ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 25/09/2017 ເວລາ 14:31 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 25/09/2017ເວລາ 09:58 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ກອງປະຊຸມໃຫຍ່ ໜ່ວຍພັກ ຫກປຊ ຄັ້ງທີ I ໄຂຂື້ນຢ່າງເປັນທາງການ ໃນຕອນເຊົ້າຂອງວັນທີ 18/01/2017.

alt
ໃນຕອນເຊົ້າຂອງວັນທີ 18 ມັງກອນ 2017 ຢູ່ທີ່ຫ້ອງປະຊຸມ ຫ້ອງການກອງທຶນປະກັນສັງ ຄົມແຫ່ງຊາດ (ຫກປຊ) ໄດ້ຈັດກອງປະຊຸມໃຫຍ່ ໜ່ວຍພັກ ຫກປຊ ຄັ້ງທີ I ຂື້ນຢ່າງເປັນ ທາງການ ໂດຍການເປັນປະທານຮ່ວມຂອງ ສະຫາຍ ຄຳຂານ ພິນສະຫວັນ ຄະນະປະຈຳ ພັກກະຊວງ ຮສສ ແລະ ສະຫາຍ ປະເດີມພອນ ສົນທະນີ ເລຂາໜ່ວຍພັກ ຫກປຊ, ໂດຍມີບັນດາ ເລຂາ, ຮອງເລຂາໜ່ວຍພັກອ້ອມຂ້າງ ກະຊວງ ຮສສ, ສະມາຊິກພັກສົມບູນ, ສະມາຊິກພັກສຳຮອງ ແລະ 3 ອົງການຈັດຕັ້ງມະຫາຊົນ ຫກປຊ ເຂົ້າຮ່ວມລວມທັງໝົດ 33 ສະຫາຍ.

ໃນກອງປະຊຸມ ສະຫາຍ ປະເດີມພອນ ສົນທະນີ ໄດ້ໃຫ້ກຽດຂື້ນຜ່ານບົດລາຍງານການເມືອງໜ່ວຍພັກ ຫກປຊ ໃນໄລຍະທີ່ຜ່ານມາ ເປັນຕົ້ນ ແມ່ນ ວຽກງານການເມືອງ-ແນວຄິດ ໂດຍໄດ້ຖືເອົາການສຶກສາອົບຮົມການເມືອງ-ແນວຄິດ ໃຫ້ແກ່ພະນັກງານ-ລັດຖະກອນ ແລະ ສະມາຊິກທຸກ ຄົນ, ພ້ອມທັງເຊື່ອມຊຶມບັນດາເອກະສານສໍາຄັນຂອງພັກ, ເຂົ້າຮ່ວມຮັບຟັງການປາຖະກະຖາ, ການເຜີຍແຜ່ສະພາບການທັງພາຍໃນ ແລະ ຕ່າງ ປະເທດ ຈາກນັ້ນ ຕາງໜ້າຄະນະໜ່ວຍພັກ ຫກປຊ ຊຸດເກົ່າ ໄດ້ຂື້ນຜ່ານບົດສຳຫຼວດການນຳພາຂອງໜ່ວຍພັກ ໃນໄລຍະທີ່ຜ່ານມາ ພ້ອມທັງ ລາໜ້າທີ່ ເພື່ອດຳເນີນການປ່ອນບັດຄັດເລືອກຄະນະໜ່ວຍພັກ ຫກປຊ ຊຸດໃໝ່, ຊຶ່ງການປ່ອນບັດໄດ້ດຳເນີນໄປບົນພື້ນຖານຫຼັກການປະຊາທິ ປະໄຕ ສອດຄ່ອງກັບມາດຖານ ເງື່ອນໄຂ ທີ່ໄດ້ກຳນົດໄວ້ທຸກປະການ ໂດຍກອງປະຊຸມໄດ້ຮັບຮອງເອົາຄະນະໜ່ວຍພັກ ຫກປຊ ຊຸດໃໝ່ ຄື ສະຫາຍ ປະເດີມພອນ ສົນທະນີ ເປັນເລຂາໜ່ວຍພັກ, ສະຫາຍ ເພັດສະໝອນ ສຸກທະວີພອນ ເປັນຮອງເລຂາໜ່ວຍພັກ ແລະ ທັງເປັນປະ ທານກວດກາ, ສະຫາຍ ບຸນຍອດ ຈັນທະວອນ ເປັນກໍາມະການໜ່ວຍພັກ. ນອກນັ້ນກອງປະຊຸມຍັງໄດ້ລົງມະຕິເປັນເອກະພາບຮັບຮອງເອົາບັນ ດາເນື້ອໃນສຳຄັນ ຄື 1. ເຫັນດີຮັບຮອງເອົາບົດສະຫຼຸບການຈັດຕັ້ງປະຕິບັດວຽກງານໄລຍະ 3ປີ ທີ່ຜ່ານມາ 2014-2016 ແລະ ທິດທາງແຜນ ການ 3 ປີຕໍ່ໜ້າ 2017-2019, 2. ເຫັນດີຮັບຮອງເອົາບົດສຳຫຼວດການນຳພາຂອງຄະນະໜ່ວຍພັກ ຫກປຊ (ຊຸດເກົ່າ), 3. ສືບຕໍ່ດຳເນີນສ້າງ ໜ່ວຍພັກສະມາຊິກພັກເຂັ້ມແຂງຮູ້ນຳພາຮອບດ້ານຕາມແຜນຂອງຄະນະພັກກະຊວງ ແລະ ໜ່ວຍພັກ ຫກປຊ ວາງອອກໃຫ້ປະກົດຜົນເປັນຈິງ, 4. ເພີ່ມທະວີຄວາມສາມັກຄີພາຍໃນພັກ ລັດ ແລະ ອົງການຈັດຕັ້ງມະຫາຊົນ ພ້ອມທັງຍົກສູງຄວາມຮັບຜິດຊອບໃນການນຳພາຈັດຕັ້ງປະຕິບັດ ວຽກງານວິຊາສະເພາະໃຫ້ຖືກຕ້ອງຕາມພາລະບົດບາດທີ່ໄດ້ຮັບການມອບໝາຍໃຫ້ສູງກ່ວາເກົ່າ, 5. ກອງປະຊຸມໄດ້ຮຽກຮ້ອງມາຍັງພະນັກງານ ສະມາຊິກພັກພາຍໃນໜ່ວຍ ຈົ່ງໄດ້ເຊີດຊູສະຕິປັນຍາ ແລະ ຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃຫ້ສູງຂື້ນເລື້ອຍໆ ເຮັດໃຫ້ວຽກງານ ຂອງພັກມີການຫັນປ່ຽນໃໝ່ຢ່າງຕັ້ງໜ້າ ກາຍເປັນພັກທີ່ມີຄວາມໂປ່ງໃສ ເຂັ້ມແຂງ ແລະ ໜັກແໜ້ນ.

ເພື່ອເຮັດໃຫ້ກອງປະຊຸມຄັ້ງປະຖົມມະລຶກ ມີຄວາມໝາຍ ແລະ ຄວາມສຳຄັນຍິ່ງຂື້ນ, ສະຫາຍ ຄຳຂານ ພິນສະຫວັນ ຄະນະປະຈຳພັກກະຊວງ ຮສສ ໄດ້ໃຫ້ກຽດກ່າວຄຳໂອວາດ ຕັກເຕືອນ ຕໍ່ບັນດາຜູ້ແທນໃນກອງປະຊຸມ ຊຶ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ການຊີ້ນຳໆພາຂອງ ຄະນະໜ່ວຍພັກຊຸດເກົ່າ ທີ່ໄດ້ນຳພາພະນັກງານ ສະມາຊິກພັກ ໃນການປະຕິບັດໜ້າທີ່ການເມືອງ ແລະ ຍາດໄດ້ຜົນສຳເລັດອັນໃຫຍ່ຫຼວງໃນ ທຸກດ້ານ ພ້ອມກັນນັ້ນ ສະຫາຍຍັງໄດ້ສະແດງຄວາມເປັນຫ່ວງເປັນໄຍຕໍ່ດ້ານອ່ອນທີ່ຍັງຄົງຄ້າງ ແລະ ຊີ້ນຳວຽກງານແຕ່ລະດ້ານໃນທາງທີ່ສ້າງ ສັນ ພ້ອມທັງຍັງເຊື່ອໝັ້ນຕໍ່ຄະນະໜ່ວຍພັກຊຸດໃໝ່ ທີ່ຈະສືບຕໍ່ຊີ້ນຳໆພາກອງປະຊຸມໃຫຍ່ຄັ້ງທີ 2 ທີ່ ໜ່ວຍພັກ ຫກປຊ ວາງອອກໃຫ້ມີຜົນ ສຳເລັດອັນໃຫຍ່ຫຼວງກວ່າເກົ່າ. ໃນຕອນທ້າຍກອງປະຊຸມ ທ່ານປະທານທັງສອງ ໄດ້ໃຫ້ກຽດຖ່າຍຮູບຮ່ວມກັບບັນດາແຂກຖືກເຊີນ ແລະ ບັນດາຜູ້ແທນໃນກອງປະຊຸມ ເພື່ອເປັນທີ່ລະນຶກ. ກອງປະຊຸມໄດ້ສຳເລັດລົງ ໃນຕອນບ່າຍຂອງວັນດຽວກັນ.