ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ກອງປະຊຸມເຜີຍແຜ່ວຽກງານປະກັນສັງຄົມ ຄັ້ງວັນທີ 11 ພຶດສະພາ 2016 ທີ່ແຂວງຜົ້ງສາລີ.

alt

ໃນຕອນເຊົ້າ ຂອງ ວັນທີ 11 ພຶດສະພາ 2016 ທີ່ຫ້ອງປະຊຸມ ພະແນກການເງິນແຂວງ ຜົ້ງສາລີ ໄດ້ມີກອງປະຊຸມເຜີຍແຜ່ຄຳແນະນຳ ກ່ຽວກັບການຈັດຕັ້ງປະຕິບັດກົດໝາຍ ວ່າ ດ້ວຍການປະກັນສັງຄົມ ສະບັບເລກທີ 2751/ຮສສ, ໃຫ້ກຽດເປັນປະທ່ານຮ່ວມມີ ທ່ານ ຄຳແກ້ວ ສານບຸນຄູນໄຊ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ແລະ ທ່ານ ບຸນໄມ ຫົງວິໄລຈິດ ກຳມະການປະຈຳພັກແຂວງ

ປະທານແນວລາວສ້າງຊາດແຂວງ, ທ່ານ ບຸນຍອດ ຈັນທະວອນ ຮອງຜູ້ອຳນວຍການ ຫ້ອງການກອງທືນປະກັນສັງຄົມແຫ່ງຊາດ. ຫົວໜ້າສູນ ບໍລິການປະກັນສັງຄົມແຂວງ, ຫົວໜ້າພະແນກ, ຮອງພະແນກ ພ້ອມພະນັກງານທີ່ກ່ຽວຂ້ອງ ແລະ ແຂກທີ່ຖືກເຊີນຈາກທາງລັດຖະກອນ, ຫົວໜ່ວຍແຮງງງານຈຳນວນເກືອບ 100 ທ່ານ, ກ່ອນການເຜີຍແຜ່ຄຳແນະນຳລຸ່ມກົດໝາຍສະບັບເລກທີ 2751/ຮສສ, ທ່ານ ບຸນໄມ ຫົງວິໄລຈິດ ກໍ່ໄດ້ຮຽກຮ້ອງໃຫ້ທຸກຄົນທີ່ເຂົ້າຮ່ວມປະຊຸມຄັ້ງນີ້ຈົ່ງເອົາໃຈໃສ່ຮັບຟັງໃນຂະນະທີ່ກຳລັງບັນຍາຍ, ຖ້າມີບັນຫາໃດບໍ່ເຂົ້າໃຈ ກໍ່ໃຫ້ ສົນທະນາແລກປ່ຽນຄຳເຫັນເຊິ່ງກັນ ແລະກັນ ຫຼັງຈາກການບັນຍາຍຈົບ, ຈາກນັ້ນ ທ່ານ ຮອງລັດຖະມົນຕີ ກໍ່ໄດ້ມີຄຳເຫັນຕໍ່ກັບຜູ້ເຂົ້າຮ່ວມກອງ ປະຊຸມວ່າ: ຈຸດປະສົງຕົ້ນຕໍຂອງການຈັດກອງປະຊຸມໃນຄັ້ງນີ້ ແມ່ນເພື່ອ​ເຮັດໃຫ້ບັນດາຫົວໜ່ວຍວິສາ ຫະກິດ ແລະ ອົງການຈັດຕັ້ງທີ່ກ່ຽວຂ້ອງ ພາຍ​ໃນ​ແຂວງຂອງພວກເຮົາ​​ໄດ້​ຮັບຮູ້ ແລະ ເຂົ້າໃຈກ່ຽວກັບຄວາມໝາຍ, ຄວາມສຳຄັນ, ເນື້ອໃນລະບຽບກົດໝາຍ ແລະ ​ການຈັດ​ຕັ້ງປະຕິບັດ​ວຽກ​ງານ​ປະກັນ​ສັງຄົມ, ຊຶ່ງ​ແມ່ນພັນທະ ​ແລະ ໜ້າ​ທີ່​ຂອງ​ໝົດ​ທຸກ​ຄົນ​ທີ່​ຈະ​ຕ້ອງ​ໄດ້​ປະກອບສ່ວນ ແລະ ກໍ່​ແມ່ນ​ສິດຜົນປະ​ໂຫຍ​ດຂອງ​ພວກ​ເຮົາ ທຸກຄົນຕ້ອງໄດ້ຮັບ, ນອກຈາກນີ້ ພວກເຮົາກໍ່ຍັງຈະໄດ້ຮັບຟັງກ່ຽວກັບ​ ຄວາມ​ເປັນ​ມາ​ຂອງ​ຈັດຕັ້ງປະຕິບັດວຽກງານປະກັນສັງຄົມ ໂດຍສະເພາະ ການ​ປະກັນ​ສັງຄົມ ສຳລັບຜູ້ອອກແຮງງານໃນ​ພາກ​ວິ​ສາ​ຫະກິດ, ຈາກນັ້ນ ທ່ານ ປະທານກໍ່ໄດ້ມອບເວທີໃຫ້ກັບ ທ່ານ ນາງ ກິ່ງເມືອງ ວົງສາລະວັນ ຮອງພະແນກ ປະຊາສຳພັນ ຂຶ້ນບັນຍາຍ ໂດຍສະເພາະແມ່ນ 8 ປະເພດອຸດໜູນໃຫ້ຜູ້ເຂົ້າຮ່ວມໄດ້ຮັບຟັງໂດຍເລີ່ມຈາກ: 1. ອຸດໜູນອຸປະຕິເຫດແຮງງານ, ພະຍາດອາຊີບ ຫຼື ອຸປະຕິເຫດອື່ນ ທີ່ມີການເສຍກຳລັງແຮງງານ ຫຼື ເສຍອົງຄະ, 2. ອຸດໜູນປິ່ນປົວສຸຂະພາບ; 3. ອຸດໜູນອອກລູກ ຫຼື ຫຼຸລູກ; 4. ອຸດໜູນປ່ວຍການ; 5. ອຸດໜູນບຳນານ; 6. ອຸດໜູນເສຍຊີວິດ; 7. ອຸດໜູນສະມາຊິກຄອບຄົວຂອງຜູ້ ເສຍຊີວິດ; 8. ອຸດໜູນວ່າງງານ; ພາຍຫຼັງການບັນຍາຍຊິ້ນສຸດທາງທ່ານປະທານກອງປະຊຸມກໍ່ໄດ້ເປີດໂອກາດໃຫ້ຜູ້ເຂົ້າຮ່ວມກອງປະຊຸມ ສະເໜີຖາມຄຳຖາມເຈາະຈິ້ມເພື່ອແລກປ່ຽນຄຳເຫັນຊຶ່ງກັນ ແລະ ກັນຢ່າງກົງໄປກົງມາຈາກຂໍ້ສະເໜີ ແລະ ຄຳຖາມທີ່ທາງຜູ້ເຂົ້າຮ່ວມໃນ ກອງປະຊຸມທ່ານ ບຸນຍອດ ຈັນທະວອນ ຮອງຜູ້ອຳນວຍການປະກັນສັງຄົມແຫ່ງຊາດກໍ່ໄດ້ຂຶ້ນຮັບເອົາສະເໜີ ພ້ອມກັບຕອບຄຳຖາມໃຫ້ກັບຜູ້ເຂົ້າ ຮ່ວມອັນໄດ້ສ້າງຄວາມເຂົ້າໃຈແກ່ຜູ້ເຂົ້າຮ່ວມຢ່າງຈະແຈ້ງພໍສົມຄວນ, ເວລາ12:00 ໂມງກອງປະຊຸມດັ່ງກ່າວກໍ່ໄດ້ຖືກປິດລົງຢ່າງເປັນທາງການ.


ພາບ-ຂ່າວໂດຍ: ພະແນກປະຊາສຳພັນ