ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ພິທີເປີດໜ່ວຍບໍລິການກອງທຶນປະກັນສັງຄົມ ແລະ ປະກາດການຈັດຕັ້ງ ທີ່ເມືອງວັງວຽງ ໃນວັນທີ 25 ສິງຫາ 2016.

alt​ໃນ​ຕອນ​ເຊົ້າ​ຂອງ​ວັນ​ທີ 25 ສິງຫາ 2016 ​ໃນ​ອາທິດ​ຜ່ານ​ມາ ​ ທີ່​ຫ້ອງ​ວ່າການ​ປົກຄອງ​ເມື​ອງວັງ​ວຽງ ​ໄດ້​ມີ​ກອງ​ປະຊຸມ​​ເຜີຍ​ແຜ່ ວິທີ​ຈັດ​ຕັ້ງ​ປະ​ຕິ​ບັດ ຄຳ​ແນະນຳ​ວຽກ​ງານ ປະກັນ​ສັງຄົມ ສະບັບ​ເລກທີ 2751/ຮສສ, ລົງ​ວັນ​ທີ 24 ກໍລະກົດ 2015 (ສະບັບ​ປັບປຸງ) ເຂົ້າ​ຮ່ວມ​​ ​ເປັນ​ປະທານໂດຍ​ ທ່ານ ບຸນ​ຄົງ ຫຼ້າສຸ​ກັນ ຄະນະ​ພັກ​ກະຊວງ, ຮອງ​ລັດ​ຖະມົນ​ຕີ ກະຊວງ​ແຮງ​ງານ ​ແລະ ສະຫວັດດີກາ​ນສັງຄົມ

ພ້ອມ​ດ້ວຍ ທ່ານ ຄຳ​ຜອງ ດວງ​ວິ​ໄລ ​ຄະນະ​ພັກ​ເມືອງ ເຈົ້າ​ເມືອງ ​ເມື​ອງວັງ​ວຽງ ມີ​ຜູ້​ຕາງໜ້າ​ ບັນດາ​ພະ​ແນ​ກການ​ອ້ອມ​ຂ້າງ​ເມືອງ, ທ່ານ​ ຮອງ​ຜູ້ອຳນວຍການ ຫກປຊ , ຫົວໜ້າ​ສູນ, ພະນັກງານຫຼັກ​ແຫຼ່ງຈາກລັດ​ວິ​ສາ​ຫະກິດ, ວິ​ສາ​ຫະກິດ, ຜູ້​ປະ​ກອບ​ການ​ໂຮງ​ແຮມ, ​ເຮືອນ​ພັກ, ຮ້ານ​ອາຫານ ​ແລະ ນາຍບ້ານ ​ແຂກ​ຖືກ​ເຊີນ​ກໍ່​ໄດ້​ເຂົ້າ​ຮ່ວມ​ຢ່າງ​ພ້ອມ​ພຽງ. ກອງ​ປະຊຸມ​ດັ່ງກ່າວ ທ່ານ ປະທານ ມີ​ຄຳ​ເຫັນຕໍ່​ກອງ​ປະຊຸມ ​ໂດຍ​ສະ​ເພາະ​ໄດ້​ສະ​ແດງ​ຄວາມ​ເປັນ​ຫ່ວງ​ເປັນ​ໄຍຕໍ່​ຊາວ​ຜູ້​ອອກ​ແຮງ​ງາ​ນທົ່ວ​ເມືອງ​ວັງ​ວຽງ​ເຫັນ​ວ່າ ​ເສດຖະກິດ​ຂອງ​ເມືອງ ​ແມ່ນ​ໄດ້​ຂະຫຍາຍຕົວ​ຢ່າງ​ວ່ອງ​ໄວ​ເພາະ​ເປັນ​ເມື​ອງທ່ອງ​ທ່ຽວ ປະຊາຊົນທຳ​ມາ​ຫາກິນສະ​ດວກ ຄຽງ​ຄູ່​ກັບ​ເສດຖະກິດ​ພາຍ​ໃນ​ເມືອງ ມີ​ການ​ຂະຫຍາຍ​ຕົວ ສະ​ນັ້ນ​ວຽກ​ງານ​ປະກັນ​ສັງຄົມ ກໍ່​ຕ້ອງ​​ເຂົ້າ​ເຖິງ​ຜູ້​ອອກ​ແຮງ​ງານ​ໂດຍ​ສະ​ເພາະ​ວຽກ​ງານ​ປະກັນ​ສຸຂະພາບ, ການຄ້ຳປະກັນ​ດ້ານ​ສຸຂະພາບ​ຂັ້ນ​ພື້ນຖານ​ໃຫ້​ໄດ້ 80% ​ໃນ​ປີ 2020 ຜູ້​ອອກ​ແຮງ​ງານ​ໃນ​ຫົວ​ໜ່ວຍ​ວິສາ​ຫະກິດ ​ແລະ ກຸ່ມ​ຄົນ​ທີ່​ບໍ່​ໄດ້​ເຮັດ​ວຽກ​ນຳ​ຫົວໜ່ວຍ​ວິ​ສາ​ຫະກິດ​ເຊັ່ນ: ຊາວ​ກະສິກອນ​ປູກ​ຟັງ​ລ້ຽງສັດ, ຊາວຄ້າ​ຂາຍ ​ແລະ ອື່ນໆ ກໍ່​ສາມາດ​ເຂົ້າ​ສູ່​ລະບົບ​ລະບົບ​ປະກັນ​ສັງຄົມ​ໄດ້ ພັກ-ລັດ ຖ​ະບານ​​ໄດ້ຖື​ເອົາ​ວຽກ​ງານ​ປະກັນ​ສັງຄົມ ​ເປັນ​ພິ​ເສດ ຈື່ງ​ໄດ້​ຂະຫຍາຍ​ໜ່ວຍ​ບໍລິການ​ກອງ​ທຶນປະກັນ​ສັງຄົມ ປະຈຳ​ເມືອງ​ວັງ​ວຽງ ​ແຂວງ​ວຽງ​ຈັນ ຂື້ນ.

​ໃນ​ພິທີ​ດັ່ງກ່າວ ​ໂດຍ​ມີ​ທ່ານ ບຸນ​ຍອດ ຈັນທະ​ວອນ ຮອງ​ຜູ້​ອຳ​ນວຍ​ການ ຫກປຊ ​ໄດ້​ເປັນ​ກຽດ​ອ່ານ​ຂໍ້​ຕົກລົງ​ຂອງ​ລັດຖະມົນ​ຕີ ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ ວ່າ​ດ້ວຍ​ການ​ແຕ່ງ​ຕັ້ງ ທ່ານ ຈວງ ອຸ​ທາ​ທິບ ​ອາ​ດີດ​ຮອງ​ຫົວໜ້າ​ຫ້ອງການ ​ແຮງ​ງານ ​ແລະ ສະຫວັດດີ​ການ ​ເມືອງວັງ​ວຽງເປັນ ຮັກສາ​ການ ຫົວໜ້າ​ໜ່ວຍ ບໍລິການ​ປະກັນ​ສັງຄົມ​ເມື​ອງວັງ​ວຽງ ຢ່າງ​ເປັນ​ທາງ​ການ​ນັບ​ແຕ່​ວັນ​ລົງ​ລາຍ​ເຊັນ​ເປັນ​ຕົ້ນ​ໄປ.

​ໃນ​ຕອນ​ທ້າຍ​ຂອງພິທີ​ດັ່ງກ່າວ ທ່ານ ຄຳ​ຜອງ ດວງ​ວິ​ໄລ ຄະນະ​ພັກ​ເມືອງ, ​ເຈົ້າ​ເມື​ອງ ​ເມືອງ​ວັງ​ວຽງ​ກໍ່​ໄດ້​ ສະ​​ແດງ​ຄວາມ​ຂອບ​ໃຈ ກ່ຽວ​ກັບ​ນະ​ໂຍບາຍ ​ພັກ-ລັດຖະບານ​ ທີ່​ເຫັນຄວາມ​ສຳຄັນ ​ແລະ ມີ​ຄວາມ​ໄວ້​ເນື້ອ​ເຊື່ອ​ໃຈ​ຂອງ​ຂັ້ນ​​ເທິງ ທີ່​ເລື​ອກ​ເອົາ​ເມືອງ​ວັງ​ວຽງ ​ເປັນ​ເມືອງ​ທຳ​ອິດ​​ ເປັນ​ເມື​ອງຕົວ​ແບບ ຂອງ​ໜ່ວຍ​ບໍລິການ ຢ່າງ​ເປັນ​ຮູບ​ປະ​ທຳ ​ແລະ ​ເປັນ​ທີ​ເພີ່ງ​ພໍ​ໃຈ​ຂອງ​ຊາວ​ເມືອງ​ວັງ​ວຽງ ນອກ​ນັ້ນ​ທ່ານ​ເຈົ້າ​ເມືອງ​ ກໍ່​ໄດ້​ຮຽກ​ຮອງ​ໃຫ້​ບັນດາ​ຫົວໜ່ວຍ​ທຸລະ​ກິດ, ຫ້າງ​ຮ້ານ, ຜູ້​ປະ​ກອບ​ການ ​ແລະ ປະ​ຊາ​ຊົນ​ລາວ​ບັນດາ​ເຜົ່າ ກໍ່​ຄື ຊາວ​ເມືອງ​ວັງ​ວຽງ​ ຈົ່ງ​ພ້ອມ​ກັນ​ຮ່ວມ​ມື​ຕາມ​ແນວທາງ​ນະ​ໂຍບາຍ​ຂອງ ​ພັກ-ລັດ ທີ່​ວາ​ງອອກ ​ແລະ ກໍ່​ໄດ້​ກ່າວເປີດໜ່ວຍ​ບໍ​ລິ​ການ​ປະກັນ​ສັງຄົມ ປະຈຳ​ເມືອງ​ວັງ​ວຽງ​ ຢ່າງ​​ເປັນ​ທາງ​ການ ​ນັບ​ແຕ່ເດືອນ ສິງຫາ 2016 ​ເປັນ​ຕົ້ນ​ໄປ ພິທີ​ດັ່ງກ່າວ​ກໍ່​ໄດ້​ສຳ​ເລັດ​ລົງ​ໃນ​ຕອນ​ບ່າຍ​ຂອງ​ວັນ​ດຽວ​ກັນ.

ສຳລັບທ່ານທີ່ອາໃສຢູ່ເຂດດັ່ງກ່າວ ຫາກມີຄວາມສົນໃຈກ່ຽວກັບວຽກງານປະກັນສັງຄົມ ສາມາດເຂົ້າມາພົວພັນ ໜ່ວຍບໍລິການກອງທຶນປະກັນສັງຄົມ ຕັ້ງຢູ່ບ້ານພູດິນແດງ ເມືອງວັງວຽງ ແຂວງວຽງຈັນ, ໂທລະສັບ: 023 511 783, ແຟັກ: 023 511 784.


ພາບ/ຂ່າວ: ພະແນກປະຊາສຳພັນ.