ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ກອງປະຊຸມເຜີຍແຜ່ກົດໝາຍ ວ່າດ້ວຍການປະກັນສັງຄົມເລກທີ 34/ສພຊ ໃຫ້ສື່ມວນຊົນທົ່ວນະຄອນຫຼວງວຽງຈັນ.

altໃນຕອນເຊົ້າຂອງວັນທີ 25 ພຶດສະພາ 2016 ໄດ້ມີພິທີຈັດກອງປະຊຸມເຜີຍແຜ່ວຽກງານ ປະກັນສັງຄົມ ພາຍໃຕ້ກົດໝາຍວ່າດ້ວຍການປະກັນສັງຄົມສະບັບເລກທີ 34/ສພຊ ໃຫ້ສື່ ມວນຊົນຂະແໜງການຕ່າງໆໃນນະຄອນຫຼວງວຽງຈັນ ທີ່ເຮືອນພັກແຄມງື່ມ 1 ແຂວງວຽງ ຈັນ ໂດຍໃຫ້ກຽດເປັນປະທານຂອງ ທ່ານ ປະເດີມພອນ ສົນທະນີ ຜູ້ອຳນວຍການ ຫ້ອງ ການກອງທຶນປະກັນສັງຄົມແຫ່ງຊາດ (ຫກປຊ) ໃຫ້ກຽດເຂົ້າຮ່ວມ ມີບັນດາຫົວໜ້າ ແລະ ຮອງບັນນາທິການ ຈາກສື່ວິທະຍຸ ໂທລະພາບ ໜັງສືພິມ ແລະ ວາລະສານ,

ຫົວໜ້າພະແນກ ຫກປຊ, ຫົວໜ້າ ແລະ ຮອງສູນບໍລິການປະກັນສັງຄົມແຂວງວຽງຈັນ, ຫົວໜ້າ ແລະ ຮອງພະແນກສື່ມວນຊົນອອ້ມຂ້າງ, ພະນັກງານວິຊາການ ຫກປຊ, ນັກຈັດລາຍການວິທະຍຸ ແລະ ນັກຂ່າວ ເຂົ້າຮ່ວມ 60 ກ່ວາຄົນ.

ໃນໂອກາດດັ່ງກ່າວ ທ່ານປະທານ ໄດ້ຕີລາຄາສູງຕໍ່ການເຂົ້າຮ່ວມກອງປະຊຸມຂອງບັນດານັກສື່ມວນຊົນໃນຂະແໜງການຕ່າງໆ ທົ່ວນະຄອນ ຫຼວງວຽງຈັນໃນຄັ້ງນີ້ ກ່ອນທີ່ຈະເປີດໂອກາດໃຫ້ນັກສື່ມວນຊົນໄດ້ແນະນຳຕົນເອງ, ຈາກນັ້ນ ທ່ານປະທານ ກໍ່ໄດ້ກ່າວຈຸດປະສົງຂອງການຈັດ ກອງປະຊຸມ ແນໃສ່ເພື່ອສ້າງຄວາມຮັບຮູ້ ແລະ ຄວາມເຂົ້າໃຈເປັນເອກະພາບຕໍ່ກັບວຽກງານປະກັນສັງຄົມ ພ້ອມທັງຮັບປະກັນໃນການເຜີຍ ແຜ່ວຽກງານດັ່ງກ່າວໃຫ້ມີຄວາມຖືກຕ້ອງຊັດເຈນຕໍ່ກັບສັງຄົມ ອີງຕາມກົດໝາຍວ່າດ້ວຍການປະກັນສັງຄົມ ສະບັບເລກທີ 34/ສພຊ ທີ່ໄດ້ຈັດຕັ້ງ ປະຕິບັດໃນວັນທີ 1 ຕຸລາ 2014 ເປັນຕົ້ນມາ.

ນອກນັ້ນ ທ່ານປະທານຍັງໄດ້ສະແດງໃຫ້ເຫັນເຖິງພາລະບົດບາດຂອງ ຫ້ອງການກອງທຶນປະກັນສັງຄົມແຫ່ງຊາດ ແລະ ຄວາມສຳຄັນ ຂອງວຽກງານປະກັນສັງຄົມທີ່ມີຕໍ່ກັບສັງຄົມ ຊຶ່ງເປັນກອງທຶນຊ່ວຍເຫຼືອເຊິ່ງກັນ ແລະກັນ ຜູ້ທີ່ມີລາຍໄດ້ສູງ ຊ່ວຍເຫຼືອຜູ້ມີລາຍໄດ້ໜ້ອຍ ຜູ້ມີສຸຂະພາບເຂັ້ມແຂງ ຊ່ວຍເຫຼືອຜູ້ມີສຸກຂະພາບອ່ອນເພຍ ຊຶ່ງສະແດງອອກໃນເວລາທີ່ຜູ້ປະກັນຕົນຫາກມີການເຈັບປ່ວຍ ຈະໄດ້ຮັບການ ບໍລິການປິ່ນປົວຈາກໂຮງໝໍທີ່ເລືອກ ໂດຍບໍ່ມີວົງເງິນ ແລະ ຈຳນວນຄັ້ງປິ່ນປົວ ພ້ອມຄອບຄົວ, ອອກລູກໄດ້ຮັບເງິນບຳເນັດອອກລູກ ແລະ ອຸດໜູນອອກລູກ ໄລຍະ 3.5 ເດືອນ ຕາມເງື່ອນໄຂ, ເຖົ້າແກ່ໄດ້ຮັບເງິນອຸດໜູນບຳນານ ລ້ຽງດູໄປຕະຫຼອດຊີວິດ, ເວົ້າລວມກໍ່ຄືປະກັນສັງຄົມ ໃຫ້ການເບິ່ງແຍ່ງ ແລະ ຄຸ້ມຄອງຜູ້ປະກັນຕົນ ນັບແຕ່ມື້ເກີດຈົນເສຍຊີວິດ. ໃນວາລະຕໍ່ມາ ທ່ານປະທານ ໄດ້ມອບພິທີຕໍ່ໃຫ້ ທ່ານ ນາງ ດວງເດືອນ ຈັນທະວົງ ຫົວໜ້າພະແນກປະຊາສຳພັນ ເປັນຜູ້ບັນຍາຍກ່ຽວກັບ ພັນທະ ແລະ ສິດຜົນປະໂຫຍດທີ່ຈະໄດ້ຮັບ ຈາກການເຂົ້າ ເປັນສະມາຊິກປະກັນສັງຄົມ ໂດຍສະເພາະລົງເລິກ 8 ປະເພດການອຸດໜູນ ທີ່ປະກັນສັງຄົມໃຫ້ການຄຸ້ມຄອງ ຄື ອຸດໜູນອຸປະຕິເຫດວຽກງານ ພະຍາດອາຊີບ ຫຼື ອຸປະຕິເຫດອື່ນທີ່ມີການເສຍກຳລັງແຮງງານ ຫຼື ເສຍອົງຄະ, ອຸດໜູນປິ່ນປົວສຸຂະພາບ, ອຸດໜູນອອກລູກ ຫຼື ຫຼຸລູກ, ອຸດໜູນປ່ວຍການ, ອຸດໜູນບຳນານ, ອຸດໜູນເສຍຊີວິດ, ອຸດໜູນຄອບຄົວຜູ້ປະກັນຕົນທີ່ເສຍຊີວິດ ແລະ ອຸດໜູນວ່າງງານ ພ້ອມທັງລະບຽບການຫັກເງິນສົມທົບຂອງຜູ້ປະກັນຕົນ ທັງໃນພາກລັດ ແລະ ພາກວິສາຫະກິດ ຫຼື ບໍລິສັດ ນອກນັ້ນ ທ່ານຍັງໄດ້ອະທິບາຍ ເພີ່ມຕື່ມກ່ຽວກັບການຫັກເງິນສົມທົບສຳລັບຜູ້ປະກັນຕົນໃນລະບົບສະໝັກໃຈ ຊຶ່ງແບ່ງອອກເປັນ 2 ປະເພດ ຄື ຜູ້ປະກັນຕົນສືບຕໍ່ສະໝັກໃຈ ( ເຄີຍເປັນສະມາຊິກປະກັນສັງຄົມໃນລະບົບບັງຄັບ) ແລະ ຜູ້ປະກັນຕົນສະໝັກໃຈໃໝ່ ( ມີອາຊີບອິດສະລະ ), ຊຶ່ງພາຍຫຼັງການບັນຍາຍ 8 ປະເພດການອຸດໜູນສິ້ນສຸດລົງ ທ່ານປະທານໄດ້ໃຫ້ກຽດຖ່າຍຮູບລວມເປັນທີ່ລະນຶກກັບບັນດານັກສື່ມວນຊົນທັງໝົດ ພ້ອມທັງພັກຜ່ອນ ຮັບປະທານອາຫານທ່ຽງສາມັກຄີຮ່ວມກັບນັກສືມວນຊົນ.

ໃນຕອນບ່າຍຂອງມື້ດຽວກັນ ທ່ານ ປະເດີມພອນ ສົນທະນີ ຜູ້ອຳນວຍການ ຫ້ອງການກອງທຶນປະກັນສັງຄົມແຫ່ງຊາດ ໄດ້ເປີດໂອກາດ ໃຫ້ບັນດານັກສື່ມວນຊົນ ປະກອບຄຳຄິດຄຳເຫັນ ມີຫົວຂໍ້ສະເໜີແນະ ແລະ ຖາມ-ຕອບ ບັນຫາຂໍ້ສົນໃຈຕ່າງໆກ່ຽວກັບວຽກງານປະກັນສັງຄົມ ໃນທາມກາງບັນຍາກາດຄວາມກະຕືລືລົ້ນ ແລະ ຄວາມຈິງໃຈຊັກຖາມຂອງນັກສື່ມວນຊົນ ເພື່ອສ້າງຄວາມເຂົ້າໃຈ ທາງດ້ານວິຊາການ, ຈາກນັ້ນ ທ່ານປະທານ ໄດ້ມອບໃຫ້ ທ່ານ ນາງ ດວງເດືອນ ຈັນທະວົງ ຫົວໜ້າພະແນກປະຊາສຳພັນ ເປັນຜູ້ຕາງໜ້າຕອບຄຳຖາມ ແລະ ສ້າງຄວາມ ເຂົ້າໃຈຕື່ມໃນແຕ່ລະບັນຫາ ໃຫ້ແກ່ຜູ້ເຂົ້າຮ່ວມຮັບຟັງທັງໝົດ ແລະ ທີ່ພິເສດກໍ່ຄື ນັກສື່ມ່ວນຊົນທັງຫຼາຍໄດ້ພ້ອມກັນແລກປ່ຽນຄຳຄິດຄຳເຫັນ ພ້ອມທັງສະເໜີແນະແນວທາງ ໂດຍສະເພາະແມ່ນວຽກງານປະຊາສຳພັນໃນການເຜີຍແຜ່ວຽກງານປະກັນສັງຄົມໃຫ້ເຂົ້າເຖິງສັງຄົມເວົ້າລວມ ເວົ້າສະເພາະກໍ່ຄື ຜູ້ປະກັນຕົນ ຂອງ ກປຊ ໄດ້ຢ່າງວ່ອງໄວ-ງ່າຍດາຍ ແລະທົ່ວເຖິງ ພ້ອມທັງຮັບປະກັນເນື້ອໃນ ຄວາມຖືກຕ້ອງ ແລະ ຊັດເຈນ ທັງໃນສື່ສິ່ງພິມ ແລະ ສືອີເລັກໂຕຼນິກຕ່າງໆ, ຊຶ່ງ ທ່ານ ນາງ ດວງເດືອນ ຈັນທະວົງ ກໍ່ໄດ້ສະແດງຄວາມຂອບໃຈຕໍ່ນັກສືມວນຊົນ ແລະ ພ້ອມຮັບຄຳຕຳນິຕິຊົມ ແລະ ຄຳແນະນຳເຫຼົ່ານັ້ນ ເພື່ອມາພິຈາລະ ແລະ ນໍາສະ ເໜີເຖິງຂັ້ນເທິງຕໍ່ໄປ. ຊຶ່ງພາຍຫຼັງວາລະການຊັກຖາມສິ້ນສຸດ ກໍ່ໄດ້ເຮັດໃຫ້ສື່ມວນຊົນທັງຫຼາຍ ເຂົ້າໃຈ ວຽກງານປະກັນສັງຄົມຢ່າງເລິກເຊິ່ງເປັນເອກະພາບກັນ. ແລະໃນວາລາສຸດທ້າຍ ທ່ານປະທານ ໄດ້ຕີລາຄາສູງຕໍ່ຜົນສໍາເລັດຂອງກອງປະຊຸມຄັ້ງດັ່ງກ່າວ ພ້ອມກ່າວຄຳຂອບໃຈຕໍ່ກັບແຂກຖືກເຊີນໃນກອງປະຊຸມ, ກ່ອນທີ່ນັກຂ່າວຈະຂໍສຳພາດ ທ່ານປະທານເພີ່ມຕື່ມ ໃນບາງບັນຫາທີ່ສົນໃຈ. ສຳລັບພິທີຈັດກອງປະຊຸມເຜີຍແຜ່ວຽກງານປະກັນສັງຄົມ ພາຍໃຕ້ກົດໝາຍວ່າດ້ວຍ ການປະກັນສັງຄົມ ສະບັບເລກທີ 34/ສພຊ ໃຫ້ສື່ມວນຊົນຂະແໜງການຕ່າງໆໃນນະຄອນຫຼວງວຽງຈັນໄດ້ສຳເລັດລົງ ໃນເວລາ 15:30 ຂອງມື້ດຽວກັນ.


ພາບ-ຂ່າວໂດຍ: ພະແນກປະຊາສຳພັນ.