ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 24/06/2019 ເວລາ 09:30


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 24/06/2019 ເວລາ 11:51

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ


ເຊີນທ່ານຕິດຕາມລາຍການ "ປະກັນສັງຄົມ" ວັນຈັນ-ອາທິດ ເວລາ 15:30-16:00 ຄື້ນ FM 103.7 Mhz ແລະ ວັນເສົາ-ອາທິດ ເວລາ 8:00-9:00 ຄື້ນ FM 105.5 Mhz ຫຼື ຕິດຕາມຄໍລ້ຳຜ່ານໜ້າ ນສພ ປະຊາຊົນ ໄດ້ທຸກໆອາທິດສອບຖາມ: 1508 (ໂທບໍ່ເສຍຄ່າໃນໂມງການ)

ກອງປະຊຸມສະພາບໍລິຫານ ກອງທຶນປະກັນສັງຄົມແຫ່ງຊາດ ຄັ້ງທີ XV.

altໃນທາມກາງບັນຍາກາດທີ່ທົ່ວພັກ-ທົ່ວລັດ ພວມສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 70 ປີ, ການພັດທະນາລະບົບປະກັນສັງຄົມຂອງລາວ ກໍ່ຍັງຄົງສືບຕໍ່ເຄື່ອນໄຫວໄປຢ່າງບໍ່ຢຸດຢັ້ງ

ໃນທາມກາງບັນຍາກາດທີ່ທົ່ວພັກ-ທົ່ວລັດ ພວມສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບຮອບ 70 ປີ, ການພັດທະນາລະບົບປະກັນສັງຄົມຂອງລາວ ກໍ່ຍັງຄົງສືບຕໍ່ເຄື່ອນໄຫວໄປຢ່າງບໍ່ຢຸດຢັ້ງ ເພື່ອກຽມພ້ອມຮັບມືກັບສະພາບການປ່ຽນແປງໃນແຕ່ລະໄລຍະ ໂດຍສະເພາະແມ່ນການນໍາໃຊ້ເທັກໂນໂລຊີທີ່ທັນສະໄໝເຂົ້າຮັບໃຊ້ວຽກງງານວິຊາສະເພາະຮອບດ້ານ ເພື່ອກ້າວໄປສູ່ການບັນລຸຕົວເລກຄາດໝາຍສູ້ຊົນ ແລະ ຍາດເແຍ່ງຜົນງານໃໝ່ຕາມແຕ່ລະໄລຍະ. ໃນຕອນເຊົ້າຂອງວັນທີ 22 ມັງກອນ 2019 ທີ່ ຫ້ອງປະຊຸມໃຫຍ່ ຂອງ ຫ້ອງການກອງທຶນປະກັນສັງຄົມແຫ່ງຊາດ ໄດ້ຈັດກອງປະຊຸມສະພາບໍລິຫານ ຄັ້ງທີ XV ຂອງຕົນຂຶ້ນ, ໂດຍການເປັນປະທານຂອງທ່ານ ປ.ອ ຄໍາແພງ ໄຊສົມແພງ ລັດຖະມົນຕີ ກະຊວງ ແຮງງານ ແລະ ສະຫວັດດີການສັງຄົມ ປະທານສະພາບໍລິຫານ ກປຊ, ເຂົ້າຮ່ວມກອງປະຊຸມໃນຄັ້ງນີ້ ມີຮອງປະທານ, ຄະນະກຳມະການສະພາບໍລິຫານ, ຄະນະອຳນວຍການ ແລະ ບັນດາພະແນກການທີ່ກ່ຽວຂ້ອງ ເຂົ້າຮ່ວມຢ່າງພ້ອມພຽງ.

ຈຸດປະສົງກໍ່ເພື່ອເປັນການທົບທວນຄືນ ແລະ ສະຫຼຸບຕີລາຄາການຈັດຕັ້ງປະຕິບັດວຽກງານ ຂອງ ຫ້ອງການກອງທຶນປະກັນສັງຄົມແຫ່ງຊາດ ປະຈຳສົກປີ 2018 ແລະ ກໍານົດທິດທາງແຜນການ ປະຈຳສົກປີ 2019, ຊຶ່ງພາຍຫຼັງປະທານກ່າວເປີດພິທີ ທ່ານ ປະເດີມພອນ ສົນທະນີ ຜູ້ອຳນວຍການ ຫກປຊ ໄດ້ລາຍງານກ່ຽວກັບສະພາບການຈັດຕັ້ງປະຕິບັດວຽກງານໃນໄລຍະ 1 ປີທີ່ຜ່ານມາ, ຊຶ່ງທ່ານໄດ້ລາຍງານໃຫ້ຮູ້ວ່າ: ໃນປີ 2018 ກປຊ ໄດ້ມີການຈັດຕັ້ງປະຕິບັດໂຄງການຈຸດສຸມຫຼາຍຢ່າງ ເຊັ່ນ: ສຳເລັດການປັບປຸງລະບົບໂປຼແກຼມເງິນສົມທົບພາກລັດ ຊຶ່ງສາມາດເກັບກຳຂໍ້ມູນການຈ່າຍເງິນສົມທົບຂອງພະນັກງານ-ລັດຖະກອນໄດ້ລະອຽດຂອງແຕ່ລະຄົນ ພ້ອມທັງລົງຕິດຕັ້ງ ແລະ ຝຶກອົບຮົມໃຫ້ບັນດາສູນບໍລິການໃນຂອບເຂດທົ່ວປະເທດ, ສຳເລັດການປັບປຸງລະບົບເຄືອຄ່າຍເພື່ອເພີ່ມການບໍລິການໃຫ້ມີຄວາມຄ່ອງຕົວ ແລະ ວ່ອງໄວຂື້ນ ໂດຍການຍົກລະດັບເຄືອຂ່າຍເປັນລະບົບສາຍເຊົ່າ (Leaseline) ແລະ ເພີ່ມຄວາມໄວອິນເຕີເນັດໃຫ້ສູງຂື້ນ ເພື່ອໃຫ້ສາມາດເຊື່ອມໂຍ່ງຖານຂໍ້ມູນລະຫວ່າງສູນກາງ ແລະ ທ້ອງຖິ່ນ ຜ່ານລະບົບອອນລາຍ, ໄດ້ເລີ່ມຈັດຕັ້ງປະຕິບັດໂຄງການທົດລອງຮັບເງິນສົມທົບພາກສະໝັກໃຈ ຜ່ານລະບົບການບໍລິການຂອງທະນາຄານພັດທະນາລາວ ຢູ່ ນະຄອນຫຼວງວຽງຈັນ ແລະ ໄດ້ດຳເນີນການສຶກສາຄວາມເປັນໄປໄດ້ໃນການຮັບເງິນສົມທົບພາກວິສາຫະກິດຜ່ານລະບົບທະນາຄານດັ່ງກ່າວ ໂດຍຈະເລີ່ມຈາກວິສາຫະກິດທີ່ມີລະບົບອິນເຕີເນັດແບັງຄິງ (Internet Banking) ກັບທະນາຄານ, ໄດ້ເລີ່ມທົດລອງໂຄງການພັດທະນາສິ່ງອໍານວຍຄວາມສະດວກໃຫ້ແກ່ຜູ້ປະກັນຕົນ ດ້ວຍການຈໍາລອງປ່ອງບໍລິການຜ່ານປະຕູດຽວ ຢູ່ຫ້ອງການສໍານັກງານໃຫຍ່ ແລະ ຈັດກອງປະຊຸມປຶກສາຫາລືກັບບັນດາກະຊວງ ກ່ຽວກັບການຈ່າຍເງິນອຸດໜູນໄລຍະຍາວຂອງພາກລັດ ໂດຍໃຫ້ ຫກປຊ ເປັນຜູ້ໂອນເຂົ້າບັນຊີຂອງແຕ່ລະຄົນຜ່ານລະບົບ ATM ໂດຍກົງ ຊຶ່ງຜ່ານມາແຕ່ລະກະຊວງຈະເປັນຜູ້ໂອນເຂົ້າບັນຊີຂອງພະນັກງານບໍານານ ແລະ ເສຍອົງຄະ ດ້ວຍຕົນເອງ, ໄດ້ຈັດຕັ້ງປະຕິບັດໂຄງການສົ່ງເສີມການປະຊາສໍາພັນ ດ້ວຍການໂຄສະນາຜ່ານສື່ສັງຄົມອອນໄລ (facebook), ຜ່ານຈໍ LED 3 ຈຸດ ແລະ ສົມທົບກັບອົງການສາມຝ່າຍ ກະຊວງ ຮສສ, ສູນກາງກໍາມະບານລາວ ແລະ ສະພາການຄ້າ ແລະ ອຸດສາຫະກໍາແຫ່ງຊາດ ໃນການໂຄສະນາປະຊາສໍາພັນ ແລະ ຊຸກຍູ້ບັນດາຫົວໜ່ວຍທຸລະກິດເປົ້າໝາຍເຂົ້າສູ່ລະບົບປະກັນສັງຄົມ, ໄດ້ຈັດຕັ້ງປະຕິບັດໂຄງການຊຸກຍູ້ ແລະ ສົ່ງເສີມທາງດ້ານວິຊາການ ໂດຍການຈັດຝຶກອົບຮົມໃຫ້ພະນັກງານຂອງ ຫກປຊ 2 ຄັ້ງ ແລະ ສູນບໍລິການ 3 ຄັ້ງ, ສໍາເລັດໂຄງການທົດລອງສ້າງໜ່ວຍບໍລິການກອງທຶນປະກັນສັງຄົມຂັ້ນເມືອງ 5 ເມືອງ (ຫົງສາ, ຄໍາເກີດ, ເຊໂປນ, ເລົ່າງາມ ແລະ ເມືອງ ໂຂງ) ຕາມແຜນການທີ່ວາງໄວ້, ໄດ້ຄົ້ນຄ້ວາ ແລະ ກໍານົດຄວາມຕ້ອງການຂອງໜ້າວຽກ ໃນໂຄງການປັບປຸງລະບົບຖານຂໍ້ມູນທະບຽນ ແລະ ເງິນສົມທົບພາກວິສາຫະກິດ ໂດຍປ່ຽນຈາກຖານຂໍ້ມູນ Foxpro ມາເປັນ MySQL ໂດຍຈະຈັດປະມູນໃຫ້ພາກສ່ວນທາງນອກທີ່ມີຄວາມທັນສະໄໝ ແລະ ຮັບປະກັນການຕົກເຮ່ຍເສຍຫາຍ, ໄດ້ຄົ້ນຄ້ວາຮ່າງຂໍ້ຕົກລົງຂອງລັດຖະມົນຕີກ່ຽວກັບລະບົບສະໝັກໃຈໃຫ້ຮັດກຸມກ່ວາເກົ່າ ແລະ ໄດ້ອອກແຈ້ງການ ເພື່ອເປັນບ່ອນອີງໃນການຈັດຕັ້ງປະຕິບັດຂໍ້ຕົກລົງດັ່ງກ່າວ ແລະອື່ນໆ; ສຳລັບການຈັດຕັ້ງປະຕິບັດຕົວເລກຄາດໝາຍສູ້ຊົນວຽກງານປິ່ນອ້ອມ ຫກປຊ ແມ່ນໄດ້ສືບຕໍ່ລົງປະຊາສຳພັນໃຫ້ບັນດາອົງການຈັດຕັ້ງລັດ, ຫົວໜ່ວຍວິສາຫະກິດຂອບເຂດທົ່ວປະເທດ ລວມທັງພາກສະໝັກໃຈໄດ້ທັງໝົດ 820 ຄັ້ງ ເທົ່າກັບ 92 % ຂອງແຜນການປີ ໃນນັ້ນ ສູນກາງ 234 ຄັ້ງ ເທົ່າກັບ 106%ທຽບໃສ່ແຜນການປີ ແລະ ສກປສ ແຂວງທົ່ວປະເທດ 523 ຄັ້ງ ເທົ່າກັບ 87% ທຽບໃສ່ແຜນການປີ,  ໄດ້ສືບຕໍ່ປະຊາສໍາພັນທາງສື່ມວນຊົນຂະແໜງການຕ່າງໆ ຕາມເນື້ອໃນກົດໝາຍວ່າດ້ວຍການປະກັນສັງຄົມ ໃຫ້ແກ່ບັນດາກຸ່ມເປົ້າໝາຍໄດ້ເຂົ້າໃຈຢ່າງຖືືກຕ້ອງ ໂດຍສະເພາະແມ່ນສິດຜົນປະໂຫຍດທີ່ຈະໄດ້ຮັບຈາກການເຂົ້າເປັນສະມາຊິກປະກັນສັງຄົມ, ຊຶ່ງໃນສົກປີ 2018 ສາມາດຂຶ້ນທະບຽນໃຫ້ກັບຫົວໜ່ວຍແຮງງານວິສາຫະກິດໃໝ່ 267 ຫົວໜ່ວຍ ເທົ່າກັບ 76% ຂອງແຜນການປີ ແລະ ມີຜູ້ປະກັນຕົນໃນວິສາຫະກິດໃໝ່ ທັງໝົດ 25.120 ຄົນ ເທົ່າກັບ 64% ຂອງແຜນການປີ; ຂື້ນທະບຽນພະນັກງານລັດຖະກອນໃໝ່ 4.680 ຄົນ ເທົ່າກັບ 156% ແລະ ຂື້ນທະບຽນຜູ້ປະກັນຕົນສະໝັກໃຈ 2.512 ຄົນ ເທົ່າກັບ 84% ຂອງແຜນການປີ 2018; ມີຜູ້ປະກັນຕົນ ທີ່ໄດ້ຈ່າຍເງິນສົມທົບທັງໝົດ 300.409 ຄົນ (ບໍ່ລວມພາກສ່ວນ ປກຊ, ປກສ); ໃນນີ້ ມີຜູ້ປະກັນຕົນພາກລັດ 184.107 ຄົນ, ພາກວິສາຫະກິດ 108.295 ຄົນ, ຜູ້ສະໝັກໃຈ 8.007 ຄົນ. ປັດຈຸບັນມີຫົວໜ່ວຍແຮງງານວິສາຫະກິດ ທີ່ເຂົ້າເປັນສະມາຊິກປະກັນສັງຄົມໄດ້ຈ່າຍເງິນສົມທົບ 2.042 ຫົວໜ່ວຍ. ສໍາລັບວຽກງານອຸດໜູນໄດ້ດໍາເນີນການພິຈາລະນາ ແລະ ຄິດໄລ່ເງິນອຸດໜູນຕ່າງໆຂອງພາກລັດ 68.016 ກໍລະນີ ເທົ່າກັບ 79% ຂອງແຜນການປີ, ພາກວິສາຫະກິດ ແລະ ສະໝັກໃຈ 22.088 ກໍລະນີ ເທົ່າກັບ 105% ຂອງແຜນການປີ. ປັດຈຸບັນມີຜູ້ເກີດສິດປິ່ນປົວຕາມເງື່ອນໄຂທັງພາກລັດ ແລະ ພາກວິສາຫະກິດທັງໝົດ 691.189 ຄົນ; ໃນນີ້ພາກລັດ 461.345 ຄົນ ແລະ ພາກວິສາຫະກິດ ລວມທັງພາກສະໝັກໃຈ 238.621 ຄົນ. ນອກນັ້ນໃນກອງປະຊຸມ ຍັງໄດ້ສະຫຼຸບບັນດາກິດຈະກໍາກົນໄກຄຸ້ມຄອງບໍລິຫານປິ່ນອ້ອມວຽກງານຮ່ວມມືສາກົນ, ວຽກງານກວດສອບພາຍໃນ ແລະ ສະເໜີທິດທາງແຜນການ ປະຈໍາສົກປີ 2019.

div#mb_center,div#mb_bottom{ z - index: 9999; } div#mb_overlay{ z - index: 9999; }