ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ທີມງານປະກັນສັງຄົມ ເຂົ້າຮ່ວມວຽກງານສ້າງຄວາມເຂັ້ມແຂງໃຫ້ແກ່ຕົວແທນກຳມະບານ ທັງພາກລັດ ແລະ ເອກະຊົນ.

altໃນຕອນເຊົ້າຂອງວັນທີ 4 ສິງຫາ 2017 ທີ່ຜ່ານມາ, ທີມງານປະກັັນສັງຄົມໄດ້ເຂົ້າຮ່ວມ ການຝຶກອົບຮົມ “ສ້າງຄວາມເຂັ້ມແຂງໃຫ້ແກ່ຕົວແທນກຳມະບານ, ກຳມະກອນ ກ່ຽວກັບ ວຽກງານຈັດຕັ້ງ ແລະ ການເຈລະຈາຕໍ່ລອງລວມໝູ່ ຂອງ ສູນກາງສະ ຫະພັນກຳມະບານ ລາວ”

ພາຍໃຕ້ການເປັນປະທານຂອງ ທ່ານ ອຸ່ນຄຳ ບຸນຍະແສງ ຫົວໜ້າກົມປົກປ້ອງແຮງງານ ສູນກາງສະຫະພັນກຳມະບານລາວ (ສກລ), ມີຜູ້ຊ່ຽວຊານຕາງໜ້າຈາກອົງການແຮງງານສາກົນ (ILO), ຜູ້ຕາງໜ້າວຽກງານກຳມະບານຈາກ 9 ເມືອງ ໃນນະຄອນຫຼວງວຽງຈັນ, ສະພາ ການຄ້າ, ສະຖາບັນລາວ-ເກົາຫຼີ, ລັດວິສາຫະກິດນ້ຳມັນເຊື້ອໄຟ, ລາວໂທລະຄົມ, ຝ້າຍລາວ, ບໍລິສັດເບຍລາວ, ສະກາວີລາວ, ບີຄໍເປຣັດ ແລະ ພະນັກງານວິຊາການ ສກລ ທີ່ກ່ຽວຂ້ອງ ເຂົ້າຮ່ວມລວມທັງໝົດ 35 ທ່ານ.

ຈຸດປະສົງການຝຶກອົບຮົມໃນຄັ້ງນີ້ ກໍ່ເພື່ອເລັ່ງໃສ່ສ້າງຄວາມເຂັ້ມແຂງໃຫ້ກັບຕົວແທນກຳມະບານທີ່ຕາງໜ້າຈາກພາກສ່ວນຕ່າງໆ ທັງພາກ ລັດແລະ ເອກະຊົນ ໃຫ້ມີຄວາມເຂົ້າໃຈເລິກ ເຊິ່ງຂື້ນຕື່ມກ່ຽວກັບສິດ ແລະ ພາລະບົດບາດຂອງຕົນ ຄ່ຽງຄູ່ກັບການຍົກ ສູງໜ້າທີ່ ຮັບຜິດຊອບ ແລະ ຈັດຕັ້ງຜັນຂະຫຍາຍໃຫ້ມີຄວາມສຳເລັດເປັນກ້າວໆ ໂດຍອີງໃສ່ບັນດາເງື່ອນໄຂທີ່ອຳນວຍ ເພື່ອເປັນພື້ນຖານໃນການສະເໜີຜົນປະໂຫຍດ ລວມໃຫ້ແກ່ຜູ້ອອກແຮງງານ ແລະ ຜູ້ໃຊ້ແຮງງານໃນເວລາດຽວກັນ; ພ້ອມດຽວກັນນັ້ນ ພິທີດັ່ງກ່າວຍັງໄດ້ຈັດເຜີຍແຜ່ກ່ຽວກັບວຽກງານ ປະກັນສັງຄົມ ທີ່ເປັນນະໂຍບາຍຂອງລັດຖະບານ ໃນການຄ້ຳປະກັນຊີວິດການເປັນຢູ່ຂອງຜູ້ອອກແຮງງານເວລາທີ່ມີການເຈັບເປັນ, ເສຍອົງ ຄະ, ອອກລູກ ຫຼື ຫຼຸລູກ, ບຳນານ, ເສຍຊີວິດ, ວ່າງງານ ແລະອື່ນໆ; ໃຫ້ກຽດຂື້ນບັນຍາຍວຽກງານປະກັນສັງຄົມ ນຳໂດຍທ່ານ ນາງ ກິ່ງເມືອງ ວົງສາລະວັນ ຮອງຫົວໜ້າພະແນກປະຊາສຳພັນ ຂອງ ຫ້ອງການກອງທຶນປະກັນສັງຄົມແຫ່ງຊາດ (ຫກປຊ) ຊຶ່ງທ່ານໄດ້ລົງເລິກ ກ່ຽວກັບຄຳແນະນຳວ່າດ້ວຍການຈັດຕັ້ງປະຕິບັດກົດໝາຍປະກັນສັງຄົມ ສະບັບເລກທີ 2751/ຮສສ ເວົ້າສະເພາະກໍ່ຄືສິດຜົນປະໂຫຍດທີ່ຈະໄດ້ ຮັບພາຍຫຼັງທີ່ກ້າວເຂົ້າເປັນສະມາຊິກປະກັນສັງຄົມ. ໃນພິທີຍັງ​ໄດ້​ມີ​ການ​ສົນທະນາ​ຖາມ​-ຕອບ ກ່ຽວກັບບັນດາ​ຂໍ້ສົນ ໃຈທີ່ຕິດພັນກັບບັນດາ ລະບຽບການ ແລະ ປະເພດການອຸດໜູນ ທີ່ປະກັນສັງຄົມໃຫ້ການຄຸ້ມຄອງເປັນຕົ້ນແມ່ນອຸດໜູນອຸປະຕິເຫດວຽກງານ ແລະ ອຸປະຕິເຫດ ເທິງທ້ອງຖະໜົນ, ການເສຍຊີວິດ ໄລຍະຢຸດຈ່າຍເງິນສົມທົບ, ພ້ອມດຽວກັນນັ້ນ ຜູ້ເຂົ້າຮ່ວມຍັງໄດ້ມີບັນດາຂໍ້ສະເໜີເປັນຕົ້ນແມ່ນ ການພັກ ອອກລູກຂອງຜູ້ປະກັນຕົນເພດຍິງ ລະຫວ່າງຜູ້ທີ່ເຮັດວຽກຢູ່ພາກລັດຖະກອນ ແລະ ພາກວິສາຫະກິດໃຫ້ມີຄວາມເທົ່າທຽມກັນ ແລະ ໂດຍ ສ່ວນຫຼາຍແມ່ນສະເໜີໃຫ້ສະມາຊິກສາມາດເຂົ້າໃຊ້ບໍລິການປິ່ນປົວຢູ່ໂຮງໝໍໃດກໍໄດ້ໃນເວລາທີ່ມີການເຈັບເປັນ ຄຽງຄູ່ກັບການປັບປຸງ​ຂອດ​ບໍລິການ​ປິ່ນປົວ​ສຸຂະພາບຂອງໂຮງໝໍຄູ່ສັນຍາກັບປະກັນສັງຄົມ, ຊຶ່ງທີມງານປະກັນສັງຄົມກໍ່ໄດ້ຊີ້ແຈ້ງແຕ່ ລະບັນຫາຢ່າງກົງໄປກົງມາ ພ້ອມທັງ ຮັບເອົາຂໍ້ສະເໜີ​ຕ່າງໆເພື່ອ​ລາຍງານ​ຕໍ່​ຂັ້ນ​ເທິງປັບປຸງ​ແກ້​ໄຂ​ໃຫ້ແທດ​ເໝາະ​ກັບ​ສະພາບ​ການ​ຕົວຈິງ ແຕ່ລະໄລຍະ​.