ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 12/11/2018 ເວລາ 10:10


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 12/11/2018 ເວລາ 10:20

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045ຂໍຂອບໃຈ!

ສຳເລັດການຝຶກອົບຮົມ ນັກຂ່າວ ແລະ ນັກຈັດລາຍການວິທະຍຸກະຈາຍສຽງ ຂອງ ຫກປຊ.

ໃນຍຸກແຫ່ງເທັກໂນໂລຊີມີການພັດທະນາຢ່າງກ້າວໜ້າ, ການຍົກລະດັບຄວາມສາມາດທາງ ດ້ານວິຊາການ ຄຽງຄູ່ກັບການນໍາເອົາເທັກໂນໂລຊີທີ່ທັນສະໄໝເຂົ້າຮັບໃຊ້ວຽກງານຂອງຕົນ ຍິ່ງເປັນສິ່ງທີ່ທ້າທາຍ ແລະ ມີຄວາມສໍາຄັນທີ່ສຸດໃນຍຸກແຫ່ງໂລກາວິວັດ

ເພື່ອຍາດແຍ່ງໄດ້ຜົນງານທີ່ໂດດເດັ່ນ. ສະນັ້ນ ເພື່ອເຮັດໃຫ້ວຽກງານດັ່ງກ່າວປະກົດຜົນເປັນຈິງ ແນ່ໃສ່ພັດທະນາຄວາມຮູ້ຄວາມສາມາດຂອງ ພະນັກງານ, ຫ້ອງການກອງທຶນປະກັນສັງຄົມແຫ່ງຊາດ ຈຶ່ງໄດ້ຈັດຊຸດຝຶກອົບຮົມນັກຂ່າວ-ນັກຈັດລາຍການວິທະຍຸກະຈາຍສຽງຂື້ນ ໃນລະຫວ່າງ ວັນທີ 20-23 ກຸມພາ 2018 ທີ່ ຫກປຊ, ໂດຍການເຊີນວິທະຍາກອນ ຈາກວິທະຍຸກະຈາຍສຽງແຫ່ງຊາດລາວ ມາໃຫ້ຄວາມຮູ້ໃນຄັ້ງນີ້ ຊຶ່ງນໍາ ທີມໂດຍ ທ່ານ ສັງຂານ ຈູມຄໍາພັນ ຮອງຜູ້ອໍານວຍການ ວິທະຍຸກະຈາຍສຽງແຫ່ງຊາດລາວ ພ້ອມດ້ວຍທີມງານ; ຊຸດຝຶກອົບຮົມດັ່ງກ່າວ ໄດ້ຮັບກຽດ ເປັນປະທານກ່າວເປີດໂດຍທ່ານ ເພັດສະໝອນ ສຸກທະວີພອນ ຮອງຜູ້ອໍານວຍການ ຫກປຊ ໂດຍມີສໍາມະນາກອນເຂົ້າຮ່ວມທັງ ໝົດ 20 ທ່ານ.

ການຝຶກອົບຮົມໃນຄັ້ງນີ້ ລວມມີສອງພາກ ຄື ພາກທິດສະດີ ແລະ ພາກປະຕິບັດຕົວຈິງ ໂດຍແນ່ໃສ່ວຽກງານທີ່ຕິດພັນກັບສື່ໂຄສະນາຂອງ ຫ້ອງການກອງທຶນປະກັນສັງຄົມແຫ່ງຊາດ ເຊັ່ນ: ການຂຽນບົດ-ຂ່າວ, ການເປັນນັກຈັດລາຍການວິທະຍຸກະຈາຍສຽງ, ການສຳພາດ, ການຜະ ລິດສະປ໋ອດວິທະຍຸ ແລະອື່ນໆ ເພື່ອເຮັດໃຫ້ສື່ເຫຼົ່ານັ້ນສາມາດດຶງດູດຄວາມສົນໃຈຂອງກຸ່ມເປົ້າໝາຍ ໃຫ້ເຫັນໄດ້ເຖິງຄວາມສໍາຄັນໃນການເຂົ້າ ເປັນສະມາຊິກປະກັນສັງຄົມ, ຄຽງຄູ່ກັນນັ້ນການນໍາເອົາເທັກໂນໂລຊີທີ່ທັນສະໄໝ ເຂົ້າຊ່ວຍໃນການໂຄສະນາວຽກງານປະກັນສັງຄົມ ກໍ່ຄື ແນວ ທາງນະໂຍບາຍຂອງພັກ-ລັດ ຍິ່ງເປັນສິ່ງທີ່ຈໍາເປັນ, ເປັນຕົ້ນແມ່ນ ການໂຄສະນາຜ່ານສື່ອອນໄລເຟສບຸກ (Facebook) ທີ່ເປັນສື່ໄດ້ຮັບຄວາມ ນິຍົມຂອງສັງຄົມ ແລະ ສາມາດເຂົ້າເຖິງໄດ້ງ່າຍ.

ສໍາລັບການຝຶກພາກປະຕິບັດຕົວຈິງ ແມ່ນໄດ້ແບ່ງອອກເປັນ 3 ກຸ່ມໆລະ 5-6 ຄົນ ຄື ກຸ່ມທີ 1 ແລະ 2 ຮັບຜິດວຽກລາຍການວິທະຍຸກະຈາຍ ສຽງ ໂດຍສະມາຊິກໃນກຸ່ມຕ້ອງໄດ້ເລືອກຫົວຂໍ້ສົນທະນາເປັນບົດຂ່າວ, ບົດສໍາພາດຈາກພາກສ່ວນກ່ຽວຂ້ອງ, ຄວາມຮູ້ທົ່ວໄປ ແລະອື່ນໆ ເພື່ອ ປະກອບເປັນບົດສົນທະນາໃນລາຍການວິທະຍຸ ພ້ອມອັດສຽງສົມບູນ, ສ່ວນກຸ່ມທີ 3 ຮັບຜິດຊອບວຽກສະປ໋ອດວິທະຍຸ ຈໍານວນ 5 ສະປ໋ອດ ໂດຍສະມາຊິກໃນກຸ່ມຕ້ອງໄດ້ເລືອກຫົວຂໍ້ ເພື່ອຂຽນເປັນເນື້ອໃນ ແລະ ອັດສຽງເປັນສະປ໋ອດສົມບູນ. ພາຍຫຼັງການປະຕິບັດຕົວຈິງ ສາມາດ ເຫັນໄດ້ວ່າສໍາມະນາກອນມີຄວາມເຂົ້າໃຈ ແລະ ຜັນຂະຫຍາຍເຂົ້າສູ່ວຽກທີ່ໄດ້ຮັບມອບໝາຍໃນລະດັບທີ່ໜ້າເພິ່ງພໍໃຈຂອງຊຸດຝຶກອົບຮົມ, ພ້ອມ ດຽວກັນນັ້ນ ຊຸດຝຶກອົບຮົມຍັງມີຄວາມຄາດຫວັງສູງຕໍ່ສໍາມະນາກອນ ກໍ່ຄື ພະນັກງານ ຫກປຊ ໃນການໝູນໃຊ້ຄວາມຮູ້ດັ່ງກ່າວເຂົ້າໃນວິຊາສະ ເພາະຂອງຕົນໃຫ້ມີຜົນສໍຳເລັດເປັນກ້າວໆ.

ໃນມໍ່ໆນີ້ ເພື່ອເປັນການອໍານວຍຄວາມສະດວກໃຫ້ແກ່ການຜະລິດສື່ໂຄສະນາຂອງຕົນ ຫ້ອງການກອງທຶນປະກັນສັງຄົມແຫ່ງຊາດ ຫຼື ຫກປຊ ຈຶ່ງໄດ້ເລີ່ມມີການສ້າງຫ້ອງອັດສຽງຂື້ນ ມາແຕ່ທ້າຍປີ 2017 ແລະ ຄາດວ່າຈະສໍາເລັດ ພ້ອມນໍາໃຊ້ໃນຕົ້ນປີ 2018ນີ້.

div#mb_center,div#mb_bottom{ z - index: 9999; } div#mb_overlay{ z - index: 9999; }