ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 06/11/2017 ເວລາ 15:16 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 06/11/2017ເວລາ 11:00 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ການຂຶ້ນທະບຽນເປັນສະມາຊິກ

ການປະກັນສັງຄົມ ແມ່ນລະບົບປົກປ້ອງທາງສັງຄົມອັນໜຶ່ງທີ່ບັງຄັບໃຊ້

- ຕໍ່ອົງການ​ຈັດ​ຕັ້ງ​ຂອງ​ລັດ, ລັດ, ​ແນວ​ລາວ​ສ້າງ​ຊາດ, ອົງການ​ຈັດ​ຕັ້ງ​ມະຫາຊົນ ​ແລະ ອົງການ​ຈັດ​ຕັ້ງ​ສັງຄົມ.

- ພະນັກງານ​, ລັດຖະກອນ, ທະຫານ, ຕຳຫລວດ, ພະນັກງານ​ບຳນານ, ຜູ້​ເສຍ​ອົງຄະ ​ແລະ ສະມາຊິກ​ຄອບຄົວ​ຂອງ​ພວກ​ກ່ຽວ.

- ຫົວໜ່ວຍ​ແຮງ​ງານ​ຕ່າງໆ ​ໃນ​ຂົງ​ເຂດ​ທຸລະ​ກິດ​, ການຜະລິດ,​ ​ແລະ ການ​ບໍລິການ​ຂອງ​ທຸກ​ພາກສ່ວນ​ເສດຖະ ກິດ-ສັງຄົມ​ ​ເປັນ​ຕົ້ນ ​ລັດ​ວິ​ສາ​ຫະກິດ, ວິ​ສາ​ຫະກິດ​ເອກະ​ຊົນ, ​ໂຮງ​ຈັກ,​​ໂຮງງານ, ​ໂຮງ​ແຮມ, ຮ້ານ​ຊັບ​ພະ​ສິນ​ຄ້າ, ຮ້ານ​ອາຫານ, ຟາ​ມກະສິກຳ ​ໂຄງການ​ລົງທຶນ​ດ້ານ​ຕ່າງໆ ​ແລະ ອື່ນໆ.

- ພະນັກງານ​ຄົນ​ລາວ ທີ່​ເຮັດ​ວຽກ​ຢູ່​ສະຖານທູດ, ກົງ​ສູນ, ອົງການ​ຈັດ​ຕັ້ງ​ສາກົນ ​ແລະ ອົງການ​ທີ່​ບໍ່​ສັງກັດ​ລັດຖະ ບານທີ່​ປະຈຳ​ຢູ່ ສປປ ລາວ.

ສຳລັບ​ຜູ້​ສະໝັກ​ໃຈ

​ແມ່ນ​ຜູ່​ປະກອບ​ອາຊີບ​ສ່ວນ​ບຸກຄົນ​ເຊັ່ນ: ຊາວ​ກະສິກອນ, ຊາວ​ຄ້າຂາຍ, ຜູ້​ເຮັດ​ການ​ບໍລິການ ​ແລະ ອື່ນໆ

ບັນດາ​ແບບ​ຟອມສຳລັບ​ຂຶ້ນທະບຽນ​ເຂົ້າ​ເປັນ​ສະມາຊິກ ຫກປຊ ​ແມ່ນ​ມີ​ຢູ່​ທີ່​ ຫ້ອງການ ຫກປຊ ​ແລະ ທາງ​ອິນ​ເຕີ​ເນັດ ຊຶ່ງ ​ຕາມ​ປົກກະຕິ​ແລ້ວວິ​ສາ​ຫະກິດ​​ໃດ​ທີ່​ນອນ​ຢູ່​ໃນ​ກຸ່ມ​ເປົ້າ​ໝາຍ​ທີ່​ ຈຳເປັນຕ້ອງ​ໄດ້​ເຂົ້າ​ເປັນ​ສະມາຊິກ​ຂອງ ຫກປຊ ​ແບບ​ບັງຄັບ​ນັ້ນ ຈະ​ໄດ້​ຮັບ​ແບບ​ຟອມຈາກ ຫກປຊ ​ໂດຍ​ກົງ​ເລີຍ. ຫຼັງ​ຈາກ​ໄດ້​ຮັບ​ແບບ​ຟອມ​ແລ້ວ ວິ​ສາ​ຫະກິດ​ກ່ຽວຂ້ອງ​ກໍ່ຕ້ອງ​ປະກອບ​ຂໍ້​ມູນຕາມ​ທີ່ ຫກປຊ ຕ້ອງການ​ລົງ​ໃນ​ແບບ​ຟອມ.

ສຳລັບວິສາຫະກິດທີ່ຂຶ້ນທະບຽນເຂົ້າເປັນສະມາຊິກ ຫກປຊ ເປັນຄັ້ງທຳອິດ ມີ 2 ແບບຟອມທີ່ຕ້ອງໄດ້ປະກອບດັ່ງນີ້:

  • ແບບ​ຟອມຂຶ້ນທະບຽນ​ວິ​ສາ​ຫະກິດ (NSSF 1-01)
  • ແບບຟອມຂຶ້ນທະບຽນຜູ້ອອກແຮງງານ (NSSF 1-02). ຊຶ່ງໃນທີ່ນີ້ຜູ້ອກແຮງງານແຕ່ລະຄົນຕ້ອງໄດ້ປະກອບຂໍ້ມູນສ່ວນຕົວຂອງຕົນເອງພ້ອມ ດ້ວຍສະມາຊິກຄອບຄົວໃຫ້ແກ່ ຫກປຊ.
  • ພາຍຫຼັງທີ່ໄດ້ຮັບແບບຟອມຈາກ ຫກປຊ ແລ້ວວິສາຫະກິດ ແລະ ບັນດາຜູ້ອອກແຮງງານກ່ຽວຂ້ອງ ຕ້ອງໄດ້ປະກອບແບບຟອມ ແລະ ພ້ອມກັນສົ່ງແບບຟອມດັ່ງກ່າວໃຫ້ແກ່ ຫກປຊ ພາຍໃນເວລາ 1 ເດືອນ ຊຶ່ງ ຫກປຊ ເອງກໍມີພະນັກງານທີ່ໃຫ້ຄຳແນະນຳກ່ຽວກັບການ ປະກອບແບບຟອມໃຫ້ແກ່ທາງວິສາຫະກິດ. ຖ້າຫາກວິສາຫະກິດໃດ ຕ້ອງການຢາກໃຫ້ ຫກປຊ ພວກເຮົາຊ່ວຍແນະນຳກໍສາມາດ ຕິດຕໍ່ຫາພວກເຮົາໄດ້.

ການຂຶ້ນທະບຽນສຳລັບພະນັກງານທີ່ເຂົ້າເຮັດວຽກໃໝ່:

ໃນ​ ກໍລະນີ​ທີ່​ໄດ້​ຮັບ​ເອົາ​ພະນັກງານ​​ໃໝ່ເຂົ້າ​ມາ​ເຮັດ​ວຽກ ຜູ້​ໃຊ້​​ແຮງ​ງານ​ຕ້ອງ​ໄດ້​ແຈ້ງ​ໃຫ້ ຫກປຊ ຊາບພາຍ​ໃນ​​ເດືອນ​ທີ່​ຜູ້ກ່ຽວ​ໄດ້​ເຂົ້າ​ເຮັດ​ວຽກ​ນັ້ນ ​ໂດຍ ຫກປຊ ມີ 2 ປະ​ເພດ​ແບບ​ຟອມ​ໃຫ້​ປະກອບ​ດັ່ງ​ນີ້:

  • ສຳລັບ​ພະນັກງານ​ໃໝ່​ທີ່​ບໍ່​ເຄີຍຂຶ້ນ​ທະບຽນ​ນຳ ຫກປຊ ມາ​ກ່ອນ ກໍ່​ໃຫ້​ປະກອບ​ແບບ​ຟອມ (NSSF 1-02) ຕາມ​ທີ່​ໄດ້​ກ່າວ​ມາ​ແລ້ວ​ຂ້າງ​ເທິງ
  • ສຳລັບ ​ພະນັກງານ​ໃໝ່​ ທີ່​ເຄີຍຂຶ້ນ​ທະບຽນ​ນຳ ຫກປຊ ມາ​ກ່ອນ​ແລ້ວ ບໍ່​ວ່າ​ຈະ​ເປັນ​ການ​ຂຶ້ນ​ທະບຽນຢູ່​ວິ​ສາ​ຫະກິດ​ອື່ນ ຫຼື ​ເປັນພະນັກງານ​ເກົ່າ​ຂອງ​ບໍລິສັດ ທີ່​ກັບ​ຄືນ​ມາ​ເຮັດວຽກ​ອີກ​ເທື່ອ​ໃໝ່ ກໍ່​ໃຫ້​ປະກອບ​ຂໍ້​ມູນ​ຂອງ​ຜູ້ກ່ຽວ​ລົງ​ໃນ​ແບບ​ຟອມ (NSSF 1-04).

ການແຈ້ງໃນກໍລະນີທີ່ພະນັກງານອອກຈາກວຽກ ຫຼື ຖືກຢຸດຈ້າງງານ:

ໃນ​ ກໍລະນີ​ທີ່​ການ​ຈ້າງ​ງານ​ໄດ້​ສິ້ນ​ສຸດ​ລົງ ຊຶ່ງອາດ​ຈະ​ເກີດ​ຈາກການ​ກະສຽນ​ບຳນານ, ການ​ລາ​ອອກ​ຈາກ​ວຽກ, ການ​ປົດ​ປ່ອຍພະນັກງານ​ ຫຼື ການ​ເສຍ​ຊີວິດ ຜູ້​ໃຊ້​ແຮງ​ງານ ກໍຕ້ອງ​ໄດ້​ລາຍ​ງານ​ໃຫ້ ຫກປຊ ຊາບ​ໂດຍ​ຕ້ອງປະກອບຂໍ້​ມູນ​ກ່ຽວຂ້ອງ​ລົງ​ໃນ​ແບບ​ຟອມ (NSSF 1-07). ທັງ​ນີ້​ກໍ​ເພື່ອ​ເປັນ​ການ​ຊ່ວຍ​ບໍ່ໃຫ້​ຜູ້​ໃຊ້​ແຮງ​ງານຈ່າຍ​ເງິນ​ສົມທົບ​ໂດຍ​ບໍ່​ຈຳ​ເປັນ.

ພາຍຫຼັງທີ່ວິສາຫະກິດໄດ້ປະກອບແບບຟອມຂຶ້ນທະບຽນ ແລະ ໄດ້ນຳສົ່ງ ຫກປຊ ຢ່າງຄົບຖ້ວນແລ້ວ, ຫກປຊ ກໍ່ຈະອອກໃບຢັ້ງຢືນການຂຶ້ນ ທະບຽນປະກັນສັງຄົມ ແລະ ອອກບັດປະກັນສັງຄົມໃຫ້ແກ່ຜູ້ອອກແຮງງານແຕ່ລະຄົນ. ຫກປຊ ຈະຖືວ່າຜູ້ອອກແຮງງານໄດ້ເປັນຜູ້ປະກັນຕົນ ນັບແຕ່ມື້ທຳອິດທີ່ບໍລິສັດຂອງພວກກ່ຽວໄດ້ຈ່າຍເງິນສົມທົບເຂົ້າ ກອງທຶນປະກັນສັງຄົມ ເປັນຕົ້ນໄປ.