ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ພິທີເປີດສູນບໍລິການກອງທຶນປະກັນສັງຄົມ ແຂວງໄຊສົມບູນ ໃນວັນທີ 29 ມິຖຸນາ 2016.

alt
ແຂວງໄຊສົມບູນ ​ເປັນແຂວງໜຶ່ງທີ່ມີຫຼາຍຊົນຊາດຊົນເຜົ່າອາໃສຢູ່ຮ່ວມກັນ ແລະ ເປັນ ແຂວງ ທີ່ຕັ້ງໃໝ່ຢູ່ເຂດຫ່າງໄກສອກຫຼີກ ແລະ ຍັງຢູ່ໃນໄລຍະປັບປຸງກໍ່ສ້າງ ແລະ ພັດທະ ນາໃຫ້ທຽບເທົ່າກັບແຂວງອື່ນໆ. ສະນັ້ນຈຶ່ງມີຄວາມຈຳເປັນຢ່າງຍິ່ງທີ່ຕ້ອງມີລະບົບ ປະກັນສຸ ຂະພາບ ຫຼື ສູນບໍລິການກອງທຶນປະກັນສັງຄົມຂັ້ນແຂວງ, ຕາມແນວທາງ ນະໂຍບາຍຂອງ ພັກ ແລະ ລັດວາງອອກ, ເພື່ອຕອບສະໜອງຫຼັກຄ້ຳປະກັນທາງດ້ານສະຫວັດດີການສັງ ຄົມ ໃຫ້ແກ່ຊາວຜູ້ອອກແຮງງານ ທັງພາກລັດ, ເອກະຊົນ ແລະ ປະຊາຊົນທົ່ວໄປ ໃຫ້ເປັນ ລະບົບ ແລະ ກໍ່ແມ່ນພັນທະໜຶ່ງທີ່ອົງການປົກຄອງ ແຕ່ສະນັ້ນຕ້ອງໄດ້ປະຕິບັດ.

ໃນຕອນເຊົ້າ ຂອງວັນທີ 29 ມິຖຸນາ 2016 ພະແນກ ຮສສ ແຂວງໄຊສົມບູນ ຮ່ວມກັບຫ້ອງການກອງທຶນປະກັນສັງຄົມແຫ່ງຊາດ ໄດ້ຈັດພິທີ ເປີດສູນບໍລິການກອງທຶນປະກັນສັງຄົມ ປະຈຳແຂວງໄຊສົມບູນຂື້ນຢ່າງເປັນທາງການ, ໂດຍການໃຫ້ກຽດເປັນປະທານຮ່ວມຂອງທ່ານ ປອ ຄຳແກ້ວ ສານບຸນຄູນໄຊ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ແລະ ທ່ານ ລາວປາວຊົ່ງ ນະວົງໄຊ ຮອງເລຂາ ພັກແຂວງ ຮອງເຈົ້າແຂວງ ແຂວງໄຊສົມບູນ ແລະໃຫ້ກຽດເຂົ້າຮ່ວມໃນພິທີດັ່ງກ່າວມີ ທ່ານ ປະເດີມພອນ ສົນທະນີ ຜູ້ອຳນວຍການຂອງ ຫ້ອງການກອງທຶນປະກັນສັງຄົມແຫ່ງຊາດ (ຫກປຊ), ມີບັນດາທ່ານກຳມະການພັກແຂວງ, ເຈົ້າເມືອງ, ຫົວໜ້າ, ຮອງຫົວໜ້າພະແນກການ, ກົມກອງ, ລັດວິສາຫະກິດ, ແລະ ວິສາຫະກິດເອກະຊົນ ພ້ອມດ້ວຍພະນັກງານຫ້ອງການກອງທຶນ ເຂົ້າຮ່ວມຢ່າງພ້ອມພຽງ ໃຫ້ກຽດກ່າວເປີດ ພິທີໂດຍ ທ່ານ ທ່ານ ລາວປາວຊົ່ງ ນະວົງໄຊ ຮອງເລຂາພັກແຂວງ ຮອງເຈົ້າແຂວງ ແຂວງໄຊສົມບູນ.

ການເປີດສູນບໍລິການໃນຄັ້ງນີ້ ແມ່ນເພື່ອຮອງຮັບການບໍລິການ ແລະ ອຳນວຍຄວາມສະດວກໃຫ້ກັບສະມາຊິກປະກັນສັງຄົມທີ່ເປັນ ພະນັກງານລັດຖະກອນ ແລະ ຢູ່ຂົງເຂດວິສາຫະກິດໃນຂອບເຂດແຂວງໄຊສົມບູນ. ໃນພິທີດັ່ງກ່າວ ທ່ານ ປະເດີມພອນ ສົນທະນີ ຜູ້ອຳນວຍ ການຫ້ອງການກອງທຶນປະກັນສັງຄົມແຫ່ງຊາດ ໄດ້ຂື້ນລາຍງານສະພາບການຈັດຕັ້ງປະຕິບັດວຽກງານກອງທຶນປະກັນສັງຄົມ ໄລຍະທີ່ຜ່ານມາ ໂດຍທ່ານກ່າວວ່າ ນະໂຍບາຍປະກັນສັງຄົມ ແມ່ນວຽກງານໜຶ່ງທີ່ນອນຢູ່ໃນຂົງເຂດວຽກງານວັດທະນາທຳ-ສັງຄົມ ທີ່ພັກ ແລະ ລັດຖະບານ ວາງອອກ ເພື່ອສະໜອງສະຫວັດດີການໃຫ້ແກ່ປະຊາຊົນບັນດາເຜົ່າ ໂດຍສະເພາະແມ່ນ ພະນັກງານ-ລັດຖະກອນ, ທະຫານ, ຕຳຫຼວດ ແລະ ຊາວຜູ້ອອກແຮງງານໃນຂົງເຂດວິສາຫະກິດ. ການເຂົ້າເປັນສະມາຊິກປະກັນສັງຄົມ ເປັນພັນທະຕາມກົດໝາຍ ທີ່ທຸກພາກສ່ວນຕ້ອງໄດ້ປະຕິບັດ ຊຶ່ງລັດຖະບານໄດ້ອອກກົດໝາຍວ່າດ້ວຍການປະກັນສັງຄົມ ທີ່ມີການບັງຄັບໃຊ້ນັບແຕ່ວັນທີ 1 ຕຸລາ 2014 ເປັນຕົ້ນມາ. ບັນດາສິດຜົນປະ ໂຫຍດທີ່ກອງທຶນປະກັນສັງຄົມແຫ່ງຊາດສະໜອງໃຫ້ມີ 8 ປະເພດການອຸດໜູນ ຄື: ອຸດໜູນອຸປະຕິເຫດແຮງງານ, ພະຍາດອາຊີບ ຫຼື ອຸປະຕິເຫດອື່ນ ທີ່ມີການເສຍກຳລັງແຮງງານ ຫຼື ເສຍອົງຄະ, ອຸດໜູນປິ່ນປົວສຸຂະພາບ, ອຸດໜູນອອກລູກ ຫຼື ຫຼຸລູກ, ອຸດໜູນປ່ວຍການ, ອຸດໜູນບຳນານ, ອຸດໜູນເສຍຊີວິດ, ອຸດໜູນສະມາຊິກຄອບຄົວຂອງຜູ້ເສຍຊີວິດ ແລະ ອຸດໜູນວ່າງງານ, ຊຶ່ງປະຈຸບັນ ຫ້ອງການກອງທຶນ ປະກັນສັງຄົມແຫ່ງຊາດ (ຫກປຊ) ມີສູນບໍລິການທຸກແຂວງໃນຂອບເຂດທົ່ວປະເທດ, ດ້ານການບໍລິການປິ່ນປົວສຸຂະພາບ ຫກປຊ ໄດ້ຮ່ວມມືກັບ ຂະແໜງສາທາລະນະສຸກ ໂດຍໄດ້ມີໂຮງໝໍຄູ່ສັນຍາຫຼັກທັງໝົດ 22 ແຫ່ງ ຊຶ່ງປະກອບມີ ໂຮງໝໍສູນກາງ, ໂຮງໝໍແຂວງ ແລະ ບາງໂຮງໝໍ ເມືອງ ເພື່ອຮອງຮັບການບໍລິການປິ່ນປົວສຸຂະພາບໃຫ້ແກ່ສະມາຊິກປະກັນສັງຄົມ ແລະ ຄອບຄົວຂອງເຂົາເຈົ້າ.

ມາຮອດເດືອນ 6/2016 ນີ້ ມີຜູ້ປະກັນຕົນເປັນລັດຖະກອນ 173,801 ຄົນ, ຜູ້ບຳນານ 25,675 ຄົນ, ໝ້າຍ 37 ຄົນ, ລຸກກ່ຳພ້າ 445 ຄົນ, ເສຍອົງຄະຮາກຖານ 7,936 ຄົນ, ຄູ່ສົມຣົດ80,321 ຄົນ, ລູກຕ່ຳກ່ວາ 18-23 ປີ 136,797 ຄົນ, ທັງຜູ້ດູແລຈໍານວນໜຶ່ງ ໂດຍລວມມີຜູ້ເກີດ ສິດທັງໝົດ 425,015 ຄົນ. ສຳລັບພາກວິສາຫະກິດມາຮອດເດືອນ 6/2016 ມີຜູ້ປະກັນຕົນ 90,434 ຄົນ, ຄູ່ສົມຣົດ 42,821 ຄົນ, ລູກຕໍ່າ ກວ່າ 18-23 ປີ 53,281 ຄົນ ແລະ ຜູ້ເກີດສິດທັງໝົດ 186,536 ຄົນ.


ພາບ-ຂ່າວໂດຍ: ພະແນກປະຊາສຳພັນ