ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 10/12/2018 ເວລາ 10:03


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 10/12/2018 ເວລາ 14:25

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045ຂໍຂອບໃຈ!

ປະກັນສັງຄົມ ຮ່ວມກັບ ກົມສ່ວຍສາອາກອນ ຈັດຊຸດຝຶກອົບຮົມໃຫ້ແກ່ພະນັກງານສ່ວຍສາອາກອນໃນຂອບເຂດທົ່ວ

alt
ໃນຕອນເຊົ້າຂອງວັນທີ 17/01/2018 ກົມສ່ວຍສາອາກອນ ກະຊວງການເງິນ ຮ່ວມກັບ ກົມປະກັນສັງຄົມ ກະຊວງ ຮສສ ແລະ ກອງທຶນປະກັນສັງຄົມແຫ່ງຊາດ ໄດ້ຈັດຊຸດຝຶກອົບ ຮົມ ແລະ ເຜີຍແຜ່ຄໍາແນະນໍາ



ວ່າດ້ວຍການຈັດຕັ້ງປະຕິບັດກົດໝາຍປະກັນສັງຄົມ ສະບັບເລກທີ 2751/ຮສສ ໃຫ້ແກ່ພະນັກງານລັດຖະກອນສ່ວຍສາອາກອນໃນຂອບເຂດ ທົ່ວປະເທດ ຢູ່ທີ່ສູນການຮ່ວມມືສາກົນ ແລະ ການຝຶກອົບຮົມ ICTC ຫຼັກ 5, ໂດຍການເປັນປະທານຂອງ ທ່ານ ນາງ ຄອນມະນີ ພິມມະສັກ ຮອງຫົວໜ້າກົມສ່ວຍສາອາກອນ ກະຊວງການເງິນ, ມີນັກສໍາມະນາກອນເຂົ້າຮ່ວມທັງໝົດ 70 ກ່ວາຄົນ.

ຈຸດປະສົງຝຶກອົບຮົມໃນຄັ້ງນີ້ ກໍ່ເພື່ອສ້າງຄວາມຮັບຮູ້ ແລະ ຄາວມເຂົ້າໃຈເພີ່ມຕື່ມ ກ່ຽວກັບພັນທະ ແລະສິດຜົນປະໂຫຍດທີ່ຈະໄດ້ຮັບເວລາເຂົ້າ ເປັນສະມາຊິກປະກັນສັງຄົມ ລວມເຖິງບັນດາຂໍ້ກໍານົດ ແລະ ແຈ້ງການຕ່າງໆທີ່ຕິດພັນກັບສະມາຊິກ, ໃຫ້ກຽດຂື້ນບັນຍາຍຄຳແນະນໍາແມ່ນ ທ່ານ ນາງ ດວງເດືອນ ຈັນທະວົງ ຫົວໜ້າພະແນກປະຊາສໍາພັນ ຫກປຊ ຊຶ່ງທ່ານໄດ້ສະແດງໃຫ້ເຫັນພາບລວມ ແລະ ລົງເລິກບັນຫາສໍາຄັນ ກ່ຽວກັບວຽກງານດັ່ງກ່າວ ເປັນຕົ້ນແມ່ນ ການແຈ້ງຂື້ນທະບຽນໃໝ່ຂອງພະນັກງານສ່ວຍສາອາກອນ ທີ່ເຫັນວ່າຍັງມີພະນັກງານຈໍານວນໜຶ່ງ ບໍ່ທັນແຈ້ງຂື້ນທະບຽນນໍາປະກັນສັງຄົມ ຊຶ່ງຈະເຮັດໃຫ້ກຸ່ມຄົນດັ່ງກ່າວບໍ່ໄດ້ຮັບການຄຸ້ມຄອງຈາກລະບົບ, ການປ່ຽນແປງຂໍ້ມູນ ແລະອື່ນໆ. ຈາກ ນັ້ນ, ທ່ານປະທານໄດ້ເປີດໂອກາດໃຫ້ນັກສໍາມະນາກອນຂື້ນຊັກຖາມກ່ຽວກັບບັນຫາທີ່ຍັງມີຄວາມສົນໃຈເພີ່ມຕື່ມ ເຊັ່ນ: ຂັ້ນຕອນການແຈ້ງຂື້ນທະ ບຽນໃໝ່ ສໍາລັບພະນັກງານທີ່ຢຸ່ຕ່າງແຂວງ, ການຮັບລູກບຸນທຳມາລ້ຽງ, ການເລືອກໂຮງໝໍເພື່ອປິ່ນປົວເວລາເຈັບເປັນ, ກໍລະນີເຈັບສຸກເສີນ ເປັນຕົ້ນ, ພ້ອມດຽວກັນນັ້ນ ຍັງສະເໜີໃຫ້ປະກັນສັງຄົມສົມທົບກັບໂຮງໝໍຄູ່ສັນຍາ ເພື່ອເພີ່ມຄວາມເອົາໃຈໃສ່ໃນເວລາສະມາຊິກໄປໃຊ້ບໍລິການ ໃນຍາມເຈັບເປັນ.

ການເຜີຍແຜ່ໃນຄັ້ງນີ້ ເຮັດໃຫ້ນັກສໍາມະນາກອນໄດ້ຮັບຮູ້ສິດ ແລະ ຜົນປະໂຫຍດຂອງຕົນເອງຫຼາຍຍິ່ງຂື້ນ, ໂດຍປະທານໄດ້ກ່າວເນັ້ນຕື່ມອີກວ່າ ວຽກງານດັ່ງກ່າວແມ່ນຕິດພັນກັບພະນັກງານສ່ວຍສາອາກອນ ກໍ່ຄື ສະມາຊິກປະກັນສັງຄົມໃນຂອບເຂດທົ່ວປະເທດ ສະນັ້ນ ໃຫ້ທຸກທ່ານເພີ່ມ ຄວາມເອົາໃຈໃສ່ຂື້ນຕື່ມ ເພື່ອຮັບປະກັນການດໍາລົງຊີວິດໃນຕໍ່ໜ້າ.

ພາບ-ຂ່າວ: ພະແນກປະຊາສໍາພັນ.

 

div#mb_center,div#mb_bottom{ z - index: 9999; } div#mb_overlay{ z - index: 9999; }