ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 10/12/2018 ເວລາ 10:03


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 10/12/2018 ເວລາ 14:25

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045ຂໍຂອບໃຈ!

ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ສ້າງຄວາມເຂົ້າໃຈວຽກງານປະກັນສັງຄົມ

ຕອນ​ເຊົ້າ ວັນ​ທີ 21 ສິງຫາ 2018 ຢູ່​ທີ່ ຫ້ອງ​ປະຊຸມ​ໃຫ່ຍຂອງ ​ກະຊວງຖະ​ແຫຼ​ງຂ່າວ, ວັດທະນະທຳ ​​ແລະ ທ່ອງ​ທ່ຽວ ​ໄດ້​ຈັດ​ໃຫ້​ມີກອງ​ປະຊຸມຖອດ​ຖອນ​ບົດ​ຮຽນ ປຶກສາ​ຫາລື​ກ່ຽວ​ກັບ​ການ​ໂອນ​ເງິນ​ອຸດ​ໜູນ​ປະກັນ​ສັງຄົມ​ເຂົ້າ​ບັນຊີ​ບຸກຄົນ​ຂອງ​ພາກ​ລັດຖະກອນ ​ແລະ ພະນັກ ງານ​ບຳນານ

​ໂດຍ​ພາຍ​ໃຕ້ການ​ເປັນ​ປະທານ​ໂດຍ ທ່ານ ນາງ ​ແພງ​ຈັນ ​ແພງ​ເມືອງ ​ຫົວໜ້າ​ກົມ​ແຜນການ-ການ​ເງິນ, ກົມປະກັນສັງຄົມ ກະວງ ຮສສ ​ແລະ ພະນັກງານ​ຫຼັກ​ແຫຼ່ງອ້ອມ​ຂ້າງ​ກະຊວງ ຖວທ 100 ທ່ານ ​ເຂົ້າ​ຮ່ວມ​ຢ່າງ​ພ້ອມພຽງ.

​ໃນ​ວາລະ​ທຳ​ອິດ​ທ່ານ​ປະທານ​ໄດ້​ກ່າວ​ຕ້ອນຮັບ ຄະນະ​ຈາກ​ຫ້ອງການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ ​ແລະ ​ໄດ້​ກ່າວ​ເຖິງ​ຈຸດປະສົງ​ຂອງ​ກອງ​ປະຊຸມ​ໃນ​ເທື່ອ​ນີ້​ແມ່ນ​ຈັດ​ຂຶ້ນ​ເພື່ອ​ໃຫ້​ພະນັກງານ​ລັດຖະກອນ​ອ້ອມ​ຂ້າງ​ກະຊວງ ຖະ​ແຫຼ​ງຂ່າວ, ວັດທະນາ​ທຳ ​ແລະ ທ່ອງ​ທ່ຽວ ​ເຂົ້າ​ໃຈ​ເຖິງ​ສິດ ​ແລະ ຜົນ​ປະ​ໂຫຍ​ດຂອງ​ຕົນ​ເອງ​ທີ່​ເປັນ​ສະມາຊິກ​ປະກັນສັງຄົມ, ສ້າງ​ຄວາມ​​ເອກະ​ພາບ​ໃນ​ການ​ຮັບ​ເງິນ​ອຸດ​ໜູນ​ໄລຍະ​ຍາວ​ຈາກ​ປະກັນ​ສັງຄົມ ​ແລະ ​​ເປັນ​ເວທີ​ແລກປ່ຽນ​ຂໍ້​ມູນຂ່າ​ວສານ​ຕ່າງໆ​ລະຫວ່າງ​ພະນັກງາ​ນອ້ອມ​ຂ້າງ​ກະຊວງ ​ແລະ ພະນັກງານ​ຈາກ​ຫ້ອງການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ ​ເພື່ອ​ເຮັດ​ໃຫ້ການ​ຈັດ​ຕັ້ງ​ປະຕິບັດ​ການ​ຮັບນະ​ໂຍບາຍ​ຮ່ວງ​ເງິນ​ປະກັນ​ສັງຄົມ ປີ 2018 ​ໃຫ້​ມີ​ຄວາມ​ຖືກຕ້ອງ, ຊັດ​ເຈນ,ທັນ​ກັບ​ສະພາບ​ຕົວ​ຈິງ ​ແລະ ​ເປັນ​ເອກະ​ພາບ​ກັນ​ໃນ​ຂອບ​ເຂດ​ທົ່ວ​ປະ​ເທດ ດັ່ງ​ນັ້ນ​ຈຶ່ງ​ຈັດ​ໃຫ້​ມີ​ກອງ​ປະຊຸມ​ເທື່ອ​ນີ້​ຂຶ້ນ ​ແລະ ກ່າວ​ເປີດ​ກອງ​ປະຊຸມ​ຢ່າງ​ເປັນ​ທາງ​ການ.

ຈາກ​ນັ້ນ, ທ່ານ ນາງ ບົວ​ຫອມ ພົມມະຈັນ, ຮອງ​ຜູ້ອຳນວຍການ​ຫ້ອງການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ ​ໄດ້​ຂຶ້ນ​ອະທິບາຍ​ສະພາບ​ລວມຂອງ​ລະບົບ​ປະກັນ​ສັງຄົມ​ຕັ້ງ​ແຕ່​ອາ​ດີດ​ຈົນ​ເຖິງ​ປະຈຸ​ບັນ ​ໂດຍ​​ໄດ້​ເນັ້ນ​ໃຫ້​ພະນັກງານ​ລັດຖະກອນ​ເອົາ​ໃຈ​ໃສ່​​​ສຶກສາ​ຫາ​ຂໍ້​ມູນ​ເພື່ອ​ປົກ​ປ້ອງ​ສິດ​ຜົນ​ປະ​ໂຫຍ​ດຂອງ​ຕົນ​ເອງ​ເຊັ່ນ​: ການ​ແຈ້ງ​ຂຶ້ນ​ທະບຽນ​ຂອງ​ພະນັກງານ​ລັດຖະກອນ​ທີ່​ເຂົ້າ​ໃໝ່ ​ຕ້ອງ​ໄດ້​ມາ​ປະກອບ​ແບບ​ຟອມຂຶ້ນ​ທະບຽນ​​ເປັນ​ສະມາຊິກ​ປະກັນ​ສັງຄົມ, ການ​ແຈ້ງ​ຂໍ້​ມູນ​ຄູ່​ສົມລົດ ​ແລະ ລູກ, ຂັ້ນ​ຕອນ​ການ​ນຳ​ໃຊ້​ບັດ​ປະກັນ​ສັງຄົມ ​ແລະ ຂອບ​ເຂດ​ການ​ຄຸ້ມ​ຄອງ​ຂອງ​ປະກັນ​ສັງຄົມ ​ເຫຼົ່າ​ນີ້​ເປັນ​ຕົ້ນ.

ວາລະ​ຕໍ່​ມາ ທ່ານ ນາງ ດວງ​ເດືອນ ຈັນທະ​ວົງ ຫົວໜ້າ​ພະ​ແນ​ກ ປະຊາສຳພັນ, ຫ້ອງການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ ກໍ່​ໄດ້​ຂຶ້ນ​ນຳ​ສະ​ເໜີ ສິດທິ​ຜົນ​ປະ​ໂຫຍ​ທີ່​ປະກັນ​ສັງຄົມ​ໃຫ້ການ​ຄຸ້ມ​ຄອງ​ສະມາຊິກ​ ​ໂດຍ​ເລີ່​ມ​ແຕ່:

  • ຂັ້ນ​ຕອນ​ການ​ຂຶ້ນ​ທະບຽນ
  • ການ​ຫັກ​ເງິນ​ເດືອນ​ເຂົ້າ​ກອງ​ທຶນ​ປະກັນ​ສັງຄົມ
  • ສິດ​ໃນ​ການ​ປິ່ນປົວ​ສຸຂະພາບ
  • ການ​ຄຸ້ມ​ຄອງ​ພະນັກງານ​ລັດຖະກອນ​ຫຼັງ​ຈາກ​ເກີດ​ລູກ
  • ການ​ຄິດ​ໄລ​ເງິນ​ອຸດ​ໜູນ​ບຳນານ
  • ການ​ຄິດ​ລ່​ເງິນ​ອຸດ​ໜູນ​ເສຍ​ຊີວິດ
  • ການ​ຄິດ​ໄລ່​ເງິນ​ອຸດ​ໜູນ​ໝ້າຍ ​ແລະ ກຳພ້າ ຫຼັງ​ຈາກ​ທີ່​ຜູ້​ປະກັນ​ຕົນ​​ເສຍ​ຊີວິດ

ຫຼັງ​ຈາກ​ນັ້ນ, ​ຜູ້​ເຂົ້າ​ຮ່ວມ​ກໍ່​ໄດ້​ຕັ້ງ​ຄຳ​ຖາມ​ຢ່າງ​ກົງ​ໄປ​ກົງ​ມາ ​ເພື່ອ​ແລກປ່ຽນ​ກັບ​ທີ​ມງານ​ປະກັນ​ສັງຄົມ​ເຊັ່ນ:

  • ຂັ້ນ​ຕອນ​ໃນ​ການ​ໃຊ້​ບັດ​ປະກັນ​ສັງຄົມ​ຢູ່​ທີ່​ໂຮງໝໍ, ກຳນົດການ​ແຈ້ງ​​​ໃນ​ກໍລະນີ​ໄປ​ປິ່ນປົວ​ຢູ່​ທີໂຮງໝໍບໍ່​ໄດ້​ເລືອກ, ກໍລະນີ​ໄດ້​ໄປ​ຊື້​ຢາ​ນອກ, ການກວດ​ສຸຂະພາບ​ປະຈຳ​ປີ, ລາຍການ​ຍົກ​ເວັ້ນທີ່​ປະກັນ​ສັງຄົມ​ບໍ່​ໃຫ້ການ​ຄຸ້ມ​ຄອງ, ກໍລະນີໄປເກີດລູກຢູ່ຕ່າງປະເທດ, ການ​ຈຳກັດ​ໂຮງໝໍ​ເລືອກ​ໃນ​ການ​ປິ່ນປົວ ​ແລະ ສ​ະ​ເໜີ​ໃຫ້​ປັບ​ປຸງ​ການຂອດ​ບໍລິການ​ຂອງ​ແພດຢູ່​ທີ່​ໂຮງໝໍ.
  • ການ​ແບ່ງ​ເງິນ​​ເສຍ​ຊີວິດ​ໃຫ້​ກັບ​ຄອບຄົວ​ຫຼັງ​ຈາກ​ທີ່​ພະນັກງານ​ເສຍ​ຊີວິດ​ຫາກ​ວ່າ​ໂອນ​ເງິນ​ເຂົ້າ​ຫາ​ບັນຊີ​ບຸກຄົນ, ຜູ້​ມີ​ເງື່ອນ​ໄຂ​ຮັບ​ເງິນ​ບຳນານ​ແຕ່​ຂໍ​ຮັບ​ເງິນບຳ​ເນັດ​ງວດ​ດຽວຈະ​​ໄດ້​ຫຼື​ບໍ ​ແລະ ຫາກ​ຜົວ​ມີ​ປະກັນ​ສັງຄົມ​ແລ້ວ ຄູ່​ສົມລົດ​ຕ້ອງ​ໄດ້​ເປັນ​ສະມາ​ຊິກ​ອີກ​ບໍ.

ພາຍຫຼັງ​ຈາກ​ນັ້ນ ທາງ​ທີ​ມງານ​ຫ້ອງການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ​ກໍ່​ໄດ້​ຂຶ້ນ​ອະທິບາຍ​ແຕ່ລະ​ຂໍ້​ຄຳ​ຖາມ​ຢ່າງ​ລະອຽດ​ໂດຍ​ອີງ​ໃສ່​ກົດ​ລະບຽບ ​ແລະ ປະສົບ​ການ​ໃນ​ການຈັດ​ຕັ້ງ​ປະຕິບັດ​ວຽກ​ງານ​ຕົວ​ຈິງ ສ້າງ​ຄວາມ​​ເອກະ​ພາບຄວາມ​ເຂົ້າ​ໃຈ​ຕໍ່​ກັບ​ບັນຫາ​ຕ່າງໆ​ທີ່​ຍົກ​ຂຶ້ນ​ມາ.

ສຸດ​ທ້າຍ​ທ່ານ ປະ​ທານ​ກໍ່​ໄດ້​ກ່າວ​ສະຫຼຸບ​ ​ໃຫ້​ບັນດາ​ຜູ້​ເຂົ້າ​ຮ່ວມ​ນຳ​​ເອົາ​ເນື້ອ​ໃນ​ຈິດ​ໃຈ​ຂອງ​ກອງ​ປະຊຸມ​ໃນ​ເທື່ອ​ນີ້​ໄປ​ເຜີຍ​ແຜ່​ຕໍ່​ກັບ​ພະນັກງານ​ສັງ​ກັດ​ກົມ​ກອງ ​ຂອງ​ຕົນ​ເພື່ອ​ໃຫ້​ເອກະ​ພາບ​ກັນ​​ໃນ​ການຈັດ​ຕັ້ງ​ວຽກ​ງານ​ປະກັນ​ສັງຄົມ ​ແລະ ​ໄດ້​ກ່າວ​ປິດ​ກອງ​ປະຊຸມ.

ກອງ​ປະຊຸມ​ໄດ້​ຖື​ກອັດ​ລົງ​ໃນຕ​ອນບ່າຍ​ຂອງ​ມື້​ດຽວ​ກັນ.

div#mb_center,div#mb_bottom{ z - index: 9999; } div#mb_overlay{ z - index: 9999; }