ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 21/05/2018 ເວລາ 09:55


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 21/05/2018 ເວລາ 15:11

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045ຂໍຂອບໃຈ!

ກົມການບິນພົນລະເຮືອນ ເຫັນຄວາມສຳຄັນວຽກງານປະກັນສັງຄົມ.

ໃນຕອນເຊົ້າຂອງວັນທີ 18 ກໍລະກົດ 2017 ຜ່ານມາ, ກົມການບິນພົນລະເຮືອນ ສົມທົບ ກັບ ກອງທຶນປະກັນສັງຄົມແຫ່ງຊາດ, ກົມປະກັນສັງຄົມ ກະຊວງ ຮສສ ແລະ ກະຊວງ ພາຍໃນ ໄດ້ຈັດກອງປະຊຸມເຜິີຍແຜ່



ເອກະສານຄຸ້ມຄອງເອກະສານຄໍາແນະນຳວ່າດ້ວຍການຈັດຕັ້ງປະຕິບັດກົດໝາຍປະກັນສັງຄົມສະບັບເລກທີ 2751/ຮສສ ແລະ ການເຜີຍແຜ່ກົດ ໝາຍວ່າດ້ວຍພະນັກງານ-ລັດຖະກອນ ສະບັບເລກທີ 74/ສພຊ, ໃຫ້ກຽດເປັນປະທານກ່າວເປີດພິທີໂດຍ ທ່ານ ບົວຂາວ ຂຸນພຣະຍາ ຮອງກົມ ການບິນພົນລະເຮືອນ, ມີກອງການບິນພົນລະເຮືອນ, ກອງຄຸ້ມຄອງຈໍລະຈອນ, ບັນດາພະແນກການ ແລະ ພະນັກງານວິຊາການອ້ອມຂ້າງ ເຂົ້າຮ່ວມ 160 ກ່ວາຄົນ.

ຈຸດປະສົງໃນການເຜີຍແຜ່ໃນຄັ້ງນີ້ ກໍ່ເພື່ອເຮັດໃຫ້ພະນັກງານຫຼັກແຫຼ່ງທີ່ຂື້ນກັບກົມການບິນພົນລະເຮືອນ ໄດ້ເຂົ້າໃຈເລິກເຊິ່ງຂື້ນຕື່ມກ່ຽວກັບສິດ ຜົນປະໂຫຍດທີ່ຈະໄດ້ຮັບເວລາເຂົ້າເປັນສະມາຊິກປະກັນສັງຄົມ ແລະ ບັນດາຂັ້ນຕອນການປະກອບເອກະສານ ເພື່ອຮັບເງິນອຸດໜູນປະເພດ ຕ່າງໆຈາກກອງທຶນປະກັນສັງຄົມແຫ່ງຊາດພ້ອມທັງລົງເລິກບັນຫາສຳຄັນທີ່ເປັນນະໂຍບາຍເພີ່ມຂື້ນໃໝ່ພາຍຫຼັງທີ່ມີການໂຮມຕົວຂອງສອງດຳລັດ ຄື ດຳລັດ 70/ນຍ ວ່າດ້ວຍການຈັດຕັ້ງປະຕິບັດນະໂຍບາຍສຳລັບພະນັກງານ-ລັດຖະກອນ ແລະ ດໍາລັດ 207/ນຍ ວ່າດ້ວຍການຈັດຕັ້ງປະຕິ ບັດນະໂຍບາຍສຳລັບພະນັກງານໃນຫົວໜ່ວຍແຮງງານວິສາຫະກິດ ມາເປັນກົດໝາຍວ່າດ້ວຍການປະກັນສັງ ຄົມສະບັບເລກທີ 34/ສພຊ ທີ່ ເລີ່ມຈັດຕັ້ງປະຕິບັດນັບແຕ່ວັນທີ 1 ຕຸລາ 2014 ເປັນຕົ້ນມາ, ທັງນີ້ກໍ່ເພື່ອເຮັດໃຫ້ສະມາຊິກໄດ້ຮັບຜົນປະໂຫຍດໃນລະດັບທີ່ເໝາະສົມຕາມແຕ່ ລະໄລຍະຈາກລະບົບດັ່ງກ່າວ.

ພາຍຫຼັງການບັນຍາຄຳແນະນຳຂອງນັກວິທະຍາກອນຈາກປະກັນສັງຄົມ, ກອງປະຊຸມ​ໄດ້​ມີ​ການ​ສົນທະນາ​ຖາມ​-ຕອບ ກ່ຽວກັບບັນດາ​ຂໍ້ສົນໃຈທີ່ ຕິດພັນກັບການເຄື່ອນໄຫວວຽກງານຕົວຈິງຂອງກົມການບິນພົນລະເຮືອນ ເປັນຕົ້ນແມ່ນ ການປະຕິບັດນະໂຍບາຍປະກັນສັງຄົມຕໍ່ກັບພະນັກງານ ລັດ ແລະ ສັນຍາ, ການເບີກຈ່າຍເງິນອຸດໜູນກໍລະນີ ຜົວ ແລະ ເມຍລ້ວນແຕ່ເປັນສະມາຊິກປະກັນສັງຄົມ, ໄລຍະເວລາການຍື່ນເອກະສານ ເພື່ອຮັບເງິນອຸດໜູນ ແລະອື່ນໆ, ນອກນັ້ນຍັງມີບັນດາຂໍ້ສະເໜີ ຊຶ່ງສ່ວນຫຼາຍແມ່ນສະເໜີໃຫ້ໂຮງໝໍ​ເພີ່ມ​ຄວາມ​ເອົາ​ໃຈ​ໃສ່​ຕໍ່​ຂອບ​ບໍລິການ​ປິ່ນປົວ​ສຸຂະພາບ​ໃຫ້ແກ່ສະມາຊິກໃນເວລາໄປໃຊ້ບໍລິການ. ຫຼັງຈາກນັ້ນ, ນັກວິທະຍາກອນ ກໍ່ໄດ້ຊີ້ແຈງແຕ່ລະບັນຫາໂດຍລະອຽດຢ່າງກົງໄປກົງມາ ແລະ ເຮັດໃຫ້ຜູ້ເຂົ້າຮ່ວມຮັບຟັງເຫັນໄດ້ເຖິງຄວາມສຳຄັນກ່ຽວກັບວຽກງານປະກັນສັງຄົມ ໂດຍສະເພາະແມ່ນໄດ້ຮັບຮູ້ສິດຜົນປະໂຫຍດຂອງຕົນ ຫຼາຍຂື້ນ, ພ້ອມດຽວກັນນັ້ນ ທີມງານປະກັນສັງຄົມ ຍັງໄດ້ຮັບເອົາບັນດາຂໍ້ສະເໜີ​ຕ່າງໆຂອງສະມາຊິກ ເພື່ອ​ລາຍງານ​ຕໍ່​ຂັ້ນ​ເທິງ​​ປັບປຸງ​ແກ້​ໄຂ​ໃຫ້​ມີຄວາມແທດ​ເໝາະ​ກັບ​ສະພາບ​ການ​ຕົວ​ຈິງ ​ແລະ  ​​ເປັນ​ທີ່​ເພິ່ງ​ພໍ​ໃຈ​ຂອງ​ສະມາ​ຊິກຕື່ມອີກ​.

 

ພາບ-ຂ່າວ: ພະແນກປະຊາສຳພັນ