ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ກອງປະຊຸມເຜີຍແຜ່ກົດໝາຍ ວ່າດ້ວຍການປະກັນສັງຄົມ ໃຫ້ບັນດາຫົວໜ່ວຍວິສາຫະກິດໃນຂົງເຂດໂຮງແຮມ ແລະ ການບໍລິການ.

altໃນຕອນເຊົ້າຂອງວັນທີ 29 ກັນຍາ 2016 ກົມປະກັນສັງຄົມ ກະຊວງ ແຮງງານ ແລະ ສະຫວັດດີການສັງຄົມ (ຮສສ) ໄດ້ສົມທົບກັບ ຫ້ອງການກອງທຶນປະກັນສັງຄົມແຫ່ງຊາດ (ຫກປຊ) ຈັດກອງປະຊຸມເຜີຍແຜ່ ກົດໝາຍ ວ່າດ້ວຍການປະກັນສັງຄົມ ໃຫ້ບັນດາຫົວ ໜ່ວຍວິສາຫະກິດ ໃນຂົງເຂດໂຮງແຮມ ແລະ ການບໍລິການ ທີ່ ເຮືອນຮັບແຂກ ກະຊວງ ຮສສ

ໂດຍການເປັນປະທານຂອງ ທ່ານ ນ. ແກ້ວ ຈັນທະວີໄຊ ຫົວໜ້າກົມປະກັນສັງຄົມ ກະຊວງ ຮສສ, ມີທ່ານຮອງຫົວໜ້າກົມ, ຮອງອຳ ນວຍການ ຫກປຊ, ຄະນະພະແນກຂອງກົມ ແລະ ຫກປຊ, ມີຜູ້ປະກອບການ ແລະ ຜູ້ຕາງໜ້າຈາກຫົວໜ່ວຍທຸລະກິດ ພ້ອມດ້ວຍພະນັກງານ ທີ່ກ່ຽວຂ້ອງ ເຂົ້າຮ່ວມທັງໝົດ 41 ທ່ານ.

ໃນພິທີດັ່ງກ່າວ ທ່ານ ນ. ແກ້ວ ຈັນທະວີໄຊ ຫົວໜ້າກົມປະກັນສັງຄົມ ກະຊວງ ຮສສ ໄດ້ໃຫ້ກຽດຂື້ນກ່າວຈຸດປະສົງໃນການຈັດກອງປະຊຸມຄັ້ງ ນີ້ ຊຶ່ງມີ 2 ເນື້ອໃນຕົ້ນຕໍ ຄື: ການເຜີຍແຜ່ກົດໝາຍປະກັນສັງຄົມ ສະບັບເລກທີ 34/ສພຊ ທີ່ໄດ້ຈັດຕັ້ງປະຕິບັດແຕ່ວັນທີ 1 ຕຸລາ 2014 ເປັນຕົ້ນມາ ແລະ ການນຳສະເໜີສິດຜົນປະໂຫຍດທີ່ຈະໄດ້ຮັບຈາກການເຂົ້າເປັນສະມາຊິກປະກັນສັງຄົມ, ພາຍຫຼັງການ ນຳສະເໜີຈຸດປະສົງດັ່ງກ່າວ ທ່ານປະທານໄດ້ມອບໜ້າທີ່ໃຫ້ ທ່ານ ສູນທອນ ພົມມະຈັກ ຮອງຫົວໜ້າກົມປະກັນສັງຄົມ ກະຊວງ ຮສສ ຂື້ນບັນຍາຍກ່ຽວກັບກົດໝາຍປະກັນສັງຄົມ ໃຫ້ກັບຜູ້ເຂົ້າຮ່ວມຮັບຟັງ, ໂດຍແນໃສ່ການສ້າງຄວາມຮັບຮູ້ ແລະ ຄວາມເຂົ້້າໃຈຕໍ່ກັບວຽກງານ ສະຫວັດດີການໃຫ້ເລິກເຊິ່ງຂື້ນຕື່ມ, ນອກນັ້ນ ທ່ານຍັງໄດ້ຍົກໃຫ້ເຫັນເຖິງລະບຽບການຫັກເງິນສົມທົບເຂົ້າກອງທຶນປະກັນສັງຄົມທັງໃນພາກລັດ ແລະ ພາກວິສາຫະກິດ ແລະ ສິດຜົນປະໂຫຍດ 8 ປະເພດອຸດໜູນທີ່ປະກັນສັງຄົມໃຫ້ການຄຸ້ມຄອງໂດຍລວມ ເຊັ່ນ ອຸປະຕິເຫດວຽກງານ, ອອກລູກ, ການປິ່ນປົວສຸຂະພາບ, ປ່ວຍການ, ບຳນານ, ເສຍຊີວິດ, ສະມາຊິກຄອບຄົວ ແລະ ອຸດໜູນວ່າງງານ ທີ່ເປັນອຸດໜູນໃໝ່ ເພື່ອຮອງຮັບບັນຫາການວ່າງງານຂອງຜູ້ປະກັນຕົນໃນບັນດາຫົວໜ່ວຍວິສາຫະກິດໃນອານາຄົດ. ພາຍຫຼັງສິ້ນສຸດການນໍາສະເໜີກົດໝາຍ ປະກັນສັງຄົມ ທ່ານປະທານ ໄດ້ມອບໜ້າທີ່ໃຫ້ ທ່ານ ນ. ກິ່ງເມືອງ ວົງສາລະວັນ ຮອງຫົວໜ້າພະແນກປະຊາສຳພັນ ຂອງ ຫກປຊ ເປັນຜູ້ບັນຍາຍລົງເລິກກ່ຽວກັບຄຳແນະນຳ ວ່າດ້ວຍການຈັດຕັ້ງປະຕິບັດກົດໝາຍປະກັນສັງຄົມ ສະບັບເລກທີ 2751/ຮສສ ໂດຍທ່ານໄດ້ ອະທິບາຍກ່ຽວກັບລະບຽບການຫັກເງິນສົມທົບຂອງຜູ້ປະກັນຕົນ ທັງໃນພາກລັດ ແລະ ວິສາຫະກິດ ຄື ໃນພາກລັດ ມີອັດຕາການຫັກເງິນ ສົມທົບທັງໝົດແມ່ນ 16,5% ໃນນັ້ນ ພະນັກງານລັດຖະກອນສົມທົບ 8% ແລະ ລັດຖະບານສົມທົບ 8,5%, ສ່ວນໃນພາກວິສາຫະກິດ ມີອັດຕາການສົມທົບທັງໝົດ 11,5% ໃນນັ້ນ ຜູ້ອອກແຮງງານ 5,5% ແລະ ຜູ້ໃຊ້ແຮງງານ ຫຼື ນາຍຈ້າງສົມທົບຕື່ມ 6%, ແລະ ບັນດາເງື່ອນໄຂ ພ້ອມສິດຜົນປະໂຫຍດ 8 ປະເພດການອຸດໜູນທີ່ປະກັນສັງຄົມໃຫ້ການຄຸ້ມຄອງ. ພາຍຫຼັງສິ້ນສຸດການບັນຍາຍ ທ່ານປະທານ ໄດ້ເປີດໂອກາດໃຫ້ຜູ້ເຂົ້າຮ່ວມຮັບຟັງທັງໝົດໄດ້ແລກປ່ຽນຕັ້ງຂໍ້ຊັກຖາມ ແລະ ສະແດງຄຳຄິດຄຳເຫັນ ຕໍ່ກັບບັນຫາຕ່າງໆທີ່ມີຄວາມສົນໃຈ, ໂດຍຜູ້ເຂົ້າຟັງໄດ້ມີການຊັກຖາມດ້ວຍຄວາມສົນໃຈ ແລະ ກະຕືລືລົ້ນ ໂດຍສະເພາະແມ່ນຂອດການບໍລິການປິ່ນປົວຂອງໂຮງໝໍ, ການຈັດຕັ້ງ ປະຕິບັດບັນດາເງື່ອນໄຂ ແລະ ສິດຜົນປະໂຫຍດ 8 ປະເພດການອຸດໝູນ, ແລະ ແຈ້ງການກ່ຽວກັບການປັບປຸງເພດານເງິນເດືອນປະກັນຕົນ ສູງສຸດ 4,500,000 ກີບ ທີ່ຈະເລີ່ມຈັດຕັ້ງປະຕິບັດໃນວັນທີ 01 ມັງກອນ 2017 ເປັນຕົ້ນໄປ, ໂດຍ ທ່ານ ນ. ກິ່ງເມືອງ ວົງສາລະວັນ ຮອງພະແນກປະຊາສຳພັນ ຫກປຊ ໄດ້ຊີ້ແຈງ ແລະ ອະທິບາຍແຕ່ລະບັນຫາດ້ວຍຄວາມຈິງໃຈ ແລະ ກົງໄປກົງມາ ພາຍໃຕ້ກົດໝາຍ ວ່າດ້ວຍການປະກັນສັງຄົມ ຊຶ່ງເຮັດໃຫ້ຜູ້ເຂົ້າຮ່ວມຮັບຟັງທັງໝົດເຂົ້າໃຈແຈ້ງ ແລະ ຕີລາຄາສູງຕໍ່ກອງປະຊຸມໃນຄັ້ງນີ້.

ໃນຕອນທ້າຍ ທ່ານປະທານໄດ້ໃຫ້ຄວາມສຳຄັນຕື່ມອີກວ່າ ວຽກງານປະກັນສັງຄົມແມ່ນວຽກງານໜຶ່ງທີ່ມີຄວາມຈຳເປັນໃນການຄ້ຳປະກັນສະວັດ ດີການພື້ນຖານ ໃຫ້ກັບພະນັກງານ-ລັດຖະກອນ, ທະຫານຕໍຫຼວດ, ຜູ້ໃຊ້ແຮງງານ ແລະ ຜູ້ອອກແຮງງານ ໃນຂົງເຂດຫົວໜ່ວຍແຮງງານວິສາ ຫະກິດ, ນອກນັ້ນ ຍັງລວມເຖິງປະຊາຊົນທົ່ວໄປ ໃນລະບົບສະໝັກໃຈ, ໂດຍແນໃສ່ສ້າງຄວາມເຂົ້າໃຈຕໍ່ກັບກົດໝາຍ ແລະ ຄຳແນະນຳສະບັບ ດັ່ງກ່າວ ແລະ ພ້ອມກັນຜັນຂະຫຍາຍ ແລະ ຈັດຕັ້ງປະຕິບັດໃນທຸກຂົງເຂດວຽກງານຮັບຜິດຊອບຂອງຕົນຢ່າງມີຜົນສຳເລັດ, ພາຍຫຼັງ ທ່ານປະທານໄດ້ໃຫ້ກຽດຮ່ວມຖ່າຍພາບກັບຜູ້ເຂົ້າຮ່ວມກອງປະຊຸມ ເພື່ອເປັນທີ່ລະນຶກ ແລະ ກອງປະຊຸມໄດ້ສຳເລັດລົງໃນເວລາຕໍ່ມາ.

ພາບ/ຂ່າວ: ພະແນກປະຊາສໍາພັນ.