ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 17/07/2017 ເວລາ 14:25 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 01/07/2017ເວລາ 08:43 ສຳລັບພາກລັດ ອັບເດດ ເດືອນລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ຫກປຊ ເບີກຈ່າຍເງິນອຸດໜູນໃຫ້ສະມາຊິກ ຈຳນວນ 74.601 ຄົນ ໃນໄລຍະສົກປີ 2015-2016.

ເພື່ອຮັບປະກັນການສະໜອງສິດຜົນປະໂຫຍດການອຸດໜູນຕ່າງໆ ໃຫ້ແກ່ສະມາຊິກ ແລະ ທັງເປັນການຮັບປະກັນຄວາມໝັ້ນຄົງ ແລະ ຄວາມຍືນຍົງຂອງກອງທຶນໃນອານາ ຄົດ, ທາງຫ້ອງການກອງທຶນປະກັນສັງຄົມແຫ່ງຊາດ ຈຶ່ງໄດ້ຈັດແບ່ງກອງທຶນອອກເປັນ 5 ກອງທຶນ ຍ່ອຍ ຄື: ກອງທຶນປິ່ນປົວສຸຂະພາບ, ກອງທຶນອຸປະຕິເຫດແຮງງານ ຫຼື ພະຍາດອາຊີບ, ກອງທຶນອຸດໜູນໄລຍະສັ້ນ,

ກອງທຶນອຸດໜູນໄລຍະຍາວ ແລະ ກອງທຶນວ່າງງານ ຊຶ່ງທັງໝົດນັ້ນແມ່ນໄດ້ກວມເອົາບັນດາອຸດໜູນ ເຊັ່ນ: ອຸປະຕິເຫດແຮງງານ ຫຼື ພະຍາດອາຊີບ, ປິ່ນປົວສຸຂະພາບ ພ້ອມດ້ວຍຄູ່ສົມລົດ ແລະ ລູກ, ອອກລູກ ຫຼື ຫຼຸລູກ, ປ່ວຍການ, ບຳນານ, ເສຍຊີວິດ, ສະມາຊິກຄອບຄົວຂອງຜູ້ເສຍຊີວິດ ແລະ ອຸດໜູນວ່າງງານ ຂອງບັນດາຫົວໜ່ວຍແຮງງານ ຫຼື ບໍລິສັດ.

ການຈັດສັນກອງທຶນປະກັນສັງຄົມແຫ່ງຊາດ

ປະເພດກອງທຶນ

ພາກ

ລັດຖະກອນ

ພາກ

ວິສາຫະກິດ

ສະມັກໃຈ

1.ປິ່ນປົວສຸຂະພາບ

1,5%

1,5%

1,5%

2.ອຸປະຕິເຫດແຮງງານ ຫຼື ພະ ຍາດອາຊີບ

0,5%

0,5%


3.ອຸດໜູນໄລຍະສັ້ນ

2,5%

2,5%

2,5%

4.ອຸດໜູນໄລຍະຍາວ

12,0%

5,0%

5,0%

5.ວ່າງງານ


2,0%


ລວມ

16,5%

11,5%

9,0%

ສຳລັບການຄິດໄລ່ເບີກຈ່າຍເງິນອຸດໜູນຕ່າງໆ ແມ່ນອີງຕາມຂໍ້ກຳນົດໃນກົດໝາຍວ່າດ້ວຍການປະກັນສັງຄົມ ສະບັບເລກທີ 34/ສພຊ, ລົງວັນທີ 26 ກໍລະກົດ 2013 ແລະ ຄຳແນະນຳກ່ຽວກັບການຈັດຕັ້ງປະຕິບັດກົດໝາຍວ່າດ້ວຍການປະກັນສັງຄົມ ສະບັບເລກທີ 2751/ຮສສ, ລົງວັນທີ 24 ກໍລະກົດ 2015, ຊຶ່ງໃນສົກປີ 2015-2016 ທີ່ຜ່ານມາ ໄດ້ມີຜູ້ປະກັນຕົນເປັນຈຳນວນທັງໝົດ 74.601 ຄົນ ມາຂໍຮັບເງິນອຸດໜູນຕ່າງໆຕາມລະບົບປະກັນສັງຄົມ ດັ່ງນີ້:

  • ພາກລັດຖະກອນ: ມີຜູ້ປະກັນຕົນຮັບອຸດໜູນທັງໝົດ 65.647 ຄົນ, ໃນນັ້ນອຸດໜູນໄລຍະສັ້ນ 15.406 ຄົນ (ອຸດໜູນເຈັບ ປ່ວຍ 200 ຄົນ, ບໍາເນັດອອກລູກ 12.485 ຄົນ, ອຸດໜູນອຸປະຕິເຫດແຮງງານ ຫຼື ພະຍາດອາຊີບ 90 ຄົນ ແລະ ອຸດໜູນໄລ ຍະຍາວ 50.241 ຄົນ, ໃນນັ້ນມີຜູ້ຮັບອຸດໜູນຕາມກົດໝາຍປະກັນສັງຄົມ 31.501 ຄົນ, ຜູ້ຮັບບຳນານ 27.439 ຄົນ, ບຳ ນານ ຄືນຕາມດຳລັດ 241/ນຍ 2.004 ຄົນ, ເສຍອົງຄະຕາມດຳລັດ 343/ນຍ 12.202 ຄົນ ແລະ ນະໂຍບາຍອຸດໜູນລູກ 4.534 ຄົນ.
  • ພາກວິສາຫະກິດ ແລະ ສະມັກໃຈ: ມີຜູ້ປະກັນຕົນຮັບອຸດໜູນທັງໝົດ 8.954 ຄົນ, ໃນນັ້ນອຸດໜູນໄລຍະສັ້ນ 6.747 ຄົນ (ອຸດໜູນປ່ວຍການ 1.768 ຄົນ, ອຸດໜູນອອກລູກ ຫຼື ຫຼຸລູກ 4.597 ຄົນ, ອຸດໜູນເສຍຊີວິດ 382 ຄົນ, ອຸດໜູນອຸປະຕິ ເຫດແຮງງານ ຫຼື ພະຍາດອາຊີບ 84 ຄົນ ແລະ ອຸດໜູນໄລຍະຍາວ 1.915 ຄົນ (ຜູ້ຮັບບຳນານ 1.555 ຄົນ, ອຸດໜູນເສຍ ອົງຄະ ແລະ ສະມາຊິກຄອບຄົວ 360 ຄົນ) ແລະ ອຸດໜູນວ່າງງານ 208 ຄົນ.

ຖ້າທຽບໃສ່ຈຳນວນການຂໍຮັບເງິນອຸດໜູນຕ່າງໆໃນລະບົບປະກັນສັງຄົມຂອງທັງ 2 ພາກ, ສໍາລັບອຸດໜູນໄລຍະຍາວ ຂອງ ພາກລັດຖະກອນ ແມ່ນເປັນອັນດັບ 1 ຂອງການເບີກຈ່າຍເງິນອຸດໜູນ ຂອງ ຫ້ອງການກອງທຶນປະກັນສັງຄົມແຫ່ງຊາດ ໃນສົກປີ 2015-2016.


Normal 0 false false false EN-US X-NONE LAO ເພື່ອຮັບປະກັນການສະໜອງສິດຜົນປະໂຫຍດການອຸດໜູນຕ່າງໆໃຫ້ແກ່ສະມາຊິກ ແລະທັງເປັນການຮັບປະກັນຄວາມໝັ້ນຄົງ ແລະ ຄວາມຍືນຍົງຂອງກອງທຶນໃນອານາຄົດ, ທາງຫ້ອງການກອງທຶນປະກັນສັງຄົມແຫ່ງຊາດ ຈຶ່ງໄດ້ຈັດແບ່ງກອງທຶນອອກເປັນ 5 ກອງທຶນຍ່ອຍ ຄື: