ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ກອງປະຊຸມປຶກສາຫາລື ແລະ ພິທີເຊັນສັນຍາການບໍລິການປິ່ນປົວສຸຂະພາບ ລະຫວ່າງ ຫກປຊ ແລະ ໂຮງໝໍແຂວງໄຊສົມບູນ.

ຕອນ​ເຊົ້າ​ຂອງ​ວັນ​ທີ 12 ມັງກອນ 2016 ໄດ້​ມີ​ກອງ​ປະຊຸມ​ປຶກສາ​ຫາລື ​ແລະ ພິທີ​ເຊັນ​ສັນຍາ ກ່ຽວ​ກັບ​ການບໍລິການ​ປິ່ນປົວ​ສຸຂະພາບ ພາຍ​ໃຕ້​ລະບົບ​ປະກັນ​ສັງຄົມ ລະຫວ່າງ​ຫ້ອງການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ ​ແລະ ​ໂຮງໝໍ​ແຂວງ​ໄຊ​ສົມບູນ

ໂດຍການ​ເປັນ​ປະທານ​ຂອງ​ທ່ານ ປະ​ເດີມ​ພອນ​ ສົນທະນີ ຜູ້ອຳນວຍການຫ້ອງການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ, ມີຜູ້ອຳນວຍການ​ໂຮງໝໍ​​ເສດ​ຖາ​ທິລາດ, ຫົວໜ້າພະແນກສາທາລະນະສຸກແຂວງ, ຜູ້ອຳນວຍການໂຮງໝໍແຂວງ, ມີບັນດາຄະນະພະແນກແຮງງານ ແລະ ສະຫວັດດີ ການແຂວງ, ສະຫວັດດີການເມືອງ, ຄະນະອຳນວຍການໂຮງໝໍເມືອງ, ຄະນະພະແນກກົມປະກັນສັງຄົມກະຊວງແຮງງານ ແລະ ສະຫວັດດີ ການສັງຄົມ, ຕ່າງໜ້າພະແນກ ແລະ ວິຊາການກ່ຽວຂ້ອງຂອງແຕ່ລະພາກສ່ວນເຂົ້າຮ່ວມ ລວມທັງໝົດ 25 ທ່ານ . ກອງ​ປະຊຸມ​ໄດ້​ປຶກສາ​ຫາລື​ ແລກປ່ຽນ​ບົດຮຽນ​ຊຶ່ງ​ກັນ​ ແລະ​ກັນ ​ເຖິງຂໍ້ສະດວກ ​ແລະ ຂໍ້​ຫຍຸ້ງຍາກ​​ ໃນ​ການຈັດຕັ້ງ​ປະຕິບັດ​ວຽກງານ​ປະກັນ​ສຸຂະພາບ​​ໃນ​ໄລຍະ​ຜ່ານ​ມາ​ເຊັ່ນ: ການ​ສົ່ງຕໍ່​ຄົນ​ເຈັບຈາກ​ໂຮງໝໍ​ເມືອງ ຫາ ​ໂຮງໝໍ​ແຂວງ, ຈາກໂຮງໝໍ​ແຂວງ ຫາ ​ໂຮງໝໍ​ສູນ​ກາງ​ ​ແລະ ເອື້ອອຳນວຍ​ຄວາມ​ສະດວກ​ໃຫ້​ຜູ້​ປະກັນ​ຕົນ​ກໍຄື​ຜູ້​ເກີດ​ສິດເຂົ້າ​ຮັບ​ການປິ່ນປົວ​ຢູ່​ໂຮງໝໍ​ທີ່​ຕົນ​ເລືອກ​ໄວ້​ຢ່າງ​ສະດວກ.

ນອກຈາກ​ນີ້ ກອງ​ປະຊຸມຍັງ​ໄດ້​ຜ່ານ​ຮ່າງ​ເນື້ອ​ໃນ​ ​ແລະ ສັນຍາ​ການ​ໃຫ້​ບໍລິການ​ທາງ​ດ້ານ​ການ​ແພດ​ແກ່​ຜູ້​ປະກັນ​ຕົນ ແລະ ຜູ້​ເກີດ​ສິດ​ປິ່ນປົວ​ໃນ​ລະບົບ​ປະກັນ​ສັງຄົມ, ການ​ເຊັນ​ສັນຍາ​ລະຫວ່າງ​ຫ້ອງການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ ​ແລະ ໂຮງໝໍ​ແຂວງໄຊ​ສົມບູນຄັ້ງ​ນີ້ ​ກໍ​ເພື່ອ​​ເປັນ​ການ ສືບ​ຕໍ່​ໃນ​ການ​ປິ່ນປົວ​ສຸຂະພາບ​ແກ່​ສະມາຊິກ​ທັງ​ພາກ​ລັດ, ພາກວິ​ສາ​ຫະກິດ ​ແລະ ຜູ້​ປະກັນ​ຕົນ​ແບບ​ສະໝັກ​ໃຈ ພາຍ​ໃຕ້​ລະບົບ​ປະກັນ​ສັງຄົມ. ສັນຍາ​ຄັ້ງ​ນີ້​ແມ່ນ​ໄດ້​ມີ​ການ​ປັບປຸງ​ຫຼາຍ​ດ້ານ​ໂດຍ​ສະ​ເພາະ​ແມ່ນ​ການປັບປຸງອັດຕາເງິນ​ມອບ​ເໝົາ​ໃໝ່​ເພີ່ມ​ຂຶ້ນ​ຈາກ 85.000ກີບ /ຄົນ/ປີ ມາ​ເປັນ 105.500ກີບ/ຄົນ/ປີ ຊຶ່ງ​ໄດ້ເລີ່​ມປະຕິບັດ​ມາ​ແຕ່​ເດືອນ 1 ຕຸລາ 2015, ຟອກ​ໄຂ່ຫຼັງ​ໄດ້ 5ຄັ້ງ ກໍລະ​ນີ້​ໄຂ່ຫຼັງ​ຊຸດ​ໂຊມ​ຊ້ຳ​ເຮື້ອ,ການ​ປິ່ນປົວ​ດ້ວຍ​ເຄມີ​ບຳບັດກໍລະນີ​ເປັນ​ພະຍາດ​ມະ​ເຮັງ, ​ຄຸ້ມ​ຄອງ​ຜູ້​ປະກັນ​ຕົນ​ໃນການ​ສັນຈອນ​ຕາມ​ທ້ອງ​ຖະໜົນ​​ເຊັ່ນ: ອອກ​ຈາກ​ບ້ານ​ໄປ​ຫ້ອງການ ອອກ​ຈາກ​ຫ້ອງການ​ເມືອ​ເຮືອນ​ ຍົກ​ເວັ່ນກໍລະນີ​ມືນ​ເມົາ,ນອກຈາກ​ນີ້ ຍັງ​ໄດ້​ສະໜອງ​ເພີ່ມ​ຕື່ມ​ບາງ​ກໍລະນີ​ພະຍາດ​ຊ້ຳ​ເຮື້ອ ​ແລະ ກໍລະນີ​ທີ່​ມີຄ່າ​ໃຊ້​ຈ່າຍ​ສູງ ​ແລະອື່ນໆຕື່ມ​ອີກ. ການ​ເຊັນ​ສັນຍາ​ທາງ​ດ້ານ​ການແພດ​ລະຫວ່າງຫ້ອງການ​ກອງ​ທຶນ​ປະກັນ​ສັງຄົມແຫ່ງ​ຊາດ​ ກັບ​ ໂຮງໝໍ​​ແຂວງ​ໄຊ​ສົມບູນ​ຄັ້ງ​ນີ້ ​​ຊຶ່ງ​ທາງ​ສອງ​ຝ່າຍ​ຈະ​ໄດ້​ພ້ອມ​ກັນ​ປັງ​ປຸງ ​ແລະ ​ພັດທະນາ​ຢ່າງ​ຕໍ່​ເນື່ອງ​ໂດຍ​ມີ​ການຖອດຖອນ​ບົດຮຽນການ​ໃຫ້​ບໍລິການ​ປິ່ນປົວສຸຂະພາບ​ແກ່​ສະມາ ຊິກ​ປະກັນ​ສັງຄົມ​​ທັງ​ພາກ​ລັດ ​ແລະ ພາກ​ວິ​ສາ​ຫະກິດ​ໃຫ້​ສະດວກ​ຂຶ້ນ​ເລື່ອຍໆ.



ພາບ/ຂ່າວ: ທ່ານ ນ. ກິ່ງເມືອງ ວົງສາລະວັນ.