ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ພິທີເຊັນບົດບັນທຶກການບໍລິການປິ່ນປົວສຸຂະພາບ ລະຫວ່າງ ສກປສ ກັບໂຮງໝໍແຂວງ ແລະ 14 ໂຮງໝໍເມືອງ.

alt

ໃນລະຫວ່າງວັນທີ 29 ທັນວາ 2015 ໄດ້ມີກອງປະ ຊຸມຖອດຖອນບົດຮຽນ ແລະ ພິທີ ເຊັນບົດບັນທຶກກ່ຽວກັບການສະໜອງບໍລິການປິ່ນປົວສຸຂະພາບ ພາຍໃຕ້ລະບົບປະກັນ ສັງຄົມ ລະຫວ່າງສູນບໍລິການກອງທຶນປະກັນສັງຄົມ ແລະ ບັນດາໂຮງໝໍແຂວງ ແລະ 14 ໂຮງໝໍເມືອງ. ໂດຍການເປັນປະທານຮ່ວມລະຫວ່າງ ທ່ານ ດຣ ກົງຈັກ ໜໍ່ແກ້ວ ຄະນະປະຈຳພັກແຂວງ ຫົວໜ້າພະແນກການເງິນແຂວງ

ແລະ ທ່ານ ບຸນຍອດ ຈັນທະວອນ ຮອງຜູ້ອຳນວຍການກອງທຶນປະກັນສັງຄົມແຫ່ງຊາດ ຊຶ່ງເຂົ້າຮ່ວມກອງປະຊຸມໃນຄັ້ງນີ້ມີ ຮອງຫົວໜ້າ ພະແນກແຮງງານ ແລະ ສະຫວັດດີການສັງຄົມ ພ້ອມດ້ວຍຫົວໜ້າຂະແໜງປະກັນສັງຄົມ, ພະນັກງານວິຊາການ ຫກປຊ 2 ທ່ານ, ຄະນະ ອຳນວຍການໂຮງໝໍ ແຂວງ ພ້ອມດ້ວຍຜູ້ປະສານງານ 4 ທ່ານ, ຄະນະພະແນກສາທາແຂວງ, ຄະນະອຳນວຍການໂຮງໝໍເມືອງ 14 ເມືອງ, ຫົວໜ້າແຮງງານ ແລະ ສະຫວັດດີການເມືອງ 15 ເມືອງ, ຄະນະກຳມະການ ຫ້ອງການປະກັນສຸຂະພາບແຫ່ງຊາດ ແຂວງສະຫວັນນະເຂດ ແລະ ຫົວໜ້າສູນບໍລິ ການກອງທຶນປະກັນສັງຄົມແຂວງ ພ້ອມດ້ວຍພະນັກງານວິຊາການ ກໍ່ໄດ້ເຂົ້າຮ່ວມຢ່າງພ້ອມພຽງ.

ກອງປະຊຸມ ໄດ້ດຳເນີນໄປດ້ວຍການຍົກບັນຫາກ່ຽວກັບການສະໜອງການບໍລິການປິ່ນປົວສຸຂະພາບ ພາຍໃຕ້ລະບົບປະກັນສັງຄົມ ເພື່ອມາແລກ ປ່ຽນ ແລະ ຖອດຖອນບົດຮຽນນຳກັນ ເພື່ອຄວາມເປັນເອກະພາບໃນການຈັດຕັ້ງປະຕິບັດ ແລະ ຮັບປະກັນໃນການສະໜອງບໍລິການ ຢ່າງມີຄຸນນະພາບ. ນອກຈາກນີ້ ກອງປະຊຸມຍັງໄດ້ມີການຜ່ານຮ່າງເນື້ອໃນ ແລະ ເຊັນບົດບັນທຶກໃຫ້ການບໍລິການທາງດ້ານການແພດ ແກ່ ຜູ້ປະກັນຕົນ ແລະ ຜູ້ເກີດສິດປິ່ນປົວຂອງລະບົບປະກັນສັງຄົມ. ການເຊັນບົດບັນທຶກລະຫວ່າງສູນບໍລິການກອງທຶນ ແລະ ບັນດາໂຮງໝໍແຂວງ ແລະ 14 ໂຮງໝໍເມືອງໃນຄັ້ງນີ້ ກໍ່ແມ່ນເພື່ອເປັນການສືບຕໍ່ໃນການບໍລິການປິ່ນປົວສຸຂະພາບ ແກ່ສະມາຊິກທັງພະນັກງານພາກລັດ, ພາກວິສາ ຫະກິດ ແລະ ຜູ້ປະກັນຕົນແບບສະໝັກໃຈ ພາຍໃຕ້ລະບົບປະກັນສັງຄົມ. ສັນຍາໃໝ່ຄັ້ງນີ້ ແມ່ນໄດ້ມີການປັບປຸງຫລາຍດ້ານ ໂດຍສະເພາະໄດ້ ມີການປັບປຸງອັດຕາມອບເໝົາໃໝ່ເພີ່ມຂື້ນ ເພື່ອໃຫ້ແທດເໝາະກັບພື້ນຖານຂອງການສຶກສາຕົ້ນທຶນປິ່ນປົວຕົວຈິງ, ໂດຍເພີ່ມຂື້ນຈາກ 75,000 ກີບ/ຄົນ/ປີ ຈາກສົກປີ 2014-2015 ມາເປັນ 105,000 ກີບ/ຄົນ/ປີ ໃນສົກປີ 2015-2016 ແລະ ໄດ້ສະໜອງເພີ່ມຕື່ມບາງກໍລະນີພະຍາດຊຳ ເຮື້ອ ແລະ ກໍລະນີທີ່ມີຄ່າໃຊ້ຈ່າຍສູງຕື່ມ. ນອກຈາກນີ້ ສັນຍາກໍ່ຍັງໄດ້ກຳນົດບາງລາຍການຍົກເວັ້ນ ທີ່ລະບົບປະກັນສັງຄົມຍັງບໍ່ທັນໄດ້ໃຫ້ການ ຄຸ້ມຄອງ.

ພາຍຫລັງຕົກລົງເຫັນດີເປັນເອກະພາບກັນແລ້ວ ຈຶ່ງໄດ້ມີພິທີເຊັນບົດບັນທຶກລະຫວ່າງ ສກປສ ກັບບັນດາໂຮງໝໍແຂວງ ແລະ ຜູ້ອຳນວຍການໂຮງໝໍ 14 ເມືອງ ຢ່າງເປັນທາງການ ພາຍໃຕ້ການເປັນປະທານຂອງ ທ່ານ ດຣ ກົງຈັກ ໜໍ່ແກ້ວ ກຳມະການປະຈຳພັກແຂວງ ຫົວໜ້າພະແນກ ການເງິນແຂວງ, ທ່ານ ບຸນຍອດ ຈັນທະວອນ ຮອງຜູ້ອຳນວຍການກອງທຶນປະກັນສັງຄົມແຫ່ງຊາດ ແລະ ທ່ານ ນ ທຸມມີ ລາດສຸລິນ ຮອງພະແນກ ຮສສ ແຂວງ ເປັນຄະນະປະທານຮ່ວມ.