ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 20/08/2018 ເວລາ 09:50


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 13/08/2018 ເວລາ 13:44

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045ຂໍຂອບໃຈ!

ກອງປະຊຸມປຶກສາຫາລືກ່ຽວກັບການໂອນເງິນອຸດໜູນປະກັນສັງຄົມເຂົ້າບັນຊີບຸກຄົນຂອງພາກລັດຖະກອນ

alt
ເພື່ອເປັນການປຶກສາຫາລືແລກປ່ຽນບົດຮຽນ ແລະ ປັບປຸງຂອດປະສານງານ ກໍ່ຄື ການບໍລິ ການວຽກງານປະກັນສັງຄົມໃຫ້ມີຄວາມສະດວກ, ວ່ອງໄວ, ຮັບປະກັນການຕົກເຮ່ຍເສຍຫາຍ ແລະ ຄວາມເປັນເອກະພາບກັນກັບບັນດາພາກສ່ວນໃນການໂອນເງິນອຸດໜູນໄລຍະຍາວ

ເຂົ້າບັນຊີບຸກຄົນໃນຕໍ່ໜ້າ, ໃນວັນທີ 3 ສິງຫາ 2018ນີ້ ທີ່ຫ້ອງປະຊຸມໃຫຍ່ ຫ້ອງການກອງທຶນປະກັນສັງຄົມແຫ່ງຊາດ (ຫກປຊ) ໄດ້ຈັດກອງ ປະຊຸມປຶກສາຫາລືກ່ຽວກັບການໂອນເງິນອຸດໜູນປະກັນສັງຄົມເຂົ້າບັນຊີບຸກຄົນຂອງພາກລັດຖະກອນ, ໂດຍການເປັນປະທານຂອງ ທ່ານ ນາງ ແກ້ວ ຈັນທະວີໄຊ ຫົວໜ້າກົມປະກັນສັງຄົມ ກະຊວງແຮງງານແລະສະຫວັດດີການສັງຄົມ (ຮສສ), ເຂົ້າຮ່ວມມີ ຄະນະອໍານວຍການ ຫກປຊ, ຄະນະກົມ, ຄະນະພະແນກ ພ້ອມດ້ວຍວິຊາການໃນຂະແໜງວຽກງານຈັດຕັ້ງ, ບັນຊີ, ການເງິນ ຕາງໜ້າຈາກ 18 ກະຊວງ ໃນນະ ຄອນຫຼວງວຽງຈັນ ລວມທັງໝົດ 91 ທ່ານ.

ພາຍຫຼັງປະທານກ່າວເປີດພິທີ, ທ່ານ ນາງ ບົວຫອມ ພົມມະຈັນ ຮອງຜູ້ອໍານວຍການ ຫກປຊ ໄດ້ສະແດງໃຫ້ເຫັນເຖິງພາບລວມກ່ຽວກັບສິດ ແລະຜົນປະໂຫຍດທີ່ຈະໄດ້ຮັບເວລາເຂົ້າເປັນສະມາຊິກປະກັນສັງຄົມ, ພ້ອມທັງລາຍງານສະພາບຈັດຕັ້ງປະຕິບັດການເບີກຈ່າຍເງິນອຸດໜູນ ແລະ ວຽກງານທີ່ກ່ຽວຂ້ອງໃນໄລຍະທີ່ຜ່ານມາ ກ່ຽວກັບບັນດາຂໍ້ສະດວກ ແລະ ຂໍ້ຫຍຸ້ງຍາກ ເຊັ່ນ ສາມາດຫຼຸດຜ່ອນຂັ້ນຕອນໃນການເບີກຈ່າຍ ເງິນອຸດໜູນເຮັດໃຫ້ສະມາຊິກໄດ້ຮັບເງິນອຸດໜູນໄວຂື້ນ, ສາມາດກໍານົດມື້ເບີກຈ່າຍເງິນອຸດໜູນໃຫ້ສະມາຊິກດ້ວຍໃບນັດ, ອຸດໜູນໄລຍະຍາວ ໄດ້ຮັບພ້ອມກັນທົ່ວປະເທດ, ຫຼຸດຜ່ອນການນໍາໃຊ້ແຊັກຈ່າຍເງິນອຸດໜູນຈໍານວນຫຼາຍ, ສ້າງຄວາມສະດວກໃຫ້ແກ່ຄັງເງິນແຫ່ງຊາດໃນການວີຊາ ແຊັກ, ສາມາດຮູ້ໄດ້ຈໍານວນຕົວຈິງຂອງຜູ້ຮັບອຸດໜູນໄລຍະຍາວ ແລະ ການເຄື່ອນໄຫວບັນຊີ, ສາມາດຫຼຸດຜ່ອນການເບີກຈ່າຍເງິນອຸດໜູນ ຊ້ຳຊ້ອນ ແລະອື່ນໆ, ຄຽງຄູ່ກັບຂໍ້ສະດວກໃນການຈັດຕັງປະຕິບັດວຽກງານດັ່ງກ່າວ ກໍ່ຍັງມີຂໍ້ຫຍຸ້ງຍາກ ເປັນຕົ້ນແມ່ນມີພະນັກງານ-ລັດຖະ ກອນຈໍານວນໜຶ່ງ ຍັງຖືເບົາບໍ່ມາຂື້ນທະບຽນນໍາປະກັນສັງຄົມ ໃນຂະນະທີ່ສາມາດຂື້ນທະບຽນໄດ້ນັບຕັ້ງແຕ່ເປັນລັດຖະກອນ 95%ຂື້ນໄປ, ການຍື່ນເອກະສານ ຂໍຮັບເງິນອຸດໜູນຍັງຊັກຊ້າ ຫຼື ຫກປຊ ອະນຸມັດໄປແລ້ວ ແຕ່ພາກສ່ວນກ່ຽວຂ້ອງມີຄວາມຊັກຊ້າໃນການໂອນເງິນເຂົ້າບັນຊີ ແຕ່ລະຄົນ, ຍັງບໍ່ໄດ້ເອກະພາບກັບແຕ່ລະພາກສ່ວນອ້ອມຂ້າງສູນກາງໃນການເລີ່ມຕົ້ນເກັບກໍາ ແລະ ສະໜອງຂໍ້ມູນເລກບັນຊີຂອງຜູ້ຮັບອຸດ ໜູນໄລຍະຍາວ, ການແຈ້ງຂໍ້ມູນເພີ່ມຫຼຸດໃນແຕ່ລະເດືອນຂອງບາງພາກສ່ວນຍັງຊັກຊ້າ ຫຼື ບໍ່ແຈ້ງເລີຍ ເຮັດໃຫ້ມີການເບີກຈ່າຍເງິນອຸດໜູນເກີນ ຫຼື ຈ່າຍຊ້ຳຊ້ອນ ແລະ ສ້າງຄວາມຫຍຸ້ງຍາກໃນການເກັບຄືນ, ພະນັກງານ-ລັດຖະກອນຈໍານວນໜຶ່ງບໍ່ເຂົ້າໃຈລະບຽບການປິ່ນປົວ ບໍ່ປະຕິບັດ ຕາມລະບຽບ ແລະ ມີຈໍານວນໜຶ່ງຮຽກຮ້ອງເກີນລະບຽບການກໍານົດ, ຫາງສຽງຈົມວ່າຮັບເງິນອຸດບໍ່ຄົບຕາມຈໍານວນ ແລະ ມີການຂໍຄ່າບໍລິການ ອື່ນໆ, ພາຍຫຼັງການຊີ້ແຈງບັນຫາຕ່າງໆຈາກພາກສ່ວນກ່ຽວຂ້ອງ ກໍ່ໄດ້ເຮັດໃຫ້ຜູ້ເຂົ້າຮ່ວມຮັບຟັງມີຄວາມເຂົ້າໃຈຫຼາຍຂື້ນ. ຈາກນັ້ນກໍ່ປະຊຸມ ໄດ້ເປີດໂອກາດໃຫ້ຜູ້ເຂົ້າຮ່ວມແລກປ່ຽນກ່ຽວກັບບັນຫາທີ່ເປັນຂໍ້ຫຍຸ້ງຍາກໃນການຈັດຕັ້ງປະຕິບັດວຽກງານດັ່ງກ່າວ ໂດຍແຕ່ລະພາກສ່ວນກໍ່ໄດ້ ມີຄໍາເຫັນ ແລະ ສະເໜີບັນຫາຕ່າງໆດ້ວຍຄວາມຈິງໃຈ ເພື່ອຫາທາງອອກເປັນເອກະພາບກັນ. ຊຶ່ງໃນກອງປະຊຸມຍັງໄດ້ເອກະພາບຮັບຮອງ ເອົາບັນຫາສໍາຄັນຕ່າງໆ ໂດຍສະເພາະແມ່ນບັນດາຂອດການດໍາເນີນເອກະສານ ແລະ ການປະສານງານທີ່ຕິດພັນກັບວຽກງານຂອງ ຫກປຊ ໃຫ້ມີລັກສະນະຮຽບງ່າຍ ຫຼຸດຜ່ອນຂັ້ນຕອນທີ່ຫຍຸ້ງຍາກສັບສົນ ໂດຍແນໃສ່ເຮັດໃຫ້ສະມາຊິກປະກັນສັງຄົມໄດ້ຮັບການບໍລິການທີ່ວ່ອງໄວຂື້ນ. ໃນຕອນທ້າຍ ທ່ານປະທານຍັງໄດ້ຮຽກຮ້ອງໃຫ້ແຕ່ລະພາກສ່ວນໄດ້ສືບຕໍ່ຄົ້ນຄວ້າກ່ຽວກັບບັນດາວຽກງານທີ່ຍັງບໍ່ຖືກຮັບຮອງ ແລະ ພ້ອມ ກັນນໍາເອົາຜົນຂອງກອງປະຊຸມຄັ້ງດັ່ງກ່າວນີ້ໄປເຜີຍແຜ່ຕໍ່ພາກສ່ວນກ່ຽວຂ້ອງພາຍໃນຂອງຕົນເພື່ອໃຫ້ມີຄວາມເຂົ້າໃຈ ແລະ ພ້ອມກັນຈັດຕັ້ງ ປະຕິບັດຢ່າງເປັນເອກະພາບ. ກອງປະຊຸມປຶກສາຫາລື ໄດ້ສໍາເລັດລົງໃນຕອນບ່າຍຂອງວັນດຽວກັນ.