ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ກອງປະຊຸມເຜີຍແຜ່ວຽກງານປະກັນສັງຄົມ ພາຍໃຕ້ກົດໝາຍວ່າດ້ວຍການປະກັນສັງຄົມ ສະບັບເລກທີ 34/ສພຊ ທີ່ແຂວງຫົວພັນ.

altໃນວັນທີ 23 ມີນາ 2016 ກອງປະຊຸມເຜີຍແຜ່ວຽກງານປະກັນສັງຄົມ ພາຍໃຕ້ກົດໝາຍ ວ່າດ້ວຍການປະກັນສັງຄົມ ສະບັບເລກທີ 34/ສພຊ ໄດ້ຈັດຂື້ນຢ່າງເປັນທາງການ ຢູ່ທີ່ ຫ້ອງປະຊຸມໃຫຍ່ຂອງພະແນກການ ແລະ ການລົງທຶນ ແຂວງຫົວພັນ, ພາຍໃຕ້ການເປັນ ປະທານຮ່ວມຂອງ ທ່ານ ດຣ ຄຳແກ້ວ ສານບຸນຄຸນໄຊ ຮອງເລຂາຄະນະພັກກະຊວງ ລັດຖະມົນຕີຊ່ວຍວ່າການ ກະຊວງ ຮສສ

ແລະ ທ່ານ ພູໂຊນ ທຳມະວິໄຊ ຄະນະປະຈຳພັກແຂວງ ຮອງເຈົ້າແຂວງ ແຂວງຫົວພັນ, ຜູ້ຊີ້ນຳວຽກງານວັດທະນາທຳ-ສັງຄົມ. ນອກນີ້ ຍັງມີ ບັນດາພະແນກການອ້ອມຂ້າງແຂວງ, ສາມອົງການຈັດຕັ້ງມະຫາຊົນ, ມີບັນດາຫ້ອງການທີ່ຂື້ນກັບເມືອງຊຳເໜືອ ແລະ ຜູ້ຕາງໜ້າຈາກບັນດາ ຫົວໜ່ວຍວິສາຫະກິດທັງພາກລັດ ແລະ ເອກະຊົນ ທັງໝົດ 90 ກ່ວາຄົນ.

ຈຸດປະສົງຂອງກອງປະຊຸມໃນຄັ້ງນີ້ ແມ່ນເພື່ອເຜີຍແຜ່ວຽກງານປະກັນສັງຄົມ ເວົ້າລວມ, ເວົ້າສະເພາະແມ່ນພາກວິສາຫະກິດ ເພື່ອກະກຽມ ຮອງຮັບການບໍລິການປະກັນສັງຄົມພາກວິສາຫະກິດ, ເພື່ອແນໃສ່ຮັບປະກັນການຄຸ້ມຄອງຜູ້ອອກແຮງງານໃນຫົວໜ່ວຍວິສາຫະກິດ ພ້ອມຄອບຄົວ ໃຫ້ໄດ້ຮັບສິດຜົນຜະໂຫຍດຈາກລະບອບປະກັນສັງຄົມ.

ພາຍຫລັງກ່າວເປີດກອງປະຊຸມຢ່າງເປັນທາງການ, ທ່ານ ດຣ ຄຳແກ້ວ ສານບຸນຄຸນໄຊ ຮອງເລຂາຄະນະພັກກະຊວງ ຮສສ ລັດຖະມົນຕີ ຊ່ວຍວ່າການກະຊວງ ຮສສ ກໍ່ໄດ້ນຳສະເໜີພາບລວມໃນການຈັດຕັ້ງປະຕິບັດວຽກງານປະກັນສັງຄົມໃນໄລຍະທີ່ຜ່ານມາ ແລະ ຄວາມໝາຍ ຄວາມສຳຄັນຂອງວຽກງານດັ່ງກ່າວ. ຕໍ່ມາກໍ່ໄດ້ຮັບຟັງການນຳສະເໜີ 8 ປະເພດການອຸດໜູນຕໍ່ຜູ້ເຂົ້າຮ່ວມກອງປະຊຸມ ໂດຍແມ່ນພະແນກ ປະຊາສຳພັນ ຂອງ ຫກປຊ. ພາຍຫລັງການນຳສະເໜີສີ້ນສຸດ ກໍ່ໄດ້ມີການປະກອບຄຳເຫັນ ແລະ ຄຳສະເໜີ ຈາກແຂກທີ່ເຂົ້າຮ່ວມກອງປະຊຸມ.

ໃນຕອນທ້າຍກອງປະຊຸມ ຍັງໄດ້ຮັບຟັງການໃຫ້ຄຳເຫັນຂອງ ທ່ານ ພູໂຊນ ທຳມະວິໄຊ ຄະນະປະຈຳພັກແຂວງ ຮອງເຈົ້າແຂວງ ແຂວງ ຫົວພັນ, ກ່ອນອື່ນທ່ານໄດ້ຍ້ອງຍໍຊົມເຊີຍຜົນງານທີ່ຍາດມາໄດ້ຂອງຂະແໜງແຮງງານ ແລະ ສະຫວັດດີການສັງຄົມ ເວົ້າລວມ, ເວົ້າສະເພາະ ແມ່ນວຽກງານປະກັນສັງຄົມຂອງສູນບໍລິການປະກັນສັງຄົມໃນໄລຍະທີ່ຜ່ານມາ. ນອກນີ້ ທ່ານຍັງເນັ້ນໃຫ້ທຸກພາກສ່ວນເພີ່ມທະວີຄວາມເອົາໃຈໃສ່ ແລະ ຕື່ນຕົວໃນການປະຕິບັດກົດໝາຍປະກັນສັງຄົມ, ແລະ ເປັນເຈົ້າການໃນການຮ່ວມມື, ປະສານງານ ໃຫ້ຂໍ້ມູນແກ່ສູນບໍລິການກອງທຶນ ແຂວງ. ກອງປະຊຸມໄດ້ປິດລົງໃນເວລາຕໍ່ມາ.