ ສປປ ລາວ, ນອກນັ້ນຍັງໄດ້ຄວາມຄືບໜ້າໃນການຈັດຕັ້ງປະຕິບັດວຽກງານຕົວຈິງຮ່ວມກັບພາກສ່ວນຕ່າງໆເຊັ່ນ: ກະຊວງສຶກສາທິການ ແລະ ກິລາ, ສະຖາບັນຄົ້ນຄ້ວາເສດຖະກິດແຫ່ງຊາດ, ມະຫາວິທະຍາໄລແຫ່ງຊາດ, ສູນສະຖິຕິແຫ່ງຊາດ, ທະນາຄານແຫ່ງ ສປປ ລາວ, ກະຊວງແຜນການ ແລະ ການລົງທຶນ, ກະຊວງອຸດສະຫະກຳ ແລະ ການຄ້າ, ກະຊວງພາຍໃນ ແລະ ນັກຄົ້ນຄ້ວາຈາກສູນຮຽນຮູ້ການພັດທະນາອົດຕຣາລີ (LADFL) ຊຶ່ງເຮັດໃຫ້ສາມາດຮັບຮູ້ໄດ້ເຖິງຂໍ້ສະດວກ ຂໍ້ຫຍຸ້ງຍາກ ທີ່ເປັນສິ່ງທ້າທາຍເພື່ອຊອກຫາວິທີທາງການແກ້ໄຂຮ່ວມກັນ. ນອກນັ້ນກອງປະຊຸມ ຍັງໄດ້ຮັບຟັງການນໍາສະເໜີການພັດທະນາລະບົບຂໍ້ມູນຂ່າວສານຕະຫຼາດແຮງງານ (LMIS) ຂອງທ່ານ ພຸດທະວົງ ພູມມະສັກ ຫົວໜ້າພະແນກຂໍ້ມູນຂ່າວສານຕະຫຼາດແຮງງານ ແລະ ແບບຈຳຮອງພະຍາກອນກຳລັງແຮງງານ ໂດຍອາຈານຈາກມະຫາວິທະຍາໄລແຫ່ງຊາດ. ໃນຕອນທ້າຍທີ່ກອງປະຊຸມໄດ້ມີການແລກປ່ຽນ ແລະ ປະກອບຄຳຄິດຄຳເຫັນຢ່າງກົງໄປກົງມາຂອງຜູ້ເຂົ້າຮ່ວມ ຊຶ່ງປະທານກໍ່ໄດ້ຕີລາຄາສູງຕໍ່ກັບບັນດາຄຳຖາມ, ຂໍ້ສະເໜີ ແລະ ການຊີ້ແຈງບັນຫາຕ່າງໆ ເພື່ອປະກອບເຂົ້າໃນການຄົ້ນຄ້ວາ ເຮັດໃຫ້ວຽກງານດັ່ງກ່າວບັນລຸຕາມຄາດໝາຍທີ່ວາງໄວ້. ກອງປະຊຸມເຜີຍແຜ່ແບບຈໍາຮອງການພະຍາກອນຕະຫຼາດແຮງງານ ຂອງ ສປປ ລາວ ໄດ້ສໍາເລັດລົງໃນພາກເຊົ້າຂອງມື້ດຽວກັນ.

ພາບບັນຍາກາດໂດຍລວມ:









ເພື່ອເປັນການຜັນຂະຫຍາຍຜົນຂອງກອງປະຊຸມໂຕະມົນປະຈຳປີ 2017 ກ່ຽວກັບ "ການລົງທຶນໃສ່ການພັດທະນາສີມືແຮງງານ ເຊິ່ງເປັນປັດໃຈສຳຄັນໃນການພັດທະນາຊັບພະຍາກອນມະນຸດ" ແລະທັງເປັນການປະຕິບັດຕາມແຈ້ງການແນະນຳສະບັບເລກທີ 0194/ຮສສ, ລົງວັນທີ
div#mb_center,div#mb_bottom{ z - index: 9999; } div#mb_overlay{ z - index: 9999; }