ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 21/08/2017 ເວລາ 14:00 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 01/08/2017ເວລາ 08:13 ສຳລັບພາກລັດ ອັບເດດ ເດືອນລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ຄະນະນຳກະຊວງຍຸຕິທຳ ເຫັນຄວາມສຳຄັນຂອງວຽກງານປະກັນສັງຄົມແຫ່ງຊາດ

ປະກັນສັງຄົມແຫ່ງຊາດໄດ້ໃຫ້ສິດທິຜົນປະໂຫຍດ 8 ອຸດໜູນໃຫ້ແກ່ຜູ້ປະກັນຕົນ ຄື: ອຸດ ໜູນອຸປະຕິເຫດແຮງງານ, ພະຍາດອາຊີບ ຫຼື ອຸປະຕິເຫດອື່ນໆທີ່ມີການເສຍກຳລັງງານ ຫຼື ເສຍອົງຄະ, ປິ່ນປົວສຸຂະພາບ, ອອກລູກ ຫຼື ຫຼຸລູກ, ປ່ວຍການ, ບຳນານ, ເສຍຊີວິດ, ສະ ມາຊິກຄອບຄົວຂອງຜູ້ເສຍຊີວິດ ແລະ ອຸດໜູນວາງງານ ຈະໄດ້ຮັບສິດທິຜົນປະໂຫຍດ ຕາມລະບຽບການທີ່ໄດ້ກຳໄວ້ຂອງກົດໝາຍວ່າດ້ວຍການປະກັນສັງຄົມ.

ໃນຕອນເຊົ້າ ວັນທີ 19 ພຶດສະພາ 2017 ຜ່ານມາ, ທີ່ຫ້ອງປະຊຸມກະຊວງ ຍຸຕິທຳ ຮ່ວມກັບ ກະຊວງແຮງງານ ແລະ ສະຫວັດດີການສັງຄົມ ຕ່າງໜ້າໂດຍຫ້ອງການກອງທຶນປະກັນສັງຄົມແຫ່ງຊາດ ( ຫກປຊ ) ຈັດກອງປະຊຸມເຜີຍແຜ່ຄຳແນະນຳ ວ່າດ້ວຍການຈັດຕັ້ງປະຕິບັດກົດໝາຍ ປະກັນສັງຄົມ. ໃຫ້ກຽດເປັນປະທານໂດຍ ທ່ານ ລີຊົງ ລີໄຊຕູ້ ຮອງຫົວໜ້າຫ້ອງການກະຊວງ ຍຸຕິທຳ ແລະ ມີ​ບັນດາ​ຫົວໜ້າ​ກົມ-ຮອງ​ກົມ, ຫົວໜ້າ​ພະ​ແນ​ກ-ຮອງ​ພະ​ແນ​ກ ພ້ອມດ້ວຍ​ພະນັກງານ​ວິຊາ​ການ​ ຂອງກະຊວງ ​ເຂົ້າ​ຮ່ວມຮັບຟັງ: 149 ທ່ານ ​ຊຶ່ງມີ​ທີ​ມງານ​ຈາກ ຫ້ອງການ ກອງທຶນປະກັນສັງຄົມແຫ່ງຊາດ ​ນຳ​ທີ​ມ ໂດຍ ທ່ານ ນ ພິມພອນ ສີສົມວົງ ຮອງຫົວໜ້າກົມປະກັນສັງຄົມ, ທ່ານ ເພັດສະໝອນ ສຸກທະວີ ພອນ ຮອງຜູ້ອຳນວຍການ ພ້ອມດ້ວຍຄະນະເຂົ້າຮ່ວມເຜີຍແຜ່.

ໃນກອງປະຊຸມດັ່ງກ່າວ ທ່ານ ພອນສະຫວັດ ເຄື່ອງໄຊຍະວົງ ຮອງຫົວໜ້າພະແນກປະຊາສຳພັນ ຫກປຊ ໄດ້ເຜີຍແຜ່ໃຫ້ຮູ້ວ່າ ລະບົບປະກັນ ສັງຄົມ​ໃນ ສປປ ລາວ ແມ່ນຈັດຕັ້ງປະຕິບັດພາຍໃຕ້ ກົດໝາຍວ່າ ດ້ວຍການປະກັນສັງຄົມ ສະບັບເລກທີ 34/ສພຊ. ​ໂດຍ​ແມ່ນຫ້ອງການ​ກອງ​ທຶນປະກັນສັງຄົມ​ແຫ່ງ​ຊາດ​ ເປັນ​ຜູ້​ຈັດ​ຕັ້ງ​ປະຕິບັດ​ວຽກ​ງານ​ດັ່ງກ່າວ ຊຶ່ງໄດ້ເລັ່ງໃສ່ 2 ກຸ້ມເປົ້າໝາຍໃນການຄຸ້ມຄອງ ຄື: ແບບບັງຄັບ ແລະ ແບບສະໝັກໃຈ. ແບບບັງຄັບ ຈະກວມເອົາອົງການຈັດຕັ້ງພັກ-ລັດ; ພະນັກງານລັດຖະກອນ, ທະຫານ, ຕຳຫຼວດ; ຫົວໜ່ວຍແຮງງານ ແລະ ຜູ້ອອກແຮງງານ; ຄົນລາວທີ່ເຮັດວຽກຢູ່ສະຖານທູດ, ກົງສູນ, ອົງການຕ່າງໆ ແລະ ຄົນຕ່າງປະເທດທີ່ເຮັດວຽກໃນຫົວໜ່ວຍແຮງງານຕ່າງໆ. ແບບສະໝັກໃຈ ແມ່ນເລັ່ງໃສ່ຜູ້ປະກອບອາຊີບສ່ວນບຸນຄົນ ແລະ ຜູ້ສະໝັກໃຈທົ່ວ​ໄປ. ​ຊຶ່ງຈະ​ໄດ້ຮັບການອຸດໜູນທຸກປະເພດ​ເປັນ​ຕົ້ນ ອຸດໜູນປິ່ນປົວສຸຂະພາບ, ອອກລູກ ຫຼື ຫຼຸລູກ, ປ່ວຍການ, ບຳນານ, ເສຍອົງຄະ, ຜູ້ດູແລ, ເສຍຊີວິດ ​ແລະ ສະມາຊິກຄອບຄົວ ຂອງຜູ້ປະກັນ ຕົນຈະໄດ້ຮັບຢ່າງ​ຫຼວງ​ຫຼາຍ.

ທ່ານ ພອນສະຫວັດ ເຄື່ອງໄຊຍະວົງ ຍັງໃຫ້ຮູ້ຕື່ມອີກວ່າ ພະນັກງານພາກລັດເມື່ອໄດ້ຮັບຂໍ້ຕົກລົງເປັນລັດຖະກອນຮັບເງິນເດືອນ 95% ຕາມ ລະບຽບການແລ້ວ ກໍ່ຈະຖືຕັດເງິນຢ່າງອັດຕະໂມນັດເພື່ອສົມທົບເຂົ້າກອງທຶນປະກັນສັງຄົມແຫ່ງຊາດ 16,5% ຂອງເງິນເດືອນທັງໝົດ ໃນນັ້ນລັດ ຖະບານໄດ້ຮັບຜິດຊອບ 8,5% ຂອງເງິນເດືອນລັດຖະກອນ ​ແລະ ພະນັກງານ​ໜຶ່ງ​ຄົນ​ໃດຈະຕ້ອງສົມທົບ 8% ຂອງເງິນເດືອນທັງໝົດ. ສ່ວນ ພາກວິສາຫະກິດຕ້ອງສົມທົບ 11,5% ຂອງເງິນເດືອນປະກັນຕົນ ໃນນັ້ນຜູ້ໃຊ້ແຮງງານຮັບຜິດຊອບຈ່າຍ 6% ຂອງເງິນເດືອນປະກັນຕົນ ​ແລະ ຜູ້ອອກແຮງງານຈ່າຍ 5,5% ຂອງເງິນເດືອນຜູ້ປະກັນຕົນ ​ຊຶ່ງມີເພດານສູງສຸດ 4,500,000 ກີບ; ສຳລັບຜູ້ປະກອບອາຊີບສ່ວນບຸກຄົນ ແລະ ຜູ້ປະກັນຕົນແບບສະໝັກໃຈຕ້ອງຈ່າຍ 9% ຂອງເງິນເດືອນປະກັນຕົນທີ່ສາມາດເລືອກຈ່າຍໄດ້.

ໃນກອງປະຊຸມ​ໄດ້​ມີ​ການ​ສົນທະນາ​ຖາມ​-ຕອບກ່ຽວ​ກັບ​ບັນດາ​ສິດຜົນ​ປະ​ໂຫຍ​ດ ທີ່​ຈະ​ໄດ້​ຮັບ​ຈາກ​ການ​​ເຂົ້າ​ເປັນ​ສະມາ​ຊີກ​ການ​ປະກັນ​ສັງຄົມ ​ຊຶ່ງ ໃນ​ສ່ວນ​ໃຫຍ່​ແມ່ນ​ເໜັ້ນ​ໃຫ້​ປະກັນ​ສັງຄົມ ​ເພີ່ມ​ຄວາມ​ເອົາ​ໃຈ​ໃສ່​ຕໍ່​ຂອບ​ບໍລິການ​ປິ່ນປົວ​ສຸຂະພາບ​ຂອງ​ສະມາ​ຊິກ​ ເວລາ​ໄປ​ໃຊ້​ບໍລິການ​ຢູ່​ໂຮງໝໍ, ການ​ເຈັບ​ເປັນ​ສຸ​ກເສີນເຫັນ​ວ່າ​ໃນ​ໄລຍະ​ທີ່​ຜ່ານ​ມາ​ຍັງ​ບໍ່​ຈັດ​ຕັ້ງ​ປະ​ທິບັນ​ໄດ້​ດີ​ເທົ່າ​ທີ່​ຄວນ ຫຼັງຈາກນັ້ນ, ທ່ານ ເພັດສະໜອນ ສຸກທະວີພອນ ຮອງຜູ້ອຳນວຍການ ຫກປຊ ກໍ່ໄດ້ຊີ້ແຈ້ງບັນຫາຕ່າງໆຢ່າງກົງໄປກົງມາທີ່ເກີດຂຶ້ນໃນການນຳໃຊ້ປະກັນສັງຄົມ ພ້ອມທັງຮັບເອົາຄຳສະເໜີຕ່າງໆ​ ຄໍາ​ແນະນຳ​ໃນ​ການ​ປັບປຸງ​ລະບຽບ​ການ​ປະກັນ​ສັງຄົມ ​ເພື່ອ​ນຳ​ສະ​ເໜີ​ຕໍ່​ຂັ້ນ​ເທິງ​​ປັບປຸງ​ແກ້​ໄຂ​ໃນ​ຕໍ່ໜ້າ​ໃຫ້​ແທດ​ເໝາະ​ກັບ​ສະພາບ​ການ​ຕົວ​ຈິງ ​ແລະ​​ເປັນ​ທີ່​ເພິ່ງ​ພໍ​ໃຈ​ຂອງ​ສະມາ​ຊີກ​ປະກັນ​ສັງຄົມ ​ເວົ້າ​ສະ​ເພາະ​ຕໍ່​ປະ​ຊາຊົນ​ໃນ​ຂອບ​ເຂດ​ທົ່ວ​ປະ​ເທດ.

ພາບ-ຂ່າວໂດຍ: ພະແນກປະຊາສຳພັນ.