ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 10/12/2018 ເວລາ 10:03


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 10/12/2018 ເວລາ 14:25

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045ຂໍຂອບໃຈ!

ສະມາຊິກ ສຄອຊ ເຫັນຄວາມສໍາຄັນວຽກງານປະກັນສັງຄົມ.

alt
ເພື່ອສ້າງຄວາມຮັບຮູ້ ແລະ ຄວາມເຂົ້າໃຈຕໍ່ກັບວຽກງານປະກັນສັງຄົມ ໃຫ້ແກ່ບັນດາ ຫົວໜ່ວຍທຸລະກິດ ທີ່ຂື້ນກັບ ສະພາການຄ້າ ແລະ ອຸດສາຫະກໍາແຫ່ງຊາດ (ສຄອຊ), ໃນ ຕອນເຊົ້າຂອງ ວັນທີ 30 ຕຸລາ 2018 ນີ້

ໄດ້ມີກອງປະຊຸມປຶກສາຫາລື ແລະ ຖອດຖອນບົດຮຽນ ໃນການຈັດຕັ້ງປະຕິບັດວຽກງານປະກັນສັງຄົມ ພາຍໃຕ້ກົດໝາຍວ່າດ້ວຍການປະກັນ ສັງຄົມ ສະບັບເລກທີ 34/ສພຊ ສໍາລັບສະມາຊິກ ສຄອຊ, ໂດຍການເປັນປະທານຮ່ວມຂອງ ທ່ານ ວັນທອງ ສິດທິກຸນ ຮອງປະທານການຄ້າ ແລະ ອຸດສາຫະກໍາແຫ່ງຊາດ ແລະ ທ່ານ ເພັດສະໝອນ ສຸກທະວີພອນ ຮອງຜູ້ອໍານວຍການ ຫ້ອງການກອງທຶນປະກັນສັງຄົມແຫ່ງຊາດ, ເຂົ້າຮ່ວມກອງປະຊຸມມີ ຜູ້ຕາງໜ້າມາຈາກລັດວິຫາຫະກິດ, ທະນາຄານ, ສະຖາບັນການເງິນຈຸລະພາກ, ສະມາຄົມ, ກຸ່ມບໍລິສັດ, ຄຣີນິກ, ມີ ຄະນະພະແນກ ຂອງ ຫ້ອງການກອງທຶນປະກັນສັງຄົມແຫ່ງຊາດ (ຫກປຊ) ພ້ອມດ້ວຍວິຊາການທີ່ກ່ຽວຂ້ອງເຂົ້າຮ່ວມທັງໝົດ 86 ທ່ານ, ຍິງ 52 ທ່ານ.

ຈຸດປະສົງຂອງກອງປະຊຸມໃນຄັ້ງນີ້ ກໍ່ເພື່ອເປັນການກະຕຸ້ນ ໃຫ້ສະມາຊິກປະກັນສັງຄົມ ກໍ່ຄື ພະນັກງານຢູ່ໃນບັນດາຫົວໜ່ວຍວິສາຫະກິດ ທີ່ເປັນສະມາຊິກ ສຄອຊ ເຫັນໄດ້ເຖິງຄວາມສໍາຄັນຕໍ່ກັບວຽກງານດັ່ງກ່າວພາຍໃຕ້ກົດໝາຍ. ຊຶ່ງພາຍຫຼັງປະທານກ່າວເປີດພິທີ, ໄດ້ຮັບຟັງ ການບັນຍາຍກ່ຽວກັບກົດໝາຍວ່າດ້ວຍການປະກັນສັງຄົມ ເວົ້າລວມ ເວົ້າສະເພາະ ກໍ່ຄືສິດຜົນປະໂຫຍດທີ່ຈະໄດ້ຮັບໃນເວລາເຂົ້າເປັນສະ ມາຊິກປະກັນສັງຄົມ, ໂດຍການຂື້ນບັນຍາຍຂອງ ທ່ານ ນາງ ດວງເດືອນ ຈັນທະວົງ ຫົວໜ້າພະແນກປະຊາສໍາພັນ ຂອງ ຫກປຊ ເຊິ່ງທ່ານ ໄດ້ສະແດງໃຫ້ເຫັນເຖິງພາບລວມຂອງລະບົບປະກັນສັງຄົມໃນລາວ, ຄວາມໝາຍຄວາມສໍາຄັນ, ການຈັດສັນກອງທຶນ ພ້ອມທັງລົງເລິກໃນ ແຕ່ລະປະເພດການອຸດໜູນທີ່ປະກັນສັງຄົມໃຫ້ການຄຸ້ມຄອງ ເຊັ່ນ: ອຸດໜູນອຸປະຕິເຫດແຮງງານ ແລະ ພະຍາດອາຊີບ, ອຸດໜູນປິ່ນປົວສຸ ຂະພາບ, ອຸດໜູນອອກລູກ ຫຼື ຫຼຸລູກ, ອຸດໜູນປ່ວຍການ, ອຸດໜູນເສຍອົງຄະ, ອຸດໜູນບຳນານ, ອຸດໜູນເສຍຊີວິດ, ອຸດໜູນສະມາຊິກຄອບ ຄົວຂອງຜູ້ເສຍຊີວິດ ແລະ ອຸດໜູນວ່າງງານ; ພາຍຫຼັງການບັນຍາຍສິ້ນສຸດ, ປະທານໄດ້ເປີດໂອກາດໃຫ້ຜູ້ເຂົ້າຮ່ວມແລກປ່ຽນຖາມ-ຕອບ ກ່ຽວກັບ ບັນຫາສົນໃຈເພີ່ມຕື່ມ ຊຶ່ງເຫັນໄດ້ວ່າຜູ້ເຂົ້າຮ່ວມມີຄວາມສົນໃຈຕໍ່ກັບບັນຫາ ເຊັ່ນ: ກໍລະນີ ຢາຢູ່ໂຮງໝໍບໍ່ມີ ໄດ້ໄປຊື້ຢູ່ນອກ, ການຄິດໄລ່ ເງິນອຸດໜູນບໍານານ, ການປະຕິບັດຕໍ່ຜູ້ບໍ່ເຂົ້າປະກັນສັງຄົມ, ການແຕ່ງຕັ້ງຄະນະຮັບຜິດຊອບການຕີເປີເຊັນຂອງການເສຍອົງຄະ ແລະອື່ນໆ, ພ້ອມດຽວກັນນັ້ນ ຜູ້ເຂົ້າຮ່ວມຍັງມີຂໍ້ສະເໜີເຊັ່ນ: ໃຫ້ມີການປັບປຸງໄລຍະການພັກອອກລູກ ລະຫວ່າງ ພະນັກງານເພດຍິງ ຢູ່ ເບື້ອງລັດ ແລະ ວິສາຫະກິດໃຫ້ມີຄວາມສົມດູນເທົ່າທຽມກັນ, ປັງປຸງການບໍລິການຂອງໂຮງໝໍໃຫ້ດີຂື້ນ, ໃຊ້ບໍລິການປິ່ນປົວຢູ່ໂຮງໝໍໃດກໍ່ໄດ້ ແລະອື່ນໆ, ຊຶ່ງພາຍຫຼັງການອະທິບາຍຊີ້ແຈງໃນແຕ່ລະບັນຫາ ເຫັນໄດ້ວ່າຜູ້ເຂົ້າຮ່ວມເຫັນໄດ້ເຖິງຄວາມສຳຄັນຕໍ່ກັບວຽກງານດັ່ງກ່າວ. ໃນໂອ ກາດດັ່ງກ່າວ, ທ່ານ ວັນທອງ ສິດທິກຸນ ຮອງປະທານການຄ້າ ແລະ ອຸດສາຫະກໍາແຫ່ງຊາດ ປະທານຮ່ວມກອງປະຊຸມໄດ້ກ່າວວ່າ: ຜ່ານການເຜີຍແຜ່ ໃນຄັ້ງນີ້ເຫັນໄດ້ວ່າວຽກງານດັ່ງກ່າວ ຖືເປັນເລື່ອງລະອຽດອ່ອນ ຊຶ່ງຕ້ອງໄດ້ໃຊ້ເວລາໃນການສຶກສາຄົ້ນຄ້ວາເພື່ອຄວາມ ເຂົ້າໃຈເລິກເຊິ່ງ, ທ່ານ ເນັ້ນຕື່ມວ່າການປະກັນສັງຄົມ ແມ່ນວຽກງານທີ່ຕ້ອງໄດ້ມີສ່ວນຮ່ວມໃນການປະກອບສ່ວນເງິນສົມທົບຂອງ ຜູ້ໃຊ້ແຮງງານ ແລະ ຜູ້ອອກແຮງງານ ເພື່ອຄໍ້າປະກັນຊີວິດການເປັນຢູ່ໃນເວລາມີການເຈັບເປັນ ອອກລູກ ບໍານານ ເສຍຊີວິດ ແລະອຶື່ນໆ ຄຽງຄູ່ກັນນັ້ນ ຍັງເປັນການປະກອບສ່ວນ ເຂົ້າໃນການສ້າງສາ ແລະ ພັດທະນາປະເທດຊາດ; ຈາກນັ້ນ ທ່ານ ເພັດສະໝອນ ສຸກທະວີພອນ ຮອງຜູ້ອໍາ ນວຍການຫ້ອງການກອງທຶນ ປະກັນສັງຄົມແຫ່ງຊາດ ປະທານຮ່ວມກອງປະຊຸມໄດ້ກ່າວໂດຍສັງລວມວ່າ: ຜ່ານການແລກປ່ຽນ ວຽກງານປະກັນສັງຄົມໃນຄັ້ງນີ້ ຈະເຮັດໃຫ້ບັນດາທ່ານມີຄວາມເຂົ້າໃຈຫຼາຍຂື້ນຕໍ່ກັບວຽກງານດັ່ງກ່າວ ໂດຍຜ່ານການອະທິບາຍຊີ້ແຈງໃນແຕ່ ລະຄຳຖາມ ພ້ອມທັງຈະຮັບເອົາຂໍ້ສະເໜີທັງໝົດ ເພື່ອນໍາໄປລາຍງານຂັ້ນເທິງ ແລະ ພາກສ່ວນກ່ຽວຂ້ອງ ໃຫ້ມີການປັບປຸງວຽກງານຂອງ ຕົນໃຫ້ດີຍິ່ງໆຂື້ນ. ໂດຍຜ່ານການຈັດກອງປະຊຸມຄັ້ງນີ້ ເຫັນໄດ້ວ່າຍັງມີຄວາມຮຽກຮ້ອງໃຫ້ມີການຈັດກອງປະຊຸມແລກປ່ຽນຖອດຖອນບົດຮຽນ ແລກປ່ຽນເພີ່ມຕື່ມ ເນື່ອງຈາກເຫັນວ່າມີຫຼາຍພາກສ່ວນຍັງມີສົນໃຈຕໍ່ກັບບັນຫາຕ່າງໆ ໂດຍອີງໃສ່ເວລາທີ່ຈໍາກັດໃນຄັ້ງນີ້. ກອງປະຊຸມດັ່ງກ່າວ ໄດ້ປິດລົງໃນຕອນບ່າຍຂອງມື້ດຽວກັນ.

div#mb_center,div#mb_bottom{ z - index: 9999; } div#mb_overlay{ z - index: 9999; }