ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ເປີດກ້ວາງ ສະມາຊິກປະກັນສັງຄົມ ໃນລະບົບສະໝັກໃຈ.

alt
ເພື່ອເປັນການຮັບປະກັນຊີວິດການເປັນຢູ່ຂອງພີ່ນ້ອງປະຊາຊົນລາວ ເວົ້າລວມ, ເວົ້າສະ ເພາະ ກໍ່ຄື ການໄດ້ເຂົ້າເຖິງການປິ່ນປົວໃນເວລາເຈັບເປັນໂດຍບໍ່ເສຍຄ່າ ໃນຂອບເຂດທົ່ວ ປະເທດ. ສະນັ້ນ ມາຮອດວັນທີ 26/07/ 2013 ກົດໝາຍວ່າດ້ວຍການປະກັນສັງຄົມ ສະ ບັບເລກ 34/ສພຊ ຈຶ່ງໄດ້ຖືກຮັບຮອງໂດຍສະພາແຫ່ງຊາດ ແລະ ເລີ່ມຈັດຕັ້ງປະຕິບັດກົດ ໝາຍສະບັບດັ່ງກ່າວ ນັບແຕ່ວັນ ທີ 01/10/2014 ເປັນຕົ້ນມາ,

ທັງນີ້ກໍ່ເພື່ອເປັນແມ່ບົດໃນການຄ້ຳປະກັນການສະໜອງສະຫວັດດີການຂັ້ນພື້ນຖານ ໃຫ້ແກ່ສະມາຊິກປະກັນສັງຄົມ ບໍ່ສະເພາະແຕ່ ພະນັກງານ- ລັດຖະກອນ, ທະຫານ, ຕຳຫຼວດ, ຜູ້ໃຊ້ແຮງງານໃນຫົວໜ່ວຍແຮງງານ ແລະ ຜູ້ອອກແຮງງານ ເທົ່ານັ້ນ, ແຕ່ຍັງເປີດກ້ວາງໃຫ້ຜູ້ທີ່ມີອາຊີບ ອິດສະຫຼະ ເຊັ່ນ ນັກທຸລະກິດ, ຊາວຄ້າຂາຍ, ຊາວນາຊາວສວນ ແລະ ປະຊາຊົນທົ່ວໄປ ສາມາດເຂົ້າເປັນສະມາຊິກປະກັນສັງຄົມໃນລະບົບ ສະໝັກໃຈ ໄດ້ນຳອີກ. ມາຮອດເດືອນ 08/2016 ມີຜູ້ປະກັນຕົນໃນລະບົບດັ່ງກ່າວເປັນຈໍານວນທັງໝົດ 3,223 ຄົນ, ໃນນັ້ນສະເພາະ ນະຄອນ ຫຼວງວຽງຈັນ ມີ 1,498 ຄົນ, ແລະ ບັນດາແຂວງຂອບເຂດທົ່ວປະເທດ ມີ 1,725 ຄົນ.

ໃນລະບົບສະໝັກໃຈນີ້ ຜູ້ປະກັນຕົນຈະໄດ້ຮັບສິດຜົນປະໂຫຍດ ຄື: ການປິ່ນປົວສຸຂະພາບທັງຄອບຄົວ ໂດຍບໍ່ເສຍຄ່າ ບໍ່ຈຳກັດວົງເງິນ ແລະ ຈຳນວນຄັ້ງໃນການປິ່ນປົວ, ອອກລູກ ຫຼື ຫຼຸລູກ, ປ່ວຍການ, ເສຍອົງຄະ, ບໍານານ, ເສຍຊີວິດ ແລະ ອຸດໜູນສະມາຊິກຄອບຄົວ. ເງື່ອນໄຂ ຜູ້ທີ່ຈະສະໝັກໃຈ ມີອາຍຸລະຫວ່າງ 18-60 ປີ ແລະ ຍັງສາມາດກັບເຂົ້າສູ່ຕະຫຼາດແຮງງານ, ການປະກອບສ່ວນເງິນສົມທົບໃນອັດຕາ 9% ຂອງເພດານເງິນເດືອນປະກັນຕົນ ທີ່ສະມາຊິກສາມາດເລືອກໄດ້ດ້ວຍໂຕເອງ ໂດຍເລີ່ມຈາກເພດານເງິນເດືອນຂັ້ນຕ່ຳທີ່ລັດຖະບານກຳນົດ 900,000 ກີບ - 2,000,000 ກີບ.

  • ຕົວຢ່າງການຫັກເງິນສົມທົບ:

- ການເລືອກເງິນສົມທົບ 900,000 ກີບ: 9% * 900,000 = 81,000 ກີບ/ເດືອນ;

1,500,000 ກີບ: 9% * 1,500,000 = 135,000 ກີບ/ເດືອນ;

2,000,000 ກີບ: 9% * 2,000,000 = 180,000 ກີບ/ເດືອນ.

  • ສຳລັບເອກະສານຕ່າງໆ ໃນການຂື້ນທະບຽນລະບົບສະໝັກໃຈ:
  1. ສັນຍາການປະກັນຕົນສະໝັກໃຈ
  2. ສຳເນົາບັດປະຈຳໂຕ ຫຼື ສຳມະໂນຄົວ

ໝາຍເຫດ: ຜູ້ທີ່ຈະມາສະໝັກໃຈ ໃນເບື້ອງຕົ້ນ ຕ້ອງມາດ້ວຍໂຕເອງ.

ທ່ານສາມາດສອບຖາມຂໍ້ມູນໄດ້ເພີ່ມຕື່ມ: ທີ່ຫ້ອງການກອງທຶນປະກັນສັງຄົມແຫ່ງຊາດ ຕັ້ງຢູ່ບ້ານທົ່ງສ້າງນາງ ເມືອງຈັນທະບູລີ ນະຄອນຫຼວງ ວຽງຈັນ, ໂທລະສັບ: 021 241 280-81, ແຟັກ: 021 241 279 ຫຼື ສາມາດເຂົ້າດາວໂລດແບບຟອມໄດ້ທີ່ ເວັບໄຊ໌: www.nssf.gov.la