ກວດຂໍ້ມູນຜູ້ເກີດສິດ

ກວດຂໍ້ມູນຜູ້ເກີດສິດ

ປິ່ນປົວຢູ່ໂຮງໝໍ, ພ້ອມຄອບຄົວ

ຕາມເລກລະຫັດບັດປະກັນສັງຄົມ


ຂໍ້ມູນອັບເດດ ວັນທີ 11/12/2017 ເວລາ 

09:56 ສຳລັບພາກວິສະຫະກິດ

ອາທິດລະຄັ້ງ


ຂໍ້ມູນອັບເດດ ວັນທີ 18/12/2017 ເວລາ 

21:50 ສຳລັບພາກລັດ ອາທິດລະຄັ້ງ


ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ຜູ້ອຳນວຍການ ຫກປຊ ພ້ອມຄະນະເຂົ້າຮ່ວມ ກອງປະຊຸມ ASSA ຄັ້ງທີ 34

ໃນ​ວັນ​ທີ 22-25 ສິງຫາ 2017 ຜ່ານ​ມາ, ທ່ານ ປະ​ເດີມ​ພອນ ສົນ​ທະນີ ຜູ້ອຳນວຍການ ຫກປຊ ພ້ອມດ້ວຍ​ຄະນະ​ໄດ້​ເຂົ້າ​ຮ່ວມ​ກອງ​ປະຊຸມສະພາ​ບໍລິຫານ​ສະມາຄົມ​ປະກັນ​ສັງຄົມ​ອາ​ຊຽນ (ASSA) ຄັ້ງ​ທີ່ 34, ຢູ່​ທີ່​ຈັງວັດອຸດອນ​ທານີ ລາຊະ​ອານາຈັກ​ໄທ ​ໂດຍ​ພາຍ​ໃຕ້​ການ​ເປັນ​ປະທານ​ຂອງ

ທ່ານ ​ແອນ​ຕີ ​ເອມມາໂນ​ເອວ (Atty Emamanuel F) ປະທານ ອົງການ​ປະກັນ​ສັງຄົມ ຟິລີ​ປິ່ນ ທັງ​ເປັນ​ປະທານ​ອາຊາ, ​​ເຊິ່ງມີຜູ້​​ເຂົ້າ​ຮ່ວມທັງ​ໜົດ 80 ທ່ານ ຈາກ 20 ອົງການທີ່​ເປັນ​ສະມາຊິກ​ຂອງ​ສະມາຄົມ​ປະກັນ​ສັງຄົມ​ອາ​ຊຽນ.

ຈຸດປະສົງຫຼັກຂອງກອງປະຊຸມໃນຄັ້ງນີ້: ເພື່ອພົບປະລະຫວ່າງປະເທດມາຊິກໃນການປຶກສາຫາລື ແລະ ພັດທະນາວຽກງານຂອງສະມາຄົມປະ ກັນສັງຄົມ, ທັງ​ຍັງ​ເປັນ​ການແລກປ່ຽນບົດຮຽນວຽກງານປະກັນສັງຄົມຈາກບັນດາຊ່ຽວຊານຕ່າງໆທີ່​ໄດ້ຮັບເຊີນ, ພ້ອມ​ທັງປຶກສາຫາລື ແລະ ແລກປ່ຽນ ບົດຮຽນທີ່ພົ້ນເດັ່ນກ່ຽວກັບການຈັດຕັ້ງປະຕິບັດວຽກງານປະກັນສັງຄົມລະຫວ່າງປະເທດສະມາຊິກດ້ວຍກັນ.

​ເນື້ອ​ໃນ​ກອງ​ປະຊຸມ​ໃນ​ຄັ້ງ​ນີ້​ແມ່ນ​ໄດ້​ເວົ້າ​ເຖິງ​ບັນຫາ​ຂອງ​ສັງຄົມ​ຜູ້​ສູງ​ອາຍຸ​ທີ່​ເກີດ​ຂຶ້ນ​ແລ້ວ​ໃນ​ຫຼາຍ​ປະ​ເທດ​ໃນ​ໂລກ. ລວມ​ເຖິງ​ບາງ​ປະ​ເທດ​ໃນ​ອາ​ຊຽນ​ເຊິ່ງມັນ​ເປັນ​ຜົນ​ກະທົບ​ຕໍ່​ກອງ​ທຶນ​ໄລຍະ​ຍາວ​ຂອງ​ລະບົບ​ປະກັນ​ສັງຄົມ, ນອກຈາກ​ນີ້​ຍັງ​ໄດ້​ມີ​ການ​ແບ່ງປັນ​ກ່ຽວ​ກັບ​ການ​ກຽມພ້ອມ​ເຂົ້າ​ສູ່​ສັງຄົມ​ຜູ້​ສູງ​ອາຍຸ​ຈາກ​ປະ​ເທດ​ທີ່​ມີ​ປະສົບ​ການ​ອີກ​ດ້ວຍ. ບັນຫາ​ດັ່ງກ່າວ​ເບິ່ງ​ຄື​ຍັງ​ໄກ​ຈາກ​ລະບົບ​ຂອງ ຫກປຊ ​ແຕ່​ມັນກໍ່​ເປັນ​ສິ່ງ​ທ້າ​ທາຍ​ທີ່​ພວກ​ເຮົາ​ບໍ່​ຄວນ​ເບິ່ງ​ຂ້າມ ​ເພາະນີ້​ຄື​ບັນຫາ​ຫຼັກ ​ແລະ ບັນຫາ​ໃຫຍ່​ທີ່​ທຸກ​ປະ​ເທດ​ຕ້ອງ​ພົບ​ພໍ້​ໃນ​ອານາ​ຄົດ.

​​​ຕາມ​ລະບຽບ​ການຂອງ ASSA ​ແລ້ວ​ບັນດາ​ປະ​ເທດ​ສະມາຊິກ ຈະ​ໄດ້​ມີ​ການ​ຜັດປ່ຽນ​ກັນ​ເປັນ​ເຈົ້າພາບ​​ໂດຍ​ລຽງ​ຕາມ​ໂຕ​ອັກສອນ A ຫາ Z, ຊຶ່ງ​ໃນ​ຄັ້ງ​ຕໍ່​ໄປ ສສ. ຫວຽດນາມ ຈະ​ໄດ້​ເປັນ​ເຈົ້າພາບ​ຈັດກອງ​ປະ​ຊຸມ ASSA, ​ຂຶ້ນ​ໃນ​ເດືອນ ສິງຫາ 2018 ທີ່​ແຂວງ​ຫຍະ​ຈ່າງ, ພ້ອມ​ທັງ​ເປັນ​ປີ​ທີ່​ສະມາຄົມ​ປະກັນ​ສັງຄົມ​ອາ​ຊຽນ ຄົບຮອບ 20 ປີ, ​ເຊິ່ງຈະ​ໄດ້​ນຳ​ເອົາ​ຫົວ​ຂໍ້​ທີ່​​ໄປ​ສົນທະນາ​ມີ​ດັ່ງ​ນີ້: ສິ່ງ​ທ້າ​ທາຍ​ດ້ານ​ຄວາມ​ໜັ້ນຄົງ​ທາງ​ສັງຄົມ ​​ໃນ​ການ​ປະຕິ​ຮູບ​ອຸດສາຫະກຳ​ຍຸກ 4,0 ​ແລະ ການ​ເຄື່ອນ​ຍ້າຍ​ແຮງ​ງານ​ຢ່າງ​ເສລີ​ໃນ​ອາ​ຊຽນ.