ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ກອງປະຊຸມເຜີຍແຜ່ວຽກງານປະກັນສັງຄົມ ຄັ້ງວັນທີ 10 ພຶດສະພາ 2016 ທີ່ແຂວງຫຼວງນ້ຳທາ.

altໃນຕອນເຊົ້າວັນທີ 10 ພຶດສະພາ 2016 ທີ່ສະໂມສອນແຂວງຫຼວງນ້ຳທາ ໄດ້ມີ ກອງປະຊຸມເຜີຍແຜ່ຄຳແນະນຳ ກ່ຽວກັບການຈັດຕັ້ງປະຕິບັດກົດໝາຍວ່າດ້ວຍການປະກັນ ສັງຄົມ, ສະບັບເລກທີ 2751/ຮສສ ໃຫ້ກຽດເປັນປະທານຮ່ວມກອງປະຊຸມມີ ທ່ານ ຄຳແກ້ວ ສານບຸນຄູນໄຊ ຮອງລັດຖະມົນຕີກະຊວງ ແຮງງານ ແລະ ສະຫວັດດີການ ສັງຄົມ.ທ່ານ ບຸນຍີ ແກ້ວຄູນເມືອງ ຮອງເລຂາພັກແຂວງ, ຮອງເຈົ້າແຂວງ ແຂວງຫຼວງນ້ຳ ທາ ຜູ້ຊີ້ນຳວຽກງານຂົງເຂດວັດທະນະທຳ-ສັງຄົມ,

ນອກຈາກນັ້ນມີ ທ່ານ ບຸນຍອດ ຈັນທະວອນ ຮອງຜູ້ອຳນວຍການຫ້ອງການກອງທືນປະກັນສັງຄົມແຫ່ງຊາດ, ຫົວໜ້າພະແນກ, ຮອງພະແນກ ແລະ ພະນັກງານທີ່ກ່ຽວຂ້ອງ, ແຂກທີ່ຖືກເຊີນຈາກຂະແໜງການຂອງລັດ, ລັດວິສາຫະກິດ ແລະ ຫົວໜ່ວຍແຮງງານອອ້ມຂ້າງແຂວງ ລວມທັງໜົດ 100 ກວ່າທ່ານ, ກ່ອນການເຜີຍແຜ່ຄຳແນະນຳດັ່ງກ່າວ ທ່ານ ຮອງເຈົ້າແຂວງກໍ່ໄດ້ມີບາງຄໍາເຫັນຕໍ່ກອງປະຊຸມວ່າ ການປະກັນສັງຄົມແມ່ນແນວທາງນະໂຍບາຍຂອງພັກ-ລັດ, ການເຂົ້າສູ່ລະບົບປະກັນສັງຄົມແມ່ນສິດ ແລະ ໜ້າທີ່ຂອງພົນລະເມືອງລາວ ໝົດທຸກຄົນ, ເພື່ອເປັນການປະກອບສ່ວນເຂົ້າໃນການສ້າງສາພັດທະນາເສດຖະກິດຂອງຊາດ, ແລະ ຮອງເຈົ້າແຂວງກໍ່ໄດ້ແນະນຳໃຫ້ຜູ້ເຂົ້າຮ່ວມ ທັງໝົດຈົ່ງພ້ອມກັນຮັບຟັງການບັນຍາຍ ເພື່ອຮັບຮູ້ພ້ອມກັນຮູ້ໄດ້ສິດຜົນປະໂຫຍດຂອງຕົນເອງຢ່າງແທ້ຈິງ, ຈາກນັ້ນ ທ່ານ ນາງ ກິ່ງເມືອງ ວົງສາລະວັນ ຮອງພະແນກປະຊາສຳພັນ, ກໍ່ໄດ້ຂຶ້ນນຳສະເໜີຄຳແນະນຳກ່ຽວກັບການຈັດຕັ້ງປະຕິບັດຄຳແນະນຳລຸ່ມກົດໝາຍ ວ່າດ້ວຍການ ປະກັນສັງຄົມ ສະບັບເລກທີ 2751/ຮສສ, ໂດຍສະເພາະໄດ້ລົງເລິກກ່ຽວກັບສິດຜົນປະໂຫຍດ 8 ປະເພດອຸດໜູນໃຫ້ກັບຜູ້ເຂົ້າຮ່ວມໄດ້ຮັບຮູ້ ແລະ ເຂົ້າໃຈ, ພາຍຫຼັງການບັນຍາຍຊິ້ນສຸດ ກໍ່ໄດ້ເປີດໂອກາດໃຫ້ຜູ້ເຂົ້າຮ່ວມຕັ້ງຄໍາຖາມເຈາະຈິ້ມກ່ຽວກັບວຽກງານປະກັນສັງຄົມ, ຈາກນັ້ນທ່ານ ຮອງຜູ້ອຳນວຍການ ຫ້ອງການກອງທືນປະກັນສັງຄົມແຫ່ງຊາດກໍ່ໄດ້ຕອບຄຳຖາມຈາກຜູ້ເຂົ້າຮ່ວມຢ່າງກົງໄປກົງມາ, ເຮັດໃຫ້ຜູ້ເຂົ້າຮ່ວມຈາກ ແຕ່ລະພາກສ່ວນໄດ້ຮັບຄຳຕອບໄດ້ຢ່າງລະອຽດພໍສົມຄວນ, ຈາກນັ້ນ ທ່ານ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ກໍ່ໄດ້ໂອ້ລົມຕໍ່ຜູ້ເຂົ້າຮ່ວມໃນກອງປະຊຸມດັ່ງກ່າວຈົ່ງພ້ອມກັນເຂົ້າສູ່ລະບົບປະກັນສັງຄົມໂດຍສະເພາະແມ່ນຜູ້ອອກແຮງງານຕາມຫົວໜ່ວຍແຮງງານ ແລະ ຜູ້ປະກອບອາຊີບສ່ວນບຸກຄົນ, ຊາວຄ້າຂາຍ, ປະຊາຊົນທຳມະດາກໍ່ສາມາດເຂົ້າຮ່ວມລະບົບປະກັນສັງຄົມໄດ້ ເພື່ອໄດ້ຮັບການ ປົກປ້ອງທາງສັງຄົມຢ່າງແທ້ຈິງ,ຈາກນັ້ນເວລາ 12:00ໂມງ ກອງະຊຸມດັ່ງກ່າວກໍ່ໄດ້ຖືກປິດລົງຢ່າງເປັນທາງການ.


ພາບ-ຂ່າວໂດຍ: ພະແນກປະຊາສຳພັນ