ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 16/10/2017 ເວລາ 14:24 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 16/10/2017ເວລາ 14:24 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ກອງປະຊຸມເຊັນສັນຍາການບໍລິການປິ່ນປົວສຸຂະພາບ ລະຫວ່າງ ໂຮງໝໍແຂວງເມືອງທົ່ວແຂວງ ແລະ ເມືອງທ່າໂທມ

altໃນເວລາ 8:30 ຂອງວັນທີ 24 ທັນວາ 2015 ທີ່ຫ້ອງການປະຊຸມຂອງພະແນກແຮງງານ ແລະ ສະຫວັດດີການສັງຄົມແຂວງຊຽງຂວາງ ໄດ້ຈັດກອງປະຊຸມເຊັນສັນຍາການບໍລິການ ປິ່ນປົວສຸຂະພາບຕາມລະບົບປະກັນສັງຄົມ ລະຫວ່າງ ໂຮງໝໍແຂວງ ກັບ ບັນດາໂຮງ ໝໍເມືອງພາຍໃນແຂວງຊຽງຂວາງ  ແລະ ເມືອງທ່າໂທມ ຂື້ນຢ່າງເປັນທາງການ ໂດຍເປັນ ປະທານຂອງທ່ານ ວ່າງ ເລ່ຍ ຮອງຫົວໜ້າພະແນກແຮງງານ

ແລະ ສະຫວັດດີການສັງຄົມແຂວງ ຜູ້ຊີ້ນຳວຽກງານປະກັນສັງຄົມ ແລະ ເປັນກຽດເຂົ້າຮ່ວມຂອງທ່ານ ນາງ ຈັນທະສອນ ພູນສຸກ ຮອງຫົວໜ້າຫ້ອງວ່າການປົກຄອງແຂວງຊຽງຂວາງ, ທ່ານ ເຢ້ ຢ່າງ ຮອງຫົວໜ້າພະແນກສາທາລະນະສຸກແຂວງ, ມີບັນດາທ່ານຫົວໜ້າ ຮອງ ຫົວໜ້າຫ້ອງການສາທາລະນະສຸກເມືອງ ໂຮງໝໍເມືອງ, ຮອງຜູ້ອຳນວຍການ ໂຮງໝໍແຂວງ, ຫົວໜ້າຫ້ອງການກອງທຶນປະກັນສຸຂະພາບປະຈຳ ແຂວງຊຽງຂວາງ, ຕາງໜ້າຂະແໜງປະກັນສັງຄົມ ແລະ ພະນັກງານວິຊາການທີ່ກ່ຽວຂັ້ນແຂວງ, ຂັ້ນເມືອງ ລວມທັງໝົດ 40 ທ່ານ ຍິງ 14 ທ່ານ.

ກ່ອນອື່ນທ່ານ ວ່າງ ເລ່ຍ ຮອງຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ ຜູ້ຊີ້ນຳວຽກງານປະກັນສັງຄົມ ໄດ້ກ່າວເປີດ ພິທີຢ່າງເປັນທາງການ; ຈາກນັ້ນທ່ານ ດຣ ບຸນຜອງ ພີມມະຈັນ ຮອງຫົວໜ້າໂຮງໝໍແຂວງຊຽງຂວາງ ກໍ່ໄດ້ຜ່ານບົດສະຫລຸບການຈັດຕັ້ງ ປະຕິບັດວຽກງານປິ່ນປົວສຸຂະພາບໃນໄລຍະ 1 ປີຜ່ານມາ ແລະ ຜ່ານເນື້ອໃນສັນຍາລະຫວ່າງໂຮງໝໍແຂວງ ກັບບັນດາໂຮງໝໍເມືອງພາຍໃນ ແຂວງຊຽງຂວາງ ແລະ ເມືອງທ່າໂທມ ພາຍຫລັງສຳເລັດເອກະສານດັ່ງກ່າວ ປະທານກອງປະຊຸມກໍ່ໄດ້ຊີ້ນຳໃຫ້ຜູ້ແທນກອງປະຊຸມຄົ້ນຄ້ວາ ປະກອບຄຳຄິດ ຄຳເຫັນໃສ່ບົດສະຫລຸບ ແລະ ເນື້ອໃນສັນຍາ ເພື່ອໃຫ້ມີເນື້ອໃນຄົບຖ້ວນ. ຈາກນັ້ນຜູ້ແທນກອງປະຊຸມກໍ່ໄດ້ພ້ອມຄົ້ນຄ້ວາ ປະກອບຄຳຄິດຄຳເຫັນຢ່າງກົງໄປກົງມາ ແລະ ມີຄວາມເປັນເອກະພາບສູງຈົນສາມາດກ້າວເຂົ້າສູ່ການເຊັນສັນຍາໄດ້ຢ່າງສົມບູນ. ກອງປະຊຸມດຳເນີນມາເຖິງເວລາ 12:30 ຂອງວັນດຽວກັນກໍ່ໄດ້ສຳເລັດລົງຕາມຈຸດປະສົງ ແລະ ລະດັບຄາດໝາຍ.



ພາບ/ຂ່າວ: ພະແນກປະຊາສໍາພັນ

ພະແນກປະຊາສໍາພັນ