ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ການຄຸ້ມຄອງພິເສດ ສຳລັບລູກທີ່ພິການ ຫຼື ເສຍຈິດ ມາແຕ່ກຳເນີດ!

altພາຍຫຼັງ ກົດໝາຍວ່າດ້ວຍການປະກັນສັງຄົມ ສະບັບເລກທີ 34/ສພຊ ໄດ້ຮັບການຈັດຕັ້ງ ປະຕິບັດ, ວຽກງານສະຫວັດດີການ ກໍ່ຄື ສິດ ແລະ ຜົນປະໂຫຍດຂອງຜູ້ປະກັນຕົນ ແມ່ນ ໄດ້ຮັບການປັບປຸງໃຫ້ດີຂື້ນເປັນກ້າວໆ, ໂດຍສະເພາະແມ່ນ ໃນກໍລະນີລູກຂອງຜູ້ປະກັນຕົນ ທີ່ເປັນຄົນພິການ ຫຼື ເສຍຈິດມາແຕ່ກຳເນີດ ພາຍຫຼັງທີ່ມີການແຈ້ງທາງປະກັນສັງຄົມ ແມ່ນ ຈະໄດ້ຮັບການຄຸ້ມຄອງປິ່ນປົວສຸຂະພາບໄປຕະຫຼອດຊີວິດໂດຍບໍ່ເສຍຄ່າ.

ນອກນັ້ນ; ປະກັນສັງຄົມຍັງໄດ້ຈັດຕັ້ງປະຕິບັດຕາມຄຳແນະນຳວ່າດ້ວຍການຈັດຕັ້ງປະຕິບັດກົດໝາຍປະກັນສັງຄົມ ສະບັບເລກທີ 2751/ຮສສ ໃນມາດຕາ 42 ແລະ 43 ຂໍ້ 2 ໄດ້ລະບຸໄວ້ວ່າ: ຜູ້ປະກັນຕົນ (ພໍ່ ຫຼື ແມ່) ທີ່ໄດ້ສົມທົບເງິນເຂົ້າກອງທຶນປະກັນສັງຄົມແຫ່ງຊາດ 60 ເດືອນ ຫຼື 5 ປີຂື້ນໄປ ຫາກເສຍຊີວິດ, ລູກທີ່ເປັນຄົນພິການມາແຕ່ກຳເນີດ ຈະໄດ້ຮັບເງິນອຸດໜູນເປັນລາຍເດືອນຕະຫຼອດຊີວິດ ຄິດໄລ່ໃຫ້ 20% ຂອງເງິນເດືອນປະກັນຕົນ ພ້ອມຮັບການປິ່ນປົວສຸຂະພາບ ໂດຍບໍ່ເສຍຄ່າໄປຕະຫຼອດຊີວິດ.

ການທີ່ຈະໄດ້ຮັບສິດຜົນປະໂຫຍດຕ່າງໆທີ່ກ່າວມານັ້ນ ຜູ້ປະກັນຕົນຕ້ອງໄດ້ແຈ້ງຂື້ນທະບຽນລູກດັ່ງກ່າວ ພ້ອມລາຍລະອຽດ ຢ່າງຖືກຕ້ອງ ໃຫ້ທາງປະກັນສັງຄົມຮັບຊາບຕາມລະບຽບການ, ດັ່ງລຸ່ມນີ້:

ຂັ້ນຕອນການຂື້ນທະບຽນ ເພື່ອແຈ້ງລູກ:

  1. ແບບຟອມຂື້ນທະບຽນ (ຮັບຈາກປະກັນສັງຄົມ ໂດຍບໍ່ເສຍຄ່າ);
  2. ສຳເນົາບັດປະກັນສັງຄົມ ຂອງ ຜູ້ປະກັນຕົນ;
  3. ສຳເນົາປື້ມສຳມະໂນຄົວ;
  4. ໃບຢັ້ງຢືນລູກພິການມາແຕ່ກຳເນີດ ທາງການແພດຢ່າງຖືກຕ້ອງ.

ໝາຍເຫດ: ທ່ານສາມາດສອບຖາມຂໍ້ມູນເພີ່ມຕື່ມໄດ້ ທີ່ ຫ້ອງການກອງທຶນປະກັນສັງຄົມແຫ່ງຊາດ ບ້ານທົ່ງສ້າງນາງ ເມືອງຈັນທະບູລີ ນະຄອນຫຼວງວຽງຈັນ ໝາຍເລກໂທລະສັບ: 021 241 280-1 ໃນໂມງລັດຖະການ.