ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 15/10/2018 ເວລາ 15:00


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 15/10/2018 ເວລາ 15:00

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045ຂໍຂອບໃຈ!

ການພົບປະແລກປ່ຽນວຽກງານໂຄສະນາປະຊາສໍາພັນ ລະຫວ່າງ ຫກປຊ ແລະ ປະກັນສັງຄົມຫວຽດນາມ.

altເພື່​ອ​ເປັນ​ການ​ແລກປ່ຽນ​ບົດຮຽນ ການໂຄສະນາປະກັນສັງຄົມ​ ໃຫ້ເຖິງກຸ່ມເປົ້າໝາຍໄດ້ຢ່າງມີຄຸນນະພາບ ກ້ວາງຂວາງ ວ່ອງໄວ ທັນການ ແລະ ທັງເປັນການກະຕຸ້ນໃຫ້ສັງຄົມເຫັນຄວາມສໍາຄັນຂອງວຽກງານດັ່ງກ່າວ, ສະນັ້ນໃນວັນທີ 27-29 ມີນາ 2018

ທີ່ນະຄອນຫຼວງຮ່າໂນ້ຍ ສສ ຫວຽດນາມ ຈຶ່ງໄດ້ມີການພົບປະແລກປ່ຽນບົດຮຽນ ລະຫວ່າງ ຫກປຊ ແລະ ປະກັນສັງຄົມຫວຽດນາມ, ໂດຍການຕ້ອນຮັບຢ່າງອົບອຸ່ນຂອງທ່ານ ດາວ ຫວຽດ ແອງ ຮອງຜູ້ອໍານວຍການໃຫຍ່ ປະກັນສັງຄົມຫວຽດນາມ, ​ເຂົ້າຮ່ວມມີຫົວໜ້າ​ສູນ​ສື່​ມວນ​ຊົນ​ພາກ​ເໜືອ, ຫົວໜ້າ​ພະ​ແນ​ກ​ເກັບ​ເງິນ​ສົມທົບ, ຫົວໜ້າ​ສຳນັກໜັງສືພິມ-ວາລະສານ, ​ຄະນະ​ບັນນາທິການ​ສູ​ນກາງ; ຕາງໜ້າຝ່າຍລາວ ນໍາໂດຍທ່ານ ເພັດສະໝອນ ສຸກທະວີພອນ ຮອງຜູ້ອໍານວຍການ ຫ້ອງການກອງທຶນປະກັນສັງຄົມແຫ່ງຊາດ, ມີຄະນະພະແນກ, ຫົວໜ້າ ສກປສ ແຂວງ ແລະ ພະນັກງານວິຊາການທີ່ກ່ຽວຂ້ອງ ເຂົ້າຮ່ວມຢ່າງພ້ອມພຽງ.

ໃນການພົບປະແລກປ່ຽນຄັ້ງນີ້ ທ່ານ ​ຮອງ​ຜູ້ອຳນວຍການ ດາວ ຫວຽດ ແອງ ຮອງຜູ້ອໍານວຍການໃຫຍ່ ປະກັນສັງຄົມຫວຽດນາມ ​​ໄດ້​ເວົ້າ​ເຖິງ​ສາຍ​ພົວພັນ​ອັນພິ​ເສດ​ລະຫວ່າງ​ລາວ-ຫວຽດນາມ​ທີ່​ມີ​ມູນ​ເຊື້ອ​ມາ​ແຕ່​ຍາວ​ນານ​ເວົ້າ​ລວມ, ​ເວົ້າ​ສະ​ເພາະ​ແມ່ນ​ການ​ພົວພັນ​ມູນ​ເຊື້ອ​ອັນ​ດີ​ລະຫວ່າງ ຫກປຊ ກັບ​ ​ປະກັນ​ສັງຄົມ​ຫວຽດນາມ​ຍາມ​ໃດ​ກໍ​ມີ​ມູນ​ເຊື້ອທີ່​ດີ​ນຳ​ກັນ​ຕະຫລອດ​ມາ. ຈາກນັ້ນທ່ານໄດ້ມີການລາຍງານສະພາບການຈັດຕັ້ງປະຕິບັດວຽກງານທີ່ມີຄວາມພົ້ນເດັ່ນໃນໄລຍະທີ່ຜ່ານມາ ໂດຍສະເພາະແມ່ນ ແຜນການ​ຈັດ​ຕັ້ງ​ປະຕິບັດ​​ໃນ​ການ​ຄຸ້ມ​ຄອງ​ປິ່ນປົວ​ສຸຂະພາບຂອງ​ພົນລະ​ເມືອງ​ໃຫ້​ໄດ້ 85% ​ໃນປີ​2020, ແຕ່​ມາ​ຮອດ​ທ້າຍປີ 2017 ​ແມ່ນ​ສາມາດ​ບັນລຸ​ຄາດໝາຍ 86% (ໝາຍ​ຄວາມ​ວ່າ​ບັນລຸ​​ແຜນການ​ກ່ອນ 3ປີ) ແລະ ປະຈຸບັນ​ສະມາຊິກ​ປະກັນ​ສັງຄົມ​ ​ແມ່ນ​ກວມ​ເອົາ 80% ຂອງ​ພົນ​ລະ​ເມືອງ.

ຈາກນັ້ນ ​ທ່ານ ປອ ​ເຊືອງ ​ວັນ ​ຖັງ ຫົວໜ້າ​ສູນ​ປະຊາສຳພັນ​ພາກ​ເໜືອ ​​ແລະ ທ່ານ ນາງ ​ເຮືອງ ​ງອກ ​ແອ​ງ ຮອງ​ອຳນວຍ​ການ ສື່​ມວນ​ຊົນ ໄດ້​ຂຶ້ນ​ນຳ​ສ​ະ​ເໜີ​ກ່ຽວກັບຮູບ​ແບບ​ການ​ປະຊາສຳພັນຕ່າງໆ​ເພື່ອນໍາເອົາຂໍ້ມູນໃຫ້​ເຂົ້າ​ເຖິງ​ກຸ່ມ​ເປົ້າ​ໝາຍໂດຍຜ່ານທາງສື່ຕ່າງໆທາງ​ໜັງ​ສື​ພິມ, ວິທະຍຸ​, ​ໂທລະພາບ, ປ້າຍ​ແຄມ​ທາງ, ​ແຜ່ນພັບ, ໃບປິວ, ຈັດ​ກອງ​ປະຊຸມ​ສຳ​ມະ​ນາ​ເຜີຍ​ແຜ່​ໃຫ້​ກຸ່ມ​ເປົ້າ​ໝາຍ, ​ເຜີ​ຍ​ແຜ່​ທາງສື່​ສັງ​ຄົມອອນ​ລາຍ (facebook) ແລະ ການ​ລົງ​ພື້ນທີ່​ແບບ​ເຄາະ​ປະຕູ​ລົງອະທິບາຍສູ່​ກຸ່ມ​ເປົ້າ​ໝາຍໃຫ້​ເຂົ້າ​ໃຈ ​ພ້ອມແຈກຢາຍ​ແຜ່ນພັບໃບ​ປິວ ​ເພື່ອ​ໄປ​ສຶກສາ​ສິດ​ຜົນປະ​ໂຫຍ​ດ​ຂອງການ​ເປັນ​ສະມາຊິກປະກັນ​ສັງຄົມ. ນອກນັ້ນ ຍັງໄດ້ສະແດງໃຫ້ເຫັນເຖິງນະ​ໂຍບາຍ​ຂອງ​ລັດຖະບານຫວຽດນາມ ມີ​ຕໍ່ປະຊາຊົນ​ຜູ້​ທຸກ​ຍາກ ​ຄື: ຜູ້​ທຸກ​ຍາກ​​ແທ້ໆ ລັດ​ຈະ​ເປັນ​ຜູ້​ຄຸ້ມ​ຄອງ​ການ​ປິ່ນປົວສຸ​ຂະ​ພາບ 100%; ຜູ້​ທຸກ​ຍາກ ​​ລັດຈ່າຍ​ຊ່ວຍ 30%; ຜູ້​ໃກ້​ຫຼຸດ​ອອກ​ຈາ​ກການ​ພົ້ນ​ທຸກ​ ລັດ​ຈ່າຍ​ຊ່ວຍ 20%; ພະນັກງານ​ບຳນານ​ຈະ​ໄດ້​ຈ່າຍ​ຮ່ວມ 10% ຂອງ​ມູນ​ຄ່າ​ປິ່ນປົວ.

ສຳລັບ ວຽກງານສຳນັກງານ​ໜັງ​ສື​ພິມ​ປະກັນ​ສັງຄົມ​ຫວຽດນາມ ເລີ່ມມີການ​ຕີ​ພິມ​ເຜີຍ​ແຜ່​ອອກ​ສູ່ສັງຄົມສະບັບ​ທຳ​ອິດ​ໃນ​ວັນ​ທີ 09 ກໍລະ​ກົດ 2003 ອອກ​ທຸກໆ ວັນ​ພຸດ, ປັດຈຸບັນ​ອອກ 2 ຄັ້ງ/ອາທິດ, ພິມ​​ເຜີຍ​ແຜ່ 55,000 ສະບັບ​ຕໍ່​ອາທິດ ເປັນພາສາຫວຽດນາມ ແລະ ​ພິມ​ເປັນ​ພາສາ​ອັງກິດຈຳໜ່າຍທຸກໆທ້າຍເດືອນ ຊຶ່ງໄລຍະຜ່ານມາສາມາດຍາດມາໄດ້ອັນດັບທີ3 ໃນງານ​ວັນ​ສັບປະດາ​ແຂ່ງຂັນ​ໜັງ​ສືພີ​ມຈາກ 800 ກວ່າ​ສຳນັກ, ມີລາຍຮັບໃນການເຊັນສັນຍາກັບຄູ່ຮ່ວມໂຄສະນາເຖິງ 1,3ຕື້ດົງ.

ພາຍຫຼັງການແລກປ່ຽນບົດຮຽນໃນຄັ້ງນີ້ ໂດຍຜ່ານຮູບແບບການໂຄສະນາທີ່ຫຼາກຫຼາຍ ແລະ ການມີສ່ວນຮ່ວມຂອງພາກສ່ວນຕ່າງໆ ສາມາດເຫັນໄດ້ສິ່ງພົ້ນເດັ່ນຫຼາຍດ້ານ ເປັນຕົ້ນແມ່ນ ມີ​ຜູ້​ເຂົ້າ​ຮ່ວມ​ປະກັນ​ສັງຄົມກວມເອົາ 86% ຂອງ​ປະຊາ​ກອນ​ທັງ​ໝົດ 93 ລ້າ​ນຄົນ ໃນ 2017, ການ​​ໂຄສະນາວຽກງານປະກັນສັງຄົມຖືເປັນວຽກຈຸດສຸມ ຕາມ​ທິດ​ຊີ້​ນຳ​ຂອງ​ກຳມະການ​ສູນ​ກາງ​ພັກ ແລະ ​ຖືກ​ນຳ​ສະ​ເໜີ​ໃນ​ກອງ​ປະຊຸມ​ໃຫ່ຍຂອງ​ພັກ​ທຸກ​ຄັ້ງ ທັງ​ຂັ້ນ​​ສູນ​ກາງ ແລະ ທ້ອງຖິ່ນ, ປະຊາຊົນທົ່ວໄປສາມາດເປັນຕົວແທນເຮັດວຽກປະຊາສຳພັນລະດົມສະມາຊິກປະຈຳແຕ່ລະກຸ່ມບ້ານ, ສື່ມວນຊົນຫຼາຍກ່ວາ 70 ຂະແໜງ ທົ່ວ​ປະ​ເທດມີການ​ນຳ​ສະ​ເໜີ​​ຂໍ້​ມູນ​ຂ່າວສານຂອງ​ປະກັນ​ສັງຄົມ​ຢ່າງ​ເປັນປະຈຳ, ມີການແກ້ໄຂຫາງສຽງຂອງສັງຄົມຢ່າງທັນການ ແລະ ມີມາດຕະການໃນການປະຕິບັດກົດໝາຍ​ໄດ້​ຢ່າງ​ເຂັ້ມ​ງວດ ຕໍ່ຫົວໜ່ວຍວິສາຫະກິດທີ່ບໍ່ເຂົ້າປະກັນສັງຄົມ.