ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ການສ້າງຄວາມເຂັ້ມແຂງທາງດ້ານວິຊາການວຽກງານປະກັນສັງຄົມ ລະຫວ່າງ ປະກັນສັງຄົມ ສສ ຫວຽດນາມ ແລະ ຫກປຊ.

altເພື່ອປະຕິບັດຕາມບົດບັນທຶກຄວາມເຂົ້າໃຈໃນການຮ່ວມມືຂອງ 2 ກະຊວງ ກໍ່ຄື ກະຊວງ ແຮງງານ ແລະ ສະຫວັດດີການສັງຄົມ ຂອງລາວ ແລະ ກະຊວງແຮງງານ, ເສຍອົງຄະ ແລະ ບຳນານ ຂອງຫວຽດນາມ. ຫ້ອງການກອງທຶນປະກັນສັງຄົມແຫ່ງຊາດ ແລະ ປະກັນສັງຄົມຫວຽດນາມ ຈຶ່ງໄດ້ມີການຈັດກອງປະຊຸມສຳມະນາແລກປ່ຽນບົດຮຽນທາງດ້ານ ວິຊາການຂຶ້ນ

ໃນຕອນເຊົ້າຂອງວັນທີ 12 ຕຸລາ 2016 ຢູ່ທີ່ ຫ້ອງການກອງທຶນປະກັນສັງຄົມແຫ່ງຊາດ. ພາຍໃຕ້ການເປັນປະທານຮ່ວມຂອງ ທ່ານ ປະເດີມພອນ ສົນທະນີ ຜູ້ອຳນວຍການ ຫ້ອງການກອງທຶນປະກັນສັງຄົມແຫ່ງຊາດ ແລະ ທ່ານ ຫງຽວນມິນທາວ (Nguyen Minh Thao) ຮອງຜູ້ອຳນວຍການ ປະກັນສັງຄົມຫວຽດນາມ, ນອກຈາກນີ້ ຍັງມີຄະນະອຳນວຍການປະກັນສັງຄົມຝ່າຍລາວ ແລະ ມີບັນດາຄະນະພະແນກຂອງສອງພາກສ່ວນ ແລະ ຕາງໜ້າຈາກກົມກອງ ພາຍໃນກະຊວງແຮງງານ ແລະ ສະຫວັດດີການສັງຄົມ ເຂົ້າຮ່ວມ.

ຈຸດປະສົງຂອງການຈັດກອງປະຊຸມ ແມ່ນເພື່ອເປັນການແລກປ່ຽນປະສົບການດ້ານວິຊາການໃນການຈັດຕັ້ງປະຕິບັດນະໂຍບາຍປະກັນສັງຄົມ ໂດຍສະເພາະແມ່ນການປະຕິບັດອຸດໜູນວ່າງງານ, ນະໂຍບາຍປະກັນສຸຂະພາບ ແລະ ວຽກງານກວດກາ ຂອງ 2 ປະເທດ. ພາຍຫຼັງການ ກ່າວເປີດພິທີຂອງ ທ່ານຜູ້ອຳນວຍການ ຫ້ອງການກອງທຶນປະກັນສັງຄົມແຫ່ງຊາດ ຊຶ່ງທ່ານໄດ້ຍົກໃຫ້ເຫັນສະພາບລວມໃນການຈັດຕັ້ງປະຕິບັດ ວຽກງານປະກັນສັງຄົມ ພາຍໃຕ້ກົດໝາຍວ່າດ້ວຍການປະກັນສັງຄົມ ໂດຍສະເພາະ ການຈັດຕັ້ງປະຕິບັດອຸດໜູນວ່າງງານ ຍັງຖືວ່າເປັນການ ເລີ່ມຕົ້ນໃໝ່, ຈາກນັ້ນ ຜູ້ຊ່ຽວຊານດ້ານວຽກງານປະກັນສັງຄົມຂອງຫວຽດນາມ ກໍ່ໄດ້ຂື້ນນຳສະເໜີບົດຮຽນໃນການຈັດຕັ້ງປະຕິບັດວຽກງານປະ ກັນສັງຄົມຂອງຕົນໃນໄລຍະທີ່ຜ່ານມາ, ຊຶ່ງທາງປະກັນສັງຄົມຝ່າຍລາວ ກໍ່ໄດ້ໃຫ້ຄວາມສົນໃຈ ແລະ ເອົາໃຈໃສ່ຕິດຕາມຖອດຖອນບົດຮຽນ ຢ່າງໃກ້ສິດ, ຈາກນັ້ນ ກໍ່ໄດ້ມີການຖາມ-ຕອບວຽກງານດັ່ງກ່າວຢ່າງກົງໄປກົງມາ, ຊຶ່ງທາງປະກັນສັງຄົມທັງສອງຝ່າຍ ກໍ່ໄດ້ຕີລາຄາສູງຕໍ່ກັບບັນ ຫາທີ່ຖືກຍົກມາສົນທະນາ ໂດຍສະເພາະແມ່ນ ຂໍ້ສະດວກ ແລະ ຂໍ້ຫຍຸ້ງຍາກ ໃນການຈັດຕັ້ງປະຕິບັດອຸດໜູນວ່າງງານ, ປະກັນສຸຂະພາບ ແລະ ວຽກງານກວດກາ ເພື່ອເປັນແນວທາງໃນການປັບປຸງວຽກງານດ້ານວິຊາການປະກັນສັງຄົມຂອງສອງປະເທດ ໃຫ້ມີຄວາມສອດຄ່ອງ ແລະ ເໝາະສົມ ໃນແຕ່ລະໄລຍະ.

ໃນຕອນທ້າຍຂອງກອງປະຊຸມ, ຍັງໄດ້ຮັບຟັງການປະກອບຄຳເຫັນຂອງ ທ່ານຜູ້ອຳນວຍການ ກອງທຶນປະກັນສັງຄົມແຫ່ງຊາດລາວ ແລະ ທ່ານຮອງຜູ້ອຳນວຍການ ປະກັນສັງຄົມຫວຽດນາມ ເຊິ່ງທ່ານໄດ້ເນັ້ນໃຫ້ປະກັນສັງຄົມຂອງສອງປະເທດ ສືບຕໍ່ໃຫ້ການພົວພັນ, ຮ່ວມມື, ແລກປ່ຽນບົດຮຽນ ເຊິ່ງກັນ ແລະ ກັນ ຢ່າງຮອບດ້ານ, ເອົາໃຈໃສ່ຊຸກຍູ້ໃນການຈັດຕັ້ງປະຕິບັດການປະກັນສັງຄົມຢູ່ຂັ້ນທ້ອງຖິ່ນຂອງລາວ ໃຫ້ມີຄວາມເຂັ້ມແຂງ. ກອງປະຊຸມໄດ້ສໍາລັດລົງ ໃນຕອນແລງຂອງມື້ດຽວກັນ.

ພາບ/ຂ່າວໂດຍ: ພະແນກປະຊາສຳພັນ.