ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 10/12/2018 ເວລາ 10:03


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 10/12/2018 ເວລາ 14:25

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045ຂໍຂອບໃຈ!

ກອງປະຊຸມເຜີຍແຜ່ວຽກງານປະກັນສັງຄົມ ແລະ ປະກາດໜ່ວຍບໍລິການກອງທຶນປະກັນສັງຄົມ ປະຈຳເມືອງຫົງສາ.

alt
ໃນຕອນເຊົ້າຂອງວັນທີ 19 ຕຸລາ 2018 ທີ່ ສະໂມສອນ ເມືອງຫົງສາ ແຂວງໄຊຍະບູລີ ໄດ້ມີ ກອງປະຊຸມເຜີຍແຜ່ວຽກງານປະກັນສັງຄົມ ແລະ ພິທີປະກາດໜ່ວຍບໍລິການກອງທຶນ ປະກັນສັງຄົມ

ປະຈຳເມືອງຫົງສາ, ໂດຍການເປັນປະທານຮ່ວມຂອງ ທ່ານ ພອນສະຫວັນ ໄຊສົມພັນ ຮອງເລຂາພັກເມືອງ ຮອງເຈົ້າເມືອງ ເມືອງຫົງສາ, ມີ ທ່ານ ນາງ ແພງຈັນ ແກ້ວມະນີວົງ ກຳມະການພັກແຂວງ ຫົວໜ້າພະແນກ ແຮງງານ ແລະ ສະຫວັດດີການສັງຄົມ ແຂວງໄຊຍະບູລີ, ທ່ານ ບຸນຍອດ ຈັນທະວອນ ຮອງຜູ້ອຳນວຍການ ຫ້ອງການກອງທຶນປະກັນສັງຄົມແຫ່ງຊາດ, ໃຫ້ກຽດເຂົ້າຮ່ວມມີ ຫົວໜ້າສູນບໍລິການປະກັນສັງຄົມ ແຂວງໄຊຍະບູລີ, ຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ຫົວໜ້າກອງບັນຊາການທະຫານ ຕຳຫຼວດ, ນາຍບ້ານ, ເທດສະບານ, ລັດວິສາຫະກິດ, ຕ່າງໜ້າບໍລິສັດ ພ້ອມດ້ວຍວິຊາການທີ່ກ່ຽວຂ້ອງເຂົ້າຮ່ວມທັງໝົດ 65 ທ່ານ, ຍິງ 13 ທ່ານ.

ໃນກອງປະຊຸມ ທ່ານ ນາງ ແພງຈັນ ແກ້ວມະນີວົງ ກຳມະການພັກແຂວງ ຫົວໜ້າພະແນກ ຮສສ ແຂວງ ໄຊຍະບູລີ ໄດ້ໃຫ້ກຽດຂື້ນຜ່ານ ຂໍ້ຕົກລົງຂອງລັດຖະມົນຕີ ກະຊວງ ຮສສ ສະບັບເລກທີ 3062/ຮສສ ລົງວັນທີ 23 ສິງຫາ 2018 ວ່າດ້ວຍການອະນຸມັດສ້າງຕັ້ງໜ່ວຍບໍລິການ ກອງທຶນປະກັນສັງຄົມ ຢູ່ ຂັ້ນເມືອງ ແລະ ຜ່ານແຜນການຂອງທ່ານເຈົ້າເມືອງກ່ຽວກັບໜ່ວຍບໍລິການຂອງກອງທຶນປະກັນສັງຄົມ ປະຈຳ ເມືອງຫົງສາ. ຈາກນັ້ນ ໄດ້ມີການຮັບຟັງການບັນຍາຍກ່ຽວກັບກົດໝາຍວ່າດ້ວຍການປະກັນສັງຄົມ ເວົ້າລວມ ເວົ້າສະເພາະ ກໍ່ຄືສິດຜົນ ປະໂຫຍດທີ່ຈະໄດ້ຮັບໃນເວລາເຂົ້າເປັນສະມາຊິກປະກັນສັງຄົມ ໂດຍການຂື້ນບັນຍາຍຂອງ ທ່ານ ບຸນຍອດ ຈັນທະວອນ ຮອງຜູ້ອຳນວຍການ ຫກປຊ, ເຊິ່ງທ່ານໄດ້ສະແດງໃຫ້ເຫັນເຖິງພາບລວມຂອງລະບົບປະກັນສັງຄົມໃນລາວ, ຈຸດປະສົງ, ຄວາມໝາຍຄວາມສຳຄັນຂອງການປະກັນ ສັງຄົມ, ການຈັດສັນກອງທຶນປະກັນສັງຄົມ, ພ້ອມທັງລົງເລິກໃນແຕ່ລະປະເພດການອຸດໜູນທີ່ປະກັນສັງຄົມໃຫ້ການຄຸ້ມຄອງ ເຊັ່ນ: ອຸດໜູນອຸປະຕິເຫດແຮງງານ ແລະ ພະຍາດອາຊີບ, ອຸດໜູນປິ່ນປົວສຸຂະພາບ, ອຸດໜູນປ່ວຍການ, ອຸດໜູນເສຍອົງຄະ, ອຸດໜູນບຳນານ, ອຸດໜູນເສຍຊີວິດ, ອຸດໜູນສະມາຊິກຄອບຄົວຂອງຜູ້ເສຍຊີວິດ ແລະ ອຸດໜູນວ່າງງານ ສໍາລັບຫົວໜ່ວຍວິສາຫະກິດ; ພ້ອມດຽວກັນນັ້ນ ທ່ານ ບຸນຍອດ ຈັນທະວອນ ຍັງໄດ້ຮຽກຮ້ອງໃຫ້ສະມາຊິກເອົາໃຈໃສ່ຕື່ມກ່ຽວກັບການແຈ້ງຂໍ້ມູນນຳປະກັນສັງຄົມທຸກຄັ້ງ ໃນກໍລະນີທີ່ມີການປ່ຽນແປງ ຂໍ້ມູນ ເຊັ່ນ: ປ່ຽນສະຖານະພາບຈາກໂສດມາເປັນແຕ່ງງານ, ເປັນໝ້າຍ, ຮ້າງ, ປ່ຽນຊື່, ນາມສະກຸນ, ເລກບັດປະຈຳຕົວ, ເລກປື້ມສຳມະໂນຄົວ ແລະອື່ນໆທີ່ຈຳເປັນ ເພື່ອຮັບປະກັນບໍ່ໃຫ້ມີການຕົກເຮ່ຍ ຫຼື ເສຍສິດຈາກລະບົບປະກັນສັງຄົມ. ພາຍຫຼັງສິ້ນສຸດການບັນຍາຍ, ປະທານໄດ້ ເປີດໂອກາດໃຫ້ຜູ້ເຂົ້າຮ່ວມແລກປ່ຽນຖາມ-ຕອບ ກ່ຽວກັບບັນຫາທີ່ຍັງມີຄວາມສົນໃຈເພີ່ມຕື່ມ ຊຶ່ງເຫັນໄດ້ວ່າ ຜູ້ເຂົ້າຮ່ວມສ່ວນຫຼາຍ ມີຄວາມສົນໃຈສູງຕໍ່ກັບການເຂົ້າເປັນສະມາຊິກປະກັນສັງຄົມໃນລະບົບສະໝັກໃຈ ແລະ ສິດຜົນປະໂຫຍດທີ່ຈະໄດ້ຮັບໃນລະບົບດັ່ງກ່າວ ແລະ ບັນຫາອື່ນໆ ເປັນຕົ້ນແມ່ນ ການປິ່ນປົວໃນກໍລະນີເຈັບເປັນສຸກເສີນ, ຂັ້ນຕອນການນຳສົ່ງຕໍ່ຄົນເຈັບ ລະຫວ່າງ ໂຮງໝໍຂັ້ນທ້ອງຖິ່ນ ຫາໂຮງໝໍ ສູນກາງ, ຊຶ່ງພາຍຫຼັງການອະທິບາຍຊີ້ແຈງໃນແຕ່ລະບັນຫາ ເຫັນໄດ້ວ່າຜູ້ເຂົ້າຮ່ວມມີຄວາມເຂົ້າໃຈແຈ້ງ ແລະ ເຫັນໄດ້ເຖິງຄວາມສຳຄັນຕໍ່ກັບ ວຽກງານປະກັນສັງຄົມ. ໃນໂອກາດດັ່ງກ່າວ, ທ່ານ ສົມຈັນ ພົມມະນີວັນ ຫົວໜ້າສູນບໍລິການກອງທຶນປະກັນສັງຄົມ ແຂວງໄຊຍະບູລີ ກໍ່ໄດ້ມີຄຳເຫັນໂດຍຫຍໍ້ວ່າ: ການສ້າງໜ່ວຍບໍລິການກອງທຶນປະກັນສັງຄົມໃນຄັ້ງນີ້ ແມ່ນໄດ້ເປັນໄປຕາມຄຳຮຽກຮ້ອງ ແລະ ການສະເໜີຂອງ ບັນດາຫ້ອງການ ກະຊວງ ກົມກອງ ແລະ ຫົວໜ່ວຍວິສາຫະກິດຕ່າງໆ ທີ່ຢູ່ພາຍໃນເມືອງຫົງສາ, ຊຶ່ງສອດຄ່ອງກັບແນວທາງນະໂຍບາຍ ຂອງພັກ ແລະ ລັດຖະບານ ເພື່ອສ້າງຄວາມອຳນວຍໃຫ້ແກ່ສະມາຊິກ ສາມາດເຂົ້າມາພົວພັນວຽກງານປະກັນສັງຄົມ ຢູ່ໜ່ວຍບໍລິການເມືອງ ຫົງສາ ເຊັ່ນ: ການຂື້ນທະບຽນ, ການຮ້ອງຂໍເງິນອຸດໜູນ ແລະ ວຽກງານອື່ນໆທີ່ກ່ຽວຂ້ອງ ໄດ້ຢ່າງສະດວກສະບາຍ ວ່ອງໄວ ແລະ ທັນກັບສະພາບການ ໂດຍຜ່ານໜ່ວຍບໍລິການດັ່ງກ່າວ. ເພື່ອເຮັດໃຫ້ກອງປະຊຸມເຕັມໄປດ້ວຍຄວາມໝາຍຄວາມສຳຄັນ, ໃນນາມປະທານ ກອງປະຊຸມ ທ່ານ ພອນສະຫວັນ ໄຊສົມພັນ ຮອງເລຂາພັກເມືອງ ຮອງເຈົ້າເມືອງ ເມືອງຫົງສາ ໄດ້ມີຄຳເຫັນຕໍ່ທີ່ປະຊຸມ, ທ່ານກ່າວວ່າ: ການສ້າງຕັ້ງໜ່ວຍບໍລິການກອງທຶນປະກັນສັງຄົມ ຢູ່ ເມືອງຫົງສາ ແຂວງໄຊຍະບູລີ ຂອງພວກເຮົາ ແມ່ນໄດ້ຮັບຄວາມເຊື່ອໝັ້ນ ແລະ ຄວາມວາງໃຈ ຈາກ ພັກແລະລັດຖະບານ ເວົ້າລວມ ເວົ້າສະເພາະ ກໍ່ຄື ກະຊວງແຮງງານ ແລະ ສະຫວັດດີການສັງຄົມ ທີ່ໄດ້ເລືອກເມືອງຫົງສາ ເປັນເມືອງທຳອິດຂອງແຂວງໄຊຍະບູລີ ແລະ ເປັນເມືອງທີສອງຂອງປະເທດ ໃນການເປີດໜ່ວຍບໍລິການກອງທຶນປະກັນສັງຄົມຂັ້ນເມືອງ ເພື່ອອຳນວຍຄວາມສະດວກວຽກງານດັ່ງກ່າວໃຫ້ແກ່ສະມາຊິກ, ຊຶ່ງເປັນໜຶ່ງໃນແນວທາງຂອງພັກ ແລະ ລັດຖະບານໃນການຄ້ຳປະກັນທາງດ້ານ ສະຫວັດດີການ ກໍ່ຄື ການແກ້ໄຂຄວາມທຸກຍາກໃຫ້ແກ່ພໍ່ແມ່ພີ່ນ້ອງປະຊາຊົນເມືອງຫົງສາ ໃຫ້ມີຊີວິດທີ່ດີຂື້ນ, ສືບຕໍ່ຄົ້ນຄ້ວາແນວທາງ ນະໂຍບາຍທີ່ສອດຄ່ອງ ເໝາະສົມ ສຳລັບກຳລັງທະຫານ ຕຳຫຼວດ, ເອົາໃຈໃສ່ໃນການແຈ້ງອັບເດດຂໍ້ມູນນຳປະກັນສັງຄົມ ຖ້າຫາກມີການ ປ່ຽນແປງຂໍ້ມູນຕ່າງໆ ແລະ ການປະກອບເອກະສານຮັບເງິນອຸດໜູນຕາມລະບຽບການທີ່ປະກັນສັງຄົມໄດ້ກຳນົດໄວ້ ທັງນີ້ກໍ່ເພື່ອຮັບປະກັນ ສິດແລະຜົນປະໂຫຍດຂອງຕົນເອງ ແລະ ຄອບຄົວ, ພ້ອມທັງຮຽກຮ້ອງເຖິງຜູ້ເຂົ້າຮ່ວມໃນກອງປະຊຸມ ຈົ່ງພ້ອມກັນນຳເອົາເນື້ອໃນຈິດໃຈ ຂອງກອງປະຊຸມ ນໍາໄປເຜີຍແຜ່ໃຫ້ແກ່ພະນັກງານ, ປະຊາຊົນໃນຄວາມຮັບຜິດຊອບຂອງຕົນ ແລະ ພັດທະນາວຽກງານດັ່ງກ່າວໃຫ້ມີ ຄວາມເຂັ້ມແຂງຍິ່ງຂື້ນໄປເລື້ອຍໆ. ກອງປະຊຸມເຜີຍແຜ່ວຽກງານປະກັນສັງຄົມ ແລະ ພິທີປະກາດໜ່ວຍບໍລິການກອງທຶນປະກັນສັງຄົມ ປະຈຳເມືອງຫົງສາ ໄດ້ປິດລົງໃນຕອນບ່າຍຂອງມື້ດຽວກັນ.

div#mb_center,div#mb_bottom{ z - index: 9999; } div#mb_overlay{ z - index: 9999; }