ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ພິທີມອບ-ຮັບ ໂຄງການກໍ່ສ້າງ ຫ້ອງການກອງທຶນປະກັນສັງຄົມແຫ່ງຊາດ.

ໃນຕອນເຊົ້າຂອງວັນທີ 08 ມັງກອນ 2016 ຢູ່ບ້ານທົ່ງສ້າງນາງ ເມືອງຈັນທະບູລີ ນະ ຄອນຫລວງວຽງຈັນ, ໄດ້ມີພິທີມອບ-ຮັບ ໂຄງການກໍ່ສ້າງ ຫ້ອງການກອງທຶນປະກັນສັງຄົມ ແຫ່ງຊາດ


ໃຫ້ກຽດຮ່ວມເປັນສັກຂີພະຍານໃນຄັ້ງນີ້ແມ່ນ ທ່ານ ດຣ ຄຳແພງ ໄຊສົມແພງ ກຳມະການສູນກາງພັກ ລັດຖະມົນຕີວ່າການ ກະຊວງແຮງງານ ແລະ ສະຫວັດດີການສັງຄົມ, ນອກນັ້ນຍັງມີລັດຖະມົນຕີຊ່ວຍວ່າການ, ຫົວໜ້າຫ້ອງການ, ຫົວໜ້າກົມ, ຮອງກົມ, ຄະນະອຳນວຍການຂອງຫ້ອງ ການກອງທຶນປະກັນສັງຄົມແຫ່ງຊາດ, ຄະນະພະແນກ, ພະນັກງານວິຊາການອ້ອມຂ້າງກະຊວງ ຮສສ ພ້ອມດ້ວຍແຂກຖືເຊີນ ແລະ ສື່ມວນຊົນທັງໝົດປະມານ 100 ກ່ວາຄົນ.

ຫ້ອງການກອງທຶນປະກັນສັງຄົມ ປະກອບດ້ວຍຕຶກອາຄານ 5 ຊັ້ນ ຈຳນວນ 2 ຫລັງ ແລະ ອາຄານສະໂມສອນ 2 ຊັ້ນ ຈໍານວນ 1 ຫລັງ, ໃນນັ້ນລວມມີຕຶກ: A, B ແລະ C ຊຶ່ງອາຄານ A ເປັນຫ້ອງປະຊຸມໃຫຍ່ບັນຈຸໄດ້ 300 ຄົນ ມີຫ້ອງບັນຊາເຄື່ອງສຽງ ຫ້ອງລໍຖ້າສຳລັບວີໄອພີ, ຕົວອາຄານມີໂຄງສ້າງເສີມເຫລັກ ເບຕົງ ກໍ່ດ້ວຍດິນຈີ່ ມຸງຊີແພັກ, ເລີ່ມລົງມືກໍ່ສ້າງໃນເດືອນ 08/2012 ແລະ ສຳເລັດເດືອນ 12/2015, ໂດຍບໍລິສັດ ກຸ່ມ ຄຳໄພ່ຊະນະ ຈຳກັດຜູ້ດຽວ ແລະ ບໍລິສັດ IAC ສຳຫລວດອອກແບບ ເປັນທີ່ປຶກສາກໍ່ສ້າງ, ມີມູນຄ່າການກໍ່ສ້າງ 43ຕື້ກ່ວາກີບ. ໃນພິທີກ່າວມອບໂດຍ ທ່ານ ຄຳໄພ່ ສົມຊະນະ ປະທານກຸ່ມບໍລິສັດ ຄຳໄພ່ຊະນະກໍ່ສ້າງ ຈຳກັດຜູ້ດຽວ, ກ່າວຮັບໂດຍ ທ່ານ ບຸນຄົງ ຫລ້າສຸກັນ ລັດຖະມົນຕີຊ່ວຍວ່າການ ກະຊວງແຮງງານ ແລະ ສະຫວັດດີການສັງຄົມ ແລະ ທ່ານລັດຖະມົນຕີຊ່ວຍ ໄດ້ມອບສົ່ງຕໍ່ໃຫ້ ທ່ານ ປະເດີມພອນ ສົນທະນີ ຜູ້ອຳນວຍການ ຂອງ ຫ້ອງການກອງທຶນປະກັນສັງຄົມແຫ່ງຊາດ ເພື່ອນຳໃຊ້ໃຫ້ຖືກຕາມຈຸດປະສົງ ແລະ ປົກປັກຮັກສາເຂົ້າໃນການປະຕິບັດວຽກງານປະກັນສັງຄົມຕໍ່ໄປໃຫ້ມີປະສິດທິຜົນ; ເພື່ອເປັນການເອົາເລີກເອົາໄຊ ໃນພິທີໄດ້ມີການຕັດແຖບຜ້າ ແລະ ປ່ອຍປຸມເປົ້າ ເພື່ອເປີດຫ້ອງການກອງທຶນປະກັນສັງຄົມແຫ່ງຊາດ ຫລັງໃໝ່ຢ່າງເປັນທາງການ. ພິທີດັ່ງ ກ່າວໄດ້ສຳເລັດລົງໃນເວລາ 11:00 ດ້ວຍຜົນສຳເລັດອັນຈົບງາມ.



ພາບ/ຂ່າວໂດຍ: ພະແນກປະຊາສຳພັນ.