ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 25/09/2017 ເວລາ 14:31 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 25/09/2017ເວລາ 09:58 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ຫກປຊ ແລະ ສກປສ ທົ່ວປະເທດ ໄດ້ຄຸ້ມຄອງຈ່າຍເງິນອຸດໜູນວ່າງງານໃຫ້ແກ່ສະມາຊິກ ໃນໄລຍະທີ່ຜ່ານມາ.

ເພື່ອຮັບປະກັນຄຸນນະພາບຊີວິດຂອງຊາວຜູ້ອອກແຮງງານ ແລະ ທັງເປັນການຮອງຮັບ ບັນຫາທີ່ອາດຈະເກີດຂື້ນໃນອານາຄົດ ເວົ້າລວມ, ເວົ້າສະເພາະ ກໍ່ຄື ບັນຫາການວ່າງ ງານໃນຂົງເຂດຫົວໜ່ວຍແຮງງານວິສາຫະກິດ ເຊັ່ນ: ບໍລິສັດ, ວິສາຫະກິດ, ໂຮງຈັກ- ໂຮງງານ, ໂຮງແຮມ, ຮ້ານອາຫານ, ອົງການຈັດຕັ້ງສາກົນ ແລະ ອື່ນໆ. ສະນັ້ນ ມາຮອດ ວັນທີ 01/01/2015 ຫ້ອງການກອງທຶນປະກັນສັງຄົມແຫ່ງຊາດ (ຫກປຊ) ຈຶ່ງໄດ້ເລີ່ມຈັດ ຕັ້ງປະຕິບັດອຸດໜູນວ່າງງານພາຍໃຕ້ກົດໝາຍວ່າດ້ວຍການປະກັນສັງຄົມ ສະບັບເລກທີ 34/ສພຊ.

ນັບແຕ່ເລີ່ມຈັດຕັ້ງປະຕິບັດກົດໝາຍສະບັບດັ່ງກ່າວ, ມາຮອດເດືອນ 3/2017 ຫ້ອງການກອງທຶນປະກັນສັງຄົມແຫ່ງຊາດ ແລະ ສູນບໍ ລິການ ກອງທຶນປະກັນສັງຄົມ (ສກປສ) ທົ່ວປະເທດ ໄດ້ພິຈາລະນາຈ່າຍເງິນອຸດໜູນດັ່ງກ່າວໃຫ້ແກ່ຜູ້ປະກັນຕົນທີ່ຄົບເງື່ອນໄຂ ເປັນຈຳນວນທັງໝົດ 876 ຄົນ ໃນຂອບເຂດທົ່ວປະເທດ, ໃນນັ້ນ ສູນກາງ ມີ 301 ຄົນ ແລະ ສກປສ ມີ 575 ຄົນ (ໃນນັ້ນ ແຂວງສະຫວັນນະເຂດ ແມ່ນ ຕິດອັນດັບ 1 ທີ່ມີຜູ້ຮ້ອງຂໍເງິນອຸດໜູນວ່າງງານຫຼາຍເຖິງ 325 ຄົນ).

ເງື່ອນໄຂທີ່ໄດ້ຮັບການເງິນອຸດໜູນວ່າງງານ:

  1. ໄດ້ຖອກເງິນສົມທົບເຂົ້າກອງທຶນປະກັນສັງຄົມ 12 ເດືອນຂື້ນໄປ;
  2. ວ່າງງານຍ້ອນການລົ້ມລະລາຍຂອງຫົວໜ່ວຍແຮງງານ ຫຼື ການລະດົມໃຫ້ອອກຈາກວຽກ;
  3. ວ່າງງານຍ້ອນຄວາມຕ້ອງການຫຼຸດຈຳນວນແຮງງານ ເນື່ອງຈາກວິກິດດ້ານເສດຖະກິດ ທີ່ມີຜົນກະທົບຕໍ່ການຜະລິດຂອງຫົວໜ່ວຍແຮງງານ;
  4. ວ່າງງານແຕ່ 30 ວັນຂື້ນໄປ ໂດຍມີການຢັ້ງຢືນຈາກຫົວໜ່ວຍແຮງງານທີ່ກ່ຽວຂ້ອງ ຢ່າງຖືກຕ້ອງ;
  5. ມີສຸຂະພາບແຂງແຮງ ແລະ ສາມາດກັບເຂົ້າສູ່ຕະຫຼາດແຮງງານ;
  6. ຜູ້ທີ່ໄດ້ຮັບການອຸດໜູນວ່າງງານມາກ່ອນ ຕ້ອງສະສົມເງິນສົມທົບສຳລັບການອຸດໜູນວ່າງງານຕື່ມອີກ 12 ເດືອນຂື້ນໄປ ຈຶ່ງສາມາດໄດ້ຮັບອຸດໜູນວ່າງງານຄັ້ງໃໝ່.

ເງື່ອນໄຂທີ່ບໍ່ໄດ້ຮັບການເງິນອຸດໜູນວ່າງງານ:

  1. ເຮັດວຽກຕາມລະດູການ ຫຼື ເຮັດວຽກຕາມຜະລິດຕະພັນ;
  2. ລະເມີດສັນຍາແຮງງານ ຫຼື ກົດລະບຽບພາຍໃນຂອງຫົວໜ່ວຍແຮງງານ;
  3. ສະໝັກໃຈລາອອກຈາກວຽກດ້ວຍເຫດຜົນຕ່າງໆ;
  4. ເສຍກຳລັງແຮງງານ ຫຼື ເສຍອົງຄະ;
  5. ໄລຍະພັກແລ້ງຂອງຄູ ໃນໂຮງຮຽນເອກະຊົນ;
  6. ຜູ້ກຳລັງຮັບເງິນອຸດໜູນວ່າງງານ ທີ່ໄດ້ເຮັດວຽກໃໝ່ ຈະຖືກຕັດເງິນອຸດໜູນຫວ່າງງານທີ່ຍັງເຫຼືອ.

ການຄິດໄລ່ເງິນອຸດໜູນວ່າງງານ:

ສະມາຊິກ ຫກປຊ ຈະໄດ້ຮັບເງິນອຸດໜູນວ່າງງານ 60% ຂອງເງິນເດືອນປະກັນຕົນ ແລະ ຈະພິຈາລະນາຈ່າຍໃຫ້ສູງສຸດບໍ່ເກີນ 12 ເດືອນ ຕາມລະບຽບການ.

ຂັ້ນຕອນການປະກອບເອກະສານ:

  1. ສຳເນົາບັດປະກັນສັງຄົມ ຂອງ ຜູ້ປະກັນຕົນ;
  2. ໃບບົດປ່ອຍອອກວຽກ ທີ່ມີການຢັ້ງຢືນລົ້ມລະລາຍຂອງຫົວໜ່ວຍແຮງງານ ຫຼື ການລະດົມໃຫ້ອອກຈາກວຽກ;

ໝາຍເຫດ: ຜູ້ວ່າງງານ ຕ້ອງມາຍື່ນເອກະສານດ້ວຍຕົນເອງ.