ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ສກປສ ແຂວງສາລະວັນ ຈັດກອງປະຊຸມເຜີຍແຜ່ວຽກງານປະກັນສັງຄົມ.

altເພື່ອ​ເປັນ​ການຈັດ​ຕັ້ງ​ໃຫ້​ບັນລຸ​ຕາມ​ເປົ້າ​ໝາຍ ທີ່​ລັດຖະບານ​ໄດ້​ກຳນົດ​ໄວ້​ໃນ​ປີ 2020, ​ເພື່ອ​ເປັນ​ການ​ສ້າງ​ຄວາມ​ຮັບ​ຮູ້ ​ແລະ ​ເຂົ້າ​ໃຈ​ຢ່າງ​ເລິກ​ເຊິ່ງ ກ່ຽວ​ກັບ​ການຈັດ​ຕັ້ງ​ປະຕິບັດ​ວຽກ​ງານ​ປະກັນ​ສັງຄົມ ​ໂດຍ​ສະ​ເພາະ​ແມ່ນ​ສິດຜົນປະ​ໂຫຍ​ດທາງ​ດ້ານ​ສະຫວັດດີ​ການ ​ໃຫ້​ແກ່​ພະ ນັກງານ-ລັດຖະກອນ ຜູ້​ອອກ​ແຮງ​ງານ​ຢູ່​ຫົວໜ່ວຍ​ແຮງ​ງານ ລວມ​ໄປ​ເຖິງ​ພໍ່​ແມ່​ປະຊາຊົນ​ແລະ ຜູ້​ປະກອບ​ອາຊີບ​ອິດ​ສະຫຼະ.

ສູນ​ບໍລິການ​ກອງ​ທຶນ​ປະກັນ​ສັງຄົມ ​ແຂວງ​ສາລະ​ວັນ ຈຶ່ງ​ໄດ້​ຈັດ​ກອງ​ປະຊຸມ​ເຜິີຍ​ແຜ່​ວຽກ​ງານ​ປະກັນ​ສັງຄົມ​ຂຶ້ນ ​ໃນ​ວັນ​ທີ 27 ຕຸລາ 2016 ຢູ່​ທີ່​ສະ​ໂມ​ສອນ​ໃຫຍ່​ຂອງ​ຫ້ອງ​ວ່າການ​ແຂວງ​ສາລະ​ວັນ ພາຍ​​ໃຕ້​ການ​ເປັນ​ປະທານ​ຮ່ວມ​ຂອງ ທ່ານ ສຸດ​ດາ​ໄລ ອິນ​ທະ​ວົງ ຮອງ​ຫົວໜ້າ​ພະ​ແນ​ກ​ແຮງ​ງານ ​ແລະ ສະຫວັດດີ​ການ​ສັງຄົມ ​ແລະ ທ່ານ ບຸນ​ເຫຼືອ ສຸ​ມົນ​ທາ ຫົວໜ້າ​ສູນ​ບໍລິການ​ກອງ​ທຶນ​ປະກັນ​ສັງຄົມ​​ແຂວງ, ມີ​ບັນດາ​ຜູ້ຕາງໜ້າ​ຈາກ​ພະ​ແນ​ກການ​ພາຍ​ໃນ​​ເທດສະ ບານ​ແຂວງ, ບໍລິສັດ, ລັດ​ວິ​ສາ​ຫະກິດ ລວມ​ໄປ​ເຖິງ​ການຈັດ​ຕັ້ງຂັ້ນ​ບ້ານ ລວມທັງ​ໝົດ 90 ກວ່າ​ຄົນ.

ພາຍຫຼັງ​ກ່າວ​ເປີດ​ພິທີ, ຕາງໜ້າ​ໃຫ້​ພະ​ແນ​ກປະຊາສຳພັນ ຫ້ອງການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ ກໍ່​ໄດ້​ຂຶ້ນ​ນຳ​ສະ​ເໜີການຈັດ​ຕັ້ງປະຕິບັດ​ວຽກ​ງານ​ປະກັນ​ສັງຄົມ ​ໂດຍ​ສະ​ເພາະ​ແມ່ນ ​ສິດ ​ແລະ ຜົນ​ປະ​ໂຫຍ​ດຕ່າງໆ ທາງ​ດ້ານ​ສະຫວັດດີ​ການ. ພາຍຫຼັງ​ການ​ນຳ​ສະ​ເໜີ​ວຽກ​ງານ​ດັ່ງກ່າວ ​ໃນ​ກອງ​ປະຊຸມ​ໄດ້​ເປີດ​ໂອກາດ​ໃຫ້​ບັນດາ​ແຂກ​ທີ່​ເຂົ້າ​ຮ່ວມ ​ໄດ້​ຖາມ-​ຕອບ ​ແລກປ່ຽນ​ຄຳ​ຄິດ​ຄຳ​ເຫັນຢ່າງ​ກົງ​ໄປ​ກົງ​ມາ.

​ໃນ​ຕອນ​ທ້າຍ​ຂອງ​ກອງ​ປະຊຸມ ຍັງ​ໄດ້​ຮັບ​ຟັງ​ການ​ປະກອບ​ຄຳ​ເຫັນ​ຂອງ​ຄະນະ​ປະທານ ​ເຊິ່ງ​ເພິ່ນ​ໄດ້​ເນັ້ນ​ໃຫ້​ບັນດາ​ແຂກ​ທີ່​ເຂົ້າ​ມາ​ຮ່ວມ​ເອົາ​ໃຈ​ໃສ່​ ໃນ​ການຈັດ​ຕັ້ງປະຕິບັດ​ກົດໝາຍ​ວ່າ​ດ້ວຍ​ການ​ປະກັນ​ສັງ​ຄົມ ພ້ອມ​ທັງ​ໃຫ້​ຊ່ວຍ​ກັນຊຸກຍູ້ສົ່ງ​ເສີມ ​ແລະ ປະຊາສຳພັນ​ຕໍ່​ກັບ​ຜູ້​ທີ່​ຍັງ​ບໍ່​ທັນ​ໄດ້​ເຂົ້າ​ໃຈ​ໃນ​ລະບົບ​ປະກັນ​ສັງຄົມ ​ໃຫ້​ໄດ້​ຮັບ​ຮູ້ຢ່າງ​ເລິກ​ເຊິ່ງ ​ແລະ ​​ບັນ​ລຸຕາມ​ເປົ້າ​ໝາຍ​ທີ່​ຂັ້ນ​ເທິງ​ວາງ​ອອກ.

ພາບ-ຂ່າວໂດຍ: ພະແນກປະຊາສຳພັນ.