ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ພິທີປະກາດການແຕ່ງຕັ້ງ ຮອງຜູ້ອຳນວຍການ ຫ້ອງການກອງທຶນປະກັນສັງຄົມແຫ່ງຊາດ ໃນຄັ້ງວັນທີ 19 ກໍລະກົດ 2016.

alt

ໃນຕອນບ່າຍຂອງວັນທີ 19 ກໍລະກົດ 2016 ພິທີປະກາດການແຕ່ງຕັ້ງຮອງຜູ້ອຳນວຍ ການ ຂອງ ຫກປຊ ໄດ້ໄຂຂື້ນຢ່າງເປັນທາງການ ຢູ່ທີ່ສຳນັກງານໃຫຍ່ ຫກປຊ ບ້ານທົ່ງ ສ້າງນາງ ເມືອງຈັນທະບູລີ ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ປະລິນຍາເອກ ຄຳແກ້ວ ສານບຸນຄຸນໄຊ ຮອງລັດຖະມົນຕີ ກະຊວງ ແຮງງານ ແລະ ສະຫວັດດີການສັງຄົມ (ຮສສ), ເຂົ້າຮ່ວມໃນພິທີດັ່ງກ່າວ ມີ ທ່ານ ປະເດີມພອນ ສົນທະນີ ຜູ້ອຳນວຍການ ຫ້ອງການກອງທຶນປະກັນສັງຄົມແຫ່ງ ຊາດ ພ້ອມດ້ວຍຄະນະ,

ມີຜູ້ຕາງໜ້າຈາກຫ້ອງການ ແລະ ບັນດາກົມອ້ອມຂ້າງກະຊວງ ຮສສ, ຄະນະພະແນກ ຫກປຊ ພ້ອມດ້ວຍພະນັກງານຫຼັກແຫຼ່ງຈຳນວນໜຶ່ງ ແລະ ແຂກຖືກເຊີນເຂົ້າຮ່ວມຢ່າງພ້ອມພຽງ.

ພິທີດັ່ງກ່າວ ໂດຍມີ ທ່ານ ສາຍທອງ ອິດທິພົນ ຮອງຫົວໜ້າກົມຈັດຕັ້ງ ກະຊວງ ຮສສ ໄດ້ໃຫ້ກຽດອ່ານຂໍ້ຕົກລົງຂອງທ່ານລັດຖະ ມົນຕີ ກະຊວງ ຮສສ ວ່າດ້ວຍການແຕ່ງຕັ້ງ ທ່ານ ເພັດສະໝອນ ສຸກທະວີພອນ ອາດີດຮອງກົມໜ້າກົມປະກັນສັງຄົມ ເຂົ້າຮັບຕຳ ແໜ່ງ ຮອງຜູ້ອຳນວຍການ ຫກປຊ ຢ່າງເປັນທາງການ ນັບແຕ່ມື້ລົງລາຍເຊັນເປັນຕົ້ນໄປ. ເພື່ອເຮັດໃຫ້ພິທີດັ່ງກ່າວ ມີຄວາມໝາຍອັນເລິກ ເຊິ່ງ ແລະ ໜັກແໜ້ນ ທ່ານປະທ່ານ ໄດ້ໃຫ້ກຽດໂອ້ລົມ ຊຶ່ງທ່ານໄດ້ຕີລາຄາສູງຕໍ່ຜົນສຳເລັດໃນການຈັດຕັ້ງປະຕິບັດວຽກງານຂອງ ຫກປຊ ທີ່ຜ່ານມາ ພ້ອມນັ້ນທ່ານຍັງໄດ້ໃຫ້ຄວາມສຳຄັນໃນບາງວຽກງານທີ່ເປັນຂໍ້ຄົງຄ້າງ ທີ່ ຄະນະນຳ ແລະ ພະນັກງານ ກປຊ ທັງໝົດ ຕ້ອງໄດ້ສຸມໃສ່ປັບປຸງແກ້ໄຂບັນຫາ ແລະ ພ້ອມກັນຈັດຕັ້ງປະຕິບັດໃຫ້ສຳເລັດຕາມເປົ້າໝາຍທີ່ວາງໄວ້.

ພາຍຫຼັງການໂອ້ລົມຂອງ ທ່ານປະທານ, ທ່ານ ເພັດສະໝອນ ສຸກທະວີພອນ ໃນນາມຜູ້ຮັບຕຳແໜ່ງໃໝ່ ໄດ້ຂື້ນກ່າວຮັບຄຳໂອວາດ ແລະ ມີຄຳເຫັນໃນພິທີ ວ່າ: ການໄດ້ຮັບມອບໝາຍໜ້າທີ່ດັ່ງກ່າວ ແມ່ນເປັນກຽດອັນສູງຊົງ ຈາກຄວາມໄວ້ເນື້ອເຊື່ອໃຈຂອງການຈັດຕັ້ງ ກໍ່ຄື ການນຳ ຂັ້ນເທິງ ແລະ ວຽກງານດັ່ງກ່າວ ຖືວ່າເປັນສິ່ງທີ່ທ້າທາຍຫຼາຍສຳລັບຕົນ ແລະ ຕົນເອງກໍ່ພ້ອມທີ່ຈະທຸ້ມເທ ທັງເຫື່ອແຮງ ແລະ ສະຕິປັນຍາທັງ ໝົດ ເຂົ້າໃນວຽກງານດັ່ງກ່າວ ໃຫ້ປະສົບຜົນສຳເລັດເປັນກ້າວໆ. ໃນໂອກາດພິເສດນີ້ ທ່ານປະທານ ໄດ້ໃຫ້ກຽດເຂົ້າຮ່ວມຖ່າຍຮູບກັບບັນດາ ຜູ້ເຂົ້າຮ່ວມໃນພິທີ ເພື່ອເປັນທີລະນຶກ. ພິທີໄດ້ສຳເລັດລົງໃນເວລາຕໍ່ມາ.

ພາບ/ຂ່າວ: ພະແນກປະຊາສຳພັນ