ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 16/10/2017 ເວລາ 14:24 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 16/10/2017ເວລາ 14:24 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ກະຊວງການຕ່າງປະເທດ ເຫັນຄວາມສຳຄັນຂອງວຽກງານປະກັນສັງຄົມ.

ໃນຕອນບ່າຍ ວັນທີ 31 ພຶດສະພາ 2017 ຜ່ານມາ, ທີ່ ກະຊວງການຕ່າງປະເທດ ຮ່ວມ ກັບກົມປະກັນສັງຄົມກະຊວງແຮງງານ ແລະ ສະຫວັດດີການສັງຄົມ ຕາງໜ້າໂດຍຫ້ອງການ ກອງທຶນປະກັນສັງຄົມແຫ່ງຊາດ ( ຫກປຊ ) ຈັດກອງປະຊຸມເຜີຍແຜ່ຄໍາແນະນຳ ວ່າດ້ວຍ ການຈັດຕັ້ງປະຕິບັດກົດໝາຍປະກັນສັງຄົມ. ໃຫ້ກຽດເປັນປະທານໂດຍ ທ່ານ ແພງພັນ ເລືອງມະນີ ຮອງຫົວໜ້າ​ກົມຈັດຕັ້ງ ແລະ ພະນັກງານ ກະຊວງການຕ່າງປະເທດ, ມີບັນດາ ກົມອ້ອມຂ້າງ, ຫົວໜ້າ​ພະ ແນ​ກ-ຮອງ​ພະ​ແນ​ກ ພ້ອມດ້ວຍ​ພະນັກງານ​ວິຊາ​ການ​ຫຼັກແຫຼ່ງ ຂອງກະຊວງການຕ່າງປະເທດ​ເຂົ້າ​ຮ່ວມຫຼາຍກ່ວາ 200 ທ່ານ, ຕາງໜ້າເຜີຍແຜ່ວຽກງານປະ ກັນສັງຄົມນໍາໂດຍ ທ່ານ ດຣ ນ ວັນໄຊ ສຸວັນນະເມທີ ຮອງຫົວໜ້າກົມປະກັນສັງຄົມ ກະຊວງ ຮສສ.

ໃນພິທີ ທ່ານປະທານ ໄດ້ໃຫ້ກຽດຂື້ນກ່າວຈຸດປະສົງຂອງກອງປະຊຸມ. ຕໍ່ຈາກນັ້ນ ທ່ານ ດຣ ນ ວັນໄຊ ສຸວັນນະເມທີ ຮອງກົມປະກັນສັງຄົມ ໄດ້ຂື້ນກ່າວພາບລວມໂດຍຫຍໍ້ ກ່ຽວກັບກົດໝາຍວ່າດ້ວຍການປະກັນສັງຄົມ ສະບັບເລກທີ 34/ສພຊ ແລະ ເນື້ອໃນກ່ຽວກັບມາດຕາຕ່າງໆຂອງ ກົດໝາຍ, ຊຶ່ງພາຍຫຼັງ ທ່ານ ນາງ ກິ່ງເມືອງ ວົງສາລະວັນ ຮອງຫົວໜ້າພະແນກປະຊາສຳພັນ ຫກປຊ ໄດ້ຂື້ນເຜີຍແຜ່ຄຳແນະນຳໃນການຈັດ ຕັ້ງປະຕິບັດກົດໝາຍປະກັນສັງຄົມ ສະບັບເລກທີ 2751/ຮສສ ໂດຍແນໃສ່ 2 ກຸ້ມເປົ້າໝາຍໃນການຄຸ້ມຄອງ ຄື: ແບບບັງຄັບ ແລະ ແບບສະ ໝັກໃຈ. ແບບບັງຄັບ ຈະກວມເອົາອົງການຈັດຕັ້ງພັກ-ລັດ; ພະນັກງານລັດຖະກອນ, ທະຫານ, ຕຳຫຼວດ; ຫົວໜ່ວຍແຮງງານ ແລະ ຜູ້ອອກ ແຮງງານ; ຄົນລາວທີ່ເຮັດວຽກຢູ່ສະຖານທູດ, ກົງສູນ, ອົງການຕ່າງໆ ແລະ ຄົນຕ່າງປະເທດທີ່ເຮັດວຽກໃນຫົວໜ່ວຍແຮງງານຕ່າງໆ. ແບບສະ ໝັກໃຈ ແມ່ນເລັ່ງໃສ່ຜູ້ປະກອບອາຊີບສ່ວນບຸນຄົນ ແລະ ຜູ້ສະໝັກໃຈທົ່ວ​ໄປ. ​ຊຶ່ງຈະ​ໄດ້ຮັບການອຸດໜູນທຸກປະເພດ​ເປັນ​ຕົ້ນ ອຸດໜູນປິ່ນປົວສຸ ຂະພາບ, ອອກລູກ ຫຼື ຫຼຸລູກ, ປ່ວຍການ, ບຳນານ, ເສຍອົງຄະ, ຜູ້ດູແລ, ເສຍຊີວິດ ​ແລະ ສະມາຊິກຄອບຄົວ ຂອງຜູ້ປະກັນຕົນຈະໄດ້ຮັບ ຢ່າງ​ຫຼວງ​ຫຼາຍ.

ທ່ານ ນາງ ກິ່ງເມືອງ ຍັງໃຫ້ຮູ້ຕື່ມອີກວ່າ ພະນັກງານພາກລັດເມື່ອໄດ້ຮັບຂໍ້ຕົກລົງເປັນລັດຖະກອນຮັບເງິນເດືອນ 95% ຕາມລະບຽບການແລ້ວ ກໍ່ຈະຖືຫັກເງິນຢ່າງອັດຕະໂມນັດເພື່ອສົມທົບເຂົ້າກອງທຶນປະກັນສັງຄົມແຫ່ງຊາດ 16,5% ຂອງເງິນເດືອນທັງໝົດ ໃນນັ້ນລັດຖະບານໄດ້ຮັບ ຜິດຊອບ 8,5% ຂອງເງິນເດືອນລັດຖະກອນ ​ແລະ ພະນັກງານ​ໜຶ່ງ​ຄົນ​ໃດຈະຕ້ອງສົມທົບ 8% ຂອງເງິນເດືອນທັງໝົດ. ສ່ວນພາກວິສາຫະ ກິດຕ້ອງສົມທົບ 11,5% ຂອງເງິນເດືອນປະກັນຕົນ ໃນນັ້ນຜູ້ໃຊ້ແຮງງານຮັບຜິດຊອບຈ່າຍ 6% ຂອງເງິນເດືອນປະກັນຕົນ ​ແລະ ຜູ້ອອກແຮງ ງານຈ່າຍ 5,5% ຂອງເງິນເດືອນຜູ້ປະກັນຕົນ ​ຊຶ່ງມີເພດານສູງສຸດ 4,500,000 ກີບ; ສຳລັບຜູ້ປະກອບອາຊີບສ່ວນບຸກຄົນ ແລະ ຜູ້ປະກັນຕົນ ແບບສະໝັກໃຈຕ້ອງຈ່າຍ 9% ຂອງເງິນເດືອນປະກັນຕົນທີ່ສາມາດເລືອກຈ່າຍໄດ້ ແລະ ບັນດາສິດຜົນປະໂຫຍດຕ່າງໆທີ່ຈະໄດ້ຮັບຕາມລະ ບຽບການ.

ໃນກອງປະຊຸມ​ໄດ້​ມີ​ການ​ສົນທະນາ​ຖາມ​-ຕອບກ່ຽວ​ກັບ​ບັນດາ​ສິດຜົນ​ປະ​ໂຫຍ​ດ ທີ່​ຈະ​ໄດ້​ຮັບ​ຈາກ​ການ​​ເຂົ້າ​ເປັນ​ສະມາ​ຊິກ​ການ​ປະກັນ​ສັງຄົມ ​ຊຶ່ງສ່ວນ​ໃຫຍ່​ແມ່ນ​ເນັ້ນ​ໃຫ້​ປະກັນ​ສັງຄົມ ​ເພີ່ມ​ຄວາມ​ເອົາ​ໃຈ​ໃສ່​ຕໍ່​ຂອບ​ບໍລິການ​ປິ່ນປົວ​ສຸຂະພາບ​ຂອງ​ສະມາ​ຊິກ ທີ່ເປັນພະນັກງານການທູດປະ ຈຳການຢູ່ຕ່າງປະເທດໃນໄລຍະຍາວ ເພື່ອແກ້ໄຂການເສຍສິດການປິ່ນປົວເວລາເຈັບເປັນຢູ່ຕ່າງປະເທດ, ພ້ອມທັງສະເໜີຂໍຫັກເງິນສົມທົບການ ປິ່ນປົວສຸຂະພາບ 1,5% ໃນທັງໝົດ 16,5% ໄວ້ສຳລັບພະນັກງານການທູດທີ່ປະຈຳຕ່າງປະເທດໄລຍະຍາວ ເຂົ້າເປັນກອງທຶນສະເພາະຂອງ ກະຊວງການຕ່າງປະເທດ ເພື່ອເປັນເງິນແຮ່ໃນການປິນປົວກຸ່ມຄົນດັ່ງກ່າວໃນກໍລະນີມີການເຈັບເປັນ. ຫຼັງຈາກນັ້ນ, ທ່ານ ນາງ ກິ່ງເມືອງ ກໍ່ໄດ້ຊີ້ ແຈງບັນຫາຕ່າງໆຢ່າງກົງໄປກົງມາ ພ້ອມທັງຮັບເອົາຂໍ້ສະເໜີ ​ເພື່ອ​ນຳ​ສະ​ເໜີ​ຕໍ່​ຂັ້ນ​ເທິງ​​ປັບປຸງ​ແກ້​ໄຂ​ໃນ​ຕໍ່ໜ້າ​ໃຫ້​ແທດ​ເໝາະ​ກັບ​ສະພາບ​ການ​ຕົວ​ຈິງ ​ແລະ ເປັນ​ທີ່​ເພິ່ງ​ພໍ​ໃຈ​ຂອງ​ສະມາ​ຊິກ​.