ກວດຂໍ້ມູນຜູ້ເກີດສິດ

ກວດຂໍ້ມູນຜູ້ເກີດສິດ

ປິ່ນປົວຢູ່ໂຮງໝໍ, ພ້ອມຄອບຄົວ

ຕາມເລກລະຫັດບັດປະກັນສັງຄົມ


ຂໍ້ມູນອັບເດດ ວັນທີ 11/12/2017 ເວລາ 

09:56 ສຳລັບພາກວິສະຫະກິດ

ອາທິດລະຄັ້ງ


ຂໍ້ມູນອັບເດດ ວັນທີ 18/12/2017 ເວລາ 

21:50 ສຳລັບພາກລັດ ອາທິດລະຄັ້ງ


ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ຜູ້ອຳນວຍການ ຫກປຊ ລົງເຄື່ອນໄຫວວຽກຢູ່ ແຂວງສະຫວັນນະເຂດ.

altໃນ​ລະຫວ່າງ​ວັນທີ 28 ມີນາ - 1 ​ເມສາ 2016 ຜູ້ອຳນວຍການ​ຫ້ອງການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ ​ແລະ ທິມງານ ​ໄດ້​ລົງ​ເຄື່ອນ​ໄຫ​ວວຽກທາງ​ການທີ່​ແຂວງ​ສະຫວັນ​ນະ​ເຂດ ​ເພື່ອຈັດກອງປະຊຸມ ເຜີຍແຜ່ເນື້ອໃນສັນຍາການໃຫ້ການບໍລິການປິ່ນປົວສຸຂະພາບ ແລະ ວຽກງານປະກັນສັງຄົມໃຫ້ພະນັກ ງານຂອງໂຮງໝໍແຂວງສະຫວັນນະເຂດ.

ກອງປະຊຸມດັ່ງກ່າວໄດ້​ດຳເນີນເປັນເວລາ 2 ວັນ ຄື 29-30 ມີນາ 2016 ທີ່​ຫ້ອງ​ປະຊຸມ​ຂອງ​ໂຮງໝໍ​ແຂວງ ໂດຍການເປັນປະທານຮ່ວມລະຫວ່າງ ທ່ານ ປະເດີມພອນ ສົນທະນີ ຜູ້ອຳນວຍການຫ້ອງການກອງທຶນປະກັນສັງຄົມແຫ່ງຊາດ ແລະ ທ່ານ ດຣ ບຸນມາຍ ຕຸລາບຸດ ຮອງຜູ້ອຳນວຍການໂຮງໝໍແຂວງສະຫວັນນະເຂດ. ກອງ​ປະຊຸມ​ດັ່ງ​ກ່າວໄດ້ຈັດ ເຜີຍແຜ່ວຽກງານອອກເປັນ 2 ເນື້ອໃນ ຄື:

  1. ເຜີຍແຜ່ກ່ຽວ​ກັບການຈັດ​ຕັ້ງ​ປະຕິບັດ​ວຽກ​ງານ​ປະກັນ​ສັງຄົມ ພາຍ​ໃຕ້​ກົດໝາຍ​ວ່າ​ດ້ວຍ​ການ​ປະກັນ​ສັງຄົມ ສະບັບ​ເລກທີ 34/ສພຊ ເພື່ອໃຫ້ພະນັງານແພດໝໍ ໄດ້ຮັບຮູ້ກ່ຽວກັບສິດຜົນປະ ໂຫຍດ ທີ່ຈະໄດ້ຮັບຈາກການເຂົ້າເປັນສະມາຊິກປະກັນສັງຄົມ ໃນຖານະທີ່ເປັນສະມາຊິກປະ ກັນສັງຄົມ.
  2. ເຜີຍແຜ່ສັນຍາການໃຫ້ການບໍລິການວຽກງານປະກັນສຸຂະພາບ ແລະ ວຽກງານປະກັນສັງຄົມ​ໃຫ້​ພະນັກງານຂອງ​ໂຮງໝໍ​ແຂວງທັງ​ໝົດ. ມີຜູ້ເຂົ້າຮ່ວມທັງໝົດ 268 ຄົນ.

​ເພື່ອ​ເປັນ​ການ​ສ້າງ​ຄວາມ​ເຂົ້າ​ໃຈ​ໃຫ້​ກັບ​ພະນັກງານ​ແພດ​ໝໍ ​ໂດຍ​ສະ​ເພາະ​ແມ່ນ​ພັນທະ ​ແລະ ໜ້າ​ທີ່​ຂອງ ຫກປຊ ​ໃນ​ນາມ​ເປັນ​ຜູ້​ຊື້​ບໍລິການ ​ແລະ ພັນທະ ​ແລະ ໜ້າ​ທີ່​ຂອງ​ໂຮງໝໍ​ໃນ​ນາມ​ຜູ້​ໃຫ້​ບໍລິການ​ແກ່​ສະມາຊິກ ກປຊ. ຈາກ​ນັ້ນ, ​ໃນ​ວັນ​ທີ 31 ມີນາ 2016 ກໍ​ໄດ້​ຈັດກອງປະຊຸມເຜີຍແຜ່ວຽກງານປະກັນ ສັງຄົມ ພາຍໃຕ້ກົດໝາຍວ່າດ້ວຍການປະກັນສົງຄົມ ສະບັບເລກທີ34/ສພຊ ໃຫ້ບັນດາຂະແໜງການຈັດຕັ້ງລັດ ແລະ ຫົວໜ່ວຍວິສາຫະກິດພາຍໃນແຂວງສະຫວັນນະເຂດຂຶ້ນ ທີ່ຫໍວັດທະນະທຳ ໄກສອນ ພົມວິຫານ ໃຫ້ກຽດເປັນປະທານໂດຍ ທ່ານ ຄຳພູນ ຕຸໄພທູນ ຄະນະປະຈໍາພັກແຂວງ, ຮອງເຈົ້າແຂວງ ແຂວງສະຫວັນນະເຂດ. ເຂົ້າຮ່ວມໃນພິທີມີ ທ່ານ ນາງ ທຸມມີ ລາດສຸລິນ ຄະນະພັກຮາກຖານ, ຮອງພະແນກແຮງງານແລະສະຫວັດດີການແຂວງ, ທ່ານ ປະເດີມພອນ ສົນທະນີ ຜູ້ອຳນວຍການ ຫ້ອງການກອງທຶນປະກັນສັງຄົມແຫ່ງຊາດ, ທ່ານ ວາລິນ ອິນທະສອນ ຫົວໜ້າສູນບໍລິການປະກັນສັງຄົມ, ທ່ານ ບຸນມາຍ ຕຸລາບຸດ ຮອງຜູ້ອຳນວຍການໂຮງໝໍແຂວງ, ມີບັນດາພະແນກການຈັດຕັ້ງລັດ ແລະ ວິສາຫະກິດພາຍໃນແຂວງ, ພະແນກການກ່ຽວຂ້ອງຈາກຫ້ອງການກອງທຶນປະກນສັງຄົມແຫ່ງຊາດ, ພະນັກງານສູນບໍລິການປະກັນສັງຄົມແຂວງ, ຜູ້ປະສານງານວຽກງານປິ່ນປົວສຸຂະພາບຂອງໂຮງໝໍແຂວງ, ນາຍບ້ານອ້ອມຂ້າງໃນເທດສະບານເມືອງ ແລະ ສື່ມວນຊົນເຂົ້າຮ່ວມທັງໝົດ 138 ທ່ານ.

ໃນກອງປະຊຸມຜູ້ເຂົ້າຮ່ວມໄດ້ຮັບຟັງການໂອ້ລົມຂອງທ່ານປະທານກ່ຽວກັບການຈັດຕັ້ງວຽກງານປະກັນສັງຄົມພາຍໃນແຂວງ, ໄດ້ຮັບຟັງການເຜີຍແຜ່ກົດໝາຍວ່າດ້ວຍການປະກັນສັງຄົມ ລົງເລິກກ່ຽວກັບ ສິດຜົນປະໂຫຍດຕ່າງໆທີ່ຈະໄດ້ຮັບ ຈາກການເຂົ້າເປັນສະມາຊິກປະກັນສັງຄົມ ຈາກພະແນກປະຊາສຳພັນ ແລະ ໄດ້ຮັບຟັງການໂອ້ລົມຂອງທ່ານຜູ້ອຳນວຍການ ຫກປຊ ກ່ຽວກັບ ຄວາມສຳຄັນຂອງວຽກງານ ປະກັນສັງຄົມ ແລະ ຄວາມຈຳເປັນຂອງການມີປະກັນສັງຄົມໃຫ້ພະນັກງານ-ລັດຖະກອນຕາມແນວທາງ ນະໂຍບາຍຂອງພັກ-ລັດຖະບານ ທີ່ໄດ້ກຳນົດໃນກົດໝາຍສະບັບດັ່ງກ່າວ. ນອກ​ນັ້ນ, ຜູ້​ເຂົ້າ​ຮ່ວມ​ກອງ​ປະຊຸມ​ຍັງ​ໄດ້​ຕັ້ງ​ຄຳ​ຖາມ​ສົນທະນາ ​ເພື່ອ​ແລກປ່ຽນ​ຄວາມ​ຄິດ​ເຫັນ​ເຊິ່ງກັນ​ແລະ​ກັນ ​ເຊິ່ງກໍ​ເປັນ​ບັນຍາກາດ​ທີ່​ຟົດ​ຟື້ນ​ມ່ວນ​ຊື່ນ ທັງ​ຮັບປະກັນ​ໄດ້​ເນື້ອ​ໃນ​ທີ່​ເປັນ​ປະ​ໂຫຍ​ດ ສ້າງ​ຄວາມ​ເຂົ້າ​ໃຈ​ໃຫ້​ແກ່​ພະນັກງານ-ລັດຖະກອນ​ທີ່​ເຂົ້າ​ຮ່ວມ​ກອງ​ປະຊຸມ ​ໄດ້​ຮັບ​ຮູ້ ​ແລະ ​ເຂົ້າ​ໃຈ​ກ່ຽວ​ກັບ​ວຽກ​ງານ​ປະກັນ​ສັງຄົມ ​ໂດຍ​ສະ​ເພາະ​ແມ່ນ​ສິດຜົນປະ​ໂຫຍ​ດທີ່​ຈະ​ໄດ້​ຮັບ​ຈາກ​ການ​ເຂົ້າ​ເປັນ​ສະມາຊິກ​ປະກັນ​ສັງຄົມ ​ໂດຍ​ສະ​ເພາະ​ແມ່ນໃນກໍ ລະນີ​ຜູ້​ປະກັນ​ຕົນ ຫຼື ສະມາຊິກຄອບຄົວເກີດ​ເຫດການ​ໃດ​ໜຶ່ງ ທີ່​ພາ​ໃຫ້ມີຄວາມ​ສ່ຽງ​ຕໍ່​ການ​ມີ​ລາຍ​ຈ່າຍ​ເພີ່ມ ​ແລະ ​ໃນ​ເວລາ​ຂາດ​ລາຍ​ຮັບ ​ເຊັ່ນ: ການປິ່ນປົວສຸຂະພາບ​ໃນ​ເວລາ​ເຈັບ​ປ່ວຍ, ອຸດ​ໜູນ​ປ່ວຍການ​ໃນ​ເວລາ​ພັກ​ວຽກ​ຍ້ອນ​ການເຈັບ​ປ່ວຍ, ອອກລູກ ຫຼື ຫຼຸລູກ, ປະສົບອຸບັດຕິເຫດແຮງງານ, ​ເປັນພະຍາດອາຊີບ ຫຼື ປະສົບ​ອຸປະຕິ​ເຫດ​ອື່ນ ທີ່​ເຮັດ​ໃຫ້​ມີ​ການເສຍກຳລັງແຮງງານ ຫຼື ເສຍອົງຄະ, ​ວ່າງງານ, ບຳນານ, ​ເສຍຊີວິດ ​ແລະ ການອຸດໜູນສະມາຊິກຄອບຄົວຂອງ​ຜູ້ເສຍ​ຊີວິດ ຕາມ​ທີ່​ໄດ້​ກຳນົດ​ໄວ້​ໃນກົດໝາຍ ວ່າດ້ວຍການປະກັນສົງຄົມ ສະບັບເລກທີ34/ສພຊ.


ພາບ/ຂ່າວໂດຍ: ພະແນກປະຊາສຳພັນ